ماتخليش كلامهم ونظرتهم السطحية دي تأثر عليكي ، وإذا كانت تعليقاتهم بطريقة سخيفة ومُتعمّدة لاحراجك رُدّي عليهم ماتسكتيش وتباني ضعيفة الشخصية ولا تشيلي ف نفسك وتزعلي ، ومش شرط يبقى أسلوبك وحش وكلامك وقح عشان تاخدي حقك بس ماتتردديش ف إنك تحرجي اللي بيحاول يقلل منك وتخليه يحترم حدودك ، دي أمثلة لردود ممكن تقوليها : وايه المشكلة يعني مش فاهمة؟ ضحكوني معاكم معلش بقا لو دخلت كلية مش عاجباكم أصله مستقبلي أنا ومايخصش حد غيري وكده والله أنا عن نفسي راضية بنصيبي وبالمكان اللي أنا فيه ومبسوطة لو عندكوا انتوا اعتراض دي مشكلتكم حاضر هنلغي المدارس والتدريس عشان حضراتكم متضايقين من المهنة دي ومش معترفين بأهميتها بلاها خالص ولا تزعلوا نفسكم المفروض دي نكتة أضحك ؟ ابتكري ردود 😂♥️ ولكن راعي إنك ماتغلطيش ف حد ولا تقوليله كلام جارح ولا تقللي منه زي ما حاول يعمل معاكي خليكي ذكية ، مجرد إنك تحرجيهم وتردي بثقة هيخليهم مايكرروهاش تاني ويحترموكي
تنبهيه بالكلام بنبرة حادّة إنه ماينفعش يكلمك بالطريقة دي ولا يتطاول عليكي وعرفيه إن تربيتك ماتسمحش تردي عليه بنفس أسلوبه ولا ترديله نفس الغلط ولكنك مش هتسمحيله يتمادى واقطعي علاقتك بيه أو تجاهليه ده أحسن رد فعل ودرس ليه ساعتها لما هيحس إن شكله وحش قدام الكل ويحس بالإحراج وانه خسر علاقته بيكي هيندم وهيراجع نفسه و هييجي ويعتذر ولو ماعملش كده انتي الكسبانة
تم النشر الجمعة، ٢٧ ديسمبر ٢٠٢٤
اوقف ازاي حضرتك؟
تم النشر الخميس، ٢٦ ديسمبر ٢٠٢٤
العفو.. ضروري تحطي حدود للسخرية دي أنا بس مش عايزاكي تكوني مهزوزة والكلام العبيط ده يأثر فيكي ردي بس ماتغلطيش واللي يحاول يغلط وقفيه عند حده ماتسمحيش بالإهانة
تم النشر الخميس، ٢٦ ديسمبر ٢٠٢٤
هو للأسف م كل الناس هتاخد رد الفعل اللي حضرتك ذكرتيه دت بس شكرا على الافاده
تم النشر الخميس، ٢٦ ديسمبر ٢٠٢٤
لعرض الإجابة في فدني اضغط هنا