اريد طرق مجربة، عن نفسي جربت الكتابة والتسجيل الصوتي والشخبطة والرسم والتلوين والتمشية
ثانيا ليس لدي شخص يساعد لذا رجاء ان لا تتطلب الطريقة مساعدة من شخص
مشاعر مكبوتة من اكتر من 3 سنين تقريبا
لا اشعر بالثقل والضغط دائما بل يخرج بشكل عشوائي جدا
بصراحه ما فيش غير حل واحد وهو انك تصلي وتقربي من ربنا وتشكي همك وتقعدي شويه تتكلمي مع ربنا هتعيطي شويه بس هترتاحي وبعدها تفكري ايه سبب المشاعر المكبوته جواكي هل عشان خذلان هل عشان معامله الاهلي طيب قصه حب طيب بسبب ايه وبعدين تشوفي السبب وتحاولي تعالجيه الاسباب هترتاحي وهتتخلصي بالمشاعرك الموجوده حاليا لكن مقدما انت محتاجه فعلا شخص تثقي فيه تتكلمي معاه ولو ما فيش حد صلي و واشكي لي ربنا واقرا قران وادعي وبتمنى لك حياه افضل ممكن تعملي حاجه بتحبيها والحاجه دي عما بتعمليها بتفرغ المشاعر السلبيه جواكي
تم النشر الاثنين، ٣ أغسطس ٢٠٢٦
بما إنك جربتي الكتابة والتسجيل والرسم والتلوين والتمشية ولسه حاسة إن المشاعر مكبوتة، جربي متحاوليش تعبّري عنها بشكل مباشر أصلًا يعني اعملي نشاط فيه تركيز وإبداع من غير هدف واضح، زي تركيب حاجات، طبخ، أو حتى ترتيب مكانك بطريقة مختلفة عن اللي انت متعوده عليها ساعات التعبير بييجي بشكل غير مباشر لما نبطل نضغط على نفسنا إننا لازم «نطلع اللي جوانا» ولو الإحساس بالضغط مستمر بقاله 3 سنين ساعتها ممكن يكون الموضوع أعمق من مجرد إنك محتاجة وسيلة تفريغ جديدة .. ممن تروحي لمعالج نفسي ممكن يساعدك لو جربتي طرق تانيه للتفريغ و منفعش ربنا يوفقك و يهون عليكي ❤️
تم النشر الاثنين، ٣ أغسطس ٢٠٢٦
السلام عليكم، هل كنتِ بتمشي فترة على الطرق دي ولا بتتركيها بسرعة لما تلاقي مش فيه نتيجة؟ ممكن تكون المشكلة مش في طريقة التفريغ نفسها بل في عدم فهم المشاعر والرجوع لجذورها. *** حاولي ترجعي لأكثر طريقة من دول كانت بتخفف شوية، وجربي كمان رقص الزومبا أو نزول الجيم، أو الرياضات اللي فيها قفز وحركة. وفي نفس الوقت، بما إنك قلتِ بتحصل عشوائي، بعد كل مرة اقعدي مع نفسك وحللي اللي حصل. إيه اللي حصل قبل شوية وتسبب في خروجها؟ إيه الأفكار اللي جت في دماغك قبلها؟ وصف الشعور اللي حسيتِ به، كان خوف ولا غضب ولا إحباط ولا إيه بالضبط؟ *** فيه طرق بتستخدم للتحليل والرجوع لجذر مشكلتك والتراكمات النفسية، زي أسئلة "لماذا" الخمسة 5whys، ممكن تبحثي على اليوتيوب عشان شرحها، اختصارا لها، هي بتعتمد إنك بتسألي نفسك سؤالك وتجاوبيه وبعدين تسألي سؤال عن سبب الإجابة وهكذا خمس مرات. برضه انتظري حد من الخبراء يجاوب وينصحك بطرق تانية عملية. *** وعامة لا تنتظري حدوث انفجار الكبت أو خروج المشاعر العشوائي اللي ذكرتِه. خصصي ١٠ دقائق يوميا تقعدي فيها مع نفسك بدون موبايل أو تشتيت، تأملي أو فكري في اللي بيدور جواك، لما تعطي المشاعر مساحتها هيقل تدريجيا الظهور العشوائي. ** مش عارفة هل قصدك بمساعدة شخص هو الفضفضة لصديق أو حد من الأهل ولا تقصدي حتى طلب المساعدة من مختص؟ لو مش عندك مانع في المتابعة مع مختصة فلا تترددي في الخطوة دي إذا مقدرتيش تساعدي نفسك، لأن ممكن يكون الموضوع أكبر من مجرد حاجة للتنفيس عن مشاعرك بقدر ما هو الوصول لجذور المشكلة وعلاجها عشان تتخلصي من الكبت والتراكم المستمر من سنوات. ** المهم استعيني بالله وابدئي وربنا يصلح لك الحال. بالتوفيق.💚
تم النشر السبت، ١ أغسطس ٢٠٢٦
بما إنك بتقولي إنك جربتي كل الطرق فممكن متكونيش محتاجة طريقة جديدة قد ما تكوني محتاجة تكتبي بشكل مختلف. متستنيش وقت مخصوص عشان تكتبي،،اكتبي اول مـ الاحساس يبقي حاضر. ومتكتبيش عن الشخص أو الموقف... اكتبي له. اعتبريه قدامك وقولي كل اللي مقدرتيش تقوليه وقتها..من غير ما ترتبي الكلام أو تنقيه أو تشغلي بالك إنه يطلع بصياغة حلوة. سؤال بس،، لما بتحاولي تكتبي بتحسي إن مفيش مشاعر أصلًا ولا بتحسي بيها ومبتعرفيش تعبري عنها؟
