والله العظيم مش بكذب انا رحت لحوالي 12 عروسه وكله بيرفض بسبب الشكل او مش عارف ليه هو شكل اللي في الصوره اللي قدامكم كلكم يا ريت حد يقدر يرد عليا ضروري
يمكن اللي وجعك مش الرفض في حد ذاته لكن الإحساس إنك بتتعب وبتتقدم بصدق وبرضه النتيجة واحدة بس خليني أقولك حاجة الموضوع مش في شكلك ولا فيك أي عيب أوقات ربنا بيأخر حاجة مش علشان إحنا وحشين لكن علشان اللي جاي يستاهلنا أكتر. فيه ناس مش بتعرف تشوف الجمال الحقيقي بتبص بعينها مش بقلبها. لكن اللي فعلا ربنا كاتبها ليك هتشوفك بعين مختلفة تماما هتشوف فيك الطيبة الرجولة الحنية والصدق اللي يمكن غيرها ما شافوش. اللي بيرفض بسبب الشكل… هو اللي خسر مش إنت. وصدقني الجمال مش معيار زواج ولا سعادة كتيررر بيكون جميل في الشكل لكنه فشل في بناء بيت واحد، وكتيرررر بيكون بسيط الملامح ربنا رزقه بحب وراحة بال بيحلم بيها الكل يمكن اللي بيحصل دلوقتي مجرد تمهيد عشان توصل للي تستاهلك فعلا. خليك واثق في نفسك وافتكر دايما إن الكمال مش في الملامح… الكمال في القلب اللي نضيف والنية اللي صافية ماتسمحش للتجارب دي تقلل منك بالعكس… خد منها قوة. و افتكر دايما ان كل حاجه ليها وقت ومفيش باب بيتأخر إلا علشان باب أحسن بيتفتح بعده ووقتها، هتضحك من قلبك وتقول الحمد لله إن كل اللي فات كان تمهيد فعلا ليا ربنا يفرح قلبك و يرزقك ببنت الحلال اللي انت تستاهلها
تم النشر الأربعاء، ١٢ نوفمبر ٢٠٢٥
الشكل مش بيبقي معيار في الاغلب الا عند الناس السطحيين اللي بتشغلهم المظاهر وبس ويمكن دا كرم ولطف من ربنا ليك انه بيبعد عنك الناس دي وبعدين متنساش الاية الكريمة (وعسى أن تكرهوا شيئًا وهو خير لكم)والله لو بيبقي رايد بالقبول والله الدنيا هتمشي مهما كان الشكل -ربنا يرزقك ببنت الحلال ان شاء الله
تم النشر الأربعاء، ١٢ نوفمبر ٢٠٢٥
السلام عليكم، أولًا، بلاش تخلي موضوع الرفض ده مهما كان عدده يأثر على نفسيتك أو نظرتك لنفسك... شباب كتير وبنات مروا بده ولو أعطيته أكبر من حجمه هتخسر كتير. ثانيا، هو مش بالشكل عامة وبرضه مش مقياس لكل الحالات ومينفعش تعميم... وممكن أصلا تكون فاكر إن الشكل هو السبب ويكون البنت رافضة لسبب تاني... معتقدش حد منهم قال لك إنك مرفوض بسبب شكلك؟ ** أيوه الشكل مهم وفيه بنات ممكن ترفض عشان الشكل مش عاجبها وده حقها زي ما حق الشاب برضه، بس في الغالب بيكون السبب الرئيسي ورا رفض الشكل هو الإحساس بعدم القبول ولا وجود ارتياح مبدئي. ناس كتير عادية الشكل أو مش جميلة بالمعنى المتعارف عليه لكن مع مقابلة الشخص اللي فيه توافق بينهم بيكون فيه قبول وراحة نفسية بتخلي فيه احتمالية كبيرة بعد كده تمشي في خطوات إتمام الخطوبة والتعارف أكتر عشان يتأكدوا إن كانوا فعلا يقدروا يكملوا لمرحلة الزواج. في الرؤية الشرعية بيبقى فيه عوامل تانية متداخلة مع نقطة الشكل، زي الثقة وقوة الحضور وطريقة الكلام وغيرها وأهمها زي ما قلت إحساس القبول والراحة النفسية. وافتكر، "الأرواح جنود مؤلفة فما تعارف منها ائتلف وما تناكر منها اختلف" (حديث صحيح) ** وعامة موضوع الزواج ده قسمة ونصيب ووقت يأذن ربنا هتقابل شريكة الحياة الصح اللي ربنا كاتبها لك. ربنا يوفقك للخير دايما.
تم النشر الأربعاء، ١٢ نوفمبر ٢٠٢٥
أخوي محمد، أولاً ما تحرم نفسك الحق في الغضب أو الإحباط — الرفض المتكرر مؤلم وطبيعي تحسسه. خلّيني أوضح وأقدّم لك خطوات عملية تساعدك تفهم السبب وتغيّر النتيجة إن شاء الله. 1) يعني إيه "رفض متكرر"؟ - يعني تكرار موقف الرفض من عدة محاولات حيث الشخص أو العائلة يقررون عدم المضي قدماً. مش بالضرورة عيب فيك ككل — ممكن أسباب متعددة وظروف اجتماعية وثقافية. 2) ممكن تكون الأسباب (مش كلها خاصة بالمظهر): - الانطباع الأول أثناء اللقاء (ثقة بنفسك، لغة الجسد، طريقة الكلام). - اختلاف في التوقعات (سن، مستوى مادي، تعليم، أهل، دين/ممارسات). - تقديم الذات (كيفية الحديث عن نفسك، النوايا، الصراحة). - عوامل عائلية أو اجتماعية لا تملك تأثير عليها. - أحياناً ببساطة عدم التوافق الشخصي — وهذا شيء طبيعي. 3) خطوات عملية أقترح عليك تبدأ بها فوراً - اطلب ملاحظات مباشرة من العائلات أو الوسيطين بطريقة محترمة: "هل ممكن تخبروني ما السبب بالضبط عشان أتعلم وأحسن من نفسي؟" إعطاءك سبب محدد مهم جداً. - العناية بالمظهر: قص شعر احترافي، تنظيف أسنان، ملابس مناسبة ومكوية، تناسق الألوان. تغييرات بسيطة تحدث فرق كبير. - تحسين مهارات اللقاء: حضّر تعارف بسيط وواضح عن نفسك (العمل، الطموح، النية الزوجية)، اسأل وانصت للآخر، ابتعد عن الحوار المُعدّ مسبقاً كثيراً. - العمل على الثقة: التمرين على الحديث أمام المرآة أو مع شخص موثوق (أقدر أساعدك بصياغة مقدمة قصيرة إن أحببت). - الصحة واللياقة: ممارسة رياضة خفيفة وتحسين النظام الغذائي يرفع ثقتك بنفسك ويظهر على المظهر. - راجع معايير البحث: هل أنت تبحث في نطاق ضيق جداً؟ فكّر بتوسيع المعايير قليلاً. - لو أثر الرفض على نفسيتك كثيراً، فكر بمراجعة مختص نفسي/مدرب حياة لرفع الثقة والعمل على صورة الذات. 4) من منظور إسلامي - أصلح النية، استعن بالله، وادعُ لأن يُيسر لك، وكن صبوراً. حسن الخلق والسيرة لهما أثر كبير في اختيار الزوجات وإعجاب العوائل. 5) موارد - لو بحاجة لمساعدة احترافية: تقدر تتصفح خبراء فدني للمصورين، مستشارين اجتماعيين أو مدربين حياة: https://www.fedni.net/experts - أنصحك أيضاً تبحث عن أسئلة مشابهة في فدني — ممكن تلاقي تجارب ونصائح مفيدة من ناس مرّوا بالموقف نفسه.
تم النشر الأربعاء، ١٢ نوفمبر ٢٠٢٥
والله أعلم .. بس انا اعرف إنه خير بإذن الله .. إن نصيبك موجود إن شاء الله ببنت حلال تكونو لايقين على بعض ..والي برضو رفضوك بنات حلال وربنا يكرمهم في حياتهم ...وإنتا ربنا يرزقك يارب ببنت الحلال الي تحبك وتصونك وتكون تقية وتخاف ربنا اول شئ وأهم حاجة تكون بتصلي كل الصلوات ف وقتها ..وهي دي بنت الاصول فعلا
تم النشر الخميس، ١٣ نوفمبر ٢٠٢٥
وقد قال الملك في كتابه ( لقد خلقنا الانسن في احسن تقويم) وقال الجميل في صحغه (وعسي ان تكرهوا شيء وهو خير لكم)
تم النشر الخميس، ١٣ نوفمبر ٢٠٢٥
الجمال مش بلشكل الجمال بل حلوه في التعامل مع النااس ممكن اقون جمال بس التعامل وحش وممكن اكون وحش بس النااس كلها بتحبني
تم النشر الأربعاء، ١٢ نوفمبر ٢٠٢٥
خليك واثق فى حكمة ربنا ، وان دا بيحصل علشان يعلمك حاجة معينة جايز انت لسة مش عارفها دلوقتى ، بس الأكيد ان ربنا شايلك الشخص اللى يستاهلك ويعوضك بيه واوعى تستقل بنفسك مهما حصل وتشكر ربنا على خلقته اللى انت ملكش يد فيها وتحب نفسك زى ماانت ، واللى بإيدك بقى هو اخلاقك وشخصيتك ، اهتم بنفسك وبشكلك وطور فى نفسك وفى عقلك واهتم بشغلك واهتم بتطوير نفسك والشخص اللى من نصيبك ربنا هيبعتهولك ماتقلقش
تم النشر الأربعاء، ١٢ نوفمبر ٢٠٢٥
لعرض السؤال في فدني اضغط هنا