ليه الانسان ملزم انه يسمع كلام من اهله يجرحه ويسكت ولما يجي في مرة يتكلم عن الكلام اللي قالوه واذوه يقول الكل اتقاله كدا عادي
أولا- اهلك دول خط أحمر عن كل ظنونك و افكارك و كلامك، يعني؟ يعني اهلك اللي هما اسرتك الأولى هما اللي يستاهلوا كل خير و حب و صدق و كل ما يجي في دماغك من خير لازم يكون من نصيبهم لأن في احلك اللحظات هما اللي هيكونوا معاكي و هيساعدوكي دائمًا و أبدأ من غير ما يطلبوا في المقابل حاجة او يستنوا منك حاجة معينة أو رد فعل معين خصوصاً الوالد و الوالدة ربنا يرحم و يحفظ اعمار ابائنا و امهاتنا. ثانيا- إى حد ممكن يقولك كلام يضايقك اصلنا مش أنبياء فمتاخديش الكلام على صدرك أوي ولا كأنه اهانه فعليه، عدي الزلات و عدي الهزار و الضحك، و دائما ظني فيهم خير خصوصاً اهلك، و بعد كده لو مثلاً والدك أو والدتك قالولك كلمة تضايقك بينك و بين والدتك او والدك مثلاً و بكل أدب و احترام و تشرحي إن الكلام ضايقك و تخلي بالك من كلامك و نبرة صوتك لأن دول مش حد في الشارع. ثالثًا لو حصل موقف و أنتي غلطانة و هما بيتكلموا معاكي للنصح حتى لو هما بيزعقوا و أنا آسف بس حتى لو هما بيضربوكي اوعي ثم اوعي ترفعي صوتك أو تردي عليهم خصوصاً لو أحد من الوالدين، و لو أخ ليكي صغير أو كبير و والدك أو والدتك لسا عايشين ربنا يديهم طولة العمر قالك إساءة عن قصد و هما قاعدين احترمي قعدتهم و مترديش احتراما لهم و لنفسك و حتى لو مش قاعدين افتكري إن اللي قدامك ده أخ ليكي فمش تردي عليه وحش و بكل هدوء و احترام. وأخيرا اياكي ثم اياكي تروحي تشتكي اهلك للغريب أو القريب، لكل بيت حرمة و أسرار مينفعش أنتي تروحي تحكي لأي حد سواء صاحبتك او حتى قريبتك، حتى لو من باب الفضفضة " اوعي تنسي دول اهلك في المقام الأول"، امال اشكي همي لمين؟ انا لسا قايلك فوق بينك و بينهم و قربي منهم و افهميهم أكتر و دائماً و ابدئي اتكلمي اثناء السجود مع ربك و اشكي له و اطلبي منه زي كأنك طفل لحوح اتكلمي عادي فلا تكلف مع رب العباد...... بس كده أتمنى يكون في إفادة
تم النشر الأربعاء، ١٦ سبتمبر ٢٠٢٦
أختي العزيزة، أفهم تمامًا شعورك بالألم والإحباط. من الطبيعي أن يؤذيك كلام أهلك، ومن الطبيعي أيضًا أن تشعري بالظلم عندما يُقال لك "هذا عادي" كلما حاولتِ التعبير عن مشاعرك. أنتِ لستِ ملزمة بالصمت المطلق، لكن في الوقت نفسه يجب أن نوازن بين احترام الأهل (كما أمرنا الإسلام) وبين حماية نفسك من الجرح المتكرر. السبب الذي يجعل الناس يقولون "هذا عادي" غالبًا ما يكون نابعًا من ثقافة تعتبر أن "الأهل دائمًا يقصدون الخير"، وتتجاهل أثر الكلمات على المشاعر. لكن الإسلام يعلمنا أن الكلمة الطيبة صدقة، وأن الإيذاء بالكلام ليس أمرًا مقبولًا حتى لو جاء من الأقربين. الصبر مطلوب، لكنه ليس صمتًا أبديًا يتراكم فيه الألم. للتعامل مع الموقف عمليًا: اختاري الوقت المناسب والهدوء، واستخدمي عبارات تبدأ بـ"أشعر" بدلًا من "أنتم تؤذونني"، مثل: "أشعر بالحزن عندما أسمع كذا، وأحتاج أن أشعر بالدعم منكم". ضعي حدودًا واضحة بلطف، مثل طلب عدم التعليق على موضوع معين إذا كان يؤذيكِ. إذا تكرر الأمر، يمكنكِ الاستعانة بأحد أفراد العائلة الأكثر تفهمًا ليتوسط، أو اللجوء إلى الدعاء والاستخارة قبل أي حديث مهم. تذكري أن التعبير عن مشاعرك ليس عقوقًا، بل هو جزء من الحفاظ على علاقة صحية. أنتِ تستحقين أن تُسمعي وتُحترم مشاعرك. إذا أردتِ، يمكنكِ البحث عن أسئلة مشابهة على فدني لتري تجارب أخريات وتستفيدي من وجهات نظر إضافية. أنا هنا لأسمعكِ دائمًا.
