ماذا أفعل مع زوجي بعد كل محاولاتي للحفاظ على حياتي؟

Question

اناوزوجى بنحب بعض بس مش بيهتم وبيتعصب وبيضرب فيا ضرب موت ويقرشنى على اي سبب مش بيحبنى اتكلم ولا أقول رأي فى حياتنا مدام هو مش حابب مش بخيل بس مافيش اهتمام وانا من النوع ماحبش حد يعلم عنى حاجةلوعمل فيا اي ضرب واهانة وكل حاجه مش بقول لحد من اهلى ولا اى حد حياتنا ماشيةازاى ماشيين غصب يقولى حقك عليا انابحبك ومستغناش عنك انتى اللي ليا وكلام كتير وانا نفسيتى بتتعب من الزعل والكتمان وانا صغيرةبقيت مريضا كلى من النفسية بقالى 7سنين متزوجة ومرة اكتشفت إنو بيكلم واحدة على التيك توك من حولينا هي دخلتلو فاتكلموا واتجرأ معاهافى الكلام واتكلم عنى هو بيحذف علي طول بس يوم واحد نسا ونام علي نفسو وهما بيتكلموا وهي فضلت تقول نمت احذف مراتك هتشوف الرسايل وكدة أنا أخدت اسكرينات لما عرف مسك تليفونى وحذفهم وكدة لما صحي شوفت الكلام اتصدمت وكنت عاوزة اطلق عيط ويقولى شيطان ومرة واحدة وكلام كتير وانا مش قادرة أسامح بس بحبو وعشان بنتى الى متعذبة معانا دى وبيقلس عليا كتير لكن ميستغناش عنى فى البيت وبيقولى ياماما اعمل اي ياماما هاتيلى شدى حيلك اناوبنتك نتبهدل من غيرك مش بخليه يعمل حاجة ليا حتى أكله اجبهو له لحد عندو وافضل واقفة وهو بيستحمى بالهدوم برا وأجهزها على اللبس على طول بس انا مشكلتى مش قليلة أدب ولا اموت لو محصلش فانصحونى اتعامل معاه ازاى غير عيلةصعبةاووى

Accepted Answer

التعليقات أغنت ووفت ولكن لفت نظري أنك تقولين لأجل ابنتي .. صدقيني الاستمرار مع شخص بهذا السوء هو قمة الأذى لابنتك .. ولكن لا يصح أن نطلب منك الانفصال هكذا فجأة فالعالم ليس ورديا خارج هذه العلاقة ولقمة العيش مريرة وطريق الوصول إليها صعب وشاق جدا .. برأيي تحتاجين لمن يأخذ بيدك للوصول إلى بر الأمان دون خسائر فادحة .. شخص حكيم من عائلتك .. متخصصة علاقات أسرية .. شيخ ذو علم وحكمة الأهم ألا تتأخذي قرارا فجائيا قبل ترتيب كل أوراق حياتك

Answer

خليني اقولك حاجة انا كبنت مقبلش امي تقلل من قيمتها اكتر من كدا الراجل لو خان مره هيخونك كل مره وانت وجهتيه وقال لك ان الشيطان والدنيا تمام واديتي له فرصته الاولى كفايه عليه قوي بنتك ما تستاهلش انها تعيش في عذاب من دلوقت لانها بعد كده هتتعرض لحاجات اكبر مش هتبقى قدها هتقدري تعيشي مع بنتك مستقله بتصرفي عليها تعيشي حياتك بعديه سيبيه

Answer

بصي ربنا سبحانه وتعالى قال "وَلَقَدْ كَرَّمْنَا بَنِي آدَمَ". الضرب والإهانة وكتم الصوت حرام شرعاً وميرضيش ربنا. الصبر اللي بيجي على حساب صحتك ونفسيتك وكرامتك مش هو ده الصبر الممدوح، لأن لا ضرر ولا ضرار. والجواز في الإسلام قايم على "مَوَدَّةً وَرَحْمَةً". لو الرحمة اختفت وحل مكانها الضرب والخيانة، يبقى في خلل كبير لازم يتصلح. الاعتذار والدموع بعد كل غلطة دائرة الإساءة مش حل، ده تخدير للمشكلة. والدين مبيأمرش إنك تموتي بالبطيء عشان تداري على بيتك. لازم يكون في حَكَم أو حد كبير من أهلك أو حد عاقل بتثقي فيه يتدخل بجدية. السكوت بيخلي الطرف التاني يتمادى لأنه أمن العقاب. وادعي ربنا بقلب حاضر إنه يبرد قلبك ويدلك على الطريق الصح. مفيش حد يقدر يقرر مصيرك غيرك، لكن لازم تعرفي إن لنفسك عليك حقاً، وإن بنتك محتاجة أم قوية وسوية نفسياً، مش أم مريضة من الحزن والظم والدين مبيقبلش الظلم، والبيوت مش قايمة على الخدمة والضرب والسكوت. استخيري ربنا، ودخلي حد كبير يوقف المهزلة دي عند حدها، لأن صحتك وعمرك أمانة هتتحاسبي عليها.

ماذا أفعل مع زوجي بعد كل محاولاتي للحفاظ على حياتي؟

نفسية

اجتماعية

زواج

سؤال من احد أعضاء فدني

تم النشر الثلاثاء، ١٠ مارس ٢٠٢٦

4 إجابة

1 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك