انا ملك عندي 14 سنه ودا سن مراهقه ف طبيعي كل ما الاقي حد بيعاملني حلو احبه وانا مدرسي كان بيعاملني حلو جداا وكنت انا تلميذته المفضلة وانا حبيته جدا بجد وخدت عليه اويي وكنت كل ماكون مخنوقه اكلمه هو وكدا لدرجه ان انا اشتكتله من ماما ومعاملتها بس بعدها ندمت لان مهما كان دي ماما وبعدها للاسف ماما شافت الشات وزعلت مني هعمل اييي؟
السلام عليكم ورحمه الله وبركاته يا ملك. هقول لك على حاجه يعني هتفرق معاكي جدا جدا جدا إن شاء الله لو ركزت فيها كده في المرحله اللي جايه دي كلها من اول 14 سنه كده لحد ما تخش في العشرينات وتعديها مساله سن المراهقه دي وان احنا نبقى بنعذر نفسنا على إنه السن ده بيحصل فيه كده عادي فدي حاجه مش كويسه وما تحطيهاش جوه دماغك ابدا ابدا كل الفكره ان احنا محتاجين نركز انه حاليا في المرحله دي هيبدأ حاجات تتغير فيك بس التغير ده مش معناه انه انا هغلط كثير وعندي عذري خالص نهائي بالعكس انا لازم اكون محترمه ان دلوقتي في حاجات جديده انا محتاجه اخد بالي منها فبدل ما الحاجات دي تيجي وتهاجمني وتخليني اتصرف تصرفات انا مش فاهماها يبقى انا محتاجه اتعرف على المرحله دي وافهم هو ايه الحاجات اللي بتبقى بتستجد في حياتي ايه التغيرات اللي بتحصل عندي في كل الاتجاهات إيه التغيرات النفسيه وايه التغيرات الجسديه وايه التغيرات الذهنيه كل الحاجات دي تخليكي تبقي انت قويه قصاد اي حاجه ممكن تيجي في خلال المرحله دي عشان ما تبقاش المرحله نقطه ضعف بالعكس تبقى نقطه قوه تقدري تستفيدي منها شخصيتك تبقى احسن إن شاء الله بعد ما المرحله دي تخلص مرحله التغيرات دي تمام دي يعني اول حاجه حبيت ان انا اقول لك عليها انت بتسالي انا ازاي اصلح الغلطه دي تصليحك الى الغلطه مع ماما انك توعديها ووعدك ده يكون حقيقي يا ماما انا قد ايه ادركت ان دي غلطه كبيره وانا مش هعملها ثاني وتصليحا للغلطه دي انا لما اكون متضايقه من حاجه حصلت من حضرتك انا هاجي واقول لك هو انا اتمنى انك تسمعيني لان فعلا بكون محتاجه اعبر عن اللي مضايقني وده هيكون اكبر مكسب لك ولمامتك يكون بسبب الموقف ده تمام طيب في ناحيه ثانيه من تصليح الغلطه تصليح الغلطه انه انا اتكلم مع المستر ده واقول له انا اسفه جدا يا مستر انا اكتشفت ان انا عملت حاجه غلط ما كانش ينفع ان انا اتكلم على ماما بطريقه مش كويسه مع حضرتك وانا بس عايزه اوعدك ان انا هلتزم في الدرس وكل اللي يخص الدرس وبس وشكرا لو انت كنت ابتحاول تدعمني وتسمعني ولكن انا عرفت انه ده مش صح والحمد لله انا بقيت اقرب لماما وهتكلم معاه في اي حاجه تضايقني بعد كده وينتهي تماما مرحله القرب ما بينك وما بين المدرس، المدرس ممكن يكون فعلا قدوه لنا وممكن يساعدنا ولكن الموضوع ده بيتعمل بحدود بحدود بحدود يعني لو انا فعلا واقعة في مشكله وشايفه انه المدرس ده عنده من الخبره او ليه طريقه كويسه يقدر ينصح بها فانا ممكن اروح اخد رأيه والموضوع ده بيقول استثنائي جدا لكن انا ما ينفعش اعتبر المدرس ده صاحبي ما ينفعش تماما وخصوصا لما يكون مدرس راجل ما ينفعش خالص فتصليح الغلطه انك تعرفي المشكله فين وما تتكررش وتوقفي الجزء اللي سبب الغلطه ويبقى انت كده تمام جدا.