تم النشر الأحد، ١٣ سبتمبر ٢٠٢٦
اتكلمي معاهم وعرفيهم إن الكلام دا بيضايقك
تم النشر الاثنين، ١٤ سبتمبر ٢٠٢٦
بس الكلام مش بيتنسي
تم النشر الاثنين، ١٤ سبتمبر ٢٠٢٦
يعني لو هما شايفين ان الموضوع بيضايقك وبيكرروه سواء عشان يضحكو ويهزرو او عشان يطلعو ضيقتهم فيكي اتعاملي ببرود لو في الطبيعي بتزعلي ابتسمي وكأنك مسمعتيش حاجه
تم النشر الاثنين، ١٤ سبتمبر ٢٠٢٦
جربي تعملي عكس الي بتعمليه
تم النشر الاثنين، ١٤ سبتمبر ٢٠٢٦
وان انا اقعد اتكلم مع اهلي دا دايقني وكدا اول رد بيتقال ليا الكل عاش كدا
تم النشر الأحد، ١٣ سبتمبر ٢٠٢٦
انتي فهماني غلط انا مش بكون عملت حاجه غلط هو لو انا عملت حاجه غلط وبيزعقوا ليا اكيد مش هزعل لو زعلت ابقي مش طبيعيه انا بتكلم مثلا عملت ذنب معين وانا اولي اعدادي وانا حصل حاجه حكيت ليهم مش بعرف اكذب ولا اقول كلمه لاء ف انا في اولي كليه الكلام لسه بتكرر مع اني الذنب ده نسيته تماما وتوبت عنه والله بس خلاص وانا فاكرة الذنب وعمري ما انساه لانه كان درس خلاص ليه الكلام لسه بيتعاد واخويا بيقوله كتيير والزعيق اللي بيحصل وادخل في الحوار من غير ذنب ان مثلا بابايا متخانق مع اخويا مش عارف يخرج زهقه في مين وانا الصغيره
تم النشر الأحد، ١٣ سبتمبر ٢٠٢٦
ان من واقع تجربتي انا بسبب الموقف ده تقرر كثير في حياتي انا بقيت تعبانه نفسيا رحت اتكلمت مع اخصائيه نفسيه فهي قالت لي بعض النصائح في الاول بس ده مش هيطبق على طول انت هتاخدي وقت على ما تبرمجي عقلك وقلبك ايه الاجراء وايه الكلام اللي لازم يتقال في الموقف ده وايه الكلام اللي ما ينفعش يتقال
تم النشر الأحد، ١٣ سبتمبر ٢٠٢٦
انا بقول لك كده لاني حصلي نفس الموقف ده زمان وده في الغالب بيكون طبعهم كده ان مثلا بيقولوا الكلام اللي هم شايفينه وبعدها كده بيسكتوا دقيقه ،نص دقيقه يكونوا جمعوا كلمه كمان عاوزين يقولوها، انت فاهمه ؟فكل ما بيفتكروا حاجه بيقولوها ، بس في الاخر بقول لك احمدي ربنا ان انت معاكي اهل بيزعقوا لك عشان هم عاوزين يربوكي صح ،عشان هم خايفين عليك، الغلط دلوقتي بسيط لو ما اتاخدوش رد فعل قوي بعد كده الموضوع هيبقى كبير، ايا يكن موقف هايف موقف خرجت عن شعورك فيه ، حاولي تفكري بعقل مش بمشاعر في اللحظه اللي بيحصل فيها الموقف بالذات
تم النشر الأحد، ١٣ سبتمبر ٢٠٢٦
اه وتقولي كمان يا ريت تحاولوا تفهموني ايه اللي المفروض يحصل في موقف زي ده خلاص اللي انا عملته عملته اللي انا قلته قلته ، يعرفوك غلطك ويعرفوك ايه اللي كان مفروض يحصل صح
تم النشر الأحد، ١٣ سبتمبر ٢٠٢٦
حاولي مع كل موقف يحصل تتكلمي مع حد بيحبك وواثقه ان الكلام ده مش هيطلع بره خالص واثقه ان ده شخص يؤتمن عليه وانت لما تحكي هترتاحي وفي نفس الوقت ان التصرف اللي انت عملتيه صح جدا في رايي الشخصي يعني ، بحب اقول لك ان ياما ناس كتير اتاذوا من اهاليهم ، بس في الاول وفي الاخر دول اهاليهم ومهما حصل في عمرك انت مرتبطه بيهم وممكن مثلا في الموقف ده ان مثلا اخوكي شايف ان ان هو ما عملش حاجه ازعلك وان هو خايف عليكى وبيحاول يكلمك