ممكن حد يفسر لي إزاي شخص تكون ثقته في نفسه عالية جدًا لدرجة إن محدش يقدر يهزها الحمد لله ليڤل عالى بجد لدرجه ان ممكن الشخص دا هو ليدر التيم بتاعه وفي نفس الوقت بيعاني من مستوى عالي جدًا من التوتر توتر مفرط إزاي الاتنين دول بيجتمعوا في نفس الشخص ايه التناقض دا ؟ ممكن حد يفسرلي ليه رغم ان الشخص دا واثق في نفسه و بيجيله توتر قوي جدًا من مواقف بسيطة مش لازم حاجه مستاهله توتر يعنى لدرجه انه بيوصل لأعراض جسدية زي خفقان شديد وألم في الرجل والشخص دا علشان يتأقلم ويتكلم معانا لازم يهدى من قلبه اللى بيدق بسرعه الضوء كناية يعنى !
مش عارفه ايه دا انا عملت سيرش كتير وسألت علشان اعرف ليه بيحصل كل دا مع شخص سليم من كل حاجة قالولي دا اسمه استجابة الفر والكر مفهمتش بردو دا ايه علاقته بالشخص دا وعلشان نعرف نهدى الشخص دا من التوتر ممكن نقعد وقت كتير اوى بحسها حاله لا اراديه فيه علشان هو عادى جدا وثقته ما شاء الله كويسه اما ييجى التوتر يشقلب كل حياته دا ايه؟
بص، اللي عندك ده مش تناقض ولا ضعف، ده غالبًا قلق زائد والجسم "بيبالغ في رد فعله"." أهم حاجة 👌🏼متخليش الموضوع يكبر في دماغك". ممكن تجرّب شوية خطوات بسيطة: لما تحس بالتوتر، خُد نفس ببطء (شهيق 4 ثواني – حبس 4 – زفير 6) وكرر كذا مرة متسيبش نفسك للتفكير الزيادة، حاول تشغل نفسك بحاجة مفيدة قلل كافيين (قهوة/شاي) لو بتشرب كتير«لان هما السبب في ضعيف الاعصاب» نام كويس وحاول تتحرك أو تتمرن حتى لو مشي بسيط اتفرج علي فيديوهات تعلم اليوجا و اعمل زيه و اتمرن على اليوجا هتتحسن واعصابك هتسترخي متكتمش، اتكلم مع حد قريب منك ♡♡و مافيش اقرب من ربنا منك ♡♡ ولو التوتر بيوصل لأعراض قوية زي الخفقان أو الألم، يبقى الأفضل تروح لأخصائي نفسي، الموضوع بسيط بس محتاج تنظيم مش أكتر. و جرّب تمشي علي الخطوات دي و مش هتخسر
تم النشر السبت، ٤ أبريل ٢٠٢٦
اللي ف الموضوع ده مش تناقض زي ما انتي فاكرة… دي طبيعة نفس بشرية. في فرق بين الثقة في قراراتك، وبين إحساسك بالأمان جواك… ممكن تبقي واثقة، بس لسه بتتأثري بسرعة. التوتر اللي بييجي من مواقف بسيطة غالبًا مش من الموقف نفسه، ده من تراكم جواكي بيطلع في أقرب فرصة. والجسم ساعات بيقول اللي العقل بيحاول يتجاهله. الفكرة مش إنك تمنعي التوتر، الفكرة إنك تفهميه… كل مرة يحصل اسألي نفسك: أنا متوترة من إيه فعلًا؟ مع الوقت هتلاقيه بيهدى لوحده. وربنا يرزقك طمأنينة من جواكي مش من أي حاجة حواليكي 🤍
تم النشر الخميس، ٩ أبريل ٢٠٢٦
