أعتقد أن الحب في بداية الزواج أو قبله يرفع سقفا وهميا من التوقعات . يحجب المعنى الحقيقي للزواج و يغيب عنا الطرق السليمة في التعامل معه . تنتظر التعامل مع الزوج أن يكون تعامل حبيب لا كتعامل باقي البشر . فمع الخلافات تصدمنا ردود الأفعال فنغضب بشدة و يتحول الحب لكره و تشعر بالخيانة لمجرد أنه لم يتصرف كما تتوقع .
و لو فهمنا معنى الزواج بشكله الصحيح و لم نجعل الحب هو سببه الوحيد لحكمنا العقل فكان رد الفعل أهدي و تقبل الإساءة أهون .
اظن دا تاثير المسلسلات والروايات الرومانسية اللي بتصور البطل انه بطل خارق مفهوش عيب وانه هيعاملك كملكة متوجة وانه هيتغاضي عن اي غلط تعمليه لمجرد انه بيحبك دا غير طبعا المعايير اللي بيحطوها زي انه يبقي فائق الجمال ثري ثراء فاحش واكيد صاحب شركة كبيرة واصغر راجل اعمال في الشرق الاوسط ويدخل علي العصابة يكسرهم لوحده وللاسف البنات صدقت دا وبقي بيدوروا علي البطل دا في العرسان اللي بيتقدموا ولو ملقيوش المواصفات يرفضوا -وحتي لو لقوا عريس في بعض الصفات دي بيرسموا في احلام انهم هيتعاملوا ملكات ويتصدموا بعد الجواز انها بتتعامل عادي مش لازم معاملة سيئة في الطبيعي تكون جيدة عادية بس هي بتبقي متوقعة المعاملة الخارقة - ف المفروض احنا كبنات ننزل علي ارض الواقع شوية
تم النشر الاثنين، ٦ أبريل ٢٠٢٦
ازاى الزواج بالحب يرفع سقفا وهميا من التوقعات؟ انا اعتقد العكس وبيحصل فترة خطوبه علشان الشخصين يفهموا بعض بدون تصنع دا لو مش بيحبوا بعض اما لو هما بيحبوا بعض دا شي تانى مش متعلق باللى بتقوله خالص وليس الحب هو سبب الكره دا مفهوم خطأ ملحوظه الحب فى الاسلام مش حرام انما الارتباط هو اللى حرام واعتقد المفهوم اللى بتقول عليه مفهوم ارتباط وليس حب !
تم النشر الاثنين، ٦ أبريل ٢٠٢٦
السلام عليكم، برأيي المشكلة ليست في الحب نفسه بقدر ما هي مشكلة خطأ فكرة الناس عن الحب وتصورهم له. الإغراق في الأوهام والتخيلات، بناء صورة مثالية غير واقعية في الذهن عن حياة ما بعد الحب والزواج، والتعامي عن العيوب الواضحة تأثرا بزهوة البدايات الوردية إلى أن تصطدم الفقاعة بأشواك الواقع الحادة فتنفجر. سواء في علاقات الارتباط غير الرسمي أو حتى فترة الخطبة الرسمية يكون التركيز على المشاعر وتبادل العواطف لا على التعرف على الطرف الآخر، والمشاعر تجعلهم يغضون الطرف عن الثغرات والمشاكل وحتى إن رأوها بوضوح يختارون التجاهل بحجة أن الحب يعني قبول الحبيب بكل عيوبه وتحمل كل شيء منه أو أن بقدرتهم تغييره فيما بعد ويتجاهلون حقيقة واقعية وهي أنّه لا أحد يتغير من أجل غيره، وإن فعل فغالبا ما يكون تغيُرا مؤقتا قد لا يصمد مع الزمن. تراجع المرحلة الوردية أمام الواقع يجعل ردات الفعل مختلفة وما كان مقبولا في السابق يصبح مرفوضا ومع الوقت ما كان يُتصور أنه حب حقيقي يتلاشى تدريجيا أمام مشاعر الغضب والخيبة.
تم النشر الاثنين، ٦ أبريل ٢٠٢٦
مش الحب بس ممكن الأوهام اللى بنعيشها وقت الخطوبة وبترفع سقف توقعاتنا أووى والإنسان يحس وقتها ان اللى قدامه ملاك فعلا بل ساعات بيتغافل عن حاجات وعيوب عند الطرف الأخر بسبب الأوهام اللى بنعيشها وبنبقى رافعين سقف طموحاتنا أووى وناسيين ان الشريك اللى قدامنا دا إنسان برضه وليه مميزات وعيوب فاهمانى
تم النشر الاثنين، ٦ أبريل ٢٠٢٦
الفكرة في إتزان المشاعر يعني مثلًا ليه لما يحصل تصرف مش عاجبك تكوني قوية في غضبك وليه لما يحصل تصرف حلو تكوني قوية في توقعتك الشخص الـ زعلك هو هو الـ هيصالحك، إتزان المشاعر حاولي مثلًا تكوني متزنة وبعدين إحنا بنضايق من المواقف مش من الأشخاص، ومش معنى إن حد حبيبي مثلًا عمل حاجة أكره الشخص دا لا، فـ أنتِ محتاجة تتحكمي في مشاعرك وكمان سقف التوقعات ميكونش عالي لدرجة أننا نتوقع أن الحبيب عمره ما هيغضك أو لا دي فطرة بشرية،
تم النشر الاثنين، ٦ أبريل ٢٠٢٦
بالطرق الشرعية يلبى الحب وهو مطلب نفسي وهو ليس سبب للكره ولكن سبب الكره هو المرض داخل المحبين الذين تعدوا حدود الله فقد قدموا شهوتهم على دينهم فمحقت منهم البركة
تم النشر الثلاثاء، ٧ أبريل ٢٠٢٦
لعرض السؤال في فدني اضغط هنا