بس هو مش عارف يعبر مثلا ، ايا يكن سبب ده فانت حاولي تتكلمي مع اهلك وتقولي لهم مثلا لما يحصل موقف وتشوفوا ان انا غلطانه او ان انتم تزعلي ومني في الموقف ده وتزعقوا لي فبعدها سيبوني شويه افكر في اللي انا عملته ،افكر في رد فعلكم، وافكر في الكلام اللي انتم قلتوه وانا لما اعوز اتكلم هتكلم ، بس ده في حاله ان انت مش هتكتمي في نفسك لان اهلك ادرى بشخصيتك ومثلا عارفين ان انت هتكتمي في نفسك ومش هتتكلمي بعدها بشويه هيخش يكلموك ثاني فانتى ما تزعليش نفسك خالص وطلعي كل اللي جواكي ، لان الموقف مضايقك وانت لو ما تكلمتيش ما حدش هيعرف اللي جواكي
تم النشر الأحد، ١٣ سبتمبر ٢٠٢٦
كلام ومواقف مبحبش اقولها بصراحه بس لما احب اتغاضى عن كلامهم ادخل اوضتي وامسك فوني علشان اتجنب ارد عليهم يجوا يكملوا الكلام في الاوضه فبرد واللي بيدايقني اكتر ان مثلا ماما كقالت كلام وخلاص الموقف خلص يجي اخ ليا يردد ليا الكلام وكلام رخم
تم النشر الأحد، ١٣ سبتمبر ٢٠٢٦
انا اسفه انا حاسه ان انا بتدخل كثير بس ممكن نبذه عن الكلام لان هو ممكن ان انت بتفكري زياده عن اللزوم فبالنسبه لهم ده هزار وبيضايقوكي او في حاجه ثانيه
تم النشر الأحد، ١٣ سبتمبر ٢٠٢٦
حضرتك مش فهماني خالص بتكلم عن اسرتي
تم النشر الأحد، ١٣ سبتمبر ٢٠٢٦
مش بحكي لشخص قولت لهم ان كلام ده بيدايقني ممكن بدخلوا الاوضه ويقوله ويمشوا عادي
تم النشر الأحد، ١٣ سبتمبر ٢٠٢٦
انت بتتكلمي عن اسرتك ولا اهلك بصفه عامه ، والكلام اللي بيتقال ده بيكون مثلا حاجات غلط عملتيها في الماضي والموضوع خلص خلاص
تم النشر الأحد، ١٣ سبتمبر ٢٠٢٦
اكيد لو الكلام اللي بيقال علي موقف غلط او سبب لاء انت ممكن تبقي قاعدة تلاقي دخلت في الحوار وكلام ملهوش لازم بيتقال
تم النشر الأحد، ١٣ سبتمبر ٢٠٢٦
اي حد لازم يسمع كلام اهله عشان ربنا امرنا بكده ، ولو الكلام جارح نسكت وما نردش ، وده انا ما بنفيش ان الكلام بيبقى جارح ولا ان السبب اكيد مش حاجه تافهه بس المفروض اتعلم ازاي اقدر اتعامل مع موقف ،ان الكلام يدخل من الودن يطلع من الودن التانيه،و اكيد مش هتبقى من اول مره دي مناعه مع الوقت، بس ده في حاله ان الكلام جارح وخلاص بدون اي سبب لكن لو في حاله ان انك بتعملي حاجه غلط وهم يقولوا لك كلام جارح علشان انت تحسي ان اللي بتعمليه غلط وان ده سبب في عدم رضا والديك ، فبالتالي عدم رضا ربنا عنك ، انت محتاجه تقفي وقفه هنا وتفكري في الموضوع شويه ، بس الناس تحكي لشخص ويقول لك ان ده عادي فان الشخص اما شايف ان مشاكلك صغيره بالنسبه لمشاكله او مشاكل ناس تانيه هو عارفها او ان مشكلتك محتاجه رد فعل اقوى من كده ، بس ده في حاله ان هم باباكي ومامتك مثلا اخوك الكبير لكن في حاله الناس الثانيه مثلا جدك جدتك عمك خالك فاسمعي من هنا وطلعي من الثانيه وكبري دماغك بدال اهلك معاكى ، وبطلي تفكري زياده عن اللزوم لان في ناس ما تستاهلش اللي يستاهل تفكيرك وانو يشغل بالك باباكي مامتك واخواتك والناس اللي بتحبك بجد ،
تم النشر الأحد، ١٣ سبتمبر ٢٠٢٦
لعرض السؤال في فدني اضغط هنا