هل هذا الأمر مقلق؟

السلام عليكم ورحمه الله وبركاته،

عندي مشكله وكنت محرج اتكلم فيها انا شاب عندي 23 سنه بعمل العاده السريه يومياً وفي ايام بكون مرهق ما بعملهاش المهم لاحظت عند الضغط بايدي بين العضو والخصيه الشمال احس بعروق او حاجه طريه شبه العروق بس ما بحسش بألم فيها ولا اي حاجه ما بتبانش في الجلد من بره لازم احط ايدي واحسس ما بين العضو والخصيه الشمال عشان احس بيها وخايف يكون في حاجه

مع العلم انا العضو سليم عندي والقذف سليم اوقات قليلة اوي بحس بألم بسيط في الخصية اليمين واوقات الشمال بس مش دايما وبقالي فتره مبحسش بيه والله العظيم اني متكلمت في الموضوع ده غير بعد ما خلاص نفسيتي تعبت من التفكير وخايف انه يأثر علي الخلفه لاني لسه قدامي ٣ او ٤ سنين لما افكر اتجوز بسبب ظروف الماديه والله اعلم اني حرفياً مخنوق جامد وزعلان

سؤال من احد أعضاء فدني

تم النشر الخميس، ٢ أكتوبر ٢٠٢٥

2 إجابة

هاي ازيك.. ركز معايا أغلب الاحتمالات الطبيعية جدًا: الإحساس بالعضو الطري بين القضيب والخصية غالبًا مجرد أوعية دموية أو نسيج طبيعي. ده شائع جدًا خصوصًا مع التوتر والقلق. دوالي بسيطة: احتمال موجود، خصوصًا على الشمال، وغالبًا مش خطير وممكن يعيش طبيعي جدًا مع مراقبة بسيطة. الدوالي لازم تتعالج قبل الزواج. فتاق : أقل احتمال جدًا، لأنه بيكون ملموس وواضح وعادة بيظهر مع مجهود أو كتل واضحة. أغلب الأعراض اللي وصفتها لا تشير إلى خطورة أو تأثير على الإنجاب. أقوى توصية طبية: كشف سريع عند مسالك بولية أو دوبلر للخصيتين يطمنك ويشوف لو في أي شيء فعلي . ده يحل كل القلق النفسي اللي بيجي من الخوف والمبالغة في التفكير. تعمل ايه اولا.. وقف او تقليل العادة السرية شوية والبعد عن القلق المفرط هيريّح نفسيته وأعراضه جدًا. ثانيا هتقول لأهلك انك بتحس بالم في الخصية الشمال مثلا أثناء التبول و لما تكشف قول للدكتور كل اللي نفسك فيه و ان شاء الله خير. صحيح انت عارف ان كل مرة بتعمل فيها العادة السرية بالمتوسط ممكن نقول 50–500 مليون حيوان منوي في المرة الواحدة نصيحة وقف دلوقتي علشان فرصك في الإنجاب لما تتجوز تبقي احسن. بأمر الله.

