السلام عليكم، أولا، متكرريش الموضوع ولا تثقي بأي حاجة على النت ولا تعطي حد أي بيانات شخصية ولا تبحثي عن طرق الربح السريعة على الانترنت لأن أغلبها نصب زي ده. أعتقد إنك وقفتِ تبعتي فلوس، فلو عندك حاليا أي بيانات عنه أو فيه شات أو سكرينات من التواصل بينكم احفظي كل ده وتواصلي مع مباحث الانترنت وبلغيهم بكل اللي حصل واعطيهم الأدلة اللي معك. معرفش إذا كنتِ هتقدري ترجعي الفلوس منه أو لأ، بس عموما استعوضي ربنا واعتبري اللي حصل درس وربنا ستر ومجاش في مبالغ كبيرة جدا زي ما حصل للأسف مع ناس تانية. ** ممكن تشوفي الوسيلة اللي حولتِ له الفلوس بها سواء وتتواصلي مع خدمة العملاء أو الجهة الرسمية بتاعتها وتسأليهم عن الإجراءات اللي ممكن تتاخد ضد حساب الشخص ده. *** لو كنتِ أعطيتِه أي بيانات تخصك زي بيانات بنكية أو كلمات سر فخدي إجراء حماية زي تغيير كلمات السر أو التواصل مع البنك لو كانت بياناتك معرضة للتهديد وهكذا. https://lawyeregypt.net/رقم-مباحث-الانترنت-فى-مصر/
لعرض الإجابة في فدني اضغط هنا