يا حبيبتي، أول حاجة أشكرك إنك بتشاركي اللي شايفاه ده، وده يدل على إنك مهتمة بصحة الشخص ده (أو نفسك؟). التناقض اللي بتتكلمي عنه مش تناقض حقيقي، ده حالة شائعة جداً في علم النفس. خليني أفسرلك ببساطة: ليه الثقة العالية مع التوتر المفرط؟ الثقة في القدرات ≠ عدم القلق : الشخص ده واثق في مهاراته وخبرته (عشان كده ليدر)، لكن التوتر بيجي من الكمالية أو الخوف من الفشل أو الضغط الخارجي (زي توقعات الفريق أو المسؤوليات). يعني، هو عارف إنه قوي، بس الجسم بيرد بـ"استجابة الكر والفر" (Fight or Flight) زي ما قالولك – دي رد فعل طبيعي للجسم عشان يحمي نفسه من "الخطر"، حتى لو الخطر ده موقف بسيط زي اجتماع أو نقاش. الهرمونات زي الأدرينالين بتزيد، فبتحصل خفقان، ألم عضلي (في الرقبة أو الرجلين غالباً من التوتر)، وده بيستمر لو الشخص مش بيداريه. ليه مفرط؟ ممكن يكون اضطراب قلق عام أو توتر متراكم من ضغوط الحياة، حتى لو الشخص "سليم". مش مرض، بس يحتاج إدارة. إزاي نهديه عملياً (بدون تمارين تنفس أو استرخاء عام)؟ حددي المحفزات : خليه يكتب كل موقف بيحصل فيه التوتر (مثال: "قبل اجتماع الفريق"). ده هيساعده يشوف النمط ويتجنبه أو يعد له. غيري الأفكار السلبية : لما يجي الخفقان، يقول لنفسه: "أنا واثق وقوي، والموقف ده هيعدي زي كل مرة". أو ذكر الله: "حسبي الله ونعم الوكيل" أو "لا حول ولا قوة إلا بالله" – ده بيهدي القلب سريعاً إن شاء الله. روتين يومي قوي : مشي سريع 20 دقيقة يومياً، أكل متوازن (قللي الكافيين)، ونوم منتظم 7 ساعات. كمان، قسّم المهام الكبيرة لصغيرة عشان ميحسش بالضغط. في اللحظة : لو حصل التوتر، يقف يشرب مية باردة ببطء، أو يمشي شوية – ده بيعيد الجسم للوضع الطبيعي. ده مش حالة لا إرادية 100%، مع الوقت هيتحسن بالممارسة. لو مستمر، روحي للـ خبراء في Fedni (https://www.fedni.net/experts) فيه متخصصين هيقدموا استشارة شخصية. كمان، ابحثي في Fedni عن "توتر مفرط" أو "قلق زائد) هتلاقي إجابات تانية مفيدة! أنتِ قوية وبتساعدي، استمري كده يا عسل 💪❤️ (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر السبت، ٤ أبريل ٢٠٢٦
قائد ناجح متوتر عادي جدا و مفيش تناقض بصي ياريت نفصل بين العقل الواعي (الثقة، المبادئ، المهارات القيادية) وبين الجهاز العصبي اللاإرادي. هو شخص ناجح و لكن عنده جهاز عصبي حساس جدا المثيرات و فعلا استجابة الكر و الفر دي حاجه بتحصله لو واجه اجتماع بسيط و لاكانه حاجه بتهدد حياته فيبدأ الجسم بضخ كمية كبيرة من الادرينالين و الكرتيزول و يبدا خفقان القلب و رعشة الرجل و كل دا من سبب تراكم الضغوطات اللي بتحصله عشان يوصل للنجاح دا فلم تحصل لحظة مواجهة مع الآخرين يخاف من السقوط أو الفشل فبيحصل دا كله الإنقاذ السريع من حالة الكر والفر يعني تنفس عميق و بهدوء لمدة دقيقتين و لو امكن الحركة برضو من المكان
تم النشر السبت، ٤ أبريل ٢٠٢٦
السلام عليكم أهلا بيكى التناقض دا مش غريب ولا حاجة هو في الحقيقة طبيعى جدا الثقه هنا اللى انتى فيها دا ناتج انك شايفة انك قادرة على اللى بتعمليه وحبا نفسك سواء ك ليدر أو غيره أما التوتر دا ف ديه حاجه من نفسك انتى غالبا جسديه أكتر أو ممكن بتحسى بمسئولية كبيرة مع أى حاجة بتعمليها ف علشان كدا بتتوترى التوتر اللى بيجيلك دا واللى بيوصل للخفقان دا مشكلته من عقلك انتى لازم تحاولى تهدى نفسك اجبارى وتتدربى على التهدئه ديه تذكري قول الله تعالى: "الَّذِينَ آمَنُوا وَتَطْمَئِنُّ قُلُوبُهُم بِذِكْرِ اللَّهِ"، فذكر الله يفصل الإنسان عن ضجيج التوتر. ويقول النبي ﷺ: "إنما العلم بالتعلم، وإنما الحلم بالتحلم"، وكذلك الهدوء يُكتسب بالتدريب المستمر فاهمانى
