ماذا أفعل مع خوفي من نفسي ومن المجتمع؟

مساء الخير

تقريبا انا اول يوم ليا هنا انا بنت من اسره متوسطه وحيده ما عنديش اخوات اتعرضت التنمر كتير وتحرش اهمال اسري وساعات عنف اسري مع اني بنت وحيده ما عنديش اخوات لكن اسرتي كان عندها اهتمامات تانيه غيري

ده كان سبب كبير اوي في سبب فشلي الدراسي وخروجي من مسيرتي التعليميه ومش بس كده انا بقى عندي اضطراب الطعام وبقى عندي صدمات كتيره اوي من اسرتي من علاقاتي من حياتي عامه

حاليا انا بقى عندي 26 سنه بدون اصدقاء بدون ما احس ان انا عندي عائله بدون ما احس ان انا ليا قيمه ولازمه اصلا في المجتمع ده غير ان انا مش عارفه اتعالج لاني المدينه بتاعتي مفيهاش دكاتره نفسيه او معالجين نفسيين متخصصين في حالتي حاولت كتير انتحر حتى دي ما عرفتش اعملها سؤالي هنا محتاجه حد يقول لي اعمل ايه

ماذا أفعل مع خوفي من نفسي ومن المجتمع؟

سؤال من احد أعضاء فدني

تم النشر الجمعة، ١٣ يونيو ٢٠٢٥

5 إجابة

لو على الحاجات اللي ممكن تعمليها فالحاجات اللي ممكن تعمليها كثير جدا لو على التواصل مع الاخصائيين وانت في البلد اللي انت فيها ما فيش حد حواليك مش مهم خالص الاون لاين ما خلاش في تواصل مع اخصائيين واطباء وكل الاشكال عن طريق خدمات كثيره جدا مجانيه ومدفوعه كلها اون لاين ومن غير ما تتحركي من مكانك والمواعيد كل المواعيد موجوده فده ان شاء الله ممكن يتعمل عادي جدا .  لكن المهم قبل اللي يتعمل هو اللي ما يتعملش اللي ما يتعملش ان احنا نبعد عن فكره انهاء الحياه لان تكلفتها اعلى بكتير ليه تكلفتها اعلى بكثير هو انت مش هترتاحي من الاحساس الالم اللي موجود حاليا لانه هيكون في الم فيما بعد في الحياه اللي هي بقى مكمله كثير جدا وما لهاش نهايه يعني حياه الخلود فعشان كده التكلفه فاحنا ده مش هنعمله تماما اتفقنا.  نقول واحده واحده احنا عايزين نعمل ايه بقى 1. هنصالح نفسنا وهنصالح ظروفنا اللي حصلت كلها عن طريق ان احنا هناخد موقف موقف وهنبدا نشوف الموقف ده حصل ازاي الظروف اللي خليته يحصل وهل احنا لينا يد في الموضوع ولا لا لو لينا يد يبقى نشوف احنا ازاي نبطل يكون لينا يد بالشكل ده وايه الاجراء المختلف اللي احنا ممكن نعمله عشان نمنع موقف زي ده لو ما لناش يد يبقى خلاص الموضوع اتقفل لانه احنا ما كناش نفهم او قدراتنا كانت اقل من ان احنا نتصرف في الموقف ده ونقطه والموضوع خلص 2. نبدا نشوف نفسنا من اول وجديد نقف في المرايه من اول وجديد ونقول هو انا مين انا مين الحاليه اللي موجوده دلوقتي اللي موجوده دلوقتي بتعرف تعمل ايه ما بتعرفش تعمل ايه بتعرف تروح فين وما بتعرفش تروح فين فتره في ايه ومش شاطره في ايه وابدا اشتغل على الحاجات دي 3. ابدا اشوف انا محتاجه ابقى ازاي انا هحب نفسي قوي قوي قوي لو شفتها بعد فتره في المرايه وهي عامله ازاي وهي شكل عينيها عامل ازاي وهي شكل شعرها عامل ازاي وهي بتلبس ازاي وهي بتتكلم ازاي هبدا اكون الصوره اللي انا عايزه اروح لها واللي انا هكون راضي عن نفسي لما اشوف نفسي في المرايه مره ثانيه 4. ههيئ الظروف وهبذل مجهود كل ما هتظهر قدامي حاجه من القديم هتعامل معاها واحده واحده وبالراحه ومش هياس واعرف انها مجرد ماضي ومجرد ذكرى وانا هتعامل معاها ومش اكتر من كده وهي مش شبح بيهددني فقط لا غير هنفضل كده لحد ما نوصل لهدفنا ان شاء الله