تم النشر السبت، ١٤ يونيو ٢٠٢٥
شوفي يا ملك الموقف الي حصلك بيحصل لبنات كتير اوي شبهك لان في سن المراهقه البنت هتحب اب حد بيعاملها بحنيه غصب عنها... وطبعا انا بني ادم عاقل وبقولك مهما حاولتي هتفضلي تحبيه لفتره حلوه كده ومتصدقيش اي حد بيقولك متفكريش فيه وهتنسيه لاكتر من سبب: 1-الحب خارج عن المنطق اصلا يعني لو الشخص ده شكله وحش هتشوفيه جميل ولو قليل الادب هتشوفيه محترم ومهما حصل من مشاكل انتي هتبرري للشخص ده وحبك هيزيد عن الاول كمان 2-كل ما تحاولي تنسي حد غصب هتفتكريه اكتر لان مخ الانسان بيمشي بضهره 😅 عموما الحب ده مكمل معاكي حبه حلوين كده الا لو... حاولي تعملي حدود تدريجياً يعني حبه حبه الحدود هتتعمل عارف انه صعب اوي ومؤلم بس حاولي عشان سمعتك ومصلحتك ومستقبلك... بالنسبه لوالدتك متخافيش مش هتتضايق منك على كول هي هتضايق منك عشان مصلحتك لكن مفيش ام قلبها يجيبها متسامحش ولادها... هي حاليا بتتعذب وهي مضايقه منك عشان مصلحتك فحاولي غير ان الحب ده حرااام فحاولي عشان ربنا اول حاحه ثم عشان والدتك ثم عشان نفسك ثم عشان سمعتك عارف مكنتش مفيد بس اتمنى اكون فيدتك بحاجه 😁✌🏻
تم النشر السبت، ١٤ يونيو ٢٠٢٥
مرحبًا يا ملك، أشعر تمامًا بالقلق والحزن اللي بتمرّي بيه، وأول حاجة أحب أقولك إنّ المشاعر اللي حسّيتي بيها تجاه مدرسك طبيعية بنفس الوقت لأنّك في مرحلة عمرية حساسة وصعبة زي المراهقة، وده وقت بيكون فيه القلب عاطفي وشديد التأثر بالناس اللي بيظهروا لنا اللطف والحُب. لكن خليني أقولك كمان حاجة مهمة جدًا: مهما كان حد بيعاملنا كويس، لازم نكون حريصين جدًا في علاقتنا خصوصًا لما يكون في فارق سلطة زي علاقتك بمعلمك، لأن ده ممكن يأثر عليك نفسيًا واجتماعيًا وحتى دينيًا. بالنسبة للي حصل بينك وبين ماما: أكيد هي زعلت علشان بتحبك ومهتمة بيك وعاوزة تحميكي، وده رد فعل طبيعي من أي أم. مهم تتكلمي مع ماما بكل صراحة وهدوء، وتشرحي لها شعورك وأفكارك بدون لوم أو اتهامات. حاولي تسمعي ماما كمان، عشان تفهمي وجهة نظرها. لما تكونوا اتكلمتوا بكل هدوء، ممكن تحسي بارتياح أكتر، والعلاقة تتحسن. كمان نصيحتي لك: ركزي على نفسك وعلى مستقبلك، اهتمي بهواياتك وأهدافك. لو حسيتي إنك مضغوطة أو محتاجة حد تفهميه أكثر، ممكن تلجئي لاستشارة مختص نفسي أو مدرب حياة يساعدك تتعاملي مع مشاعرك بشكل صحي. وأكيد، لو حابة، في موقع فدني تلاقي خبراء كثير ممكن يقدموا لك استشارات متخصصة ودعم نفسي. أنا هنا دايمًا معاك لو حابة تتكلمي أو تحتاجي نصيحة في أي وقت، يا ملك، وكلنا بنتعلم من أخطائنا، والأهم إنك تكوني دوماً مهتمة بنفسك وبحماية مشاعرك. هل تحبي نتكلم أكتر عن كيفية التعامل مع هذي المشاعر أو كيف تواجهي ماما بشكل أفضل؟
تم النشر الجمعة، ١٣ يونيو ٢٠٢٥
بصي ي اخت ملك عموما المفروض وده الصح ان يكون ف حدود ف التعامل اشطا وبرضو يبنتي ف ناس بتستغل حكاية انك بتتعلقي بيه او ان تحبيه وكده اظن انك فاهماني بس يعني عموما حتى لو كان المستر او غير ف حقيقي حرام ومتكلميهوش بجد مش عارف اقول اي بس انا بقيت تايه ومش عارف ارد نهائي بس يعني حكاية انك تحبيه دي غلطه واسمعي مني ومتكلميهوش انا شاب وعارف دماغ الشباب ومتسالينيش ف اي 🙂
