معيدة وأول سنة ليا بالتدريس تنصحوني بإيه من أ إلى ي ⏳♥️
بصي انا طالبة مش معيدة بس هحاول اقولك حاجات لاحظتها في المعيدين اللي بيدوني و بتمنى تتصلح او نقاط قوة يعني بتخلي الشخص ده شرحه كويس اول حاجة اتعلمي communication skills و خدي بالك وانتي بتشرحي متقوليش آآآآآآه بين كل جملة و جملة لان ده بيخلي الطلبة تسرح و متركزش و يملو لما تحسي انك هتعملي كده اسكتي .. اسكتي بين كل جملة و جملة ثانيتين عشان يبقي كلامك له وقعه و تركيزه ... اسمعي conor Neil's و شوفي طريقة كلامه عاملة ازاي و قناته تحفة اسمعيها ... لو حسيتي ان الطلبة بدات تتكلم مع بعضها اسكتي ... هتلاقيهم سكتوا لأنهم شافو انك خدتي بالك .. اسكتي كده و بصي عليهم نظرة صارمة بس ... ابدأي شرحك بسؤال او معلومة مدهشة او مشكلة من حياة الطلبة تخليهم يكملوا سماع الشرح للآخر يخليهم يحسو ان الكلام ده interesting و مهم و هيساعدهم بشكلٍ ما ... وانتي بتشرحي اذكري مواقف من الحياة او قصص تشبيهية او مواقف كوميدية تذكرهم بالحاجة دي طول عمرهم ... خليكي مرحة و متكسريش حدودك عشان في طلبة قليلة ادب ... خلي شرحك باسهل و اسرع طريقة ممكنة بحيث تجيبي الزتونة في أسرع وقت ممكن و شيلي الحشو الزيادة اللي ملوش لازمة ... اشركي الطلبة معاكي في الحوار اساليهم وانتي بتشرحي اسألي كل واحد فيهم عن رأيه في الحاجة دي (في الشرح) و بعديها كملي شرح و قولي و زي ما قال فلان ... و تذكري كلامه او اجابته الصحيحة للسؤال .. ده هيخليه يحس إن كلامه مهم و هيخليه يركز معاكي طول الوقت هو و باقي زمايله لأنهم هيحسو ان كلامهم مهم و اي واحد فيهم هيبقي جزء من الحوار في اي وقت فبالتالي هما هيبقو active معاكي. وخلي وقت كبير اخر الشرح للأسئلة و الحاجات اللي مش فاهمينها لو لقيتيهم فصلو معاكي في نص الشرح أدي بريك خمس دقايق و كملي... اسمعي مشاكلهم و متتكبريش عليهم حسسيهم انك قريبة منهم و فاهمة معاناتهم ال show Empathy ده بياثر جدا ف النفسية و يخليهم يحسو ان كلامك مهم .. صوتك عالي وانت بتشرحي وواضح عشان ميناموش بس مش زعيق ... و تغيري بين الضمائر وانتي بتتكلمي دي من أساليب التنبيه في البلاغة 😅 اللي تخلي الشخص يرجع للكلام .. زي مثلا بتغيري الضمير من الغائب للمتكلم زي قوله تعالي {أَلَمْ أَعْهَدْ إِلَيْكُمْ يَا بَنِي آدَمَ أَنْ لَا تَعْبُدُوا الشَّيْطَانَ ۖ إِنَّهُ لَكُمْ عَدُوٌّ مُّبِينٌ وَأَنِ اعْبُدُونِي ۚ هَٰذَا صِرَاطٌ مُّسْتَقِيمٌ} (يس: 60–61) قبلها كان الكلام بصيغة الغَيبة عن المجرمين وأحوالهم يوم القيامة. فجأة يحصل التحوّل المرعب إلى الخطاب المباشر: "ألم أعهد إليكم يا بني آدم… أن لا تعبدوا الشيطان" فده بيخليهم ينتبهو لكلامك لو عرفتي تطبقيه يبقى حلو لو معرفتيش عادي خالص ... و غيري بين طبقات الصوت مرة هادي و مرة عالي عشان ده بيحسسهم ان في تغيير حصل ف ينتبهو ... الف مبروك ليكي و بالتوفيق يا رب... صحيح و نسيت كب شوية اتاكدي انهم فاهمين الجزئية دي قبل ما تروحي على اللي بعدها عشان ساعات الطلبة بتتكسف تسأل و بيكملو و هما مش فاهمين و ده بيبوظ كل اللي عملتيه ... اساليهم بعد كل فقرة .. فاهمين؟ حد عنده سؤال لو في جزئية حسيتيها مش واضحة قوليها تاني في السريع قبل ما تدخلي في الخطوة الجاية عشان الناس ال introvert اللي بتتكسف تسأل 😅.. و بس ياري اكون غطيت كل حاجة
تم النشر السبت، ١٣ سبتمبر ٢٠٢٥
مرحباً عزيزتي أسماء، مبارك عليك البداية الجديدة كمعيدة! 🌸 بداية التدريس دائمًا رحلة جميلة ومليئة بالتحديات والفرص، وأنا هنا لأعطيك بعض النصائح العملية التي تساعدك على النجاح والتألق في هذا المجال: كوني مستعدة جيداً حضري دروسك مسبقاً، واجعلي المادة العلمية واضحة ومبسطة للطلاب. التحضير الجيد يجعلك أكثر ثقة أثناء الشرح. ابني علاقة طيبة مع طلابك المعلم الناجح هو من يقدر طلابه، يستمع لهم، ويحفزهم. حاولي أن تكوني صديقة ومعلمة في نفس الوقت، مع المحافظة على احترامك ومكانتك. تنويع أساليب التدريس لا تكتفي بشرح واحد فقط، جربي أنشطة مختلفة، وسائل تعليمية متنوعة، وأسئلة تفاعلية لزيادة حماس ومشاركة الطلاب. اطلعي على تجارب المعيدات الأكثر خبرة لا تترددي في طلب النصيحة منهم أو حتى مشاهدة طرقهم في التدريس. الفائدة من خبراتهم كبيرة جداً. تنظيم الوقت نظمي وقتك بين التحضير، التدريس، وتصحيح الواجبات. التوازن في الوقت يحميك من الإرهاق. لا تخافي من السؤال والتعلم المستمر وجهة نظرك مهمة، ولكن لا تتوقفي عن التعلم والتطوير المهني، فهذا مفتاح التقدم. وأخيراً، لا تنسي أن تدعي الله يوفقك ويسدد خطاك، فالتوفيق من عنده سبحانه وتعالى. 🌷 إذا حبيتي، يمكنكِ زيارة صفحة الخبراء في فدني للحصول على نصائح وتوجيهات أكثر تخصصاً في التدريس أو تطوير الذات. وهل تودين أن أساعدك في موضوع معين متعلق بالتدريس أو التعامل مع الطلاب؟ ذكية هنا دائماً لدعمك! 😊❤️
تم النشر الجمعة، ١٢ سبتمبر ٢٠٢٥
اعملي زي تدريب على الحصة كأنك في الأمر الواقع ، من اول حصة حطي ٣ شروط مثلا لا يمكن تعديها يعني مثلا ممنوع المقاطعة وانك هتديهم وقت في الآخر للأسئلة . ممنوع الاكل مثلا . ممنوع التأخير ، ممكن تحطي عقوبات ومكافآت
تم النشر السبت، ١٣ سبتمبر ٢٠٢٥
لعرض السؤال في فدني اضغط هنا