تم النشر الثلاثاء، ١٧ يونيو ٢٠٢٥


الوضع صعب واكيد الانتحار شئ عقلاني جدا ومنطقي لما الواحد يكون واقع والدنيا كلها جايه عليه لكن فكري فيها الخساره دي انتي الوحيده اللي هتشيليها وحتي ان كان انتي عاوزه الخساره دي علشان تخلصي بس بس اكيد عندك حاجه في حياتك تشوفي منها نور وامل فتشي وفتشي جامد جدا علشان تلاقي يدوبك شمعه تنور ضلمتك وصدقيني من شخص حاول قبل كدا كذا مره وكاد ان ينجح في ذلك مرتين مفيش اي حاجه في الدنيا تستاهل انك تاخدي روحك بايدك وصدقيني بردو مهما كانت الحياه وحشه ديما في نور وامل ولو اصغر من انه يتشاف بس في والله

تم النشر الثلاثاء، ١٧ يونيو ٢٠٢٥


مساء النور... انا اسفة للي انتي حاسة بيه و دي مش حاجة سهلة انك تحسي بالوحدة، بس هيهات ربك اللطيف الكريم معاكي و حاشاه انه يئذيكي أو يسيبك، كل اللي بيحصل لحكمة لا يعلمها إلا الله، لعل ربنا مش عايزك تتعلقي بعباده و عايزك تتعلقي بيه ف هيأ لكي الأسباب اللي تخليكي تلجأي ليه هو وحده و يا بخت اللي تعلق قلبه بالله وحده، احرصي انك تعلقي قلبك بربنا لان والله ما حد هيطلعك من البلاء ده غيره و حتى لو روحتي لدكتور نفسي ف هو سبب من الأسباب لكن لو ربنا عايز يكشف عنك البلاء هيكشف و لو عايزك تصبري ع البلاء هيديكي اللطف اللي يخليكي تصبري بيه لان ربنا دايما مع أي بلاء بيدي لطف، ف قبل ما تستشيري دكتور نفسي انصحك تجربي تنتظمي في صلاة قيام الليل صلي ركعتين قبل ما تنامي وواظبي ع أذكار الصباح و المساء لان ده حصنك بيدفع عنك الشرور و اقعدي افتحي قلبك لربنا و اتكلمي معاه و هو سامعك و فاتحلك بابه ع طول من غير استئذان و مفيش بيك و بينه حجاب ولا وسيط عيطي زي ما تعيطي و هو بإذنه هيستجيب و لو بعد حين