تم النشر السبت، ١٤ يونيو ٢٠٢٥
ازيك يا ملوكة انا متفهمة جدا اللي انتي بتحكيه و حاسة بيه و طبيعي ان اي حد بيدينا اهتمام بنحبه جدا و بنحس بالتميز و الثقة بالذات في سن المراهقة، و ده شيء لطيف ان المدرس بتاعك شايفك تلميذته المفضلة و ما بينكوا علاقة ود، لكن خليني انصحك ان في الأول و الاخر ده برده مستر و ليه حدوده و احترامه مهما كان درجة القرب و الأولى انك تقربي من أهلك و تكون علاقتكوا قوية لان مش كل حاجة ناخدها من بره لان بعض الناس بتبقى مناظر خداعة، ف ماما و بابا يكونوا هما الأساس و العلاقات اللي بره حلوة و جميلة بس لا تخفى عن ماما و بابا عشان تحافظي ع نفسك من المشاكل و ربنا يحفظنا جميعا، حاولي تصالحي ممتك و تتكلموا بصراحة مع بعض و لما يكون في مشاكل ما بينكوا تروحي مثلا تكلمي واحدة صحبتك لكن مش المستر
تم النشر السبت، ١٤ يونيو ٢٠٢٥
النص التاني بقا: مامتك شافت الشات وزعلت منك... بهدوء كدا هتروحي تخبطي عليها ماما لو سمحتي عاوزه اتكلم معاكي هتقولك تعالى قللها انا اسفه وحقك عليا وانتي عارفه اني سني صغير لا وكمان فتره مراهقه ف انتي المفروض تقفي جمبي ف الفتره دي تعلميني الصح م الغلط تمنعيني عن ال يأذيني مش تيجي عليا ف اضطر الجأ للغريب انا اسفه انا عارفه اني غلطت ف حقك وان شاءلله مش هكررها تاني متزعليش مني بس انا عاوزاكي جمبي مش ضدي مش عاوزه ازعل منك ف اضطر الجأ لحد غريب احكيله عاوزه انتي تبقى الحد ال الجأله عشان احكيله ال بيحصل م الغريب مش العكس وهيا ان شاءلله هتتناقش معاكي بهدوء وهتسمعك وهتوصلو لحل وسط يرضيكو انتو الاتنين ❤
تم النشر الجمعة، ١٣ يونيو ٢٠٢٥
الافضل ان تاخذي حذرك وتحفظي اسرارك عن الناس .. المدرس ممكن يكون طيب ولكن في ناس ثانيين يبانو أنهم طيبين ولكن من جواهم مش طيبين ... ووالدتك الحل انك تتكلمي معاها وتسأليها وتسألك وتوضحي لها المواقف اللي عاملتك وحش عشان متحسش انك مخبية عنها وبتقولي للغريب .. وتقولي لها انا فاهمة انك عندك ضغوط سببت ده
تم النشر السبت، ١٤ يونيو ٢٠٢٥
النص الاول من كلامك: انتي صغنونه ف سن مراهقه ونا فاهمه ال بتحسيه وشطور موت ال يقدر يعدي الفترة دي بدون م يقع بس ال وقع عادي ادينا بنتعلم بس اهم حاجه نتعلم ومنكررش فهماني.. مدرسك بيعزك زي بنته قريب منكو عشان شايف فيكو اولاده ويمكن بيعزك اكتر شويه عن صحابك عشان انتي حد شطور ومحترم ويستاهل التقدير لكن تفسيرك لطريقته كانت غلط للاسف ف انتي حاولي تعيدي ترتيب افكارك وتشيلي فكرته من دماغك وانك اصلا بتحبيه لان كله مجرد شعارات واوهام والله بجد اسمعي مني ف انتي اقفلي من ناحية خالص خالص وحطي حدود ف التعامل عاوزه تحكي لحد يبق لباباكي ومامتك مش قريبه منهم يبق في ربنا افردي مصليتك اخر الليل بعد م كله ينام وصلي.. صلي واحكي لربنا كل ال مزعلك وهو احن عليكي من اي بشري هيسمعك وهيساعدك ❤
تم النشر الجمعة، ١٣ يونيو ٢٠٢٥
لعرض السؤال في فدني اضغط هنا