عارفين الاحساس اللي بيجيلك لما تعمل حاجات غلط كتير ورا بعض وكل مره الغلطه بتكون أسوأ من اللي قبلها. كأنه بحر وانت مش عارف تخرج منه.
ولما حد يقولك ما تخرج ياعم سهله انت اللي مش بتحاول. الفكره ان المحاوله نفسها تقيله جدا.
عارفين لما الشخص يستسلم لنفسه بتوديه لفين.
بيكتشف انه مش كويس زي ما كان فاكر بل انه اسوء من اللي كان عارفهم بس ربنا كان ساتره بس.
بتحس بنفاق انك قدام الناس المحترم الكويس وانت عارف حقيقتك انك سيئ و وحش
عايز تتوب بس مش قادر. شايف الطريق ومش قادر ترجع
عايز تنهي حياتك بس متأكد ان كده هتكون النهايه خلاص. عارف ان الناس هتنساك بعدها وانت الوحيد اللي هتكون خسرت كل حاجة خسرت الدنيا والآخره
هو الانسان بيروح فين لما ميكونش عايز يعيش ولا يموت ؟
عايز يختفي
زهق من نفسه ومن ذنوبه ومن صورته في المرايا
حاسس انه محبوس جوه دور مش بتاعه.
بيسمع انه الحل لازم ترحع لربنا وتفوق من اللي انت فيه
لكنه مش قادر او يمكن هو بيوهم نفسه بكده.
عارفين يعني ايه حد خايف طول الوقت من نفسه
مش عارف ممكن تعمل فيه ايه او توصله لفين
ممكن اللي بقوله يبان كلام تقيل و اسود
انما اللي جوايا اسوء من كده وعايش بيه من زمان
كان نفسي اكون حد كويس زي ما الناس شايفاني.
بس انا فقدت الامل في نفسي
مش من الفراغ لا انا حاولت بدل المره عشرين
وكل محاوله كانت بتستنزف طاقتي اكتر من اللي قبلها
لحد ما وصلت لمرحله اني عايش بس جوايا مات من زمان
لو حد سألني ايه اللي حصلك في حياتك خلاك كده
الحقيقه مش حصلي حاجة مأسويه ولا ابتلاء شديد.
محصليش حاجة تخليني اوصل لهنا
انا اللي وصلت لنفسي لهنا
انا السبب وانا اللي بتدفع دلوقتي
النفس تقيل وقلبي بقا وجعاني عايز انام عشان انسى انا مين و مش عايز اصحي بعدها
جوايا غضب وكره تجاه كل حاجة
مش عارف ايه الجاي هل هتطور للأسوأ ولا كفايه كده؟
السلام عليكم، أنا فاهمة كلامك وإحساسك جدا وفاهمة شعور استنزاف الطاقة وإنك في مرحلة ما مش بتقدري حتى تقاومي عشان تخرجي من الحالة وده بيزود الشعور باليأس وعدم الثقة في قدرة نفسك على الخروج من الوضع وممكن يوصل الحال لمرحلة تدمير ذاتي بتخليك تعملي كل الغلط وتستمري في كل السلوكيات اللي عارفة إنها غلط وضارة لك بهدف لاشعوري في تدمير الذات. بس ساعات كتير لما بتوصلي للنقطة دي بتبقي محتاجة ترتاحي ومتقاوميش لبعض الوقت... يعني ممكن بتمري باحتراق نفسي واستنزاف طاقة وقدرة... عقلك وجسمك ونفسك محتاجين فاصل. في الوقت ده مش محتاجة تفضلي تلومي نفسك ولا تحاولي تجبريها ترجع للنسخة الأولى أو تكون الشخصية الأفضل أو اللي الناس فاكراها. ترفقي بنفسك وتفهمي المرحلة لكن في نفس الوقت هتقومي بالحد الأدنى المطلوب منك، يعني إذا قبل كنت بتصلي الفروض كلها في موعدها أو بتضيفي نوافل ودلوقتي مقصرة أو حتى موقفة صلاة ارجعي صلي حتى لو بتقطعي أو لو مش يتحسي بخشوع أو بتلاقي إنك بتصلي بآلية وتأدية فرض. لو مش عارفة تتخلصي من ذنوب قرري تعملي خير أو حسنات بعد كل مرة تقعي في ذنب زي إنك تخرجي صدقة أو تستغفري ١٠ دقايق. وهكذا، يعني خدي الأمور بالتدريج.. الخطوات البسيطة والصغيرة قوي قوي قادرة مع الوقت تدفعك لحد ما إن شاء الله تخرجي من المرحلة دي وتكوني أفضل بإذن الله.
