انا قريبي اتوفى من حوالي اسبوع بحادثه قطر وهو بيشتغل اسفه على التفاصيل بس هي مهمه انا وهو قد بعض ولكن مكنش في بينا تعامل خالص مكنتش بقابله الا كام مره كده ومن فتره كبيره قبل ما يتوفى هو كان اتظلم كتير في حياته بجد
ولما عرفت انه اتوفى قعدت حوالي ٣ او ٤ ايام حزينه جدا وزعلانه واول يوم كنت بعيط دلوقتي بحاول اتحسن يعني بس هو في بالي على طول لما بشوف صوره قديمه بقول انه قبل ما يتوفى لما بمشي من على القضيب بتاع القطر بخاف شويه وبفتكره
هو مش بيروح عن بالي ولما بفتره اوقات ببقى حاسه اني حابسه الدموع وزي ما قلت مش بيروح عن بالي اعمل ايه عشان اتخطى او ليه الحاله دي حصلتي اصلا رغم ان عمي كان متوفي في نفس الأسبوع وهو مكنش قريبي اوي من بعيد يعني ولكن حاسه اني اتخطيته في أول يوم يعتبر ومش بيجي في بالي اوي عكس قريبي التاني؟ ممكن تترحموا عليه
السلام عليكم، أولا ربنا يرحمه ويغفر له ويصبر أهله ويخفف عنك. الموضوع مأثر معك أكتر لأنها حادثة صعبة وكمان هو في سنك على عكس مثلا لو شخص كبير في السن ومات طبيعي فعقلك تلقائيا بيتفهم الأمر، غير إنك متأثرة بتعرضه للظلم ي حياته فشايفة إنه صعب يتعرض لكل ده وكمان تنتهي حياته بحادث صعب. وبيحصل كتير إنك تقرأي عن حادث أو موت شخص غريب تماما عنك لكن التفاصيل أو القصة نفسها بتخليكِ تحزني وتبكي وممكن حتى متتأثريش لموت شخص تعرفيه بنفس الدرجة. ** متقسيش على نفسك عامة، مشاعرك طبيعية وهتاخد وقتها. دلوقتي حاولي تشغلي نفسك في حياتك والمسؤوليات اللي وراك وكل ما يخطر في بالك ادعي له بالرحمة وممكن تخرجي له صدقة. مع الأيام الوجع هيقل وهتنسي إن شاء الله وهتنشغلي في حياتك... دي سنة الحياة. ربنا معك.
تم النشر الأربعاء، ٢٩ أبريل ٢٠٢٦
الله يرحمه ويغفر له ويسكنه فسيح جناته مع النبيين والصديقين والشهداء والصالحين وحسن أولئك رفيقا اللي انتي حاساه دا احساس طبيعي خاصة انك عارفه انه اتظلم في حياته ودا محسسك بالحزن الشديد من جواكي بسبب الظلم دا وانه مات في حادثه وكان في شغله وأكيد سنه صغير يعني شاب اتظلم وفي النهايه ساب الدنيا كلها وراح لربنا الحكم العدل وعند الله تجتمع الخصوم. ادعيله كتير وتصدقي ولو تقدري تعملي صدقه جاريه ليه يبقى دي افضل حاجه واقل حاجه يستحقها وربنا يغفر له ويرحمه ويسكنه فسيح جناته.
