عندي صديقة مقربة جدًا وصالحة، جات فترة وقررت تضيف ناس في صُحبتنا أتعرفت على بنتين صالحات المهم بقينا أربعة وكنا صحبة صالحة بعدين بدأت ألاحظ إنها بتبعد عني بس علي خفيف يعني تقعد أربع أو خمس ما ترودش على الرسايل بدأت بعدين أكشف إنها بتكلم أصحبنا الاتنين كتير المهم أنا قعدت سنة وأنا مهملة أخدت قرار إني أبعد عنهم هما الثلاثة، وفعلًا أصبحت بعيدة عنهم عدى حوالي أربع شهور من بُعدي هي بدأت تلاحظ بدأت تبعتلي فينك مختفية قولتلها سبب زعلي وعاتبتها عشان علاقتنا كانت لله ردها كان عبارة عن عندك حق!! المهم قررت فعلًا أبعد حفظت القرآن وبعدين أكشفت إني كنت متعطلة بسببها وهي صُحبة 4 سنين حفظت القرآن وعملت إنجازات كتير كل دا في أقل من سنتين بعدين بدأت تتواصل معايا وتسألي عني مع دالوقتي هي بتقولي عايزة علاقتنا ترجع زي الأول وأنا مش عايزة عشان لما بعدت عنها أكشفت إنها كانت بتعمل كل حاجة عشان مصلحتها بس حتي القرآن كانت تختار الـ يريحها هي وفي العلاقات، أنا دالوقتي مش هقول أنا وحدي عشان أنا حياتي ووقتي مشغولين ومش عايزة أصدقاء، دالوقتي هي رجعت بعد ما الاتنين الـ جبتهم يكونوا أصحابنا هما صحابوا بعض يعني إحنا أتفرقنا وهما دالوقتي أصحاب!! هي دالوقتي عايزة ترجع وأنا مش عايزة هل أنا كدا مش صحبة صالحة وعلاقتي مكنتش لله دي مش كل التفاصيل هي عملت حاجات اكتر زي خروجها معاهم وأنها تهتم بيهم أكتر مني وسابتني عشانهم وأنا سبتها بس بعد سنة محالاوت! حد مر بحاجة زي دي وإزاي أقدر أقولها إني مش عايزة أرجع بس من غير أجرحها أو ازعلها
أختي العزيزة، أولاً أحييكِ على الوعي اللي وصلتِ له بعد فترة البعد. إنكِ اكتشفتِ إن العلاقة كانت بتأثر عليكِ سلباً، وإنكِ قدرتِ تركزي على حفظ القرآن وإنجازاتكِ، ده دليل على قوتكِ وقدرتكِ على حماية نفسكِ. مش كل العلاقات لازم تستمر، حتى لو كانت "صالحة" في البداية، لأن الصداقة الحقيقية اللي لله بتكون متبادلة وبترفع الطرفين، مش بتخلي واحد يحس بالإهمال أو الاستغلال. بالنسبة لسؤالكِ إذا كنتِ "مش صحبة صالحة"، فالإجابة لا. أنتِ مش ملزمة ترجعي لعلاقة كانت بتضركِ، حتى لو الطرف الآخر نادم دلوقتي. الصداقة لله مش معناها التضحية بنفسكِ أو الرجوع لنفس الدائرة السامة. الإسلام بيحثنا على اختيار الصحبة اللي بتساعدنا نتقرب لله ونصلح أنفسنا، مش اللي بتعطلنا. قراركِ بالبعد كان قراراً ناضجاً، ومش غلط إنكِ تحافظي عليه. عشان تقولي لها إنكِ مش عايزة ترجعي بدون ما تجرحيها، حاولي تكوني واضحة وهادية في نفس الوقت. ممكن تقولي لها شيء زي: "أنا بقدر إنكِ بتسألي عني وبتحاولي ترجعي العلاقة، بس أنا بعد الفترة دي اكتشفت إني محتاجة أركز على نفسي وحياتي دلوقتي، ومش قادرة أرجع لنفس الوضع اللي كان قبل كده. ربنا يوفقكِ ويبعد عنكِ كل حاجة بتضركِ." كده بتكوني وضحتِ موقفكِ بدون لوم مباشر أو تفاصيل زيادة، وفي نفس الوقت بتدعي لها بدعاء إيجابي يخفف من وقع الكلام. لو رجعت تتواصل تاني، كرري نفس الحدود بلطف واختصري الردود. أنتِ مش مسؤولة عن سعادتها أو تعويضها عن اللي فات، وده مش أنانية، ده حماية لنفسكِ. لو عايزة آراء إضافية، ابحثي عن أسئلة مشابهة على فدني عشان تشوفي تجارب تانية. ربنا يقويكِ ويبارك في وقتكِ وإنجازاتكِ.
تم النشر الاثنين، ٢٩ يونيو ٢٠٢٦
ممكن موازنة بين الاتنين بحيث صحبتها متأثرش .. يعنى ترجعو تتكلمو وتبقو مع بعض لكن مش كتير ومش زى الاول .. متقطعيش الحبل .. الله اعلم ممكن تكون محتاجاك تعنيها ممكن تتنكس لو بقت لوحدها .. ممكن انتى مستقبلا تحسى انك محتاجه حد زيك .. ممكن حاجات كتير .. ف خليك ف الوسط
تم النشر الاثنين، ٢٩ يونيو ٢٠٢٦
العزلة خير وانفع واحصن والله المستعان
تم النشر الاثنين، ٢٩ يونيو ٢٠٢٦
خليكى زى مانتى مش يمكن دى كانت اشارات من ربنا انك تبعدى انا شايفة انك مش لعبة ترجع وتبعد عنك بكيفها لا وانتى تقدرى تصاحبى اى حد تانى متقبليش باقل من اللى انتى تستحقية فالمعاملة ولو انتى عوزة تديها فرصة اديها بس رجعيها بحدود واضحة ولو هى مغيرتش كل الكلام اللى زعلك منها وضايقك يبقى انتى عملتى اللى عليكى لاخر لحظة ويبقى ليكى كل الحق انك تسبيها وطلما حياتم ماشية تمام وانجزتى يبقى خلاص انتى مش محتجاها فحاجة ولو هى فعلا صحبة صالحة مش هتعمل كدا مينفعش تهملك عشان حد تانى ولو خلتهم صحابها تبقى صحاب سوا مش يبقوا سوا ويسبوكى والصحبة الصالحة اللى تتمنى الخير لصحبتها وتوجها للخير وتهمتم بيها زى ما بتهتهم بباقى اصحابها مش تبقى همها مصلحتها وبس ربنا يصلح حالها ويصلك حالك ويقدملك اللى فى الخير واتمنى اكون فدتك باى حاجة
تم النشر الاثنين، ٢٩ يونيو ٢٠٢٦
@eslam fayad هحاول!
تم النشر الاثنين، ٢٩ يونيو ٢٠٢٦
@• • جزاكم الله خير الجزاء هعمل كدا
تم النشر الاثنين، ٢٩ يونيو ٢٠٢٦
@nody zahran9 تفتكري لو عملتلها بلوك أفضل
تم النشر الاثنين، ٢٩ يونيو ٢٠٢٦
@nody zahran9 فعلًا كلامك صح أنا أول ما لقيت رسالة منها حزنت الـشات ليه سنتين!!! وجاية عشانها عشان هي نفسيتها تعبت، مش عشاني أنا وعشان وحشها لأ عشان حياتها بايظة عايزة تصلحها
تم النشر الاثنين، ٢٩ يونيو ٢٠٢٦
لعرض السؤال في فدني اضغط هنا