يا جميلة، مقدرة مشاعرك بس خلينا نتناقش شوية ثقتك في نفسك بتيجي انك تقدري نفسك، مش بان زوجك يشوفك حلوة! حتى لو مش جميلة شكليا! كل إنسان عنده ما يميزه واللي يخليه متميز ومتفرد! انت تستحقي الاحتراموالحب مش لأجل الشكل بس! اللي قدرت اشوفه في كلامك حاسة انك مش كافية لأنه بيبص لغيرك! تأكدي ان كفايتك مش بأنه يبص لغيرك، لما يعمل كدا فدي مشكلته! مش انك غير كافية مشاعر عدم آمان وخذلان! ممكن تتكلمي معاه وتحطوا اتفاق بينكم وخطة انه يبطل يعمل كدا غيرة وشك! خلي بالك بين غيرة حب وغيرة تهدم العلاقة! مش معنى ان شخص غلط يبقى كله غلط ومش كويس! مفيش حد معندوش عيب أو خطأ بيعمله! المهم ناخد بيده ونصلح مع بعض بتعملي زيه عشان تغيظيه! مش حل! بالعكس دا هيخليك تقلي في نظرك وتحسي بمشاعر سيئة! ومش هيحل المشكلة! ولكن ممكن يزودها . . . طيب ممكن تعملي ايه بشكل مؤقت وفوري؟ ١. ناقشيه بهدوء ووضوح عرفيه ان اللي عمله دا بيؤذيك! ٢. وقفي تقليد له! ٣. متقارنيش نفسك بحد! ٤. حبي نفسك وجسمك واهتمي بنفسك عشانك قبل ما يكون عشانه! الخطوة المهمة جدا انك تتواصلي مع أخصائية نفسك تقدم لك الدعم المطلوبة بشكل أعمق من مجرد نصح
إن شاء الله هعمل كدا شكراا جدااا ❤️❤️
تم النشر السبت، ٢٦ يوليو ٢٠٢٥
ادعيله ربنا يهديه . . وانصحيه يروح لمعالج نفسي طالما عارف مشكلته
تم النشر الجمعة، ٢٥ يوليو ٢٠٢٥
والله بعمل كدا بس هوا كدا اصلا وقالهالي قال إن النسوان بيجرو في دمو وقالي اني انا غيرهم وانا مختلفه وأحلى واحده في عينه بس دا لحم رخيص وكدا بس انا بتقرف منه وكرهاه أما على طلباتي انا مكسوفه بس إن شاء الله هحاول مسكتش المره التانيه
تم النشر الجمعة، ٢٥ يوليو ٢٠٢٥
تكلمي معاه وقولي له دا بيزعلني . . متعملش كدا تاني، اشغليه وشاغليه، انكشيه،تكلمي معاه، اعملي كوبايتين عصير وتكلموا في موضوع، اخرجوا مع بعض، اشغليه واشغلي تفكيره.
تم النشر الجمعة، ٢٥ يوليو ٢٠٢٥
اوكي هحاول شكراا جدا ❤️❤️
تم النشر الجمعة، ٢٥ يوليو ٢٠٢٥
تفتيشك لموبايله أصلا غلط . . وكدا انت اللي بتدوري على سبب يزعلك، ودا سبب كافي يخليه يعاند ويعمل دا من باب العند معاك مش مجرد تسلية
تم النشر الجمعة، ٢٥ يوليو ٢٠٢٥
اتعلمي تطلبي احتياجاتك لأنه مش هيعرف عابزة ايه بدون طلب، جربي مرة واتنين وتلاتة لحد ما تتعلمي
تم النشر الجمعة، ٢٥ يوليو ٢٠٢٥
عملت كدا واجهته كذا مره بيقول انا بحبك انتي ودا لحم ارخيص وكل الرجاله بيتفرج واحيانا بينفي أنه بيتفرج وبيقول اعطيني الدليل اني بتفرج وبيكدبني وانا مش هقدر أقوله اني بفتش تليفونه وأشوف لايكات الي حطها للبنات وكمان عندي مشكله تانيه اني مش قادره اطلب منه حجات زي مثلا بقوله هاتلي الحاجه دي قليل جدا بطلب منه انا بتكسف ولو طلبت منه حاجه وقالي مش وقتها أو نساها مرجعش اطلبها تاني
تم النشر الجمعة، ٢٥ يوليو ٢٠٢٥
لعرض الإجابة في فدني اضغط هنا