تم النشر الجمعة، ٣١ يوليو ٢٠٢٦
أفهم تمامًا يا رضوى كيف تشعرين بتلك المشاعر المكبوتة التي تخرج بشكل عشوائي بعد سنوات من الكبت، وأقدر جهودك السابقة في تجربة الكتابة والتسجيل والرسم والمشي. هذا يدل على وعيك بنفسك، ومن المهم أن نركز على طرق مستقلة تمامًا تساعدك على الإفراغ التدريجي دون الاعتماد على أي شخص آخر، مع الحفاظ على قيمك الإسلامية التي تشجع على الصبر والدعاء والتأمل في النفس. جربي أولاً النشاط البدني الشديد مثل الركض في مكان مغلق أو القفز على الحبل أو حتى الرقص بحرية على أغاني تحبينها لوحدك في غرفتك؛ هذا يساعد الجسم على إطلاق التوتر المخزن دون الحاجة إلى كلمات، ويمكنك البدء بجلسات قصيرة مدتها 15-20 دقيقة يوميًا لتري كيف يتفاعل جسمك. ثانيًا، استخدمي تقنية "الكتابة الحرة الموجهة" بطريقة جديدة: اكتبي كل يوم صفحة كاملة تبدئينها بعبارة مثل "أشعر الآن بـ..." ثم اتركي يدك تكتب دون توقف أو تصحيح، حتى لو كان الكلام غير منطقي، فهذا يفتح قنوات جديدة للإفراغ. كذلك، جربي الاستماع إلى تلاوات قرآنية بصوت هادئ أثناء الجلوس في مكان هادئ، مع التركيز على معاني الآيات التي تتحدث عن الرحمة والتفريج، فهذا يمنح راحة روحية ويقلل من العشوائية في خروج المشاعر. ثالثًا، أنشئي روتينًا يوميًا للتنظيف أو الترتيب الجسدي مثل تنظيف المنزل بقوة أو غسل الملابس يدويًا، فهذه الأنشطة اليدوية تساعد على تحويل الطاقة المكبوتة إلى عمل ملموس. إذا استمرت المشاعر في الخروج عشوائيًا، حاولي تتبعها بمذكرة صغيرة تسجلين فيها الوقت والظروف فقط دون تحليل عميق، لتكتشفي الأنماط بنفسك وتتعاملي معها بشكل أفضل. تذكري أن الإفراغ عملية تدريجية، ولا تتوقعي نتائج فورية بعد ثلاث سنوات من الكبت. يمكنك البحث عن أسئلة مشابهة على فدني للحصول على المزيد من الآراء والتجارب الشخصية.
تم النشر الجمعة، ٣١ يوليو ٢٠٢٦
إضافة التأمل و تدبر القران و فهم المعنى احساس تاني خالص
تم النشر الاثنين، ٣ أغسطس ٢٠٢٦
تمام ان شاء الله شكرا جدا لك
تم النشر الاثنين، ٣ أغسطس ٢٠٢٦
وحبيت الطريقه لدرجه مش شرط اكون زعلان عشان اعمل فيديو ممكن موقف عاوز اوثقه او عايز اقول رايي في حاجه فبقولو لنفسي عشان مش هينفع اقولو لحد الخ المهم بس يكون تلفونك في مساحه تخزين وكمان تقفلي الفيديوهات عشان محدش يشوفها
تم النشر الثلاثاء، ٤ أغسطس ٢٠٢٦
في حاجه جربتها وشكلي حبتها وهي فيديو مش مجرد تسجيل صوتي بس بفتح فيديو واكلم الي مضايقني ونا لما ببص للكاميرا بضحك فا طول الفيديو يكون ضحك ومشاعر حزينه بتفرج علي الفديو بعد ما اخلص واضحك
تم النشر الثلاثاء، ٤ أغسطس ٢٠٢٦
الشكر لله
تم النشر الاثنين، ٣ أغسطس ٢٠٢٦
صلي براحة اقري او استمعي تفسير لسورة الفاتحه اولا عشان ده الاساس وبعدين احفظي قرأن متصليش بنفس السورة في كل صلاة لأن كده هتتحول من عباده الي عادة احفظي ولو ايه او ايتين حفظ صحيح مع التجويد والتفسير وصلي بيهم وادعي ربنا وانتي عندك يقين بالله وان شاء الله تبقي خاشعه وحياتك كلها تتحسن
تم النشر الاثنين، ٣ أغسطس ٢٠٢٦
طيب ازاي التزم بصلاة ولكن ليست كفرض او أداء فقط بل يكون في الصلاة مشاعر وشعور
تم النشر الأحد، ٢ أغسطس ٢٠٢٦
صلي كل الصلوات في وقتها صلي السنن وقيام الليل والضحي اقري اذكار الصباح والمساء والنوم خلي ليكي ورد اذكار واستغفار وصلاة علي النبي وابتدي احفظي قران وتعلمي التجويد واعرفي التفسير لو هتحفظي ايه كل يوم والدعاء اهم حاجة الدعاء ادعي ربنا كتير وخلي عندك يقين بالله وبالاجابه
تم النشر الأحد، ٢ أغسطس ٢٠٢٦
طيب ازاي
تم النشر الأحد، ٢ أغسطس ٢٠٢٦
حاولي انك تقربي من ربنا اكتر
تم النشر الأحد، ٢ أغسطس ٢٠٢٦
لعرض السؤال في فدني اضغط هنا