انا مش عارفه اجيب الحوار ازي............بس اتمني نلاقي حلول مع بعض
والدتي موظفه وبتشتغل فبتحتاج حد يساعدها في شغل البيت وكده فإحنا عندنا واحده بتيجي تساعد ماما من ساعة ما اتولدت وهيا كانت عايشه في الارياف هيه واولادها عندها ولدين ولد كان مسافر بره لكن جه وعايش في محافظه تانيه والتاني متجوز وعايش معاها في نفس البيت المهم لما ابنها الكبير جه اشتري بيت ووالدته قاعده فيه مع ابنها التاني لكن ملهاش دعوه بمراته كل واحد. عيشته لوحده المهم هيه بتربي طيور علشان المرتب بتاعها يدوبك علي قد علاجها والمايه والكهرباء ....دخلتهم وقفلت عليهم حلو وجات عندنا وخلصت وروحت راحت ملقتش دكر بط ودكر رومي من بتوعها والدتي كانت موصياها عليهم علشان هتعمل عزومه مع انها جات لقت الباب مقفول نفس القفله .....وبتسأل بن ابنها قالها دا مامتي خادته ودته عند نينتي ....وهيه حاليا مش عارفه تعمل ايه لأن مرات ابنها صعبه جدا معاها وتعاملها وحش وانا معرفتش أنصحها بايه والله اتزهلت من الي هيه قالته
هي اكيد حكيت ليكم المشكلة دي مش عشان تنصحيها .. عشان تبررلكم سبب إنها موفرتلكوش البطة و الرومي اللي كانت بتجهزهم ليكم.. والمفروض نصيحتك ليها تكون إنها تتكلم مع إبنها وتقوله إنه لو بيته ناقصه حاجه أو محتاج حاجه من اللي بتربيه أكيد عمرها ما تتأخر عنه لكن مينفعش تاخد من غير علمها عشان كان هيروح لناس ومحجوز وإتحطيت في موقف وحش .. وإن بعد كدا الأفضل تقولولها قبل ما تاخدوا عشان تكون عارفه عندها إيه وهل دا بتاع شخص تاني ولا عادي ياخدوه و هدوها من ناحيه مرات إبنها إنها زي بنتها وأكيد متقصدش أي حاجه ومحتاجه توجيه بس عشان متكررش الأمر بنفس الطريقة
تم النشر الأربعاء، ١ مايو ٢٠٢٤
لعرض السؤال في فدني اضغط هنا