الموضوع بدا معايا بحالة ال panic attack من تالته ثانوي كان بيحصلي ان ضربات قلبي بتزيد وبتبقا قويه جداااا بيجيلي زي خمول ومش قادره اعمل اي مجهود غير اني انام كشفت كتير لكن كل الفحوصات ادت اني سليمه عضويات ميه في الميه .. عدت الثانويه بهذا الشكل ومل اللي حواليا قالولي قلق طبيعي هينتهي بانتهاء هذه السنه لكن الحاله مازالت تجيلي معرفش يمكن لاني مريت بوقت صعب واختبارات صعبه جبت مجموع مش كويس اوي وزعلت اكتر حصل مواقف ومشاكل كتير ف البيت أثرت عليا بعدها اتخطبت لواحد مبحبوش ولكن اهلي شافوه انو فرصه كويسه تعوض اني منجحتش دراسيا في حال اني كنت بحب واحد تاني في الوقت ده ومتعلقه بيه جدا عشت فتره صعبه جداااااا بين اني اميل بعقلي ولا قلبي .. ولكن اتخطبت بسبب كتير م الضغوط ف اقناعي انو الحب لا يدوم وانه انسان كويس دعيت ربنا كتير ولكن طول فترة الخطوبه كنت افكر في الشخص الثاني لحد م اخدت القرار اني اسيب خطيبي وبالفعل عملت كده .. طول الوقت ده كان بيجيلي حالة اني ضربات قلبي تزيد وخمول وكسل زمن كتر م كشفت والدكاترة تقولي مفيش حاجه فقدت الأمل ان اكشف تاني وبقيت بتعامل معاه من غير م اشكي لحد .. اكتر حاجه بتكسرني اني لما اتعب التعب اللي مش مفهوم ده اللي حواليا يقولولي انتي معنديش حاجه انتي سليمه..المهم عدا وقت وجالي حالة panic attack مره تانيه وحسيت اني بموت بالفعل ف كل مره مانت بتجيلي كنت بحس اني هفارق الحياه .. وده جعل ان بقا عندي وسواس بالموت طول الوقت الي ان لما حاولت اقرا كتير عن الأعراض دي بعدها عرفت انو حاجه اسمها panic attacks مبيموتش حاولت انظم نفسي واتنفس بعمق وبهدوء وبدأت اتغلب علي الحاله لما بتجيلي الحمد لله ولكن مشكلتي دلوقتي انه ظهر عرض تاني بعد م بدأت اتعامل مع حالة الهلع دي واني ف اوقات بحس اني مش حقيقه للحظات بفقد جودة الحياه بحس اني بحلم ساعات وان المواقف مش حقيقيه ودي مش حقيقه معرفش ده اي بدأت اخاف من الموضوع ده ارجو المساعده لاني مش عايزه ادخل ف الدوامه دي لاني هفقد معني حياتي تماما +ان عندي حالة من وانا ف ١ اعدادي معرفش ممكن تساعد ف تشخيصي ولا لا وهو واني دايما بلعب ف خصل شعري بطريقه غير اراديه وساعات الخصل دي بتقطع وبفضل احنا بين شفايفي وامررها بحس براحه معرفش ده اي بردو بس مع الخصل المموجه فقط مع العلم اني حاليا عندي ١٩ سنه ..ارجو المساعده جزاكم الله خيرا
أختي الكريمة، أشكرك على ثقتك ومشاركتك لتجربتك معي. يبدو أنك مررتِ بفترات صعبة ومليئة بالتحديات، وهذا أمر طبيعي تماما. بالنسبة لكل ما ذكرتيه من أعراض، فهي تشير إلى اضطراب القلق والهلع. فعندما تمرين بفترات ضغط نفسي أو صدمة عاطفية، فإن جسمك يستجيب بهذه الأعراض كرد فعل طبيعي للضغط. لكن الأهم هو أن تتعلمي كيفية التحكم بها والسيطرة عليها. من المهم أن تطمئني أن هذه الأعراض قابلة للشفاء والتحسن بالعلاج النفسي المناسب. لا تخافي منها لأنها لن تؤدي إلى الموت أو فقدان العقل. أولاً، ما تفعلينه بالفعل من محاولة التنفس العميق والاسترخاء أثناء الهلع مهم جداً. كما أن ممارسة الرياضة بانتظام والحصول على قسط كافٍ من النوم وتناول الطعام الصحي أمور حيوية للمساعدة في التحكم بالقلق. ثانياً، فيما يخص شعورك بعدم الواقعية أحياناً، فهذا شعور شائع في الاضطرابات القلقة، ولكن لا يعني أنه شيء خطير. ما عليكِ سوى تذكير نفسك أن هذا مجرد شعور سيزول. أخيراً، بخصوص عادة لعبك بالشعر، فهي ليست مصدر قلق ولكن مجرد عادة غير إرادية تساعد على الاسترخاء. المهم ألا تتسبب في إيذاء نفسك. أنصحك بزيارة طبيب نفسي لمساعدتك على تعلم طرق التحكم بالقلق بشكل أفضل. كما أن العلاج النفسي يساعد في التعامل مع الصدمات العاطفية. لا تقلقي، فما تمرين به أمر شائع ويمكن التحكم به بالعلاج المناسب. أتمنى لكِ التوفيق.
