١/ الفراسة هى مهارة أو "فن" لمحاولة فهم شخصية البني آدم من ملامح وشه (زي شكل العين، الجبهة، الحواجب) وطريقة كلامه وحركته. تاريخياً: العرب زمان كانوا مشهورين جداً بالفراسة، وكانوا يقدروا يعرفوا الشخص ده طيب ولا خبيث، أو تبع أنهي قبيلة بمجرد النظر لملامحه وتصرفاته. ٢/العلم الحديث بيقول: في جزء منه كلام فاضي وجزء تاني حقيقي جداً. الكلام الفاضي: إننا نربط صفة ثابتة بشكل ملامح معين (مثلا: اللي مناخيره بشكل كذا يبقى بخيل) ده ملوش أي أساس علمي لأن الملامح جينات موروثة ملهاش علاقة بالأخلاق. الجزء الحقيقي: هو "فراسة لغة الجسد وتعبيرات الوش الدقيقه ده علم حقيقي ومثبت بنعرف منه لو الشخص متوتر، بيكدب، أو فرحان من حركات عينه وإيديه. ٣/هل حلال ولا حرام؟رأي الدين (دار الإفتاء): الفراسة حلال ومش حرام، بل هي كمان صفة ممدوحة للمؤمن ("اتقوا فراسة المؤمن فإنه ينظر بنور الله")الشرط الوحيد بس إنها متتحولش لـ ادعاء علم الغيب أو الدجل والسحر، أو إنك تستخدمها عشان تسيئي الظن بالناس وتتهمهم في نيتهم بمجرد الشبه، طالما بتستخدم كـ "حس أمني" أو ذكاء اجتماعي فهي حلال تماماً موقفي منه: أنا مصدقه الجزء الذكي منه، اللي هو "الذكاء العاطفي والملاحظة القوية". مصدقه إن الشخص اللماح بيقدر يلقط نظرة العين، نبرة الصوت، وطريقة المعاملة ويفهم اللي قدامه بيفكر في إيه. لكن مش مصدقه الكتب القديمة اللي بتقول لو جبهتك عريضة يبقى إنت كذا؛ لأن الناس بتتغير وطباعها بتتعدل بالتربية والبيئة
شكرا لذوقك اختي الكريمه ولكن اه هي الفراسه بصي حاجات كثير بتربطيها مع بعض مثلا الملامح مع التصرف بتاع الشخص مع الاحساس بتاعك مع السمعه بتاعته تمام الشخص ده كان بيعمل وبيعمل وبيعمل مع اللي انا شايفه مثلا اه وهينفع يعمل كده بسبب 1 2 3
تم النشر الجمعة، ١٥ مايو ٢٠٢٦
وجهة نظرك تحترم جداً حضرتك وكلامك مظبوط في إن الفراسة الحقيقية هي نظرة شاملة وتجميع لملامح وتعبيرات كتير مع بعض مش مجرد لقطة واحدة، والذكاء هنا إنك تقدر تربط الملامح دي بالتصرفات عشان تكشف النوايا طالما المعادلة دي نفعت معاك ووفرت عليك تجارب وناس مؤذية يبقى إنت عندك حاسة سادسة وبصيرة قوية ربنا يباركلك فيك وشكرا على التوضيح
تم النشر الجمعة، ١٥ مايو ٢٠٢٦
اشكرك جدا على اجابتك الصريحه ولكن في اختلاف ما بين علم الفراسه ولغه الجسد لان لغه الجسد بتحلل الحركات والاوضاع اما علم الفراسه بيحلل اشكال وسمات الوجه يعني مثلا البخيل ما ينفعش اقول الشخص ده بخيل من المناخير بس وعليك علم الفراسه عباره عن معادله لازم اجمع اشكال معينه في الوش الشكل ده مع الشكل ده مع الشكل ده ده معنى كذا ده معنى كذا ويطلع الناتج ان الشخص ده بخيل تمام وكمان لغه الجسد بتحلل الحركات والمظاهر اما علم الفراسه بيحلل الافكار الداخليه يعني بنقرا الشخص ده بيفكر ازاي بيتعامل ازاي هل افكاره متطابقه مع افعاله ولا لا ممكن نلاقي افكار شخص صريح والكذاب والخبيث واللي بيلف ويدور والشخص المباشر واللي بتاع مصلحته بنعرف الشخص ده بيفكر ازاي قبل ما نتعامل معاه فانا تجربتي مع الفراسه هي صحيحه 100% وطبقتها على ناس كثير طلعت صحيحه يعني بعرف الشخص وبوفر على نفسي التجربه👌
تم النشر الخميس، ١٤ مايو ٢٠٢٦
لعرض الإجابة في فدني اضغط هنا