انا حياتي و طفولتي كانت صعبه شفت طلاق اهلي و شفت شقى امي و شفت معاناتها لغاية ما توصل للي فيه الحمد لله انا من و انا صغيره و انا بذاكر كانت دايما بتقولي لو سبت الكتاب هسقط انا مش بلعب رياضه قعدت سنتين في محافظه غير المحافظه الي انا اتولدت فيها لما كان عندي خمس سنين لغاية سبع سنين
اتاذيت من اهلي كتير اهلي مطلقين و عدت السنين و بقى عندي 17 سنه عندي احلام يقظه و بسمع اغاني كتير و كل ما بحاول أوقف ارجع تاني عندي شراهة في الأكل و مش عارفه ابطل ماكلش حتى لو مش جعانه و بعمل ذنب كبير بسبب الوجع
انا بكره نفسي و شايفه اني قليله اهلي دايما بيعروني اني تخينه و لما كنت بروح عند جدتي كانت تتكلم عن جسمي بطريقه وحشه عايزه اتحسن و وأبقى احسن نسخه من نفسى ابويا الحمد لله بعد عننا و ماما بتتحسن بس انا الوحشه انا الي مش بتحسن
انا بقعد اذاكر طول الوقت لاني مش بعرف اعمل اي حاجه فاشله في كل حاجه و لما برتاح او باخد بريك ضميري بيانبني و بكره نفسي اني برتاح بكره لما مبذاكرش بكره لما اقوم الصبح متأخر انا بقعد طول اليوم بذاكر لاني فاشله في كل حاجه و مش نافعه في حاجه غير المذاكره خايفه افشل فيها وأبقى فاشله في كل حاجه
انا مش عارفه انا بكتب ليه بس حبيت افضفض حاسه اني اقل من كل البنات الي حوليا و اني مستحقش حاجه بقيت بدور على حنان الاب في المدرسين نفسي اتحسن و كل يوم بنوي و بفشل او بنجح جزئيا و بقيت كارهة نفسي مش عايزه ارتاح و عايزه افضل اذاكر و عايزه ابطل اغاني و احلام يقظه و مبقاش حساسه و ابطل اكل بشراهه و التزم في الصلاة
إنتي شلتي هموم كبار وإنتي طفلة، وده اللي خلاكي تهربي لاحلام اليقظة والأكل عشان تسكني الوجع. ده مش نقص فيكي، ده ميكانزم دفاع جسمك عمله عشان يحميكي من قسوة الواقع.و إنتي بتذاكري طول اليوم مش عشان فاشلة، إنتي بتذاكري عشان خايفة، والخوف بيشل الحركة. مفيش حد بيقدر ينجز وهو حاطط سكين على رقبته. ارحمي نفسك عشان تقدر تنتج. وكلام أهلك عن وزنك يعبر عن نقصهم هما مش عيبك إنتي. الأكل بالشراهة ده جوع عاطفي يعني قلبك اللي جعان أمان وحنان، مش بطنك اللي محتاجة أكل. و مفيش حاجة اسمها أبقى أحسن نسخة في يوم وليلة. ابدأي بخطوات نملة.. صلاة في وقتها، نص ساعة مذاكرة بتركيز وبدون تأنيب ضمير بعدها، وبطلي تسمعي أغاني حزينة بتغرقك أكتر. وإنتي محتاجة تطبطبي على البنت الصغيرة اللي جواكي اللي اتحرمت من الحنان، مش تضربيها بالكرباج. ابدأي بحب نفسك زي ما هي دلوقتي وبكل عيوبها، وقتها بس هتعرفي تصلحي اللي انتي عايزاه وافتكري دائما قول الله تعالى (لا يكلف الله نفسا إلا وسعها ) ربنا عارف انك هتستحملى اللي انتى فيه وعارف انك اقوى منه عشان كدا حطك فيه بعتذر عن الإطالة 😊 وجد الله ربنا يحفظك ويسعدك
تم النشر الاثنين، ٢ فبراير ٢٠٢٦
