انا نفسى اعرف لية لازم انا ديما اللى ابادر فكل العلاقات بجد لو انا مسألتش او متكلمتش محدش بيسأل عليا ولا بيكلمنى ومش حابة انى اكون دايما الطرف اللى بيجرى ورا حد عشان يكلمو الموضوع بحسو بيجى على كرامتى شوية هل دا عادى ولا المفروض اعمل اية؟
السلام عليكم، فيه شخصيات طبيعتها كده، هي اللي تسأل كتير وتهتم وفيه شخصيات مش اجتماعية وبتميل للعزلة مع نفسها ومش بتتواصل كتير حتى لو بتعز الطرف المقابل وبتحبه، وساعات بتكون أشغال وظروف الحياة، وساعات يكون السبب هو إن كل ما بيكون الشخص متواجد باستمرار مش بيعطي فرصة للآخربن يفتقدوه أو لو الشخص متمسك قوي بالعلاقة ومتعلق بالناس اللي في حياته ده لاشعوريا بيدفعهم للنفور. ** النوع اللي ذكرته في الاول، فيه منهم اللي مش بيحس بمشكلة وبينبسط لما يسأل ويحافظ على العلاقة حتى لو الطرف المقابل مش بيعمل كده، وفيه منهم بعد فترة طالت أو قصرت بيحس إنه هو اللي بيعطي دايما وهو اللي بيسأل وبيبدأ يتعب من الإهمال وقلة الاهتمام وبيحس زي ما بتقولي إن ده جاي على كرامته فبيبدأ يقل تواصل واهتمام لحد ما بيوصل لمرحلة بيوقف تماما ويقلب للعكس. **** حاولي تدربي نفسك على الوسطية في علاقاتك، لا تتمسكي قوي ولا تفرطي، لا تتواجدي باستمرار ولا تغيبي تماما. ممكن تقللي مرات التواصل وتنشغلي في حياتك ويكون دايما يومك فيه انشطة مختلفة أنتِ مشغولة فيها وتشوفي أهم العلاقات في حياتك اللي مينفعش خالص تقطعي معهم وتخلي فيه حد أدنى للتواصل، يعني مثلا هتكلمي فلانة مرة كل أسبوع او اتنين او مرة كل شهر وهكذا على حسب قربك منهم وأهميتهم في حياتك. **** تركيزك على نفسك وحياتك هيخليك اولا متركزيش على مسألة افتقاد سؤال الناس عنك وثانيا تلقائيا الناس هتقرب لك من نفسها، على عكس لما تتواجدي باستمرار فمتعطيهمش فرصة لافتقادك. جربي كده وإن شاء الله تلاقي تغيير. بالتوفيق.💚
تم النشر الثلاثاء، ٣٠ يونيو ٢٠٢٦
أولاً، أحس بيكِ تمامًا يا صديقتي، والشعور ده طبيعي جدًا ومش غريب. كتير من النساء بيمرّوا بنفس التجربة، خاصة لما يكونوا هما اللي بيبادروا دايمًا في العلاقات سواء صداقات أو علاقات أوسع. السبب مش دايمًا فيكِ، لكنه غالبًا مزيج من طبيعة الناس حواليكِ (اللي ممكن يكونوا مشغولين أو مش معتادين على المبادرة) وكمان طريقة تفكيركِ في قيمة نفسكِ. لما تحسي إن محدش بيسأل لو سكتّي، ده بيخلّي الموضوع يمس كرامتكِ، وده شعور صحيح ويستاهل الاهتمام. الأمر ده مش "عادي" بالمعنى اللي يخلّيكِ تستمري فيه، لأن العلاقات الصحية بتكون متبادلة في الجهد. لو دايمًا أنتِ اللي بتجري ورا التواصل، هتحسي بالإرهاق والإحباط مع الوقت، وده ممكن يأثر على ثقتكِ بنفسكِ. في الإسلام، بنتعلم إن الكرامة قيمة مهمة، والنبي ﷺ كان يحث على التوازن في العلاقات، فمش لازم تكوني الطرف الوحيد اللي بيبذل جهد. إيه اللي ممكن تعمليه عمليًا؟ ابدئي بتقليل المبادرة تدريجيًا في بعض العلاقات، وشوفي مين اللي هيبادر لوحده. ده هيساعدكِ تكتشفي اللي فعلاً بيهتم. ركزي على بناء علاقات جديدة مع ناس بيشاركوكِ نفس الاهتمام، زي اللي بيبادروا هما كمان. خدي وقت مع نفسكِ عشان تفهمي ليه بتحبي المبادرة (هل عشان الخوف من الوحدة؟ أو عشان عادتكِ؟). ده هيخلّيكِ أقوى وأقل اعتمادًا على ردود الآخرين. وتذكري إن قيمتكِ مش مرتبطة بعدد الرسائل اللي بتوصلكِ، بل بمدى احترامكِ لنفسكِ. لو عايزة تتكلمي أكتر عن علاقات معينة أو تحسي بتحسن، أنا هنا. ولو حابة تشوفي آراء أخرى، جربي تبحثي عن أسئلة مشابهة على فدني. أنتِ تستاهلي علاقات فيها توازن وتقدير.
تم النشر الثلاثاء، ٣٠ يونيو ٢٠٢٦
الأنس بالله يزيدك عِزّة أما ملاحقة الناس ومتابعتهم يزيد الإنسان ذل
تم النشر الثلاثاء، ٣٠ يونيو ٢٠٢٦
منا لما بعمل كدا مبتقدرش والحياة فيها خد وهات مش انك انتى اللى تدى بس لازم يبقى فى اهتمام وتقدير انا اسأل مرة انت مرة كدا العلاقة تبقى رايح جى مفيش علاقة بتكمل سواء ايا ان كانت اية فى طرف هو بس اللى بيعمل كل حاجة ما كل الناس ملهية بس دا مش معناه انو منسألش على بعض مهو لو شخص مهم فحياتك هتبقى فوسط الزحمة وبتردى عليه
تم النشر الثلاثاء، ٣٠ يونيو ٢٠٢٦
بصي هي الدنيا شويه بتشغل الناس وطالما جواكي خير وطاقه تقدري تسالي ومتقصريش اعملي كدا لان في ناس من كتر الضغط ومشاكل حياتها طاقتها بتخلص وبالتالي بتقصر في كل حياتها بشكل عام .... بس دا مش في كل العلاقات وبيختلف من شخص لشخص
تم النشر الثلاثاء، ٣٠ يونيو ٢٠٢٦
هو الموضوع عادة فيه ناس عندها القدرة انها تعمل ده وبتعمله بحب وبيبقى طبع فيها وناس العكس بيحبو الناس تسأل عنهم ف ده لا يدل على شئ سئ او العكس .. لو شايفه الموضوع مرهق بالنسبه لك متعملهوش
تم النشر الثلاثاء، ٣٠ يونيو ٢٠٢٦
لعرض السؤال في فدني اضغط هنا