تم النشر الأحد، ٥ أبريل ٢٠٢٦
انا زيك برضو. انا ليدر ومع ذلك بتوتر مع أي مشكله والمشكله بيبان عليا اني متوتره. ومع ذلك بعرف اتصرف الحمدلله في مواقف كتير. يعني مش عارفه بقولك ليه اني زيك بش عشان متحسيش انك لوحدك🙂
تم النشر الأربعاء، ٨ أبريل ٢٠٢٦
اقرأ لإبراهيم الفقي هيفرق كتير
تم النشر الاثنين، ٦ أبريل ٢٠٢٦
من أصعب أسباب التوتر هي ان اولا الشخص بيعتمد على قواه وليس على الله وثانيا لا يقبل الهزيمة أبدا فيعتبر أن الهزيمة هي النهاية ولكنها ليست كذلك وثالثا أن الإنسان يشعر بالنقص والكراهية ممن حوله فيشعر دائما بالخطر ممن حوله
تم النشر الاثنين، ٦ أبريل ٢٠٢٦
مش لازم توصل لتفسير ولكن اتعامل مع المعطيات الحالية ... المعطيات هي شخص ربنا أعطاه ثقة في النفس وصفات قيادية ولكنه شديد التوتر .. فاللي عليك هو انك تتعامل مع هذا التوتر وده مش في لحظة التوتر ولكن من قبلها ..... قبل ما تدخل مكان العمل جيب ورقة وقلم وأكتب أسوأ الاحتمالات اللي ممكن تحصل وأكتب مخاوفك من الأشخاص اللي حواليك مثلا فلان ممكن يغدر بيا وهكذا .. ولما تكتب هيقل التوتر .....
تم النشر الاثنين، ٦ أبريل ٢٠٢٦
صعب جدا نحكم على شخص بالتناقض او نحاول نشخص حالته من منظور ظاهري .. منصبه العملي العالي و ثقته في نفسه اللي تبان قصادك ثقه زياده فالنفس .. وارد جدا تكون مجرد قناع لخوف شديد مش باين لحد .. اما بالنسبه للتوتر المفرط لا يتنافى ابدا مع الثقه و البانيك اتاك مجرد عرض لمشاكل مختلفه .. فالظاهر بالنسبالك أن ده تناقض و الحقيقه هما وجهين لعمله واحده .. كل تقدري تعمليه هو أن وقت حدوث البانيك اتاك نصرف تفكير الشخص ده عن اللقطه اللي سببت نوبة الهلع لحد ماهو يقر أنه بيعاني من مشكله و يقرر انه يتكلم مع مختص في مشكلته
تم النشر الاثنين، ٦ أبريل ٢٠٢٦
تقريبا يقصد تقراي كتب لابراهيم الفقي او تسمعي له فيديو
تم النشر الأحد، ٥ أبريل ٢٠٢٦
@محمود القناوي يعنى ايه اقرأ ابراهيم الفقي؟
تم النشر الأحد، ٥ أبريل ٢٠٢٦
@Shemo Sheref لأ انت بتتكلمى فى منظور وانا بتكلم فى منظور تاني خالص
تم النشر الاثنين، ٦ أبريل ٢٠٢٦
التناقض هنا عقلك الباطل مش مستوعب ده فبيبدأ يهيأ ليكي و يخليكي تفكري و تخافي أنك تخسري ثقتك دي لدرجه يمكن تتخيلي شخص قدامك بتكلميه هو ده الصراحه مرض نفسي بسبب صدمه عصبيه او حاجه حصلت زعلتك وي المفروض فالوقت ده انتي كنتي تدي رد فعل بس سكتي و كتمتي الشعور جواكي تمام فالأحسن تراجعي شعور كل إنسان ليه طاقه معينه محدده فالزمن تستوعبي ده
تم النشر الأحد، ٥ أبريل ٢٠٢٦
اقري ابراهيم الفقي
تم النشر الأحد، ٥ أبريل ٢٠٢٦
لعرض السؤال في فدني اضغط هنا