السلام عليكم ورحمه الله وبركاته. موضوع الاكل بشراهه حتي لو مش جعانة دا ممكن يكون ادمان.واوعي تفكري ان الادمان وحش وانك فاسده، الادمان عامل زي المرض ليه دواء (المدمن مريض وليس فاسد اخلاقيا) ومحتاج تكتشفي الدواء وتحلي المشكلة .المشكلة ممكن تكون مشاعر اوليه مكبوته اذي نفسي وانتي صغيره .لو في مقدرة تشوفي دكتور عندك شخص اسمه عماد رشاد عثمان بيتكلم عن الادمان بشكل حلو اوي تابعيه هيعجبك .ومشكلة المجتمع انه بيعامل (المدمن)كانه فاسد اخلاقيا وخزي وعار علي المجتمع سواء كان ادمان اكل، مخدرات، اباحيه ،مراهنات، فالطريقه الي المجتمع بيتعامل بيها هي الي بتزود الادمان هل احنا ينفع نلوم مريض السكر ونقولو انت السبب ؟ اكيد لا لانه (مريض) واخر نقطة في موضوع الادمان اوعي تفتكري الادمان حاجة وحشه يعني انا كنت فرحان اوي اني كنت مدمن مراهنات وسوشيال وحالي متعافي بقالي سنتين بفضل الله فرحان اوي لان خلال فتره التعافي عرفت نفسي وقريت كتب ومن غير الادمان مكنتش هعرف نفسي كدا.. .......................... حوار جلد الذات خطير ودا من اهم اسباب الفشل وي ان المدة الادمانية سواء هي اي تزيد اكتر انتي مش قليله ولا فاشله المجتمع الي حوليكي هو الي صدر ليكي الصوره دي انتي هتقدري تعملي اي حاجه ما دام بيطلع منك نفس ومعلش حاولي تقولي لنفسك كلام حلو حتي لو حاسه انه تقيل بس جاهدي انك تغيري طريقه كلامك لنفسك انا الموضوع دا لما كنت مدمن كنت بجلد نفسي كتير وكل دا مش بيحسن وكان صعب اقول لنفسي حاجة حلوة فا خليت ورقه في جيبي وورقه تحت المخدة فيهم تلت كلمات ولازم اقولهم اول ما اصحي وقبل ما انام(انا ناجح انا بحب نفسي زي ما هي انا متعافي)الكلام كان صعب في الاول بس حاليا بقيت متصالح مع نفسي بطريقه جامدة وحاسس برضا داخلي حتي لو قصرت في يومي ولو بتحبي تقراي الكتب انصحك بكتاب الجلاد تحت جلدي لعماد رشاد كتاب روعه . اسف علي الاطاله ودا لينك عماد رشاد لو حبيتي تتابعي قائمة (فهم التعافي) https://youtube.com/@emadrashadosman?si=KvfBHv7pbj4Nlpr5
تم النشر الأحد، ١ فبراير ٢٠٢٦
يا حبيبتي إلورا، أهلاً بيكي في حضن ذكية 💕. أنا قرأت كلامك كله بعناية، وأشعر بوجعك ده كله… طفولة صعبة، ضغوط، وشعور بالفشل اللي بيخنقك. بس أنتِ مش وحشة ولا فاشلة، أنتِ بنت قوية عاشتِ معاناة ووصلتِ للسنة دي، والحمد لله إن مامتك بتتحسن. ده إنجاز كبير! الخوف ده من الفشل طبيعي بعد الصدمات دي، بس هتقدري تتغلبي عليه خطوة خطوة، إن شاء الله. خطة عملية بسيطة عشان تتحسني (ابدئي النهارده بـ3 حاجات بس): الدراسة والراحة : مش لازم تذاكري 24 ساعة، ده بيحرق الدماغ. اعملي جدول: ذاكري ساعة، بريك 10 دقايق (اقري قرآن أو امشي في الغرفة). الراحة سنة نبوية، ربنا قال "خُذُوا زَادَكُمْ" يعني خدي قسطك من الراحة عشان تنجحي أحسن. هدف يومي: 4 ساعات دراسة مركزة، ونامي باكر (صلي العشا ونامي). الشراية في الأكل وكره الجسم : أنتِ مش "تخينة"، أنتِ بنت جميلة في عيون ربنا. ابدئي بوجبات صغيرة منتظمة (3 وجبات + فاكهة)، وجربي صيام تطوعي يومين في الأسبوع (زي الاثنين والخميس) عشان يسيطر على الشهوة. قولي قبل الأكل: "بسم الله"، ولو أكلتِ زيادة، استغفري وتابعي. ربنا غفور رحيم. الأغاني، الأحلام اليقظة، والصلاة : امسحي الأغاني دلوقتي، وحطي قرآن في التليفون (سورة الشرح للراحة). لما يجي حلم يقظة، قومي اغسلي وجهك وقولي "أعوذ بالله من الشيطان الرجيم"، ثم صلي ركعتين. التزمي بالفرائض أولاً (5 صلوات يوميًا)، هتجيب حنان الأب من ربنا. الذنب الكبير؟ توبة صادقة واستغفار، ربنا يمحيه. كل يوم قبل النوم، اكتبي 3 حاجات شكرتِ ربنا عليها (حتى لو صغيرة زي "ذاكرت ساعة"). ده هيبني ثقتك بنفسك ويقلل كره الذات. أنتِ مش أقل من حد، أنتِ مميزة، والفشل مش نهاية – التوكل على الله والمحاولة اللي بتنجح. لو عايزة دعم أكتر، دوري في فدني على أسئلة مشابهة عن "الخوف من الفشل" أو "التعامل مع الصدمات"، هتلاقي إجابات كتير. ولو محتاجة استشارة متخصصة، شوفي الخبراء هنا: https://www.fedni.net/experts. أنتِ قادرة، يا قمر! ابدئي النهارده، وكلمني بعد أسبوع تحكي إيه اللي اتحسن. ربنا يثبتك وييسر أمرك 🤲❤️
تم النشر الأحد، ١ فبراير ٢٠٢٦
السلام عليكم .. عندك وعي بمشاعرك زي تأنيب الضمير وعندك اعتراف بالماضي .... وده خير وشئ مبشّر لأن المشكلة ان الشخص ينكر مشاكله وماضيه ..... العلاج هو مش في يوم وليلة ولكن بالإستمرارية طويلة الأمد على عادات صحية أولها الصلاة والقرآن والذكر ثم التأمل وكتابة المشاعر وغيرها .... قليل دائم خير من كثير منقطع
تم النشر الأحد، ١ فبراير ٢٠٢٦
خلي في شويه ثقه في نفسك حاولي تحبي نفسك اكيد لو دورتي حوليكي كويس هتلاقي فعلا حد بيحبك اكيد لازم يكون فيكي حاجه تنحب ليه شايفه انك قليله اوووي كده لا بالعكس خالص والله ي بنتي حاولي متركزيش ع الناس اللي بتحبطك اعرفي ناس تانيه اللي يوقفلك حياتك ومش مرتاحه معاه خساره حتى معاه الكلام كلنا يا بنتي عقولنا بتختلف عن بعض بس اكيد فينا حاجه تنحب بجد وبأمانه حاولي تخالي فيكي ثقه بنفسك شويه وبصي ع حلمك ع هدفك وركزي معاهم حياتك تخصك ومش هنعيشها تاني فحاولي تعيشيها ع راحتك انتي مش ع كلام الناس.
تم النشر الأحد، ١ فبراير ٢٠٢٦
بصي جربي تصومي اول حاجة هتاخدي ثواب ومشاكلك هتتحل و مع الوقت هتنسي تأكلي اصلا + الصيام بيقلل الوزن جامد وحافظي على صلاتك وحاولي تقربي من ربنا ومتهتميش بكلام حد وبصي الحلو الي الي فيكي وخليكي عارفة ومتأكدة كلنا فينا الحلو والوحش محدش كله حلو ولا حد كله وحش وحاولي تكتسبي حجات حلوه زي حفظ القران الكريم الصلاة الصيام وغيرها كتير
تم النشر الاثنين، ٢ فبراير ٢٠٢٦
كملي و دايما ربنا بيقف مع المجتهد ربنا يكرمك بشهاده محترمه بعد كدا وظيفة في شركه محترمه بعد كدا تعرفي إن تعبك ده مش راح على الفاضي و تعوضي امك عن التعب. اللي هي شافتو لكن الاهم انك يبقا في ثقه في نفسك انتي مش ضعيفه انتي قويه و تقدري تكملي و تقدري تصنعي حياه جميله لكي و لاهلك كملي و استمري و ربنا اكيد هايوفقك و اهم حاجه تصلي.
تم النشر الأحد، ١ فبراير ٢٠٢٦
لعرض السؤال في فدني اضغط هنا