انا نفسيتي تعبانه جدا وبقيت بشوف بنات بتتخطب وحالها احسن مني ورجاله بتجري عليها والي خطيبها يجبلها احسن شبكه وحياتها حلوه بقيت ببص لحياة البنات الي احسن مني وبتعب جدا وبقعد اعيط انا مكنتش كده
اعمل ايه
السلام عليكم ورحمه الله وبركاته. دي بقى من النقاط اللي محتاجه جهاد للنفس احنا محتاجين ان احنا نحارب نفسنا في النقط اللي زي دي. كل اما هيجي احتياج من احتياجاتنا يعلى كده وصوته يبقى عالي يبقى نفسنا نعمل الحاجه دي او نفسنا نحققها و لسه ما وصلنيش ان احنا نحققها ولسه ربنا مأكرمناش من نصيبنا هيكون عالي جدا وهيكون في خناقه طول الوقت انا عايزه منها انا عايزه من ده طيب نعمل ايه؟ ننزل ربنا قال ربنا في القران الكريم "ولا تمدن عينيك إلى ما متعنا به غيرك" يعني احنا نخلي بالنا كويس قوي ان في نعم هيكون ربنا اداها للناس ولسه ناس تاني وربنا ما نعرف بنفس النعم دي ربنا قال لنا خلي بالكم ما تبصوش على اللي في غيره ببساطه كده غيرها لانه احنا في ايدي غيرنا احنا ما بنشوفش الشخص ده نقصه ايه لانه هو كمان ممكن يبص لنا نشوف حاجه عندنا في ايدينا ومش عنده احنا كده عملنا ايه في بعض كل واحد باصص على اللي عند التاني طب نركز في اللي في ايدينا احنا احسن هو ده اللي احنا محتاجين دائما نعمله مع نفسنا علشان ما نبقاش طول الوقت تعبانين من اللي ناقصنا ومن اللي لسه ماجل. وصلناش. ونبقى مركزين اكثر ان احنا نبص على اللي في ايدينا ونحمد ربنا عليه بدل لا قدر الله وما يروح من ايدين فخلينا كده نشوف انا ممكن اكون لسه ما بقتش من البنات مخطوبه وخطيبها بيعمل معاها حاجات لطيفه لكن انا ممكن اكون بنت اب جميل بيدلعني وبيحبني وبيعمل لي حاجات ممكن تكون البنت دي مش واخداها من باباها ممكن اكون بنت اخوها بيحبها ولما بتحتاج منه حاجه بيعملها لها ممكن اكون بنت امها قريبه منها في من البنات الثانيه دي امهاتهم مش قريبه منهم حاجات كثيره قوي قوي قوي قوي فتعالي كده حاول نحارب الموضوع ده ان احنا نذكر انفسنا دائما بان احنا. منبصش على اللي بايد غيرنا دي اول حاجه ثاني حاجه ان احنا نبقى مركزين على اللي في ايدينا ونبص عليه كويس قوي نحمد ربنا عليه قوي قوي قوي قوي يا رب ان احنا بايدينا الحاجات الجميله دي حتى لو لسه في حاجات تانيه جميله مش في ايدينا احنا مستنيين يا رب تدينا الجميل الثاني ده زي ما ادتنا الجميل اللي قبله. ان شاء الله ربنا هيرزقك. ناس جميله حواليكي يدلعوكي ويجروا وراكي ويتمنوا لك الرضا ان شاء الله وتكوني انت مبسوطه وقدر تقدري كمان عشان تستمتعي بيه بكل.
