السلام عليكم يا جماعة
انا عندي اختي بعدي على طول فرق بنا 4 سنين بس هي عاقله جدا وعقلها اكبر من سنها بكتير اختي دي تعباني اوي ديما تقولي انا بكرهك بتعاملني على اساس اني عدوتها مع اني بحاول اقرب لها ديما واجيب لها هدايا وديما وانا راجعة اجيب لها حاجات حلوه تكون عادي وفجأة ترجع تقولي بكرهك وتأذيني تتمنى اني اغلط علشان تفتن عليا
انا محبوبه في العيله اوي وديما في التجمعات يشكرو فيا ويدعولي وبيحبوني جدا يعني بمجرد ما ده يحصل تبدا تذكر مواقف اما محصلتش او حصلت وانا طفله اوي علشان تحرجني وتطلع شكلي وحش ديما طمعانه ف اي حاجة بتاعتي مع اني اقولها بتاعي بتاعك وبتاعك بتاعي وعادي لكنها بترفض
بتقلدني في كل حاجة بس ف نفس الوقت تذم الحاجة دي عايزة تاخد اي حاجة بتاعتي لو اخذت اي حاجة او اشتريت اي حاجة بيكون يوم صعب ع البيت كله اهلي لو جابو لي حاجة بيخبوها منها مع أن العكس عادي بتستناني اخرج من البيت وتبدأ تفتش فحاجتي انا بحب اوي اكتب يومياتي وذكريات حديثه حصلت لي واهداف ف ايام في المستقبل واشوف اليوم ده عملتها او لا
مسكت يومياتي دي وقرأتها وانا ادايقت جدا لان دي خصوصيتي وكررت الموضوع تاني بمجرد ما اطلع من البيت وارجع الاقي حاجتي كلها مكركبه لانها بتقلب فيها فغيابي وفي حاجة انا كنت كاتبه عنها مينفعش حد يعرفها لقتها دلوقتي بتبتزني بيها انا بيصعب عليا نفسي اوي لي بتعمل معايا كدا لما بشوف بجد فيديوهات اتنين اخوات او كدا بحس اني معنديش اخوات خالص
المشكلة أن انا عندي واحدة تاني بس اربع سنين طفله فكان نفسي اختي الكبيرة تبقى معايا تبقى صاحبتي محدش يقولي حاولي تصاحبيها انا حاولت كتير اوي واتكلمت اكتر لكنها ديما بتستهزي بكلامي ديما بتشوف اي حاجة حلوه اقدمها لها عادي انا بجد مش فاهمة مالها انا بدعلها من زمان ربنا يهديها اختي دي بتوجعني اوي لما افتكر أن عندي اخت وكلامها كله سم انا مقفوله منها اوي ومش طايقة ابص فخلقتها فقررت اقطع علاقتي بيها بس حاسه حرام
وعليكم السلام يا حفصة الغالية، أول حاجة، أنا فاهمة تماماً إزاي قلبك بيوجعك من تصرفات أختك دي، خاصة إنك بتحاولي تقربي منها بكل حنان وهدايا، وهي ترد عليكِ كده. ده مش سهل خالص، وطبيعي تحسي إنك "معندكيش أخت" زي الفيديوهات اللي بتشوفيها. بس خليني أقولك: أنتِ مش غلطانة، وده مش نهاية العلاقة، ربنا هيصلح الأمور إن شاء الله. اللي هتعمليه دلوقتي (خطوات عملية): حددي حدودك بوضوح : قوليلها بهدوء مرة واحدة بس: "يومياتي خصوصيتي، متقلبيش فيها تاني، ولو حصل كده هخبيها في مكان آمن أو هحذفها مؤقتاً." لو عملت كده تاني، مترديش ولا تفتحي الموضوع، بس طبقي الحدود (مثل قفل الدولاب أو إخفاء الحاجات الخاصة). ده مش قطع علاقة، ده حماية لنفسك. قللي التفاعل السلبي : متجيبيلها هدايا كتير دلوقتي، وركزي على نفسك. لما تشتري حاجة، قولي "دي بتاعتي" بهدوء، وخلي الأهل يتعاملوا مع الغيرة دي. أنتِ مش ملزمة تشاركي كل حاجة، حتى لو قلتِ "بتاعي بتاعك" قبل كده. تعاملي مع الابتزاز : لو هددتك بحاجة من اليوميات، قولي "ده مش هيأثر عليا، وأنا هدعي ربنا يصلح بينا." متخافيش، الابتزاز ده بيروح لو تجاهلتيه، ولو استمر، قولي لأمك أو أبوكِ باختصار بدون تفاصيل كتير. من منظور إسلامي : البر بالأخت واجب، بس مش معناه تسمحي بالإيذاء. قولي "رب اهدها وأزل الغيرة من قلبها" كل يوم، وادعي ربنا يجعلها سند لكِ زي ما نفسكِ. الصبر مفتاح الفرج، وأنتِ أكبر منها، فكوني القدوة بهدوئكِ. أنتِ محبوبة في العيلة، وده دليل إنكِ قوية وطيبة. متقطعيش علاقتكِ تماماً عشان حرام زي ما حسيتِ، بس حافظي على مسافة آمنة لحد ما تهدى. لو عايزة دعم أكتر، شوفي الخبراء في https://www.fedni.net/experts، أو ابحثي أسئلة مشابهة في فدني هتلاقي إجابات كتير. ربنا يهدي أختك ويجعل بينكم محبة، ويثبتكِ يا رب. أنتِ هتقدري! 💕 إيه رأيكِ في الخطوات دي؟
تم النشر الأحد، ١٠ مايو ٢٠٢٦
دي غيره زيادة ومع الوقت هتقل ، لكن من الافضل العقاب لها وذلك عن طريق تجنبها ودا هيكون أكبر عقاب ليها ، علشان تعرف انها غلطانه ، وتأكدي أنها خلال ١٠ ايام من تجنبك ليها هي إلا هتجي تكلمك وتحسن علاقتها بيك ، كلنا كنا بنغير من بعض لكن مع الوقت الموضوع تلاشي. ⚖️✨🤍✨
تم النشر الاثنين، ١١ مايو ٢٠٢٦
@حفصة كامل . في كتير اوي بس انا بستخدم noteinالتطبيق مفهوش ميزه قفل التطبيق ذات نفسه لا في بقفل الكلام المهم بس
تم النشر الأحد، ١٠ مايو ٢٠٢٦
@حفصة كامل . أنا مش زعلانة منك يا حفصة ممكن أنا بجد كنت بوضح الصورة بطريقة مواجهة ولكن بجد أنا يهمني جدًا جدًا إنك تلاقي حل وتعرفي السبب⚘️⚘️⚘️⚘️⚘️⚘️وأنا بعتذر جدًا جدًا لو أسلوبي كان قاسي عليكِ الله يباركِ فيكِ ويحفظك بس بجد أنا حبيت أوضح الصورة وإن شاء الله قريبًا أنتِ وأختك هتكونوا مثل أقوياء جدًا في علاقتكم وهي هتكون أعز أصدقائك ⚘️⚘️⚘️⚘️⚘️🤍🤍🤍🤍
تم النشر الأحد، ١٠ مايو ٢٠٢٦
@فَاطِمٌ الشَّافِعِيُّ. متزعليش من اسلوبي وقتها حقك عليا انا كنت متعصبة جدا بجد وكلامك عصبني شويه ودايقني شكرا لمشاركتك
تم النشر الأحد، ١٠ مايو ٢٠٢٦
@محمد احمد اسم الابلكيشن الي بباسورد اي معلش يا محمد
تم النشر الأحد، ١٠ مايو ٢٠٢٦
@حفصة كامل . بقيت الاعضاء ردو علي السوال معنديش نقطه ازودها .بس نقطه النوته دي وحشه اوي وحد قبل كدا قرا حاجتي ونفس الموقف كنت كاتب حجات عنه مينفعش يقراها .المهم من سعتها انا حملت تطبيقات من تطبيقات الملاحظات وعملت ليه باسورد وكاتب حجات كتير في براحتي (كتابه بي الايد ممتعه جدا بس علي الاقل الواحد يحمي نفسي لحد يقرا حاجته)
تم النشر الأحد، ١٠ مايو ٢٠٢٦
@حفصة كامل . أنا وضحتلك أنا ليه قولت كدا ممكن تكملي الإجابة 😅
تم النشر الأحد، ١٠ مايو ٢٠٢٦
@زهرة الأمل شكرا يا زهرة على اجابتك هي رأئعة هو فعلا بسبب المقارنات
تم النشر الأحد، ١٠ مايو ٢٠٢٦
وعليكم السلام ورحمة الله وبركاته... بصي يا حفصة يا عسل مبدئياً كدة أنا حاسة بيكي وفاهمة كل كلمة انتي قولتيها يمكن ما مرتش بتجربة زيك بالظبط ولكن حسيت كل المشاعر اللي كتبتي بيها السؤال ده... أنا فهمت من كلامك عن أختك - ربنا يهديها ليكي ويحبب قلوبكم لبعض يارب -إن هي بتغير منك وبتحقد عليكي ومش بتحترم خصوصيتك مع إنك عمرك ما عاملتيها بطريقة من دي ..... أنا هقولك... الغيرة بتكون ناتجة عن مقارنات ... يعني ممكن يكون فيه حد دايماً بيقارنها بيكي أو هي دايماً بتقارن نفسها بيكي ومبتلاقيش حد يحسسها بالحلو اللي عندها ....فيه عبارة كنت قرأتها من فترة ولسة قايلاها لماما من شوية (لماذا نقارن أسوء ما عندنا بأفضل ما عند الآخرين) أتمني تكون حالتها وضحت بالنسبة لك ... هي مش حاسة بإن هي مميزة من كتر مقارنتها لنفسها بيكي ... (هتكلم كأني أختك ) (ليه دايماً حفصة محبوبة من الكل وأنا لأ ... ليه حفصة عندها طموحات وأهداف وأنا لأ ...ليه حفصة شاطرة في كذا وأنا لأ... ليه حفصة مميزة في كذا وأنا لأ....)كل دي أمثلة المقارنات اللي بتولد الغيرة والحقد وممكن كمان يكون عندها جوع عاطفي يعني مش بتلاقي حد يمدحها أو يطلع الحلو اللي فيها ... الحل دلوقتي أول حاجه هي إنك تمنعي تظهري أي سلبيات فيها يعني لو حاولت تغيظك وتستفزك من جديد عرفيها إنك بتحبها زي ما هي يعني ما تبينيش إنك بتكرهي تصرفها ده .. عارفة إنه هيكون صعب جداً عليكي بس لازم ... تاني حاجه هي إنك تركزي على الحلو اللي فيها وتعرفيها إنك بتحبي الحاجات دي يعني تركزي على المميزات وتبعدي نظرك تماماً عن السلبيات دي .. تالت حاجه هي إنك تستغلي التجمعات العائلية دي بمدحها هي... يعني تِذْكُري موقف حلو ليها قدام الكل ده هيحسسها بإن هي مميزة في وسط الكل ... امدحيها دايماً... لو فيه حد بيقارنها بيكي بالذات الأهل فامنعيهم تماماً لأن الأم والأب هما أكتر اتنين مؤثرين في حياة الشخص وكتر المقارنات بتفقد الإنسان الثقة في نفسه وتفقده قيمته بل وتولد فيه الحقد والغيرة والكراهية للشخص المقارن بيه ... يارب أكون عرفت أوضحلك الحلول ... وممكن علاقتك بأختك تكون محسدوة فاحرصي دايماً علي قراءة الأذكار وإقرأي سورة البقرة يومياً بنية تحصين البيت كله لأن تأثيرها مش بيكون على شخص واحد بل بييجي على أهل البيت كلهم وممكن تقرأيها بنية هداية أختك ليكي ونزع الغيرة والكره من قلبها وهكذا وربنا يحبب قلوبكم لبعض ويجعلكم أحن أختين على وجه الأرض ويهديكم لبعض اللهم آمين يارب العالمين 🤲🏻💖💕معذرةً على الإطالة
تم النشر الأحد، ١٠ مايو ٢٠٢٦
بلاش تخاصمي أختك وحرام أصلًا وعامةً أنتِ ممكن تلاحظي هي بتعمل كدا لييه أشكري فيها قدام أهلك أمدحيها هتحترمك وهتقدرك وفعلًا هتلاقي تبادل في المشاعر...بلاش تجيبي هدايا من غير ما تعالجي الجذور أصلًا ممكن مشكلتها مع الأهل وبتطلع فيكِ أو مع إهمال الـ حواليها ليها والله أعلم
تم النشر الأحد، ١٠ مايو ٢٠٢٦
وكمان أنتِ ممكن تقفلي أوضتك بالمفتاح وقت خروجك أو تأخدي معاكِ نوت بوك التدوين وتكون معاكِ
تم النشر الأحد، ١٠ مايو ٢٠٢٦
بصي يا غالية أنا سألتك السؤال دا عشان بجد مش بحب حد يظهر أن هو بيعمل ويبذل والطرف التاني مؤذي، إحنا كلنا فينا عيوب ومميزات وكمان الغيرة في الأخوات بتكون معروفة، وعايزة أقولك أن السبب الرئيسي هو مشاعر أختك أختك حاسة بالنقص وحاسه إنك واخده كل حاجة من أهتمامك الأهل ومن حبهم وتقديرهم ليكِ فـ هي حاسه بالنقص وأنها مهملة فـ دا طالع منها بـ غل وحقد عليكِ وممكن كره برضو بس صدقًا هي أكيد زعلانة من نفسها وعلى فكرة هي بتقولك كدا عشان تحسي بيها وتفهمي بجد في نقص عندها
تم النشر الأحد، ١٠ مايو ٢٠٢٦
وعليكم السلام ورحمة الله وبركاته طيب لييه ذكرتي العيوب دي كلها هل أختك دي مفياش ميزة خالص وفعلًا كدا وأنتِ بالطيبة دي كلها وفيكِ المميزات دي!