تم النشر الأحد، ١٥ يونيو ٢٠٢٥


انا متفهم جدا ضياعك ومعذورة .. انتي ولدتي طفلة وبنت بين أيدي غير أمينة وبشر فيهم من الأمراض النفسية .. وأهم خطوة هي الفهم •الطفل نفسيا عنده احتياج لحاجتين .. الحب الغير مشروط ، الأمان •الحب الغير مشروط يعني الطفل محبوب لشخصه منغير شروط أو انجازات (وده من الأم) •الأمان أنه يكون قاعد وواثق في اللي حواليه أنهم لا هيلمسوا جسده أو يتلفظوا عليه ولا هيهملوه ويغدروه (وده من الأب) ............... • التنمر و التحرش والإهمال والعنف قتلت الحب الغير مشروط واعدمت الأمان فتشوه منظورك للحياة والبشر •فبتشوفي الحياة خطر والبشر غدارين ووحوش منتظرين الفرصة عشان يلتهموا الضعيف ويتحرشوا بيه (عدم الأمان) •وبتحسي بالعار وكره النفس لأنك شايفة انك مهملة ومعنفة ومتحرش بها وخارجة من الدراسة ده غير التنمر اللي زاد من كره النفس (عدم الحب الغير مشروط) ............... •فالمشاعر السلبية والخوف من الناس وكره النفس سببت الخجل وعدم الثقة بالناس فده سبب الوحدة •فلجأتي لإدمان الطعام كأسلوب هروب من الواقع وهروب من الألم ............... الحل رحلة وأسلوب حياة وهو بعلاج مشاعر الخوف عن طريق أنك تكتشفي منظورك تجاه العالم والناس وتغيريه وتعرفي ان مش كل الناس غدارين ومنتهكين وبلا ضمير .. وتعرفي أن في مساحة للعيش والتحرك بأمان خصوصا في بلادنا (مننكرش ان في اشخاص سيئين لاكن ايضا في أشخاص طيبين) مشاعر كره النفس أنك تغيري نظرتك لنفسك من (ضحية) إلى (ناجية) ... ولكن العقل مش بيصدق إلى بدليل أو بالأصح بالكثير من الدلائل إلى الاقتناع بأنك ناجية ... ومش هيقتنع إلا لما يشوف التحسن في الصحة النفسية ... والتحسن ده عن طريق روتين يومي بدلا من فرط الطعام يجب أن تبدأي بيه حتى بأبسط الأمور ١٠ دقائق كتابة أفكار ، ١٠ دقائق رياضة ، ١٠ دقائق تأمل ، عبادة لله ، تمشية ، صدقة وده هيعالج كره النفس ومش ضروري كلهم كل يوم الماضي والألم راح لكن باقي شوية آثار مشاعر سلبية

تم النشر السبت، ١٤ يونيو ٢٠٢٥


مساء الخير يا عزيزتي، أولاً أهلاً وسهلاً بك في فدني، وأنا ذكية هنا لأدعمك وأقف معك بكل مشاعرك وتجاربك الصعبة التي مررتِ بها. أريد أن أقول لك أن ما تشعرين به ليس ضعفًا أو خطأ منك، بل هو نتيجة لتجارب قاسية مؤلمة تعرضتِ لها، وهذا شيء يحتاج إلى صبر وعناية خاصة. لننظم الموقف معًا خطوة بخطوة: أنتِ تستحقين أن تعيشي بكرامة وسعادة مهما حدث في الماضي، أنتِ تستحقين تقديرك لنفسك وحبك لها. أنتِ ليستِ وحيدة، رغم أن شعور الوحدة حاضر الآن، لكنه يمكن أن يتغير مع الوقت وبالجهد. اسعي للبحث عن معالج نفسي حتى لو خارج مدينتك صحيح أن الأماكن المتخصصة في مدينتك قد تكون محدودة، لكن في عصرنا الحالي، هناك الكثير من المعالجين النفسيين الذين يقدمون جلسات عبر الإنترنت. حاولت البحث عن معالجين أو مستشارين نفسيين يمكنهم مساعدتك في حالتك عبر الفيديو أو الهاتف؟ هذا قد يكون طريقًا مفيدًا جدًا في المرحلة الحالية. ابدئي بخطوات بسيطة للعناية بنفسك اهتمي بنومك وتنظيم وجباتك حتى وإن كان الأمر صعبًا، فهذا يساعد على استقرار المزاج. ابحثي عن نشاط بسيط تحبيه، مثل القراءة، الكتابة، أو هواية صغيرة تكسر روتين الوحدة. لا تخجلي من طلب المساعدة أحيانًا فقط التحدث مع شخص متفهم ومختص يمكن أن يحدث فرقًا كبيرًا. في فدني، يمكنك الاطلاع على قسم الخبراء/الأخصائيين النفسيين هنا: https://www.fedni.net/experts بإمكانك التواصل مع أحدهم لطلب جلسة استشارية خاصة تناسب وضعك. قيمي علاقاتك الحالية وتجنبي من يسبب لك الأذى سواء من المجتمع أو أسرتك، حاولي الحفاظ على حدوده بحيث تقللي التعرض للأذى النفسي والجسدي، وابدئي في بناء شبكة دعم جديدة حتى لو كانت صغيرة. ابقي قوية وإيمانك سيدعمك لا تنسي أن توكلي أمرك لله وتعتمدي عليه، فبحق الله أنتِ جديرة بالحياة وبالنجاح. الدعاء والاستعانة بالله مع العمل على نفسك هي أعظم قوة لديك. أنا هنا معك دائمًا، ويمكنك مشاركتي بأي مشاعر أو أسئلة أخرى تودين التحدث عنها، ولا تنسي أن تأخذي الوقت الكافي للتعافي. أنتِ لست وحدك، وفدني مجتمع داعم يمكنه مساعدتك كثيرًا. هل ترغبين أن أساعدك في البحث عن أخصائية نفسية عبر الإنترنت تناسب وضعك؟ أو أية نصائح أخرى تشعرين بأنها ممكن أن تخفف عنك؟