تم النشر الثلاثاء، ١٨ أغسطس ٢٠٢٦
السلام عليكم، لو فتحتِ باب المقارنات مش هترتاحي خالص وهتهلكي نفسك ومش هتقدري تشوفي أي نعم موجودة في حياتك. لو جيتِ تبصي من منظور البنات اللي بتقارني نفسك بهم أو غيرهم، ممكن جدا تلاقيهم هم بيقارنوا نفسهم بك في حاجة تانية ربنا أنعم بها عليكِ وهي مش عندهم. *** أنتِ محتاجة تعيدي برمجة أفكارك وتوسعي نظرتك للحياة، الحياة أكبر بكتير قوي من خطوبة ورجل "يجري عليك" وأكبر من شبكة وحفل وهدايا خطوبة. وأنتِ نفسك أكبر من كده. لا تختصري حياتك ونفسك في مجرد خطوبة ورجل ترتبطي به. الخطوبة والزواج مجرد محطة من محطات حياتك الكتيرة، فاللي بتعمليه دلوقتي إنك مهملة كل المحطات ومش مركزة معها ومركزة بس على محطة لسه مجاش وقتها وده هيمنعك تستمتعي برحلة حياتك وتعيشيها بجد. *** المطلوب منك تركزي على حياتك ككل وتخلي فيه أهداف تانية وتستعدي نفسيا وفكريا عشان لما تيجي محطة الخطوبة والزواج تعرفي تختاري صح الإنسان اللي يستحقك ويقدرك واللي هتبني معه حياة سوية وبيت سعيد. الزواج مش مجرد فرح وفستان وشوية صور، الزواج مسؤولية كبيرة وبيت وزوج وأطفال هتكوني مسؤولة عنهم وهتتحاسبي أمام ربنا لو قصرتِ في المسؤولية دي، فيه حقوق وواجبات لازم تكوني فاهماها قبل ما تاخدي الخطوة دي. *** البنات دول أنتِ شفتِ مجرد لحظات من حياتهم، لكن مشفتيش القصة الكاملة ولا شفتِ غير الظاهر منهم. كم مرة سمعتِ على السوشيال ميديا عن واحدة باين إنها سعيدة وبتنشر صور مع زوجها ورحلات وكلام حب وفي الآخر انفصلوا بطريقة سيئة أو حتى قتلها... حصلت كتير، رغم إن كان كل اللي ظاهر سعادة وحب ورجل بيدلعها، لكن اللي ورا الصور كان حاجة تانية خالص. ** راجعي أفكارك تاني واقعدي مع نفسك كده وبصي للأمور من زاوية تانية. بالتوفيق.
تم النشر الاثنين، ١٧ أغسطس ٢٠٢٦
مش هقلك كلام انتى عارفاه وسمعتيه من ناحية انك متقارنيش ومتشوفيش غيرك لانى كدا مش هكلمك فى حل فعلا ولا هكون فاهم شعورك.. المهم.. خلينا متفقين ان الموضوع مش مجرد شبكة او ان واحدة اتخطبت احسن منك.. انتي حاسة انك كل ما تشوفي حياة واحدة احسن منك بتبدأي تسألي نفسك ليه اناا مش زيها؟ وده مخليكي تحسي ان حياتك ناقصة وانك اقل.. من رأيي انتى مفتقدة الثقة فى نفسك.. انتى حياتك ثابتة وفاضية.. مافيش حاجة بتحسسك بنفسك بالطريقة الى ترضيكى وتملى عينك وتغنيكى عن ان حد تقارنى نفسك بيه.. احنا بشر وبنضعف.. حلك انك تبعدى عن كل الى بيأذيكى زي انك تقاطعى السوشال ميديا انا شخصيا عملت كدا ودا فرق فى شعور الرضا... تانى حاجة اشتغلى ع نفسك ( نفسك اذا لم تشغلها بالحق شغلتك بالباطل) ماتبصيش للى وصلوا..شوفى نفسك وزودى ثقتك بنفسك وكل يوم تكونى احسن من الاول هتكونى مبسوطة وقتها وتحسي بفرق.. تالت حاجة الايمان بالله والقدر.. دا رزق من ربنا لكن الرزق مش كلة خطوبة وشبكة وجواز.. وسعى نظرك ومتضيقيش فكرك على الحاجة الى انتى شايفاها نقصاكى وهي مسألة وقت.. رابع حاجة اخرجى برا دور المظلومية ومتستصغريش نفسك قصاد اى حد ولو غصب عنك حصل كدا فكرى واعملى حاجة تفرحى بيها وتحسسك بنفسك ووالله هتفرق معاكى جداا.. ولنا ولكي الله
تم النشر الاثنين، ١٧ أغسطس ٢٠٢٦