تم النشر الخميس، ٢ أكتوبر ٢٠٢٥


وعليكم السلام ورحمة الله وبركاته أخي العزيز، أشعر تمامًا بمدى القلق الذي تشعر به، وهذا طبيعي جدًا خاصة عندما يتعلق الأمر بأمور حساسة مثل صحة العضو التناسلي. أولاً وأهم شيء هو أن تحافظ على هدوءك وتعرف أن كثير من المشاعر التي تمر بها هي من أثر القلق نفسه. بالنسبة لما تشعر به بين العضو والخصية (بالمنطقة المسماة بالأسفل من كيس الصفن في الحبل المنوي أو القناة المنوية) وجود شعور بعروق أو شيء طري يشبه العروق، وهذا في الغالب طبيعي، حيث أن هناك أوعية دموية وأعصاب موجودة في هذه المنطقة، وأحيانًا قد تشعر بها إذا ضغطت عليها. طالما أنك لا تشعر بألم واضح أو تورم أو احمرار، فهذا غالبًا ليس شيء يدعو للقلق الكبير. أما بالنسبة للألم البسيط الذي تشعر به أحيانًا في الخصيتين (يمينًا أو يسارًا)، فهذا يمكن أن يكون ناجم عن عدة أسباب منها التعب، أو شد عضلي بسيط، أو حتى أثر القلق. لكن لأن الألم موجود أحيانًا ومش مستمر، يفضل أن تتابعه وإذا تفاقم أو زاد أو أصبح مستمرًا، عليك استشارة طبيب متخصص (طبيب مسالك بولية) للفحص والتأكد. بعض النصائح العملية الآن: حاول تقليل ممارسة العادة السرية، خاصة إذا كانت يومية وتأثر على تركيزك ونشاطك لأنه قد يسبب إرهاق العضلات والأعصاب في تلك المنطقة. اهتم بنظافة المنطقة جيدًا مع تجنب الضغط أو الاحتكاك الشديد. خذ فترات راحة كافية لجسمك حتى يهدأ ويستعيد نشاطه. إذا شعرت بألم مستمر أو تورم أو أي تغيّر في لون أو حجم الخصيتين، اذهب للطبيب فورًا. لا تقلق كثيرًا من هذه الأعراض الصغيرة، فالقلق الزائد يفاقم الشعور بالألم أو الانزعاج. حاول تهدئة نفسك بالتوجه إلى الله بالدعاء والاستغفار وطلب الراحة النفسية، فطمأنينة القلب تخفف كثيرًا من هذه الأحاسيس. وأخيرًا، أخي العزيز إذا استمر القلق أو الأعراض، أنصحك ألا تتردد في زيارة طبيب مختص لإجراء الفحوصات اللازمة، هذا أفضل لك من القلق والتخيلات، ولأن صحتك مهمة جدًا. إذا أحببت أن تبحث أكثر أو تستشير خبراء متخصصين طبيًا أو نفسيًا يمكنك زيارة صفحة الخبراء في تطبيق فدني: https://www.fedni.net/experts وأيضًا لا تتردد في طرح أي أسئلة أو مشاركتي بأية تفاصيل إضافية، فأنا هنا لأُساعدك وأدعمك بكل ود. ربي يفرج همك ويعطيك الصحة والعافية. 🌹 (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)

تم النشر الخميس، ٢ أكتوبر ٢٠٢٥

6 تعليق

زي ما قالك في تمارين بردو بتتعمل بتساعد يعني ومتفكرش ف الموضوع كل 6 شهور اعمل تحليل عشان تتطمن طالما محستش بعرض جديد او حاجه غريبه

تم النشر الخميس، ٢ أكتوبر ٢٠٢٥


طيب الحمدلله يارب الف مبروك صلي واشكر ربنا وعايز دعوه بصلاح الحال في صلاتك الف سلامه عليك

تم النشر الخميس، ٢ أكتوبر ٢٠٢٥


انا كنت زيك هي تقريبا دوالي دي حاجه بسيطه وهي اصلا مش بتأثر علي ناس انت قلقان علي الفاضي وكنت زيك مش بطيق اسمع سيره الخلفه و الجواز طلع الموضوع مش كبير و الدوالي بيتيجي لناس كتير بس لازم تروح تكشف وتعمل تحاليل سائل منوي وان شااء الله تتطمن انا كنت مكبر الموضوع بس لازم تتحرك عشان لو هي مأثره والتحاليل هي الي بتكرر هاتعمل عمليه ولاا لا روح عند دكتور شاطر وحتي لو هاتعملها بيبقي بنج نصفي والدكتور مكنش باصص من كتر ماهي سهله وكان بيتككلم في العقارات مع دكتور التخدير اهم حاجه متدورش علي النت عشان هايقلقك علي الفاضي وبالمناسبه الدوالي مكنتش ماثره عليا عليا بس انا اخترت اعملها عشان الوجع بس مطولش عشان ميحصلش لقدر الله ضمور ف الخصيه اعمل التحاليل سائل منوي وطمني

تم النشر الخميس، ٢ أكتوبر ٢٠٢٥


الله يسلمك يارب يعني كده مقلقش وشيل فعلا الموضوع من دماغي ولا أتباع كل فتره

تم النشر الخميس، ٢ أكتوبر ٢٠٢٥


متشكر اوي ليك انا كشفت اصلا لسه جاي والدكتور قالي هي دوالي بس لسه في البداية وكتبلي علي علاجات مضاد حيوي ودافلون بيقوي الاورده وقالي خلص العلاج ومتكررهوش ومتركزش في الموضوع تاني ولا تفكر فيه هتعمل بس تحليل سائل مني نطمن بس وخلاص

تم النشر الخميس، ٢ أكتوبر ٢٠٢٥


متتكسفش ها دي حاجه مش عيب والدكتور بيكشف علي ميت واحد ف اليوم مش هايركز معاك يعني ولو شافك بعد سنه مش هايفتكرك هو متعود بس ممكن تخبي العضو ب ايدك وسيبو يكشف برحتو تحت

تم النشر الخميس، ٢ أكتوبر ٢٠٢٥

لعرض السؤال في فدني اضغط هنا

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك