عندى سؤال مشكله بينى وبين خطيبى هو شغال مدرس ففى وليت امر لطلاب فى ابتدائى وشغاله مدرسه بتتصل عليه الساعه ١٢ او ١ باليل علشان تساله تجيب كتاب ايه لبنتها مع انها ممكن تتصل من الساعه ٧ الصبح لحد الساعه ١٠ عادى ده يوم وقولت عادى بعديها بيومين راحلها البيت علشان يقيم بنتها ويشوف هتبدا منين وديه كانت اول مره يقابلها اصلا راح كانت الساعه ١٠ باليل وكان المفروض يمشى ١٠ ونصف طول عندها لحد الساعه ١١ ونصف ووهو بالفعل خلص تقيم بنتها من ساعه الا ربع وهى قاعده ترغى معاه ساعه الا ربع كمان وكانت بتحكيله قصت حياتها انها اتخرجت امتا وان جوزها هو اللى قالها لازم تنزل الشغل علشان ظروف الحياه صعبه وكلام كتير المفروض انها مش تقوله لواحد اول مره تشوفه وغريب وكمان جوزها مش فى البيت يعنى المفروض تختصر الكلام علشان ينزل لا وكمان اتصلت الساعه ١ تطمان روح وله لا
المشكله هنا انى لما ناقشته وقولتله ده ولا اصول انها تتصل الساعه ١٢ تقول على الكتاب مع انها ممكن تتصل تانى يوم وبدرى ولا اخلاق انها تطلع اسرار بتها لراجل غريب ولا يخصك تعرف هى نزلت الشغل بمزاجها او جوزها اجربها ولا ليها انها تطمن روحت او لا وقولتله انها كده مش كويسه الفكره انه اتخانق معايا واذاى تقولى عليها كده وهى محترمه
السؤال بقه هو ده الاحترام وله انا غلطانه وله اهلى ربونى غلط وله ده الصح وله ايه انا اللى اتربيت عليه ان مش فى حد غريب يدخل بتنا الا فى وجود اخويا او ابويا وان اخر المدرس الساعه ٩ او ١٠ وفى وجود راجل وان مش ينفع اتصل بحد غريب بعد الساعه ١١
الفكره بقه كمان انه دعا عليا وقالى هتخسرى شغلك وربنا هيمرمتك فيه شغلى اللى تعبت عليه وهو عارف اذاى عافرت ووصلت فيه وقفل فى وشى السكه علشانها وقالى مش عايز اعرفك تانى
انا حقيقى مش فاهمه هو انا غلط وله ايه
كويس اوي ان ده حصل في الخطوبة .. طبعا كلامك صح، ديه ولا أصول ولا اخلاق بتاتا. وفكرة انه بعد ده كله يدافع عنها ويبقى مقتنع اقتناع تام، ويبقى كمان بيقولك مش عايز اعرفك تاني. اظن ده موقف كافي انك تفكري في العلاقة ديه هتكمل ولا .. ونصحيتي من خلال اللي انتي قولتيه، ده مش شخص كويس بصراحه. لان هو مقتنع بشئ مش اخلاقي، وسايب الموضوع ع الاخر .. وده شئ عكس تماما طباعك واخلاقك .. وعكس الدين برضه.
تم النشر الثلاثاء، ١٣ فبراير ٢٠٢٤
هى فترة الخطوبة عشان كده يحصل مواقف تبين افكار ومبادىء كل شخص فكرى كويس اذا تقدرى مع الاختلاف الجوهرى فى المبادىء و لا لا ..خصوصا ان دى واحدة من الحاجات اللى هتربى عليها اولادك استخيرى ربنا وقررى اذا بناءا على الفكر ده هو يصلح زوج ولا لا
تم النشر الاثنين، ١٢ فبراير ٢٠٢٤
المشكله انا حاسه ان في حاجه غلط فعلا المشكله مش فيكي ولا اى حاجه المفروض فعلا دا ميحصلش بصي انا كنت اشتغلت فتره مدرسه وكنت بقابل اولياء امور كتير كدا وعايزه اقولك مره واحده بعتتلى واتساب الساعه ٢ الفجر ولما مردتش عليها راحت رنت عليا عشان ارد ولما رديت بس رديت بطريقه ناشفه شويه عشان اعرفها ان كدا ميصحش استغربت ازاى اصلا اتضايق 😅 قالتلى بنرفزه انا عايزه اعرف الواجب صفحة ايه قبل ما انام عشان متتصليش تصحيني الصبح 😂😂😂🙂 ف دا ممكن تكون من نوعية الناس الغريبه دي بس هوا لازم يوقفها عند حدها
تم النشر الاثنين، ١٢ فبراير ٢٠٢٤
بالعكس انتي صح.. وصح جدا كمان.. وصدقيني ربنا هيعوضك والله وهيراضيكي.. ومدام هو قالك م عايز اعرفك تاني متحاوليش معاه خلاص لانك مغلطيش في حاجه.. من كلامك انتي مقولتيش حاجه غلط وكل كلامك صح.. والمفروض ان هو اللي كان ياخد موقف من الاول..
تم النشر الاثنين، ١٢ فبراير ٢٠٢٤
انتي صح انتي الي اتربيتي على الصح سيبيه وربنا يرزقك بالاحسن منه ومتزعليش ع شخص زي دا
تم النشر الاثنين، ١٢ فبراير ٢٠٢٤
لعرض السؤال في فدني اضغط هنا