السلام عليكم، مينفعش تمدي عينك على نصيب غيرك خاصةً إن هذا رزقهم، وعامةً عايزة أقولك حاجة فعلًا أنتِ بتشوفي خطوبات بس مش بتشوفي المعاناة وإن هما كمان عندهم حياة متعبة، الفكرة بس إنك بتقارني حياتك كلها بكل جوانبها بالحظة سعيدة شوفتيها عند غيرك، أي حاجة تشوفيها عند غيرك أدعي ليهم بالبركة وإن ربنا يرزقك زي ما رزقهم، قولي الله يبارك لهم ويرزقني من واسع فضله وكرمه أنتِ مش وحشة بس محتاجة تكوني مدركة طبيعة الحياة إن دي لحظة من حياة كاملة فيها جوانب كتير كوني واعية وصبورة.. الله يكرمك يارب
تم النشر الاثنين، ١٧ أغسطس ٢٠٢٦
انا عارف ان الموضوع ده بالذات للبنات متعب جدا انها تبقى عايزه تتجوز وشايفه كل صحابها بيتخطبو ويتجوزو ويخلفو وهي لسه فانا الصراحه معنديش كلام كتير اقوله انا هقولك حاجتين من الي انا شفته في الدنيا اوعي اول ما يتقدملك اي حد تقبلي لمجرد انك عايزه تتجوزي اياكي هتندمي العمر كله لازم الي تقبليه ده يكون في المواصفات الي تخليكي تعيشي معاه حياه كريمه مش يجيلك واحد انت مش متقبلاه ولا متقبله اخلاقه وافكاره وتقبلي عشان تتخطبي زي اصحابك لا هتندمي اصبري "إنما يوفى الصابرون أجرهم بغير حساب" اصبري وسيبي الموضوع على ربنا انت مفيش حاجه بايدك تعمليها فما عليكي غير انك تصبري ولما يجيلك عريس تختاري المناسب ليكي والي هيعرف يعيشك أحسن حياه مش شرط ماديا خالص وبس ده الي اقدر. اقولهولك وربنا يرزقك بزوج صالح وذريه صالحه وتعيشي حياه سعيده عاجلا غير اجل
تم النشر الثلاثاء، ١٨ أغسطس ٢٠٢٦
أنا آسفة جداً إنك بتمري بهذه الفترة الصعبة، وأقدر تماماً إن المقارنة مع الآخرين بتخلّي النفسية تتعب وتوصل للبكاء والإرهاق. ده شعور طبيعي لما بنشوف حياة الغير من بعيد ونحس إنها مثالية، لكن تذكري إن ما بنشوفه غالباً مجرد لمحات مختارة، مش الحقيقة الكاملة. ابدئي بخطوات عملية بسيطة: ركزي على نفسكِ وحددي نقاط قوتكِ وما تحبينه في حياتكِ، واكتبي كل يوم ثلاث نعم صغيرة حتى لو كانت بسيطة زي صحتكِ أو فرصة للتعلم. في الإسلام، الشكر والصبر مفتاح الراحة، فادعي الله أن يرزقكِ ما يناسبكِ ويطمئن قلبكِ، وتذكري إن لكل واحدة رزقها وتوقيتها الخاص. ابتعدي عن متابعة حسابات البنات اللي بتثير المقارنة، واستبدليها بمحتوى يلهمكِ لتطوير مهاراتكِ أو هواياتكِ. لو استمر الشعور ده وأثر على يومكِ، فكري في استشارة متخصصة نفسية لمساعدتكِ على تجاوز هذه المرحلة بطريقة أعمق. ابحثي عن أسئلة مشابهة على فدني لتحصلي على وجهات نظر إضافية، وأنتِ قادرة على التحسن خطوة بخطوة.
تم النشر الاثنين، ١٧ أغسطس ٢٠٢٦
التفكير دا بيجي لما الشخص مش بيكون مقدر نفسه ، بصي على نفسك وطوريها ، انتي بتغيري منهم لأنك حاسة إنهم احسن منك بس لما تبصي على نفسك وتشوفي مميزاتك مش هتفكري بالتفكير دا + كمان في حاجة ، اشغلي عقلك بمستقبلك لإن عقلك لما بيكون فاضي بيوصل التفكير لكدا وأسوأ
تم النشر الجمعة، ٢١ أغسطس ٢٠٢٦
افرحيلهم وافرحي من قلبك وخليكي عارفه الفرح ده هيجي وقت وهيفرحولك
تم النشر الثلاثاء، ١٨ أغسطس ٢٠٢٦
كل واحده ليها نصيبها الحلو اليه هيجلها ف الوقت المناسب
تم النشر الثلاثاء، ١٨ أغسطس ٢٠٢٦
لعرض السؤال في فدني اضغط هنا