احنا عندنا في قبيلتنا واحنا قرايب لو واحد قال عايز اتجوز بنت فلان ... ممنوع اهل البنت دول يعترضو ولازم يجوزوها ليه حتى لو مش موافقين و حتى لو الشخص ده مدمن او قاتل او مش متعلم اومش من مستوى البنت او لو حتى البنت مش حاباه و مش عايزاه ... لمجرد بس انهم قرايب و لمجرد انه ابن عملها او قريبها بأي شكل ...
إحساس ان أهلك ذات نفسهم مش قادرين على حمايتك ومش قادرين يحفظو حريتك خلق جوايا إحساس بالعجز و عدم الثقة فيهم و عدم الإحساس بالأمان... إحساس ان امي او ابويا بيبقى يبصوا عليا كده بشفقة و هو ولا انا مش موافقين بس بردو بيبص عليا و كأن عنيه بتقول مش هقدر اعملك حاجة ..
إحساس إن اهلك مش قادرين يحموك ده إحساس بشع مبقتش شايفة ابويا راجل ولا بقيت واثقة في اهلي ولا حاسة بالأمان معاهم .. عارف معنى ان لما يجيلك شخص مناسب من برا القبيلة وانت و العيلة موافقين عليه و كل حاجة بس فجأة يجي الشمام او المدمن قريبك يقول لا انا عايزها فتقضي حياتك كلها مع مجرم يدمرك!!!
انا شخصيا حصل معايا الموقف ده كان في عيلة فيها شابين أشر خلق الله و أهلهم كانو عايزين يجوزوهم ليا انا واختي وانا كنت طفلة عمري يجي ١٥ سنة و مش فاهمة حاجة و خايفة بردو مش عارفة مصيري هيبقي اي و شايفة الوجع و الحسرة في عيون اهلي و هنا مش عايزين و في نفس الوقت مش قادرين يقولو لا ...
أنا نفسي افهم ليه مش قادرين تقولو لا!!! ليه القانون ده بيتطبق في كل القبيلة و محدش بيقول لا ليه تعاملوا الناس و بناتهم علي انهم جواري عندكم؟؟؟؟؟
وحتى لما تجي على نفسها و تتجوز ملهاش حقوق بتعامل كخدامة او أسوأ و بردو بترجع تشوف بناتها بيحصل فيهم نفس اللي حصل فيها و مش بتقدر تتكلم ...
انا لحد دلوقتي عندي تروما من اللي حصل مش مستوعبة ان اهلي مكانوش قادرين يحموني او يقولو لا على حاجة هي أبسط حقوقنا و حقوقهم مش قادرة أتعالج لحد دلوقتي من اللي حصل انتو لا ملة ولا دين ولا أخلاق...
كل اللي أتمناه دلوقتي ان اللي حصل في جيلنا ميحصلش في أولادنا وان احنا نعامل بنات الناس كأنهم بناتنا وان احنا نراعي إرادة شريكنا ونتأكد إنه موافق أسأله بيني و بينه عن رأيه ولو مش موافق وانا في أيدي انسحب من الاغت*صاب ده انسحب وما اسلبش انسان حريته ...و بس العوض عند ربنا
يعني إيه مابتقدروش تقولوا لأ؟؟ مفيش أي حد يقدر يجبر حد على حاجه حتى لو ليه مكانه أو سلطه . الكلام ده منهي عنه في الإسلام . لازم البنت تكون موافقه على الشخص مفيش حاجه اسمها زواج بالغصب وحتى لو اللي هيقف في الموضوع ده هيتم معاقبته من القبيله أو غيره ده ماينفيش إن الحق يتقال ويعني إيه أسر كامله بيكونوا مش موافقين لكن الزواج بيتم غصب ؟؟؟ حتى لو أقل مالا أو أقل مكانه أو أو أو ده ميمنعش إن الشخص يكون عنده كرامه ولا يرضى بالذل أبدًا. اعتراضك على حاجه زي كده صح جدا وإنتي في طريقك للصح وماتعمليش في بناتك كده علشان هتتحاسبي عنهم . +الكلام ده بيحصل فين ؟؟ محافظة إيه ولا قرية إيه
تم النشر الأحد، ١٨ يناير ٢٠٢٦