تم النشر الأحد، ١٠ مايو ٢٠٢٦
طيب مش هيا عاقله وكبيرة متواجهيها بكل ده
تم النشر الأحد، ١٠ مايو ٢٠٢٦
@علي السيد انا حاولت كتير بس حتى هي وانا مجتنباها مش بسلم من اذيتها ربنا يهديها
تم النشر الثلاثاء، ١٢ مايو ٢٠٢٦
@علي السيد والله يا استاذ علي فكرة عظيمة مجتش ف بالي بس انت نسيت نقطة انها ابتزتني بشي معين فالنوته وهي كدا حرفيا فضحت خصوصيتي وكمان بتساومني عليها وانا مفيش ف ايدي أي شيء اعمله غير الدعاء واعمل لها الي هي عايزاه انا حاولت اكلمها بهدوء واتعامل معاها لكن الحمد لله على العموم مش مشكلة انا دلوقتي مجتنباها تماما وفي راحة بنسبة 80 فالميه
تم النشر الثلاثاء، ١٢ مايو ٢٠٢٦
كل كلامك صحيح ومن حقك ولكن ممكن نفكر في تفكير مختلف تمام 👍. حاولي الحاجه اللي تجبيها لنفسك هتلها معاكي تاني حاجه هي تقرأ الكلام اللي بتكتبيه متفكريش أنها خصوصيه ولكن فكري أنها بتتعلم منك بمعنى انك كاتبه طموحاتك واهدافك هي ممكن تقرأ حاجه تشجعها هي ،وانتي ممكن تستغلي الحته دي انك النوته دي تكتبي فيها اللي عايزه تقوليه لها أو تكتبي زي نظام قصه كان في يوم اخوات وكان في غيره يعني تقولي اللي مدايقك عن طريق قصه وهي لما تمسك النوته وتقرأها هتفهم عن طريق غير مباشر فهماني حولي تخليها انها احسن منك قدامك وقدام الآخرين هنا مش هتلاقي المنافسه ولا الفتنه بالعكس هتحس انك فهمتها وهتقرب منك وهتساعدك في اللي بتعمليه👍
تم النشر الثلاثاء، ١٢ مايو ٢٠٢٦
أولا خليكي حنينه وثانيا ممكن تكون غيره منك بسبب انك محبوبه وانتي اللي بتجيبي وانتي اللي في الصوره ولكن في حل تاني انك لما تجيبي حاجه زي ما بتجيبي قولي قدامهم كلهم إن اختي هي اللي جابتهم إن هي اللي في الصوره فاهمه قصدي حولي تعرفيهم إن زي مانتي بتعملي هي كمان بتعمل حتي لو هي مجبتش حاجه هنا هي هتحبك اكتر وهتقرب منك لأن هي حاسه انك احسن منها وعندها شعور بالنقص أو العجز أنها مش عارفه تعمل اللي انتي بتعملي فيتالي هي هتطمن من نحيتك
تم النشر الثلاثاء، ١٢ مايو ٢٠٢٦
العفو يا عسل 🫶🏻 فيه أبلكيشن اسمه مذكراتي السرية .. حلو برضو ... وجربي الطرق اللي قولتلك عليها وإن شاء الله ربنا يهديهالك 🫶🏻😊
تم النشر الأحد، ١٠ مايو ٢٠٢٦
@فَاطِمٌ الشَّافِعِيُّ. شكرا
تم النشر الأحد، ١٠ مايو ٢٠٢٦
@hesham abdalghfar ما انا اتكلمت معاها كتير بتستهزق بكلامي
تم النشر الأحد، ١٠ مايو ٢٠٢٦
@فَاطِمٌ الشَّافِعِيُّ. معلش بس هو اي طيبة وفيكي الميزات دي هو انا قولت لك انا طيبة أصلا ولا فيا ميزات ولا قولت لك انا ملاك نازل من السما ؟! انا مقولتش كدا خالص على فكرة ميزاتها انها قوية بتعرف تجيب حقها تصدقي والله ما اعرف ميزاتها
تم النشر الأحد، ١٠ مايو ٢٠٢٦
لعرض السؤال في فدني اضغط هنا