تم النشر الاثنين، ٣١ يوليو ٢٠٢٣
بصراحة انا مش متخصصة بس المفروض تروحي لدكتور نفسي ممكن الأهل ميوافقوش ف ممكن تتعابعي مع دكتورة اون لاين في واحدة اعرفها تابعت مع واحدة اسمها منة الله سعد وبتشكر فيها هي أكونت بتاع الانستا بتاعها اسمه laaky.anty ممكن تستشيريها او كده وحاولي تبعدي عن اي حاجة موترة بالنسبة لك وحاولي تقربي من ربنا اوي.. ربنا يشفيكي من أيًا كان الي عندك ويردك سليمة معافاة❤️🤲
تم النشر الاثنين، ٣١ يوليو ٢٠٢٣
حالات البانك ديه الاعراض اللي انتي بتقوليها ديه هي قلق .. وطبعا انتي لازم تاخدي التشخيص السليم ودرجة وجدة القلق من مختص نفسي ... انا فهماكي جدا انك بتحسي لما بتجي حالة الهلع ديه انك فعلا ممكن تحسي بضربات ضرب سريعة، خوف، هتحسي انك فعلا هتفارقي الحياة .. ولكن ديه اعراض نتيجة طبعا للمرض اللي موجود .. ولكن متخافيش مش هيحصل بسببه .. بس لازم تتجهي لمعالج نفسي ف اقرب وقت. هل خصل شعرك انتي فعلا بتحاولي تقطعيها عن عند وبتحسي براحة وقتها .. وهي لسه مستمرة معاكي؟ امتى بداتي تحسي ان في عالم تاني مثلا او ان المواقف مش حقيقية؟
تم النشر الاثنين، ٣١ يوليو ٢٠٢٣
كل مشكلتك مشكله نفسيه انتي محتاجه تتكلمي مع اخصائيه نفسيه حتى لما بتحسي انك مش واقعيه دي حاجه اسمها انفصام الواقع و الشعر و الشفايف ده بسبب التوتر و لازم لازم تقعدي مع اخصائيه نفسيه و اتطمني انتي زي الفل و كل ده طبيعي بسبب الضغوط و الظروف اللي عديتي بيها
تم النشر الثلاثاء، ١ أغسطس ٢٠٢٣
بصي اولا كدا اهدي خالص الpanic attack ع حسب علمي انه مرض نفسي مش عضوي وتقريبا انت كشفتي عند دكتور عضوي ثانيا اعتقد السبب انك بتكتمي فنسفك كتير ومش بتشكي لحد عن حاجة واللي مضايقك ودا غلط اسمعي من مجرب دا اكتر حاجة تدمر الانسان بالنسبة لموضوع الحلم وانك حاسة انك مش حقيقة حاولي تعملي شوية احاليل انيميا وغدة وكدا واتطمني ع نفسك وربنا يشفيكي ولو عايزة تتكلمي معايا فحاجة انا تحت امرك
تم النشر الاثنين، ٣١ يوليو ٢٠٢٣
اسف على التأخير بس زي ما قالك اسلام مشكلتك نفسية وطبيعي بسبب ومتقلقيش دا مش ضعب او حاجة نادرة لا عادي وليها علاج
تم النشر الثلاثاء، ١ أغسطس ٢٠٢٣
عملت تحاليل لكن للأسف سليمه معنديش اي حاجه عضويه
تم النشر الاثنين، ٣١ يوليو ٢٠٢٣
لعرض السؤال في فدني اضغط هنا