السلام عليكم، الفيزياء محتاجة فهم الأول وبعدين حفظ... فلازم تركزي جدا في فهم الشرح ولو نقطة وقفت قدامك لا تترددي تسألي فيها. مش عارفة هل أنتِ معتمدة على يوتيوب أو منصات ولا مقتصرة على الدروس، بس عامة قبل ما تسمعي الشرح اقرأي الدرس من الكتاب مرة واتنين عشان يكون عندك فكرة مسبقة وبعدها ركزي في الشرح. ** خصصي مذكرة صغيرة تسجلي فيها القوانين وتراجعيها يوميا.. ده هيثبتها في ذهنك وهيبقى استدعائها في الامتحان أسهل وأسرع. *** الفيزياء زي الرياضيات محتاجة تطبيق وحل كتير، فالدرس اللي تذاكريه راجعيه كذا مرة وحلي أسئلته في الكتاب ومن الامتحانات السابقة. *** واكتبي على يوتيوب طريقة مذاكرة الفيزياء للثانوية العامة هتلاقي طلبة سابقبن منزلين فيديوهات لتجاربهم في مذاكرة الفيزياء والتفوق فيها، اسمعي كم فيديو بسرعة وخدي ملاحظات وأكيد إن شاء الله هتلاقي طرق منهم أنسب لك. ** وبالتوفيق إن شاء الله.
لعرض الإجابة في فدني اضغط هنا