انا اعانى من مشكله انا عندما اخرج مع اصدقائى يتحدثوا فى كلام ليس منه فائده وكلام بايخ ونميمه كيف اتجنب هؤلاء الاصدقاء لان انا اريد ان ابتعد وفى نفس الوقت مش عاوز ابتعد لان مش هحب الوحده ارجو النصيحه
حاول انت تغير صحابك للأحسن ولو مستجابوش منك مباشرة حاول تغير الموضوع مثلا وتدريجيا بقى تفهمهم إن حرام النميمه وكلمهم بأسلوب هادي بحيث انهم يقتنعوا وكمان هاتلهم آيات من القرآن وأحاديث معناها إن ده حرام وذنبه مش قليل وربنا يثبتك يارب ويثبتنا جميعا🌷
تم النشر الاثنين، ٢٠ أكتوبر ٢٠٢٥
لا لا متخرجش معاهم... انت مش هتعرف تغيرهم فخلاص متخرجش معاهم لان انت كده هتتأثر بيهم وتبقا زيهم ولو على الوحدة فموضوع محتاج صبر بس شوية عقبال ما تلاقي ناس جديدة شبهك فأصبر المدة دي وعشان تلاقي ناس شبهك لازم تروح اماكن جديدة شوف مثلا لو بتحب رياضة معينة انزل اشترك فيها او اي حاطة بتحبها لو مفيش خالص اهتم بدراستك مثلا وروح المدرسة شوف حد شبهك لو مفيش روح أكاديمية حفظ قرآن اكيد دي هتحبها وممكن تلاقي ناس شبهك المهم تصبر وخليك لوحدك شوية
تم النشر السبت، ١٨ أكتوبر ٢٠٢٥
السلام عليكم ورحمه الله وبركاته احسن حاجه تعملها صلي صلاه استخاره بس انت اكيد مش هتكون لوحدك لو انت معاك اخوك مثلا ينزل معاك في المناسبات و حاجه اخيره بص لقدام بص المستقبل انت لما تفضل معاهم هتتعود عليهم الصاحب ساحب اسمع شيوخ غير كده اكيد اكيد ثق فير ربنا و حط تحت (ثق في الله) مئة ألف خط ثق في ربنا أنه هيعوضك بصحاب يخدوك معاك للجامع و إنشاءالله تروحوا الكعبه مع بعض و ارجو بجد انك تكون فهمتني و السلام عليكم
تم النشر السبت، ١٨ أكتوبر ٢٠٢٥
مرحباً يا محمد شريف، أنا ذكية، وسعيدة بإني أساعدك في هذا الموضوع المهم. أفهم تماماً إحساسك بالحيرة بين رغبتك في الابتعاد عن أصدقاء يتحدثون في كلام سلبي أو غير مفيد، ورغبتك في عدم الشعور بالوحدة. هذه حالة شائعة جداً، وحلوها موجود بإذن الله، فخليني أساعدك بخطوات عملية: حدد أولوياتك وقيمك فكر في الأشياء التي تهمك فعلاً: هل تسعى للتطور الشخصي، التعلم، أو قضاء وقت مفيد؟ عندما تحترم قيمك، يكون من السهل تحديد من يناسبك من الأصدقاء. قلل الوقت معهم تدريجياً ما لازم تنفصل فجأة، لكن ابدأ بتقليل الوقت اللي تقضيه معهم تدريجياً. مثلاً، قل لهم أن لديك انشغالات أو اهتمامات أخرى. ابحث عن نشاطات أو مجموعات جديدة جرب الانضمام لهوايات أو دورات أو مجموعات في مجتمعك أو عبر الإنترنت (ممكن تبحث في فدني عن خبراء أو نشاطات)، هذا بيساعدك تعرف ناس جدد يتشاركون معك قيمك واهتماماتك. ابنِ صداقات جديدة بجودة مش كمية وجود صديق أو اثنين تشعر معهم بالراحة والاحترام أفضل من صحبة كثيرين لا تستفيد منهم. تعلم كيفية توجيه الحوار عندما تكون معهم، حاول تغيير موضوع النقاش لشيء مفيد أو إيجابي، وأحياناً الصمت عند الكلام غير المناسب هو الرد المناسب. اعتنِ بنفسك نفسياً وروحياً تعامل مع الوحدة كفرصة للتقرب من الله والصلاة والدعاء، وذكر الله يعينك ويقويك على اتخاذ قرارات صحيحة. وأخيراً، لا تنسى أن الوحدة ليست بالضرورة سلبية؛ أحياناً تحتاجها للتفكير والتنمية الذاتية. وإذا شعرت بحاجة لدعم أكثر تخصصاً، بإمكانك البحث عن خبراء نفسيين أو مدربين في فدني https://www.fedni.net/experts للمساعدة. أنا هنا دائماً لدعمك يا محمد، وإذا حبيت تتكلم أكثر أو تحتاج نصائح إضافية، اسألني بكل حب. ربي يوفقك وييسر لك الخير دائماً! 🌷
تم النشر الجمعة، ١٧ أكتوبر ٢٠٢٥
لما يجيبوا سيرة حد ويشتموا حاول انت تغير الموضوع اصلا او على الاقل اذكر الصفات الكويتيه فى الشخص ده ومواقفه الحلوه واعمل كده سواء كانوا بيجيبوا سيرة ولد او بنت ولو معرفتش تعمل كده اقعد ساكت وحاول تستغفر ربنا فى سرك .وشكرا ❤️
تم النشر السبت، ١٨ أكتوبر ٢٠٢٥
قبل اي شيء عليك بنصحهم ، فإن اصروا واستمروا .. فلابد من مفارقتهم .. من ترك شيئا لله عوضه الله خيرا منه ، التغيير بيبدأ من قلبك ثم البيئة .. وانت نويت فعليك تغيير البيئة فورا حتى تتغير للأفضل
تم النشر الاثنين، ٢٠ أكتوبر ٢٠٢٥
لو بيجيبو سيرة الناس انتي متتكلميش معاهم علي حد هما يكلمو علي ناس وانتي حتي لو معاهم قوليلهم كده حرام او لو مقتنعوش سيبيهم براحتهم انتي لو اكلمو قدامك علي حد متشاركيش ف الحديث وبس
تم النشر الأحد، ١٩ أكتوبر ٢٠٢٥
لو انت شايف نفسك ناضج اكتر منهم غير صحبتك وشوف ناس من نفس مستواك الفكري
تم النشر السبت، ١٨ أكتوبر ٢٠٢٥
عليك النصيحه، فإن لم يستجيبوا فما عليك إلا البلاغ، ولا تجلس في مجلس فيه نميمة وغيبة، وأذكر محاسن من يتحدثون عنه أو لا تستمع وغادر، لأنك حتى لو جلست استمعت ولم تتحدث عليك إثم مثلهم، اذكر لهم ما يزعجك منهم فإن لم يستجيبوا فتكون الوحدة أفضل، أو المعاملة بسطحية
تم النشر الاثنين، ٢٠ أكتوبر ٢٠٢٥
لعرض السؤال في فدني اضغط هنا