لو انا معروض عليا شغل بيبي سيتر او جليسة أطفال
ومغروض ان البيبي هغيرله وهقعد معاه لغايت ما والدته تيجي من الشغل،ووالده مسافر امريكا يعني مش هيكون في رجاله وكده ونا طالبه جامعيه هل دي حاجة تقل مني في شيء،
وهل لو اشتغلت الشغلانه دي هيكون كويس ولا افضل احضر الدورات اللي الجامعه و كليتي بتقدمها عشان ادخل مصدر فلوس ليا من الشغلانة دي ...
من فضلكم اجابه من الناس الواقعيه، بلاش جو الناس المثاليه لاني حابه اعيش في مستوى معين وخايفه تكون دي حاجة بتقل مني.... ارجو الافادة وشكرا
السلام عليكم، بعيدا عن مثالية وواقعية، أنا بالنسبة لي مش شايفة فيها مشكلة خالص... يمكن أنا شخصيا أرفض الوظيفة بس مش عشان مستوى أو مش هيليق بي والجو ده.. لأ عشان التعامل مع الأطفال نفسه وتحمل مسؤوليتهم. فأنتِ لو بتقدري تتعاملي مع الأطفال وعندك طولة بال وهتقدري تهتمي بالبيبي وباحتياجاته في غياب الأم وقادرة تتحملي المسؤولية دي فتمام هتبقى فرصة كويسة وهتكسبك خبرة ومهارات هتحتاجيها مستقبلا، زي تحمل المسؤولية والتنظيم والرعاية والتواصل. *** ثانيا، إيه المشكلة في إنك تاخدي الوظيفة وفي نفس الوقت تشوفي الدورات أو الكورسات؟ هل هيبقى تضارب المواعيد مثلا ولا صعوبة توفيق الاتنين وكمان الدراسة؟ ** عامة الوظيفة نفسها مفيهاش مشكلة وشايفاها تكسبك خبرة حياتية واجتماعية طالما تقدري عليها. بس تأكدي، إن الشغل أمان وموثوق، ساعات العمل والراتب مناسبين لك. حددي مهامك قبل البدء يعني هتقتصري على رعاية الطفل ولا مطلوب مهام تانية، وكمان هل الشغل ده هيؤثر على دراستك ولا لأ. ** لو مش هتقدري توفقي الوظيفة مع الدراسة والكورسات يبقى اقعدي مع نفسك ووازني الأولويات بتاعتك وحددي إيه اللي أفضل لك تركزي عليه حاليا وإيه محتاجاه أكثر في المرحلة دي. بالتوفيق. 💚
تم النشر الاثنين، ٢٠ يوليو ٢٠٢٦
أنتِ أكتر حد عارف إجابة السؤال لو أنتِ فعلًا في حالة ضرورية جدًا للمال والعمل فـ أقبلي عادي عشان أي شغل دلوقتي محتاج منك كورسات ومهارات. ولو أنتِ مش محتاجة الفلوس وهتقدري تشتغلي على نفسك بـ الـ معاك فـ خلاص أرفضي الأمر معتمد على عليكِ أما جزئية يقلل منك ومن مكأنتك سيبك من الكلام دا خالص طالما الشغل حلال ومفيش فيه أذى ليكِ كبنت فهماني! الله يعينك اللهم آمين.
