انا مدرسة بأسس ولد عنده ١٣ سنه عاوزة اجيبله هدية تخليه يستمر ويحب الدرس ويحب يتعلم وتخليه يستمر ف ايه انسب هدية اجيبهاله؟ وبرضو ايه احسن طريقة اتعامل معاه بيها خصوصا انه عنده مشكلة ف القراءة والكتابة بسبب مشكلات نفسية مر بيها
السلام عليكم، الهدية ممكن مثلا رواية أو كتاب مناسب لسنه أو ألعاب ذكاء أو ممكن تسألي مامته أو حد قريب منه إن كان عنده هواية معينة وتجيبي هدية مرتبطة بالهواية دي، مثلا لو بيحب الرسم فتجيب له أدوات رسم وهكذا. *** بس خدي بالك متربطيش في ذهنه إن الهدية مقابل الدرجات والمذاكرة، خليها تشجيع للتقدم مش إنه يفهم إنه لازم يذاكر بس عشان ياخد هدية. ** ومهم جدا برضه تنتبهي لنقطة، خطورة السن ده... خلي تعاملك معاه وسطي، يعني لا تزودي تعاطف وقرب ولا تخلي فيه شدة زيادة، يعني حاولي متخليش يحصل منه تعلق غير صحي بك. خاصة وإنك بتقولي مر بمشكلات نفسية ممكن يكون لها علاقة بالأسرة والاحتياج للعاطفة أو ممكن تزود حاجته للتعلق بشخص قريب. *** وازني بين مدحك لتقدمه وملاحظاتك على أخطاءه من غير ما تحسسيه إن فيه مشكلة بسبب الصعوبات اللي عنده. بالنسبة للتوجيهات الخاصة بتدريس المادة نفسها فأرجو إن حد من الأعضاء هنا يكون في مجال التدريس أو تربوي يجاوبك بنصائح أفضل. بالتوفيق.
تم النشر الثلاثاء، ١١ أغسطس ٢٠٢٦
يا عزيزتي، فكرتك في تقديم هدية للولد ده فكرة رائعة وتعكس اهتمامك الحقيقي بيه، خاصة إنه بيمر بظروف نفسية أثرت على قراءته وكتابته. الهدية المناسبة لازم تكون محفزة وممتعة بدون أن تضغط عليه في جانب القراءة والكتابة مباشرة. أنسب خيار ممكن يكون لعبة تعليمية تفاعلية زي مجموعة ألغاز أو ألعاب بناء (مثل ليجو أو ألعاب علمية بسيطة) أو حتى جهاز لوحي صغير محمّل بتطبيقات تعليمية مرحة تركز على الصور والصوت أكثر من النصوص. كده الهدية هتخليه يربط التعلم بالمتعة ويشجعه على الاستمرار بدون أن يشعر بالإحباط من مشكلة القراءة. بالنسبة لطريقة التعامل معاه، ركزي على بناء الثقة أولاً من خلال المديح الإيجابي على أي جهد صغير يبذله، واستخدمي أساليب متعددة الحواس زي الرسم أو المناقشة الشفهية بدل الاعتماد الكلي على القراءة والكتابة. كوني صبورة ومتفهمة، واجعلي الدروس قصيرة ومتنوعة حتى ما يحسش بالضغط، واربطي المواضيع باهتماماته الشخصية عشان يحس إن التعلم مرتبط بحياته. تذكري إن التقدم هيحصل تدريجياً، ودعمك النفسي هيفرق معاه كتير. لو عايزة أفكار إضافية، ابحثي عن أسئلة مشابهة على فدني عشان تشوفي تجارب الآخرين.
تم النشر الاثنين، ١٠ أغسطس ٢٠٢٦
تمام شكرا @عبده .
تم النشر الجمعة، ١٤ أغسطس ٢٠٢٦
ملاحظة قبل كل شئ لازم ميكونش المكان خالي ده مراعاة لعدم الخلوة .... شوية نقط مهمة وهي انك ١)متحسسيهوش انه طفل لأن ممكن تعاطفك يخليكي بنية حسنة تعامليه بلطف زايد وده شئ مش مرغوب فيه لأنه في العمر ده بيكون عايز يحس انه راجل ٢)اهم حاجة الاستماع الجيد مثلا لو عايز يدي رأيه في درس معين وبيتكلم بتردد فلازم يكون عندك صبر وتسمعيله للآخر لحد ما يخلص كل اللي عنده ٣)حافظي على هيبة المدرس وده مش تشديد على قدر انه افضل للمدى البعيد بحيث يكون في احترام للحصة
تم النشر الثلاثاء، ١١ أغسطس ٢٠٢٦
ساعة .. برفيوم .. تيشيرت مميز .. رواية لذيذة ..
تم النشر الاثنين، ١٠ أغسطس ٢٠٢٦
ممكن تجيبيله روايه قصتها حلوه تساعده عالقرائه وتشده انه يحب يقرأ او لعبه مثلا
تم النشر الجمعة، ١٤ أغسطس ٢٠٢٦
هو محايد ممكن يكون فعلا مش بيعرف يعبر عن رأيه ... افضل تصرف هنا انك تتقبلي رأيه المحايد ومتضغطيش عليه عشان يعبر عن رأيه لأن ده هيزيد المشكلة ..... عموما ده شئ كويس انك عايزة تحسنيه نفسيا .. والهدية مش بالمبلغ ولكن بالقيمة المعنوية .. جيبي له مثلا قلم شكله ظريف واديه لأمه لأنك لو اديتيه هو مباشرة ممكن يخجل أو كدا
تم النشر الخميس، ١٣ أغسطس ٢٠٢٦
@eslam fayad فكرت اجيب حاجه زي كده بس مش حاسه انه ينفع من معلمة لطالب
تم النشر الخميس، ١٣ أغسطس ٢٠٢٦
هو مش بيتكلم عن اي حاجه معايا مجرد درس وانا معلمة بشد وقت الشدة وبس وفكرة سنه دي اللي مخوفاني شوية اني مش فاهمه السن بتاعة والمرحلة بتاعتة دي هو بيمر بإيه فيها علشان كده اخترت اسأل عن الهدية انها تكون لايقة من مدرسة لطالب ف سنه ..+ هو كلامه قليل حتى لما باخد رأيه ف الحصة اننا نغير فيها حاجه او لو حاجه تقيلة عليه او اننا نغير موضوع القراءة لو ممل وهكذا هو دايما رأيه محايد وانا حقيقي مش فاهمه الفكرة دي هل ده الطبيعي ولا هو عنده مشكلة ف التعبير عن الرأي ف انا حقيقي مش فهماه مع اني بقالي مثلا ٥ شهور معاه
تم النشر الخميس، ١٣ أغسطس ٢٠٢٦
لعرض السؤال في فدني اضغط هنا