تم النشر الخميس، ١٦ أبريل ٢٠٢٦
أنا عارفه إن كلمة 'حاول' بقت تقيلة على قلبك، وعارفه كمان إنك استنزفت كل طاقتك ومبقتش قادر حتى تتخيل إن في مخرج. الوجع اللي في كلامك ده مش مجرد زعل، ده 'تعب روح' جربت كل حاجة وفشلت، لدرجة إن النوم بقى هو الهروب الوحيد. أنا مش هقولك قوم وحاول، أنا بس عايزه أقولك (إهدا على نفسك شوية). أنت مش مطالب دلوقتي تعمل معجزات، ولا مطالب إنك تغير حياتك في يوم وليلة. أنت بس محتاج تعرف إنك مش لوحدك في السواد ده، وإن الانهيار اللي أنت فيه ده مش (نهاية الطريق)، ده (نقطة الصفر) اللي هتبدأ تبني منها روحك من جديد لما تهدى. الوجع اللي جواك ده هيخف، مش بقرار منك، بس بالوقت وبالراحة. سامح نفسك إنك تعبت، وسامح نفسك إنك مش قادر، وخليك واثق إن ربنا اللي شايفك مش هينساك، وهيبعتلك الطمأنينة اللي تغسل كل السواد ده من غير ما تبذل مجهود أنت مش قده دلوقتي الكلام اللي أنت كاتبه ده مش دليل إنك شخص سيء، ده دليل إن 'ضميرك صاحي' جداً لدرجة إنه بيعذبك، وده في حد ذاته أول خطوة للنجاة. أنت مش لوحدك، وكلنا بنمر بلحظات بنحس فيها إننا بنغرق في بحر من الغلطات ومش عارفين نطلع، بس افتكر دايماً إن ربنا اللي خلقك عارف ضعفك وبشريتك، وعارف إنك بتعافر وتجاهد نفسك حتى لو مش باين للناس.الحمل اللي شايله على قلبك ده تقيل، بس ربنا مش بيكلف نفساً إلا وسعها، ومعناه إنك 'تقدر' تعدي. متبصش للي فات إنه ضياع، بصله إنه 'درس قاسي' بيجهزك عشان تكون أقوى. أنت لسه حي، ولسه فيك نفس، يعني لسه عندك فرصة تغير كل حاجة. ابدأ من النهاردة، بطل تجلد نفسك، وسامحها، وخد خطوة واحدة صغيرة للصح، وربنا هيعينك ويجبر خاطرك جبر ينسيك كل سواد شفته. وأنت تستحق تعيشه وأنت مرتاح البال ومطمن."
تم النشر الأربعاء، ١٥ أبريل ٢٠٢٦
يا حبيبتي، أنا ذكية، وأنا هنا معاكِ دلوقتي، سامعاكِ بكل قلبي. اللي بتحكيه ده شعور تقيل أوي، زي بحر غرقان فيه، وأنا عارفة إن كتير مننا وقعوا فيه قبل كده. بس أنتِ مش وحشة ولا سيئة زي ما بتشوفي نفسك – افتكري إن ربنا رحيم غفور، وقال "قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ" (الزمر:53). التوبة مش محتاجة قوة خارقة، هي خطوة صغيرة بس. ابدئي كده دلوقتي، خطوة خطوة عشان متستنزفيش طاقتك: الوضوء والصلاة : قومي، اغسلي وشك، اتوضي وصلي ركعتين واستغفري ربنا 100 مرة. ده هيفتح الباب شوية شوية. اقرئي قرآن يوميًا : ولو صفحة واحدة بس – هيريح قلبك ويذكرك إن الضيق ده مؤقت. روتين بسيط : نامي بدري، اصحي بدري، امشي 10 دقايق في الشارع كل يوم (مش تمارين معقدة). اكتبي 3 حاجات شكرتِ ربنا عليها قبل النوم. تجنبي الخلوة مع النفس : اشغلي نفسك بحاجة مفيدة زي قراءة كتاب أو تعلم مهارة جديدة أونلاين (زي طبخ وصفة سهلة). الغضب والكره ده هيروح لما ترجعي لربنا، مش هتطور للأسوأ إلا لو سبتيه. أنتِ حاولتِ 20 مرة؟ ده يثبت إن فيكِ قوة، بس المرة الجاية هتبقى مختلفة عشان هتبدئي صغير. متفكريش في النهاية دي خالص – الحياة هدية من ربنا، وهو هيغفرلكِ كل حاجة لو رجعتِ. لو عايزة دعم أكتر، دوري في Fedni على أسئلة زي "كيف أتوب" أو روحي لصفحة الخبراء https://www.fedni.net/experts – فيه متخصصين نفسيين هيساعدوكِ. أنتِ مش محبوسة، يا قمر، الباب مفتوح. ابعتيلي تاني لو عايزة، أنا معاكِ ❤️. ربنا يفرج همكِ.