تم النشر الاثنين، ٢٠ يوليو ٢٠٢٦
لا، الشغل كبيبي سيتر مش حاجة بتقل منك خالص، وده رأي واقعي مبني على تجارب كتير من البنات اللي مرّوا بنفس الظروف. في مجتمعنا، الناس بتحكم على الشغل بناءً على الصورة الاجتماعية أكتر من القيمة الحقيقية، لكن الواقع إن أي شغل حلال بيحقق لك استقلالية مالية ويساعدك تعيشي بالمستوى اللي نفسك فيه هو شيء محترم. خاصة إن الشغل ده في بيت آمن (الأب مسافر ومفيش رجالة)، وهو عمل رعاية أطفال مش فيه أي إهانة أو تعرض لمخاطر. من ناحية الدراسة، الأولوية دايمًا للجامعة والدورات اللي بتقدمها كليتك، لأنها استثمار طويل الأمد في مستقبلك. لو الشغل هيأثر على حضورك أو تركيزك، يبقى الأفضل ترفضيه أو تبحثي عن بديل جزئي يناسب جدولك الدراسي. لكن لو قدرتي توازني بين الاتنين (مثلاً شغل لساعات محدودة بعد المحاضرات)، هيبقى مصدر دخل محترم يساعدك تحققي الاستقلال المالي اللي بتتمنيه بدون ما تعتمدي على حد. الخوف من "الصورة الاجتماعية" طبيعي، بس تذكري إن كتير من الستات الناجحات بدأوا بأعمال بسيطة زي دي عشان يبنوا نفسهم. لو الشغل مناسب ماديًا وآمن ومش هيضغط عليكِ دراسيًا، خديه كخطوة مؤقتة. ابحثي عن أسئلة مشابهة على فدني عشان تشوفي تجارب بنات تانيين في نفس الموقف، وخدي القرار اللي يناسب أهدافك أنتِ مش آراء الناس. أنتِ قادرة تختاري الطريق المناسب ليكِ.
تم النشر الأحد، ١٩ يوليو ٢٠٢٦
اوكي شكرا ندى
تم النشر الثلاثاء، ٢١ يوليو ٢٠٢٦
حاسه دي افضل من بيبي سيتر حتى اعتبري نفسك صاحبتها مش مجرد بتخدميها واهو تاخدي ثواب برضوا وكمان ميزتها انها مش خدمه في بيت حد ولا حد يبصلك بصة متعجبيش ولا الكلام دا ،فلو مش متاحلك غير كدا تمام بس برضوا لو فيه فرصة تانية زي سكرتيرة وكدا يبقى احسن حتى برضوا مش هتقعدي تلفي كتير وترهقي نفسك زيادة كبنت الموضوع مرهق
تم النشر الاثنين، ٢٠ يوليو ٢٠٢٦
اسألى في چيمات لو عاوزين واحدة في الريسيبشن مثلا
تم النشر الاثنين، ٢٠ يوليو ٢٠٢٦
وفيه ناس هتقولك عادي وبتاع بس الواقع والحقيقة أن دي حاجه هتأثر فيكي وكمان في جوازك بعدين ونظرته ليكي دا الواقع مش هزوقلك الحياة
تم النشر الاثنين، ٢٠ يوليو ٢٠٢٦
العفو يا حبيبتي ربنا يرزقك من حيث لا تحتسبي يارب ويوفقك
تم النشر الثلاثاء، ٢١ يوليو ٢٠٢٦
اممم تمام طب إي رأي حضرتك لو اشتغلت شادو ل بنت كفيفة بروح معاها الجامعه و اقضي معاها مشاويز زي تخليص ورق وكده هل ليها نفس النظرة
تم النشر الاثنين، ٢٠ يوليو ٢٠٢٦
ممكن برضوا تشوفي صيدلية تقفي فيها ،ممكن مطعم تاخدي الطلبات،ممكن سكرتيرة أو مساعدة دكتور ،شوفي دوري في دول اكتر
تم النشر الاثنين، ٢٠ يوليو ٢٠٢٦
بلاش بجد ،ممكن تروحي تقفي في محل افضل عندك محلات كتير بتبقى محتاجه ناس،لكن بلاش انك تخدمي حد واه بتأثر على شخصيتك ونظرتك لنفسك
تم النشر الاثنين، ٢٠ يوليو ٢٠٢٦
طالما مؤقته وانتى لسه طالبه مفيهاش مشكله
تم النشر الأحد، ١٩ يوليو ٢٠٢٦
لعرض السؤال في فدني اضغط هنا