السلام عليكم، أولا ربنا يرحمه ويغفر له ويصبر أهله ويخفف عنك. الموضوع مأثر معك أكتر لأنها حادثة صعبة وكمان هو في سنك على عكس مثلا لو شخص كبير في السن ومات طبيعي فعقلك تلقائيا بيتفهم الأمر، غير إنك متأثرة بتعرضه للظلم ي حياته فشايفة إنه صعب يتعرض لكل ده وكمان تنتهي حياته بحادث صعب. وبيحصل كتير إنك تقرأي عن حادث أو موت شخص غريب تماما عنك لكن التفاصيل أو القصة نفسها بتخليكِ تحزني وتبكي وممكن حتى متتأثريش لموت شخص تعرفيه بنفس الدرجة. ** متقسيش على نفسك عامة، مشاعرك طبيعية وهتاخد وقتها. دلوقتي حاولي تشغلي نفسك في حياتك والمسؤوليات اللي وراك وكل ما يخطر في بالك ادعي له بالرحمة وممكن تخرجي له صدقة. مع الأيام الوجع هيقل وهتنسي إن شاء الله وهتنشغلي في حياتك... دي سنة الحياة. ربنا معك.
ده طبيعي، ولو الحادث كان على طريق سريع أو مثلا غرق في بحر كان عقلك برضه هيرسم سيناريوهات على حسب الحادث. استعيذي بالله كل ما الأفكار دي تخطر بعقلك عشان متقلبش بوسوسة وفكري نفسك كل ما تخوفك إن كل شيء قدر ومفيش داعي نعيش نفسنا في خوف وربنا الحافظ فواظبي على أذكار الصباح والمساء وادعي ربنا بالسلامة لك ولأهلك.
تم النشر الأربعاء، ٢٩ أبريل ٢٠٢٦
طب ليه بحس اوقات اني بخوف نفسي من القطر وبتخيل الحادثه كل ما بعدي من عند القطر حرفيا
تم النشر الأربعاء، ٢٩ أبريل ٢٠٢٦
لعرض الإجابة في فدني اضغط هنا