تم النشر الأربعاء، ١٥ أبريل ٢٠٢٦
اسمع أو اقرأ عن سعة رحمة الله- اقعد في مكان لوحدك من غير موبايل← استغفر على قد ما تقدر واقرأ عن فضل الاستغفار أو اسمع- شوف الحاجات الغلط اللي بتعملها واقرأ عنها واحتفظ بالكلام اللي أثر فيك تقرأه كذا مرة في اليوم
تم النشر السبت، ١٨ أبريل ٢٠٢٦
ولو حسيت بإنك عايز تتكلم أو عايز نصحية مش هقولك تعالي قول وفضفض وكدة... لأ أنا هقولك قوم إغسل وشك جامد جامد جامد بعدين اتوضي بعدين تروح تصلي ركعتين توبة صادقة توبة بص مش لازم تكون حافظ أدعية لأ اتكلم كده عادي بس بكل صدق دي اهم حاجة ويكون عندك يقين بإن ربنا سامعك .. بعد كدة هتلاقي كل أسباب التيسير بتجري كدة قدام عينك يعني أمور بتتيسرلك من حيث لا تحتسب فعلاً فعلاً أنا كنت بستعجب من كمية الحاجات اللي كانت بتحصل معايا من كتر ما أنا بستغفر... بس متفكرش أن إنت لما تستغفر 100 مرة ولا 200 تبقي كدة عملت إنجاز لأ المية دول كنت بقولهم في دقيقة ... وبصيغة أستغفر الله..... الشيخ محمد حجازي ده بيقول أنا كنت ملتزم بعدد 30,000 وساعات كنت يزيد عن كدة ...وده مش من باب تحديد الأرقام.... لأ ....ده من باب الالتزام.... قال رسول الله ﷺ: «من لزم الاستغفار جعل الله له من كل همٍّ فرجًا، ومن كل ضيقٍ مخرجًا، ورزقه من حيث لا يحتسب» اسمعه وانت هتفهم أكتر
تم النشر السبت، ١٨ أبريل ٢٠٢٦
السلام عليكم ورحمة الله وبركاته معلش استحملني لأني هطول في كلامي .... الإنسان عنده ثلاث أنفس النفس الأمارة بالسوء ودي اللي بتأمر بالذنب وبتوهمك بالذنب دي بقي رفيقة الشيطان ودي اللي ربنا قال عنها في القرآن الكريم.... ﴿وَمَا أُبَرِّئُ نَفْسِي ۚ إِنَّ النَّفْسَ لَأَمَّارَةٌ بِالسُّوءِ إِلَّا مَا رَحِمَ رَبِّي ۚ إِنَّ رَبِّي غَفُورٌ رَحِيمٌ﴾[سورة يوسف: 53]﴿وأما من خاف مقام ربه ونهي النفس عن الهوى فإن الجنة هي المأويٰ ﴾ والنفس الثانية وهي النفس اللوامة ودي اللي بتحسسك بتأنيب الضمير لما تعمل الذنب ده وتحس وبالذنب الشديد تجاه نفسك ودي اللي بتوصلك النفس الثالثة ....وهي النفس المطمئنة. ... ودي ذكرت في سورة الفجر... ﴿يَا أَيَّتُهَا النَّفْسُ الْمُطْمَئِنَّةُ (27)ارْجِعِي إِلَى رَبِّكِ رَاضِيَةً مَّرْضِيَّةً (28)فَادْخُلِي فِي عِبَادِي (29)وَادْخُلِي جَنَّتِي (30)﴾ تمام كدة انت عرفت أنواع الأنفس .... انت دلوقتي من كثرة الذنوب وكثرة محاولات التوبة بقيت حاسس قلبك أسود حاسس بالإكتئاب حاسس بإنك شخص سيء جداً جداً شخص ما تستاهلش أي نعمة بسبب الذنوب اللي عملتها...................................................... (أنا بقول الكلام عن نفسي أكتر ما بوجه ليك ) فدلوقتي لازم تعمل عملية ترميم لقلبك ترجع كل جزء زي ما كان.... تزيل الستارة السوداء اللي عليه....وما وجدت أفضل من الإستغفار لهذا ... طبعاً أكيد العبادات هتكون ثقيلة جداً جداً وأنا أكتر حد حسيت بكدة وأنا فاهمة كل كلمة قلتها ... مش عارف تصلي مش عارف تعبده زي ما أمرك .....