يمكن اللي وجعك مش الرفض في حد ذاته لكن الإحساس إنك بتتعب وبتتقدم بصدق وبرضه النتيجة واحدة بس خليني أقولك حاجة الموضوع مش في شكلك ولا فيك أي عيب أوقات ربنا بيأخر حاجة مش علشان إحنا وحشين لكن علشان اللي جاي يستاهلنا أكتر. فيه ناس مش بتعرف تشوف الجمال الحقيقي بتبص بعينها مش بقلبها. لكن اللي فعلا ربنا كاتبها ليك هتشوفك بعين مختلفة تماما هتشوف فيك الطيبة الرجولة الحنية والصدق اللي يمكن غيرها ما شافوش. اللي بيرفض بسبب الشكل… هو اللي خسر مش إنت. وصدقني الجمال مش معيار زواج ولا سعادة كتيررر بيكون جميل في الشكل لكنه فشل في بناء بيت واحد، وكتيرررر بيكون بسيط الملامح ربنا رزقه بحب وراحة بال بيحلم بيها الكل يمكن اللي بيحصل دلوقتي مجرد تمهيد عشان توصل للي تستاهلك فعلا. خليك واثق في نفسك وافتكر دايما إن الكمال مش في الملامح… الكمال في القلب اللي نضيف والنية اللي صافية ماتسمحش للتجارب دي تقلل منك بالعكس… خد منها قوة. و افتكر دايما ان كل حاجه ليها وقت ومفيش باب بيتأخر إلا علشان باب أحسن بيتفتح بعده ووقتها، هتضحك من قلبك وتقول الحمد لله إن كل اللي فات كان تمهيد فعلا ليا ربنا يفرح قلبك و يرزقك ببنت الحلال اللي انت تستاهلها
ربنا معاك و يبعتلك ناس تحسسك بالاهتمام والراحة دايما
تم النشر الأربعاء، ١٢ نوفمبر ٢٠٢٥
ربنا يخليكي ويحفظك ويبارك شكرا علي الكلام الحلو اول مر اللي حد مهتم يطيب بخاطري
تم النشر الأربعاء، ١٢ نوفمبر ٢٠٢٥
واضح إن قلبك اتجرح كتير قبل كده وإن الثقة عندك اتكسرت وده طبيعي جدا. بس صدقني مش كل الناس زي بعض ولسه في قلوب صافية ومخلصة موجودة اللي لما تتكلم بتطلع كلماتها صادقة من غير أي مصلحه وثق إن ربنا عمره ما بينسى قلب صادق وإن اللي يستاهلك هيظهرلك في الوقت المناسب لسه في ناس كويسه و هتديك أمان وهتخليك ترجع تصدق في الناس من جديد خليك متفائل… الدنيا لسه فيها حاجات كويسة وجمال يستاهل تستناها
تم النشر الأربعاء، ١٢ نوفمبر ٢٠٢٥
نادرا جدا لما الاقي الكلام يطلع من البنت ده لان ما عدتش واثق في حد
تم النشر الأربعاء، ١٢ نوفمبر ٢٠٢٥
العفو علي اي ربنا يفرح قلبك
تم النشر الأربعاء، ١٢ نوفمبر ٢٠٢٥
شكرا لحضرتك جدا
تم النشر الأربعاء، ١٢ نوفمبر ٢٠٢٥
لعرض الإجابة في فدني اضغط هنا