تم النشر الأربعاء، ٢٩ أبريل ٢٠٢٦
أنا آسفة جداً يا حبيبتي على وفاة قريبك، الله يرحمه ويغفر له ويجعل قبره روضة من رياض الجنة، ويصبركِ وأهلكم على فراقه. 🤲 ليه الحالة دي حصلت رغم إنكم مش مقربين أوي؟ ده طبيعي نفسياً، مش غريب خالص. أحياناً بنحزن أكتر على اللي "اتظلم" زيه، أو اللي قصته تلامسنا بشكل مفاجئ (زي الحادث ده والقطار اللي بيفكركِ بيه). عمك كان بعيد، فالحزن كان أقل شدة، لكن هنا الظلم والموت المفاجئ بيخلي الدماغ "يعلق" عليه عشان يعالج الصدمة. كمان، ممكن شعور خفي بالذنب إنكم مش ملتزمين أكتر، أو رحمة إنسانية تجاه ظلمه. ده مش ضعف، ده دليل على قلبكِ الطيب. إيه الحل عشان تتخطي؟ ادعي له يومياً : قولي "اللهم اغفر له وارحمه وعافه واعف عنه" بعد كل صلاة. ده بيخفف الحزن ويجعله بركة لكِ ولروحه. صدقة نيابة عنه : أخرجي فلوس بسيطة (حتى ١٠ جنيه) للفقراء أو مسجد، وقولي "اللهم اجعلها في ميزان حسناته". ده عمل قوي يريح بالكِ. روتين يومي قوي : ركزي على صلواتكِ والقرآن (سورة يس أو الإخلاص يومياً). امشي أو مارسي رياضة خفيفة، وغيري روتينكِ عشان القطار ميجيش في بالكِ (مثلاً غيري طريقكِ). اكتبي مشاعركِ : خدي ورقة واكتبي إيه اللي بيفتكركِ بيه، وبعدين احرقيها أو ارميها. ده بيخرج الدموع المحبوسة بدون ما تحسي بضعف. مع الوقت : الحزن ده هيخف تدريجياً (أسبوعين-شهر)، بس لو استمر أكتر من شهر وصعب عليكِ، شوفي خبراء نفسية في فدني: https://www.fedni.net/experts – في متخصصين في الحزن والصدمات. كمان ابحثي في فدني عن "كيف أتخطى وفاة قريب" هتلاقي إجابات كتيرة مفيدة. أنتِ قوية وهتقدري تتجاوزي ده، ربنا يريح قلبكِ ويجعلكِ أقوى. لو عايزة تتكلمي أكتر، أنا هنا. 💕 اللهم ارحم عبدك واغفر له.
تم النشر الأربعاء، ٢٩ أبريل ٢٠٢٦
الله يرحمه ويغفر له ويسكنه فسيح جناته , طبيعى جداً غالباً لسه صغير ثم إن الحادث مؤلم ومروع نسأل الله أن يجعله من الشهداء بحادثه ، مش انتى بس ال بتمرى بالحالة دى محيطك كله فى نفس الحالة اكيد
تم النشر الأربعاء، ٢٩ أبريل ٢٠٢٦
مش عايزه اعيط بصراحه عايزه اتخطى
تم النشر الخميس، ٣٠ أبريل ٢٠٢٦
اللهم اغفر له وارحمه نفس الكلام والله جالي عقدة بسبب الموضوع ده و تعبانة نفسيا بردو ربنا يصبرنا كلنا...بس مفيش معاناة دائمة ولا مستمرة للأبد ربنا بيقول ان مع العسر يسرا فهو بعده علي طول حبس الدموع ممكن يعملك مشاكل نفسية فرغي مشاعرك في ساعة في اليوم علي ورق و عيطي علي قد ما تقدري و بعدها ارجعي لروتين يومك الطبيعي تاني و في نفس الوقت كثرة التفكير ممكن يضرك و بحذرك من التشاؤم بعد موقف زي ده اي نعمه احنا فيها باستمرار بالحمد فمتقعديش تتشائمي و تعملي سيناريوهات وحشة من دماغك...وادينا بنحاول نخف ربنا يتولانا كلنا .. سلاما علي قلبك يا قمر
تم النشر الخميس، ٣٠ أبريل ٢٠٢٦
هو دا طبيعى عامة بس لو مش عارفة تتاقلمى ممكن تستشيرى دكتور نفسى
تم النشر الخميس، ٣٠ أبريل ٢٠٢٦
تذكرى دائماً إنه إن شاء الله من أهل الچنة وحالياً يرى مقعده منها
تم النشر الأربعاء، ٢٩ أبريل ٢٠٢٦
يارب بجد
تم النشر الأربعاء، ٢٩ أبريل ٢٠٢٦
لعرض السؤال في فدني اضغط هنا