جماعه هو اي الحل ف كترة النسيان واني بذاكر مره واتنين وبرضو مفيش معلومة ثابتة ف دماغي
السلام عليكم ورحمه الله بننسى حاجه مهمه جدا جدا جدا واحنا بنذاكر تمام ان احنا ندي فرصه لعقلنا ندي فرصه لافكارنا ان هي تهدى انها تاخذ بريك. ففي بريك بنعمله بيبقى مزيف وده هو اللي انا اقصده بالضبط انه كده مخدتش بريك لو انا اخذت بريك من المذاكره طول ما انا واخد البريك قاعد بفكر انا لما هبدأ مذكره تاني هعمل ايه وهلحق الم ايه وهشوف ازاي وهعمل ايه ويا لهوي يا خرابي يبقى انا كده مخدتش بريك البريك لازم يكون بريك حقيقي يعني لو أنا مبعرفش بعد ما اسيب الكتاب اعرف اهدا يبقى انا لازم اعمل اي نشاط يجبرني إنه ياخذ مخي لمكان ثاني وهنا النشاط ده ما ينفعش خالص ان هو يبقى جامد العبها ما ينفعش خالص ان هو يبقى فيديوهات اتفرج عليها ريلز او غيره مينفعش خالص ليه لان ده هيعمل إرهاق للمخ فانا لما هرجع اذاكر انا مش هكون عندي القابليه تجاه المذاكره ولا عندي نفسي نسبه التركيز برده هنسى فهناخدها كده واحده واحده انا هعمل لنفسي. تدريب كده يكون على قد قدراتي طبعا القدرات بتختلف من شخص ممكن شخص يقعد نص ساعه تركيز الشخص ده يعرف يقعد ساعه تركيزي احنا مش زي بعض فانا لازم احترم قدرتي فانت هتشوف قدرتك تستحمل قد ايه تركيزه تركيزك بيفصل بعد قد ايه وتحترم النقطه دي وتبدا تقعد على قد الوقت اللي انت تركيزك بيجيب آخره فيه وتبدا تذاكر خلص الوقت اللي تركيزك فيه وتركيزك بدأ يروح تقوم على طول ونبدا نعمل نشاط ناخد فيه البريك النشاط ده ممكن على فكره أنزل الشارع اتمشى شويه في وسط ما انا بتمشى ابقى اعمل حسابي ان انا مثلا هتمشى وانا مش في ايدي الموبايل خالص هتمشى اروح اشتري حاجه لوالدتي ممكن اقوم اخد دش الميه مفعولها جميل جدا ممكن اقوم. اعمل اي رياضه سريعه جري في المكان استرتشات اي حاجه اوكي وبعدين ارجع ثاني اذاكر نفس كميه الوقت اللي برده انا ما ازودش فيه عن التركيز بتاعي وهكذا لازم نعمل كده طبعا النوم كويس مهم جدا جدا جدا اي حاجه حاليا بتاخد دماغنا وبترهقها زي ما انا قلت كده الفيديوهات وغيرها انا هبعد عنها تماما علشان انت دلوقتي بتسأل عشان تساعد نفسك فاتمنى انك تاخد بالك من الحاجات دي كويس جدا.
تم النشر السبت، ١٤ يونيو ٢٠٢٥
روح حلل اولا شوف يمكن في انيميا أو نقص في فيتامين د مخليك كده و ساعتها بقي هتشتغل ع الحته دي وراجع برضوا نفسك طريقه مذكرتك يمكن فيها حاجه غلط او مش بتذاكر بتركيز وابعد عن اي حاجه بتشتتك جرب تشرح لنفسك كده احنا مبننساش الكلام اللي بنقولوا لنفسنا وربنا يوفقك يارب ويوفقنا
تم النشر الأحد، ١٥ يونيو ٢٠٢٥
لو لقيت حل لينا احنا الاتنين يبقى جزاهم الف خير 🙂... الموضوع ظهر عليا مؤخرا بس انا عرفت السبب انه دماغى بقيت مزحومه ب افكار ومسكينه مفيش مساحه لأنها تذاكر ولا تعرف تركز ومشتته ف لو انت برضو عندك نفس الموضوع ده وانك بتفكر كتير وتسرح لم تجى تذاكر سيب المذاكره واستغفر 5 دقايق او سيبها خالص وقوم غير مكانك اعمل حاجه تانى وأرجع واوعى تضغط نفسك حاول تذاكر بنظام الفترات القصيره + راحه ده هيساعد انك تستعيد التركيز من اول وجديد ف كل مره ممكن مثلا مذاكره 25 دقيقه بتركيز + 5 دقايق راحه وطبعا ال 5 دقايق دى مش هتكون ع الموبايل روح غلس ع اى حد ف البيت وأرجع فيهم 😅.. او روح اعمل حاجه تروق بيها أعصابك عصير ليمون مثلا اى حاجه... ف الاخر طبعا انا عندي المشكله دى زيك بس حبيت اساعد يمكن المشكله فيا وف الآخر متنساش تدعيلى طالبه ثانوى عامه 🥰
تم النشر الأحد، ١٥ يونيو ٢٠٢٥
