السلام عليكم، هو أولًا لازم متابعة مع طبيب عشان خطة العلاج هتختلف حسب سبب ونوع الأنيميا وشدتها وكمان نفس الشيء بالنسبة للفيتامينات. وطبعًا لازم تعملي حسابك إن العلاج بياخد وقت خاصة لو الأنيميا ونقص الفيتيامينات شديد، ومش بين يوم وليلة هتلاقي تحسن في حالتك، فمهم جدًا الاستمرارية ومواصلة العلاج. على الجانب الآخر، لازم من ناحيتك تلتزمي بنظام غذاء صحي متوازن يعوض الفيتامينات وتتجنبي العادات السيئة اللي بتقلل امتصاص الفيتامينات والمعادن زي شرب الشاي بعد الأكل مباشرة. اهتمي جدًا بالخضروات خاصة اللي فيها نسبة عالية من الحديد. مهم جدًا تدخلي الرياضة في يومك، ولو عشر دقائق من تمارين التمدد، هتحسن الدورة الدموية وتزود حيويتك. تابعي مع الطبيب ضروري والتزمي بالعلاج واصبري لحد ما تشوفي النتيجة. وألف سلامة.
لعرض الإجابة في فدني اضغط هنا