بصي انتي غلطك الحقيقي كان إنك طولتي المساحة بعد ما بدأ يتجاوز وحدوده تبقى غريبة، ودا درس تتعلمي منه مش سبب إنك تكرهي نفسك. النوعية دي غالبًا أول ما تلاقي البنت محترمة ومش بتحب تعمل مشاكل تبدأ تتمادى حبة حبة، عشان كدا من أول سؤال شخصي أو تحكم أو كلام مريحش قلبك يبقى لازم توقف عنده فورًا. دلوقتي الأفضل تعملي بلوك نهائي بدون نقاشات زيادة، ومترديش حتى لو حاول يستفزك أو يخوفك، وخلي أي شيء يخص الدراسة داخل الجروبات فقط. ولو عندك رسايل فيها إساءة احتفظي بيها احتياط وخلاص.كمان لو تقدري تحكي الموضوع دا و لو من غير تفاصيل كتير ل اختك او والدتك او اي حد تثقي فيه بحيث متبقيش شايله الضغط لوحدك يكون افضل. و لو ساء الموقف كدا ممكن لو ينفع معاكي ف تقولي ل حد مسوؤل ف الجامعه عن الموضوع دا عشان تبقي مأمنه نفسك شويه ع الاقل. وبرضو متخليش تأنيب الضمير يكبر الموضوع جواكي لدرجة تحسي إنك عملتي مصيبة، لأن واضح من كلامك إنك مكنتيش داخلة في حاجة غلط أصلًا لكن اتعرضتي لشخص مستغل وقليل الذوق. واتمنى فعلًا لو حد هنا عنده خبرة أكتر أو حتى من الشباب يفهم طريقة تفكير الأشكال دي يفيدك.
العفو ي حببتي. ربنا يسترها عليكي يا رب و يكرمك و يوفقك 🤍
تم النشر الأربعاء، ٣ يونيو ٢٠٢٦
شكرا جدا ليكي
تم النشر الأربعاء، ٣ يونيو ٢٠٢٦
وبرضو متخليش فكرة إنه مسؤول attendance تخوفك زيادة، لأن مهما كان دوره فهو معندوش حق يتجاوز أو يضايقك بالشكل دا. انتي بس حاولي تخلي تعاملك رسمي جدًا ولو تقدري تقللي أي احتكاك مباشر يبقى أفضل لراحة بالك. ولو حاسة إن موضوع الأرقام المختلفة بدأ يضايقك نفسيًا فعلًا ومش مريحك، ممكن لو ينفع تغيري رقمك يبقى أفضل عشان تقفلي الباب دا تمامًا وتريحي دماغك.و مفيش مانع طبعا زي م قلتلك انك تدخلي حد موثوق ف الموضوع دا اذا حابه. وعمومًا اعتبري الموقف دا تجربة خلتك أوعى في التعامل وحدودك أوضح، وخلاص المهم دلوقتي تركزي على راحتك ومتديش الموضوع أكبر من حجمه.
تم النشر الأربعاء، ٣ يونيو ٢٠٢٦
@السائلة التعليقات ظهرت الحمدلله... خلاص متفكريش في حتة السكرينات دي دلوقتي ومتلوميش نفسك عليها، طبيعي جدًا وقتها مكنش هيجي في بالك تحفظي الكلام أو تتوقعي إن الموضوع هيوصل لكدا. طالما معاكِ شات الاعتذار فاحتفظي بيه وخلاص احتياط، ومن هنا ورايح لو حصل أي كلام تاني أو بعت من أرقام مختلفة حاولي مترديش وتعملي سكرين قبل أي حذف بس.
تم النشر الأربعاء، ٣ يونيو ٢٠٢٦
ان شاء الله هيساعدوكي
تم النشر الأربعاء، ٣ يونيو ٢٠٢٦
اتمني حد يساعدني بجد من الناس الكويسين اللي هنا
تم النشر الأربعاء، ٣ يونيو ٢٠٢٦
اوك مفيش مشكله الظاهر في عندي مشكله I think
تم النشر الأربعاء، ٣ يونيو ٢٠٢٦
اهي دي بس اللي ظهرت برضو
تم النشر الأربعاء، ٣ يونيو ٢٠٢٦
بصي والله بجد برضو الكلام مش ظاهر. هوا بيوصل الاشعار و بيظهر مته اول كام كلمه فقط..اسفه بجد مش عارفه المشكله ف اي.
تم النشر الأربعاء، ٣ يونيو ٢٠٢٦
وصلت؟
تم النشر الأربعاء، ٣ يونيو ٢٠٢٦
ايوا اكيد عارفني هو المسؤول عن ال attendance ممكن عرفني وانا بمليه اسميي واكيد مفيش ولد هيكلم بنت ميعرفهاش I think
تم النشر الأربعاء، ٣ يونيو ٢٠٢٦
مش عارفه المشكله ممكن تكون في موبايلي أنا كتبت ال messagesمرتين هحاول تاني
تم النشر الأربعاء، ٣ يونيو ٢٠٢٦
مفيش غير دي بس اما الباقي بيظهر الاشعار فقط..بعتذر بس باقي الكلام مش موجود برضو
تم النشر الأربعاء، ٣ يونيو ٢٠٢٦
وصلك كلامي؟
تم النشر الأربعاء، ٣ يونيو ٢٠٢٦
بقول بردو مش معايا اي شات لانه كان بيعمل ليهم deleteللكل سواء WhatsApp or telegram ملحقتش اعمل سكرين غير لاعتذاره مني
تم النشر الأربعاء، ٣ يونيو ٢٠٢٦
بقول ايوا اكيد عارفني لانه هو المسؤول عن ال attendance
تم النشر الأربعاء، ٣ يونيو ٢٠٢٦
معذره مش عارفه ارد التعليقات مش ظاهره عندي
تم النشر الأربعاء، ٣ يونيو ٢٠٢٦
المشكله انه لما رديت عليه لما غلط فيا وقلتله انت مش متربي عمل للmessages ،،delete للكل بالنسبه لل WhatsApp وال telegram نفس النظام يعني مفيش غير شاتي ،،أنا مجتش في بالي آخد سكرين لأي شات غير الشات اللي اعتذر فيه معييش غيره ملحقتش
تم النشر الأربعاء، ٣ يونيو ٢٠٢٦
هو ايوا معايا في السكاشن هو المسؤول عن ال attendance فأكيد عرفني وانا بمليه اسمي
تم النشر الأربعاء، ٣ يونيو ٢٠٢٦
عندي سؤال هل هوا عارفك شكلا و كدا؟
تم النشر الأربعاء، ٣ يونيو ٢٠٢٦
اللي انتي حكيتيه دلوقتي فيه جزء مقلق فعلاً خصوصًا موضوع الأرقام المختلفة والشتايم والرجوع يعتذر وبعدين يكرر، ده تصرف غير طبيعي ومش المفروض يتساب أو تتعاملي معاه لوحدك. المهم دلوقتي إنك ما ترديش عليه نهائيًا مهما حصل، وتحاولي تجمعي أي دليل من الرسائل أو الأرقام اللي بيبعت منها، وتعملي حظر لكل الأرقام دي أول ما تظهر. ولو الموضوع مستمر أو فيه تهديد فعلي، الأفضل تكلمي حد كبير قريب منك أو جهة مسؤولة في الجامعة عشان يبقى في حماية ليكي ومش تبقي لوحدك في الموضوع. ومتلوميش نفسك، انتي مش مسؤولة عن تصرفاته ولا عن إنه استغل ردك في البداية.
تم النشر الأربعاء، ٣ يونيو ٢٠٢٦
عارفه اني غلطانه جدا يا ريتني ما رديت
تم النشر الأربعاء، ٣ يونيو ٢٠٢٦
المشكلة انه مريض من كلامه متملك عاوز كل حاجه ليه ويتحكم فيا كلامه متناقض بيقول انه أنا زي اخته وفجأه يتصرف وكأنه أنا ملكه بجد غريب جدا أنا ما اعرفهوش هو مش عارفه إذا كان يعرفني او لا يعني بيبعت من ارقام مختلفه شتايم ليا وبعدين يتأسف ويرجع يعمل بلوك ويشيله مش فاهمه الصراحه وخايفه منه
تم النشر الأربعاء، ٣ يونيو ٢٠٢٦
لعرض الإجابة في فدني اضغط هنا