غالبا انت بتكون مش داخل في مود المذاكرة و بتذاكر عشان عايز تخلص و خلاص، لكن لو بتذاكر بتركيز الموضوع هيفرق، و انت بتقول ان انت دايما متشتت ف و انت بتذاكر خلي دايما معاك نوتة صغيرة أو ورقة و اي حاجة جت في تفكيرك بتشتتك عن المذاكرة اكتبها في الورقة دي عشان متفكرش فيها تاني، و ذاكر في بيئة هادية خالية من المشتتات و اولهم الموبايل إلا للضرورة لو هتظبط منبه ولا حاجة، و بين المذاكرة وقف شوية و اعمل تمارين تنفس عشان تطلع كل حاجة من دماغك و تحس براحة عشان تعرف ترجع تكمل تاني
تم النشر الأحد، ١٥ يونيو ٢٠٢٥
في كذة طريقة للمذاكرة ولكن افضلهم طريقة الطماطم انا عارفة الاسم غريب شوية😅 الطريقة دي بانك تحسب وقت للمذاكرة من ربع لتلت ساعة وكل ما تخلص وقتك خدلك راحة خمس دقايق والطريقة دي تعتبر من اكتر الطرق الناجحة لانك بتدي استراحة وفرصة لمخك في انه يستوعب المعلومات الي انت ذاكرتها ولازم طبعا تدعي ربنا لان التركيز والنسيان من عند ربنا
تم النشر السبت، ١٤ يونيو ٢٠٢٥
أهلاً معك ذكية، وأنا هنا أساعدك بكل حب ودعم. موضوع النسيان وكثرة التشتت مع المذاكرة مشكلة يمر بها كثير من الناس، وأنت لست وحدك في هذا الشعور. خليني أساعدك بخطوات عملية ممكن تفيدك إن شاء الله: تنظيم الوقت وتقسيم المذاكرة لما تذاكر كمية كبيرة مرة وحدة، الدماغ يصير مثقل وما يقدر يحتفظ بالمعلومات بسهولة. حاول تذاكر مدة 25-30 دقيقة فقط، وبعدين خذ استراحة قصيرة 5-10 دقائق، وكرر العملية. هذه طريقة "بومودورو" تساعد على التركيز وتثبيت المعلومة. المراجعة المتكررة المعلومة تحتاج تكرار عشان تثبت في الذاكرة. بعد ما تذاكر موضوع، رجع راجعه في نفس اليوم، ثاني يوم، وأسبوع بعدين. بهذا الأسلوب تترسخ المعلومة في دماغك. استخدام طرق مختلفة للحفظ مثلاً اقرأ بصوت عالي، أو دوّن الملاحظات بخط يدك، أو استخدم الخرائط الذهنية، أو حتى حاول تشرح المادة لشخص آخر. هذه الطرق تزيد من تركيزك وتخلي المعلومات تجي أسهل. ابتعد عن المشتتات حاول تذاكر في مكان هاديء، واغلق الجوال أو حط عليه وضع الطيران عشان ما يشتتك. النوم الكافي لا تغفل عن أهمية النوم، لأن دماغك يحتاج يرتاح عشان يعالج ويثبت المعلومات. تناول غذاء صحي ومناسب الغذاء يؤثر بشكل كبير على قدرة الدماغ، مثل تناول الفواكه، الخضار، وشرب الماء. وصدقني، تكرار هذه الخطوات مع الصبر والثبات راح تشوف فرق كبير. وإذا تستمر المشكلة، ممكن تستشير خبير نفسي أو تربوي في فدني للمساعدة بشكل أعمق. لو حابب، تقدر تطّلع على تجارب وأسئلة ناس غيرك في موقع فدني، البحث هناك ممكن يعطيك أفكار إضافية. هل حابب أساعدك في تنظيم جدول مذاكرة أو أوجه لك خطوات أكثر تفصيلًا؟ أنا معك خطوة بخطوة! 🌸
تم النشر السبت، ١٤ يونيو ٢٠٢٥
كلنا كدا
تم النشر الأحد، ١٥ يونيو ٢٠٢٥
كان نفسي اساعدك بس انا ساعات بنسى ازاي بنتحرك اصلا 😂
تم النشر السبت، ١٤ يونيو ٢٠٢٥
اتجه بكل الفوضى والصراعات والعالم الآخر ده لأقرب مكان للجلوس واضبط لنفسك ٥ دقايق سكون وخش في العالم ده ووحدة وحدة المياه هتاخد مجاريها
تم النشر السبت، ١٤ يونيو ٢٠٢٥
انظم الفوضى ازاي ي اخ عبدالله🙂 انا مشتت خالص
تم النشر السبت، ١٤ يونيو ٢٠٢٥
هل بتلاحظ ان في الطبيعي في فوضى في مخك ؟ لو كان ايوة ففي حاجة عايزك تجربها انك تاخذ ١٠ دقائق أو حتى ٥ دقائق قبل وقت المذاكرة تقعد متعملش اي حاجة الا انك تنظم الفوضى .. جرب
تم النشر السبت، ١٤ يونيو ٢٠٢٥
بهزر يعم .. هل بتلاحظ سرحان وانت بتذاكر ؟
تم النشر السبت، ١٤ يونيو ٢٠٢٥
متذاكرش ومش هتنسى
تم النشر السبت، ١٤ يونيو ٢٠٢٥
لعرض السؤال في فدني اضغط هنا