حاسس انى تايه حرفيا بقالى شهرين قاعد من الشغل بسبب أنه كان ضغط نفسى كبير عليا وكنت بعمل كل حاجة حرفيا ف الشغل ومرتبى زيو زي اى حد مبيعملش ربع شغل ومفيش تامينات ولا زيادة
ف سببته لما جبت أخرى وحاليا قاعد ف البيت حاسس انى تايه مش لاقى شغل وداخل عليا عيد حرفيا مجبتش لبس ولا اى حاجة ومخنوق جدا من القعدة
شايف نفسى فاشل ماليش لزمة حرفيا قاعد مبعملش حاجة مش عارف اعمل اى أو اروح فين أو حتى ابدء منين بقا بييجى عليا اوقات اقعد لوحدى ويبقى خلاص ع أخرى شوية وهعيط من كتر ما صعبان عليا نفسى والله.....
انت اتكلمت في مشكلتين ، الأولى انك كنت متوقع من الشغل تقدير زيادة عن زمايلك بناءً على مجهودك ، و ده توقع خاطئ ، لأن نظام العمل بيعتمد على الأجر مقابل عدد ساعات معين ، فتفانيك في عملك ده أجرك عليك عند ربنا مش عند صاحب العمل ، تاني مشكلة انك حددت نجاحك و بتقيسه بمقدار دخلك وشغلك و ده تصور خاطئ لإن الإنسان مخلوق ارفى و اسمى من أن مسميات دنيوية هي اللي تحدد مكانته ، ف يا صديقي اهدى و ابدأ شوف نفسك بطريقة تانيه و حدد نجاحك من صفاتك الانسانية مش من نتايجك ، و الشغل مفيش اكتر منه مش لازم تصمم تشتغل في مجال معين لو محتاج دخل يعيشك مؤقتاً ، فيه شغل كتير باليومية وبسيط و مش بيحتاج مهارات كبيرة ، و دور انت بس على جوجل في محيط سكنك و إن شاء الله هتلاقي خصوصاً ان دي دخلة عيد و اغلب الأماكن بحتاح ناس تشتغل ، و بالتوفيق يارب 😊
تم النشر الأربعاء، ١٨ مارس ٢٠٢٦
حاول تركز على ايه اللي انت بتعرف تعمله ودور على شغل فيه .. واستغل الفترة دي اللي مافيهاش شغل ب انك تطور نفسك ومهاراتك .. اتعلم حاجة جديدة .. خلي امكانياتك اعلى على اد ماتقدر حتى لو حاجة بسيطة .. وادعي ربنا يكرمك الارزاق بيد الله بس حاول تسعى صح وتخرج من الحالة دي .. ومعلش مش لازم السنادي لبس العيد عادي جدا ان الظروف تتغير .. فكر ف الاهم دلوقتي ان مش عشان مافيش شغل تكون مالكش لازمة .. ساعد اهلك او حد محتاج اي مساعدة .. وطور نفسك واستعين بالله وحاول تسيطر ع الحالة دي .. ربنا يكتبلك الخير كله يارب .. انت مش فاشل انك تسيب مكان بيستغلك ده صح .. بس كمله بالتطوير والبحث عن الافضل .. وكل حاجة بتاخد شوية وقت
تم النشر الخميس، ١٩ مارس ٢٠٢٦
انك تقدر نفسك و تنسحب حفاظا ع نفسيتك دا شئ مش غلط اطلاقا و إن شاء الله يكون فيه حاجه افضل و زي م انت عايز ..بالنسبة لحالة التوهان و عدم المعرفة دا طبيعي لانك ربما معملتش خطة هتعمل اى بعد م تسيب الشغل او مضورتش ع شغل تاني اثناء فترة عملك لتعويض فدا نتيجية تصرف بدون تخطيط و لكنه صح لان نفسيتك و صحتك هي اهم حاجه الحل هنا ان انت لازم تشوف بديل لشغلك مهما طال الوقت اعمل العليك و دور عادي ممكن يطول الموضوع لكن المهم انك بتسعى و لازم تحدد انت عايز اى و ممكن تتعلم اى مثلا او تفيد نفسك ازاي لان مفيش حاجه سهلة او هتيجي بدون جهد منك
تم النشر الأربعاء، ١٨ مارس ٢٠٢٦
أنا فاهمة تمامًا إيه اللي بتحسه. الضياع ده شعور طبيعي بعد فترة ضغط زي اللي عشتها، وإنك تركت الشغل عشان صحتك النفسية قرار شجاع مش فشل. أنت مش فاشل، أنت بس محتاج خطة واضحة عشان ترجع تقدر نفسك. خلينا نبدأ خطوة خطوة، وتوكل على الله ربنا هيفتحلك أبواب. 1. رتب يومك دلوقتي عشان متفضلش قاعد: صباحك: قوم بدري، صلِّ الفرض مع السنة، واقرأ قرآن شوية، ده هيخليك تحس بقوة داخلية. ساعة يوميًا للبحث عن شغل: شوف LinkedIn وBayt.com. حدث CV بتاعك، وركز على إنجازاتك اللي عملتها في الشغل السابق (أنت قلت إنك كنت بتعمل كل حاجة، ده ميزة كبيرة!). حرك جسمك: امشِ نص ساعة في الشارع كل يوم، مش عشان رياضة بس، عشان تشوف ناس وتفتح دماغك لفرص. 2. العيد قرب، متقلقش: اشترِ حاجات بسيطة من اللي عندك (ملابس قديمة نظفها، أو هدية صغيرة للعيلة زي تمر أو حلاوة). الفرحة في الصلاة والزكاة والتواصل مع الأهل، مش في اللبس الغالي. ادعُ ربنا يرزقك، وقُل: "اللهم اكفني بحلالك عن حرامك". 3. لو الضيق زاد: اكتب 3 أهداف صغيرة كل يوم (مثل: "أرسل 5 طلبات شغل"). نجاحات صغيرة هترجع ثقتك. لو عايز دعم أكتر، روح على صفحة الخبراء في Fedni: https://www.fedni.net/experts – في خبراء في التوجيه المهني والنفسي هيقدروا يساعدوك بشكل شخصي. كمان، ابحث في Fedni عن أسئلة مشابهة هتلاقي إجابات تانية مفيدة. أنت قوي وهتقدر، يا راجل. الشهرين دول مجرد استراحة، واللي جاي أحسن بإذن الله. ربنا يفرج همك وييسر أمرك 💕
تم النشر الأربعاء، ١٨ مارس ٢٠٢٦
شوف افتكر انك عبد لله ولك قيمة في الحياة .. ومتصعبش على نفسك وتحملها فوق طاقتها .. لأنك لو حملت نفسك حمل ثقيل حالتك هتزداد سوء بل وممكن انك تتجه لطريق خاطئ لأن الإنسان عنده غرائز وشهوات ... فبدل ما تتجه في الطريق الخاطئ حاول انك تلطف بنفسك وتزور أقاربك وتستمتع شوية بحاجات بسيطة زي انك تتمشى وهكذا ولما تحس ان نشاطك اتجدد ارجع لشغلك .. بالتوفيق ♥︎
تم النشر الأحد، ٢٢ مارس ٢٠٢٦
لعرض السؤال في فدني اضغط هنا