تم النشر الجمعة، ١٣ يونيو ٢٠٢٥

4 تعليق

تم النشر الاثنين، ١٦ يونيو ٢٠٢٥


اول شيء تشيلي من راسك فكرة الانتحار وتحسني علاقتك بربنا ممكن تصلي وتقرأ قرآن والأفضل تحفظ مثل في دار تحفيظ عشان تلاقي صحبة صالحة وناس تعينك علي الطاعة وبإذن الله هترتاحي ربنا يرضي عنك

تم النشر الاثنين، ١٦ يونيو ٢٠٢٥


مش عارفه بجد أنا مش فاهمه ازي في أهل كده افتحي يوتيوب شوفي ناس بتتكلم عن الحاجات دي الانتحار مش حل دا غير انك بنسبه كبيره هتتلحقي انتي ملكيش غير نفسك لازم تقفي على رجليك وتقوي نفسك انتي عمرك مهتنسي اللي حصلك دا لكن ممكن تتعايشي معاه انتي لسه صغيره حاولي عشان نفسك تحسين وضعك

تم النشر الأحد، ١٥ يونيو ٢٠٢٥


استعيني بالله وقوي علاقتك بربنا تصلي للراحه النفسيه التي ترجوها انا طبيبه وبرغم كده من تجربة والدتي مع العلاج النفسي مش حاباها الصراحه انا مش بحب الادويه عموما بس ممكن تروحي لحد معالج سلوكي وتتكلمي معاه لو ملقتيش عليكي بالقرب من الله عامليه كأنه اللي ليكي ف الدنيا دي وصدقيني والله هترتاحي كنت دايما لما احسني لوحدي اقول لنفسي النبي محمد اعتبره والدي واقتدي بأفعاله وسنته وربنا هيعوضني صومي كتير وتصدقي واسعي لرضا ربك بس لما هتوصلي للمرحله دي مش هتشوفي قدامك غيره واحفظي قرآن وقربي من صحبه صالحه مش صحبة مصالح روحي اجلسي ف الجامع ف جلسات علم هتلاقيكي تلقائي بتحتكي مع ناس عندها دين واحده بواحده هتصاحبيهم

تم النشر الأحد، ١٥ يونيو ٢٠٢٥

لعرض السؤال في فدني اضغط هنا

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك