السلام عليكم- أثناء امتحان العربي حصلت مهازل بالذات في لجنتي وانا مش عارفة اتصرف ازاي ومش حابة انه يحصل في باقي الامتحانات
١- الورق جه متأخر ١٠ دقايق
٢ -المراقب وقف فوق دماغي مصمم اكتب البيانات علي ورق البابل شيت وورقة المقالي وانا مقولتش لاء بس كنت بدأت في حل القطعة وعايزة اخلص أسئلتها الأول علشان منساش واصلا تاخير الورق كان منهم
٣- كمية الدوشة اللي كانوا عاملينها مراقبين الدور وكل شوية يدخلوا عندنا يعملوا اي تشتيت يمسكوا في الورق أو يرغوا مع المراقبين
٤- لقطوا إشارة من لجنتنا ف دخلوا وقفوا الامتحان ربع ساعة يفتشوا الدسكات والاولاد اللي في اللجنة وبعدها بعدها طلعونا احنا البنات برا وبقوا يفتشوا بطريقة وحشة اوي
٥-ودا أصعب موقف معصبني معانا واحد في اللجنة كان مصدر ازعاج وتشتيت في المواد اللي فاتت كان بيتخانق في المراقبين جوا اللجنة علشان يشرب سجاير ف دا مكنش مهم لأن الامتحانات كانت سهله و اتحلت ف ربع ساعة لكن جه في العربي وكان بيتخانق مع المراقبين علشان ينزل الحمام ف مراقب الدور رفض علشان كان لسه نص الوقت معداش ف بدأ يتخانق فيهم ويعلي صوته وزعق في الميس المراقبة وخلى المراقبين اللي في الدور وعدد كبير من المدرسين اتلموا في اللجنة واشتغلوا خناق ومكناش عارفين نحل من الصوت والدوشة ولما نص الوقت فات بقي بيتخانق فيهم عايز يسلم الامتحان وويمشي والمراقبين بردو منعوه فعصبني جدا وكنت عايزة اتخانق معاه علشان يسكت ونركز بس محبتش اضيع وقت الامتحان اكتر
ضاع من وقت الامتحان ٤٥ دقيقة من تأخير ورق لتوقيع لتفتيش الفصل والتفتيش الذاتي لازعاج الولد دا وفي الاخر المراقبين سحبوا الورق الساعة ١٢ بالثانية والامتحان كان سهل وكل الأسئلة عارفاها بس لما جيت احل النحو لقيت فاضل ٣٥ دقيقة بس ف ربنا عالم انا حليت النحو ازاي وللاسف ملحقتش اراجع ف اعمل ايه علشان دا ميتكررش تاني ؟ @Life Coach Eman
طبعا ربنا معاكي دي امتحانات ثانويه عامه وموضوع صعب جدا اذا كان ضغط عصبي ونفسي داخلي عندك او في المحيط الخارجي اللي حواليك الفكره ان في اوضاع للاسف بيكون صعب ان انت تتصرفي فيها زي مراقبه الدور المشرفين الطريقه دي بتكون صعبه جدا وتأخير الورق .فممكن تروحي لرئيس الدور نفسه وتقولي له على اللي حصل واللي سببلك توتر قبل كده وقلق عندك في اللجنه وتطلبي منه أن هو يدخل يكلم المراقبين في اللجان ان هم ما يعملوش ازعاج جوه انا بكلمك هنا على مشرف الدور الرئيسي عندك ان هو يدخل اللجان ويقول للمراقبين برجاء خفض الصوت والتزام الهدوء عشان الطلبه تقدر تحل أما بالنسبه لنقطة التفتيش دي الموضوع صعب جدا لان هو ده بيتعمل على طول فهو فعلا بيوتر الطلبه وبيضيع الوقت الفكره ان المحيط اللي حواليك ده صعب ان انت تتحكمي فيه بس انا بحييكي جدا رغم الضغط ده انك قدرتي تكملي وتحلي وبرده بقول لك حاولي على قد ما تقدري ان انت تفضلي مركزه قدامك واللي تقدري عليه اعمليه ربنا معاك يا رب والفتره دي تعدي على خير
تم النشر الثلاثاء، ٣٠ يونيو ٢٠٢٦
هو فعلا فيه مشاكل كتير اوي بتبقي فى اللجنة وبالذات برضو من المراقبين اللى مش بيقدرو ان الوقت بيعدي وان فيه امتحان اصلا ده غير توترنا احنا كطلبه مش عارفه بصراحه تتصرفي ازاى بس يمكن المره الجايه ميحصلش حاجه وتبقي اللجنه هاديه بأذن الله.
تم النشر الأربعاء، ١ يوليو ٢٠٢٦
اللي حصل ده متوقع وهيحصل في كل الامتحانات ، مش ده المهم ، المهم انك تتعاملي بلا مبالاه مع كل اللي بيحصل ، اول ما تاخدي ورقة البابل شيت اكتبي بياناتك كلها في البدايه، وبعدها ابدأي حل وولا كإنك شايفه حد ، تركيزك كله في امتحانك لإن مفيش حد هيهتم لأمرك غير نفسك .
تم النشر الثلاثاء، ٣٠ يونيو ٢٠٢٦
لعرض السؤال في فدني اضغط هنا