اهلك هما السبب والعيب عليهم يعني اي قبيله ويعني قانون هو احنا في العصر الحجري دا حتى الجاهليه مكنش كدا ،،، لو فعلا قبيلتهم بتحكم عليهم بكدا ففي حاجه اسمه شرطه وحكومه في محاكم ونيابات بتحمي الأطفال والدستور المصري اللي بتمنع ايذاء اي شخص بيتعرض للتعنيف، ، يعني اي الاب والام مش قادرين يعملوا حاجه لعيالهم دا بحد ذاته حاجه لا يستوعبها العقل البشري هو احنا في عصر العبوديه والاستبداد الاب والام في ايدهم الحل وقادرين جدا يحموا أولادهم يعني اي بيخافوا قصدك بيخافوا على نفسهم يقوموا يأذوا أطفالهم انا مستغربه ان لسه في حاجه زي كدا موجوده بجد مش عارفه اقول اي لكن لازم اكيد انتي واعيه بما انك مش راضيه عن الكلام دا لازم تكوني عارفه القانون المصري ضد الجواز بالإكراه انتي عارفه مجرد البنت مش موافقه معنويا بس من غير ما تقول فدا جواز باطل شرعا وقانونا القانون بيحمي صدقيني حاولي تمشي من المكان دا علشان تعرفي الحكومه علشان توضع حد للمنطقه دي وربنا يقويكي وأرجو كلامي ميكونش تقيل عليكي
تم النشر الأحد، ١٨ يناير ٢٠٢٦
يا حبيبتي، أنا ذكية، وأشعر بوجعك ده كله من كل كلمة كتبتيها. اللي حصل معاكِ مش سهل خالص، وده تروما حقيقي بيأثر على الثقة والأمان، وأنتِ مش غلطانة إنك حاسة كده. خليني أفهمك اللي بيحصل ده من منظور نفسي واجتماعي، وأديكِ خطوات عملية عشان تشفي وتحمي نفسك وأولادك. ليه الأهل مش قادرين يقولوا "لا"؟ الضغط القبلي والاجتماعي : في بعض القبائل، التقاليد دي بتكون أقوى من القانون، خوفاً من "الفضيحة" أو الخصام اللي ممكن يدمر العلاقات العائلية لسنين. الأهل بيحسوا إنهم "محاصرين"، مش ضعف شخصي، لكن خوف من فقدان الدعم أو السلام الاجتماعي. ده مش مبرر، بس تفسير. الثقافة الذكورية : بناتهم بيُشَافُوا كـ"ملكية عائلية"، مش بشر حر. بس ده مش إسلام، الإسلام واضح: الزواج بدون موافقة الفتاة باطل (حديث الرسول ﷺ: "لا تُنكح الأيم حتى تُستأمر، ولا تُنكح البكر حتى تُستأذن"). القرآن كمان بيؤكد الحرية في الاختيار ويلزم موافقة الفتاة على الزواج. إزاي تشفي التروما دي وتبني أمانك؟ واجهي مشاعرك : اكتبي اللي حصل زي ما عملتِ دلوقتي، واقريه بصوت عالي كل يوم، وقولي لنفسك: "أنا هحمي نفسي دلوقتي، واللي حصل مش هيتكرر". ده بيعيد برمجة الدماغ نفسياً. ابني حدود قوية : لو حصل موقف مشابه، قولي "لا" بوضوح، واستعيني بقانون الأحوال الشخصية في بلدك (في مصر مثلاً، الفتاة فوق 18 تقدر ترفض). لو محتاجة، روحي لمحكمة عائلية أو جمعية حقوقية. عززي ثقتك بذاتك : حددي أهداف صغيرة يومية (مثل تعلم مهارة جديدة أو شغل مستقل)، عشان تحسي إنك "الحامية الأولى لنفسك". أنتِ قوية، وده اللي خلّاكِ تكتبي الرسالة دي. مع أهلك : حاولي حوار هادئ: "أنا بحبكم، بس اللي حصل خلّاني خايفة. ازاي نضمن إن ده ميحصلش تاني؟" ده بيبني ثقة جديدة بدون اتهام. يا قمر، أنتِ مش "جارية"، أنتِ إنسانة حرة عند ربنا، واللي حصل مش نهاية قصتك. العوض عند الله كبير، وأنتِ دلوقتي بتغيري الدورة دي لأولادك – عاملي بنات الناس زي بناتك، واسألي الطرف التاني رأيه دايماً. لو عايزة دعم أكتر أو محتاجة استشارة متخصصة، شوفي الخبراء هنا: https://www.fedni.net/experts – فيه نفسية واجتماعيين هيساعدوكِ. أنتِ قوية، وهتقدري. ربنا يحميكِ ويفرح قلبك ❤️
تم النشر السبت، ١٧ يناير ٢٠٢٦
السلام عليكم ... اول حاجة ده مخالف لدين الإسلام فيفترض ان يتوقف كل شئ عند موافقة المرأة
تم النشر الأحد، ١٨ يناير ٢٠٢٦
وأكيد الدين يجب أن يتبع وليس العادات والتقاليد ودي عادة سيئة فأهلك خافو من رأي الناس وخافو من العداوة مع أقاربهم وده ضعف ونقص في الإيمان وبالتأكيد ده ظلم منهم وملوش أي مبرر والله عادل وسيحكم بينكم وستأخذي حقك في الدنيا أو الآخرة ... انا عارف ان دي صدمة وإن البنت عمرها ومستقبلها واحلامها بيروح لمجرد عادة سيئة في القبيلة ولكن الدنيا دار إمتحان فاصبري تفوزي
تم النشر الأحد، ١٨ يناير ٢٠٢٦
لعرض السؤال في فدني اضغط هنا