عايز تختفي من الدنيا كلها وفي نفس الوقت مش قادر تقابل ربنا بالنفس دي ... الإستغفار بقي هيمسح كل ده كله كله كله. ذنوب .... هتتمسح. إكتئاب هيتعالج .... هتحس براحة تامة سواء راحة نفسية أو جسدية ( لأن أنا عارفة دلوقتي إنك حاسس بخمول وفقدان الشهية وفقدان الشغف وعدم التركيز وكثرة النسيان ) الإستغفار معجزة بكل ما تحمله الكلمة من معني وهقولك علي شيخ بأنصح بيه اسمه محمد حجازي علي اليوتيوب . بجد أنا فاهماك إنك عارف طريق التوبة وانك عايز تتوب ومعدتش قادر. خايف وكاره نفسك ...زي ما قلت حاسس بالنفاق والرياء ...بس ما ينفعش ...الإستغفار بقي بيعملك عملية تطهير لكل ده .. هعملك مثال بسيط ... انت دلوقتي عندك عربية ... ليها عجلات طبعاً... العربية دي راحت في أماكن طين وزبالة وكل شيء قذر ... تمام ... العجلات وقفت معدتش راضية تتحرك خالص ... تعمل ايه ... تنضفها من القذارة اللي هي فيه ... أهو الإستغفار بيعمل كدة بينضف ويسيبلك طريق ... انت بقي بعد عملية التطهير انت اللي تتحرك بنفسك وهقولك علي حاجة كمان مش بس الإستغفار بيمسح الذنوب.. لأ .. ده بيكون سبب في رزقك كمان الإستغفار معجزة حرفياً هقولك على كل الآيات التي ذكر فيها الإستغفار وأهمهم اللي في سورة نوح.... 1★﴿فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا (10)﴾﴿يُرْسِلِ السَّمَاءَ عَلَيْكُم مِّدْرَارًا (11)﴾﴿وَيُمْدِدْكُم بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا (12)﴾. سورة تانية 2★﴿وَالَّذِينَ إِذَا فَعَلُوا فَاحِشَةً أَوْ ظَلَمُوا أَنفُسَهُمْ ذَكَرُوا اللَّهَ فَاسْتَغْفَرُوا لِذُنُوبِهِمْ وَمَن يَغْفِرُ الذُّنُوبَ إِلَّا اللَّهُ وَلَمْ يُصِرُّوا عَلَى مَا فَعَلُوا وَهُمْ يَعْلَمُونَ (135)﴾. (الآية دي حرفياً بتخليني أعيط ولسة معيطة دلوقتي والله) سورة تانية 3★سورة تانية ﴿وَمَا أَرْسَلْنَا مِن رَّسُولٍ إِلَّا لِيُطَاعَ بِإِذْنِ اللَّهِ وَلَوْ أَنَّهُمْ إِذ ظَّلَمُوا أَنفُسَهُمْ جَاءُوكَ فَاسْتَغْفَرُوا اللَّهَ وَاسْتَغْفَرَ لَهُمُ الرَّسُولُ لَوَجَدُوا اللَّهَ تَوَّابًا رَّحِيمًا (64) 4★سورة تانية﴿وَاسْتَغْفِرُوا رَبَّكُمْ ثُمَّ تُوبُوا إِلَيْهِ إِنَّ رَبِّي رَحِيمٌ وَدُودٌ (90)﴾ 5★سورة تانية ﴿وَيَا قَوْمِ اسْتَغْفِرُوا رَبَّكُمْ ثُمَّ تُوبُوا إِلَيْهِ يُرْسِلِ السَّمَاءَ عَلَيْكُم مِّدْرَارًا وَيَزِدْكُمْ قُوَّةً إِلَى قُوَّتِكُمْ وَلَا تَتَوَلَّوْا مُجْرِمِينَ (52)﴾ ... دي كل الآيات اللي فيها الأمر بالإستغفار وزي ما قرأت أول واحدة اللي في سورة نوح دي بتكون سبب للرزق المهم علاجك في الإستغفار .....بعده ...(يعني بعد ما تتعالج من الحالة اللي انت فيها لأن أنا كنت زيك كدة ويمكن أسود ما تغركش النصائح دي ...)هتبدأ تقرأ سورة البقرة يومياً وهقولك علي طريقة حلوة وهي انك تبدأ أول يوم بإنك تقرأها 5 مرات بعدين تاني يوم 3 مرات بعدين ثالث يوم تقرأها 1 واحدة وتستمر على كدة . الحركة دي هتخليك حاسس بسهولة القراءة.... معلومة كمان أفضل وقت للإستغفار هو وقت السَّحَر اللي هو وقت السحور ... ذُكِر في القرآن الكريم. ( والمستغفرين بالأسحار)(وبالأسحار هم يستغفرون) اسمع الفيديوهات الشيخ محمد حجازي وهتفهم أكتر بس أتا حاولت أشرحلك كل المختصر لأني أنا لو فضلت أكتب مش هلخص كتابة أنا حرفياً حصري معجزات بسبب الإستغفار ولكن ما وصلتش لدرجة الرزق الوفير لأني بصراحة قطعته وإن شاء الله هلتزم من تاني وكفاية معجزة الهداية ومغفرة الذنوب ... أنا بس في تانية ثانوى أزهر أدبي امتحاناتي بعد 3 أيام ومش فاضية يا دوبك والله فتحت التطبيق بشوف مين محتاج نصيحة وببعتله .. وربنا يوفقك ويهديك على الصراط المستقيم وتكون نفسك مطمئنة بإذن الله تعالى 🤲
تم النشر السبت، ١٨ أبريل ٢٠٢٦
الشكر لله ، جزانا الله وإياكم الخير كله 🤲
تم النشر الأحد، ١٩ أبريل ٢٠٢٦
@زهرة الأمل شكرا جدا لحضرتك جزاكِ الله خيرا
تم النشر السبت، ١٨ أبريل ٢٠٢٦
وده منشور برضو نسخته ............ س/ يا شيخى يحبني الناس رغم ذنوبي في الخلوات ؟ ج/ لعل لك عند الله قدرًا، وما زال بينك وبينه صالح عمل؛ فلا يزال الله يستر عليك، ولعل ستره يوقع في قلبك الحياء منه، فتترك الذنب حياءً لا خوفًا، وطوعًا لا كرها.. والله أكرم من أن يستر عبده في الدنيا؛ فيفضحه بذنبه يوم القيامة.
تم النشر السبت، ١٨ أبريل ٢٠٢٦
ده منشور نسخته ......كيف تعرف أن استغفارك مقبول؟ (رغم استمرار التعطيل) 1. أنك لا تزال تستغفر… هذا علامة قبول لو كان مرفوضًا، كان انقطع عنك، لكن الله يحبّك فثبّتك.✔️ 2. قبول الاستغفار ليس مرتبطًا بسرعة الفرج(لاتخلط بين القبول وسرعة الفرج) ربك يقبله أولًا، ثم يؤخّر أثره لحكمة: (كثير ممن فتح الله عليهم سريعاً تركوا الاستغفار)فالتأخير ليرتفع مقامك أو يُصقل قلبك.✔️ 3. إذا تغير قلبك… فقد قُبل استغفارك باذن الله صار فيك حياء من الذنب؟ رقّة؟ خوف؟ حب لله؟ هذا دليل حياة في القلب،حتى لو بزيادة تدريجية✔️ 4. إذا كرهت المعصية بعد أن كنت تحبها فهذا من آثار الاستغفار، والقلوب لا تتغيّر إلا بقبول.✔️ 5. إذا حافظت على الطاعات أكثر من قبل يعني استغفارك قادك للتوبة والاستقامة، وليس فقط كلام باللسان.✔️ 6. إذا شعرت أن الله قريب رغم الألم هذا إلهام ما يأتي إلا من ربٍ رضي عن عبده.✔️ 7. قد يكون التعطيل حماية لا عقوبة الله يؤخّر زواجك، رزقك، أو حاجتك… لأنه يعلم أن الوقت الآن مو لصالحك، فحماك، مو حرمك.✔️ 8. تأخُّر الفرج يربيك… أما القبول فهو حاصل بإذن الله والله كريم ما يردّ من دعاه بإخلاص. 9. كل يوم تستغفر فيه، تُمحى ذنوب، وتُرفع درجات، وتُفرَش طرق مستقبلك بستر ما تدري عنه لكنك ترى اللحظة فقط… لا ترى الغيب الذي يُرتب.✔️ 10. ربك قال: “إني لغفّار لمن تاب وآمن وعمل صالحًا ثم اهتدى” ما قال متى، ولا كم تستغفر، لكن وعد بالمغفرة لمن صدق… وأنت بإذن الله من الصادقين وطن قلبك على الاستغفار لله حتى الممات وليس حتى تفرج فهذا يعجل الفرج ❤️
تم النشر السبت، ١٨ أبريل ٢٠٢٦
لعرض السؤال في فدني اضغط هنا