نصيحة من اخ اكبر منك باختصار شديد جدا . ما بني على باطل فهو باطل و الحق احق ان يتبع . يعني اقفلي الصفحة ده نهائي من حياتك لانه مضر ليكي من كل النواحي اللي ممكن تتخيليها و ربنا يوفقك و يعينك .
لا طبعا خليكي حكيمة ف تصرفاتك بمعني انك تعرفيه إن العلاقة ده حرام و لا تجوز و ابعتيله الأدلة على كده و بلغيه انك خلاص مش هتكملي ف حاجة تغضب ربنا . و وقتها ممكن يكون كويس و ينسحب و يحترم رغبتك لأن ده الصح و لعل و عسى ربنا يجمعكوا سوا بعدين ف الحلال، أو هيحاول يقنعك بأي شيء بغرض انكوا تكملوا و هو شايفك صديقه فقط لا غير أو اي حجة و وقتها تيقني انك كنت بتضيعي وقتك ع الفاضي و فوقيها كمان ذنوب فتقطعي و خلاص و مترديش أبدا اقفلي الصفحة و انتي عاملة اللي عليكي بوضوح شديد . لاقدر الله حاول يضايقك أو يستفزك بأي شئ فالجأي للأهل او شكوى ف القسم و إن كنت مستبعد حاجة زي كده بس الله أعلم بما ف النفوس و الناس مبقتش زي الاول للاسف . انا بقولك الكلام ده عشان تبقى واثقة من نفسك و متخافيش فقط لا غير .
تم النشر السبت، ١٢ أكتوبر ٢٠٢٤
لعرض الإجابة في فدني اضغط هنا