Study Account

اول سؤال حضرتك طبيب؟ .... ثاني حاجة في الحالات اللي زي دي بتفكر في ٣ حاجات هي غالبا السبب ماء هواء طعام ... و متقوليش الاكل نظيف عشان كل حاجة بالهرمونات و احنا عارفين و ساكتين طالما ما زرعتوش بايدك متقولش نظيف ... ده غير بقي النظام الغذائي المعروف للمصريين محاشي و بلاوي و المعدة مش هتستحمل كل ده اكيد لازم يحصل مشاكل في الجهاز الهضمي بعد ١٠ سنين من أكل المسبك و الأكل الثقيل ...ده غير بقي فكر معايا الناس الايام دي بتبلبع مسكنات بالهبل...واكتر حاجة تأثر عليها المسكنات الكلي و المعدة... ده غير باقي الأدوية الشعب المصري بياخد أسوأ الأدوية بدون وصفة طبية و ماشيين بمبدأ اسال مجرب ولا تسأل طبيب ... واكل الشوارع طبعا الشاورما و البطاطس الحياة بقت سريعة و الناس مبقاش عندها وقت تاكل في البيت اكل صحي ... ده حتي اكل البيت مش صحي 😂....ف بصراحة كل حاجة في حياتنا الواقعية تؤدي الي روما ... نظام الحياة هو السر بس للامانة الموضوع محتاج بحث ولو دخلت ف pubmed اكيد هتلاقي ناس عملت ابحاث في الكلام ده اللي قلته ده مجرد عصف ذهني للأسباب اللي شايفاها بس عشان نعرف السبب الحقيقي ادخل ع pubmed واقرا

حاسة كأنها رسالة لان جاتني الماسيج دي النهاردة ....مفيش حاجة بتوجع قد الخذلان… بس مفيش حاجة بتقوي قد التجاوز. اتعلم تمشي لوحدك لو لزم الأمر… بس عمرك ما توقف عشان حد خذلك.....دي هي .. بصراحة معاكي كل الحق والله من حقك .. لكن حابة تفتكري ان في حساب في الدنيا و في حساب يوم القيامة لو صبرتي ربنا بياخدلك حقك أضعاف وقتها و بتاخدي من حسنات الشخص ده لو عنده حسنات اصلا😂😂 ولو معندوش سيئاته بتبقي حسنات و بتاخديها .. ف ده ميزة فكري فيها و عارفة بصراحة ان احنا الاول بنبقي حابين نخرب بيت الشخص ده بس بفكر لو انا في سوم غلطت و ظلمت شخص ... مش ممكن ربنا يسامحني لاني عفوت عن شخص تاني؟ واحنا بشر وأكيد بنغلط ... مع الوقت صدقيني هتنسي.. عندك انا مثلا فضلت ادعي علي ظالمي لحد ما شفت حياته اتخربت والله واسوا ما هو عمللي لكن عارفة حسيت ب اي ساعتها؟ حسيت بالندم لان اللي شفته مكانش سهل خالص لدرجة إني بقيت بقول ربنا يصبره يا رب ... مع الوقت صدقيني بتهدي الموضوع بيبقي زي النار و بيهدي و بتطفي لكن احذري انك تعملي حاجة تغضبي بيها ربنا ... اسحار اعمال قتل سرقة .. اكيد انتي اعقل من كده بكتير انتي ممكن تدعي علي الشخص ده او لو هو محتاج منك حاجة متلبيهاش و متساعديهوش.. دي طرق الاذية المتاحة لكن غير كده محرم و فكري في اللي قلته

بدليها بانشطة تانية تهربي ليها و بتحبيها ... ده الحل .. رياضة ارسمي ارقصي ... و نزلي تطبيق stay free بيقول التطبيقات دي و التطبيق اللي مش محتاجاه للضرورة دلوقتي امسحيه اه والله اسمعي مني متنزليهوش الا للضرورة القسوة و دايما خلي شاشة الموبايل ابيض واسود ده بيخليكي تحسي ان التليفون ممل و في حاجة في التليفون اسمها digital wellbeing بتدخلي و تحددي تطبيقات مش عايزاها تتفتح ساعتين في اليوم بالكتير و بعد كده بتقول و مش بتعرفي تفتحيها غير تاني يوم ... و مع الوقت هتستغني الموضوع محتاج صبر و متياسيش من اول انتكاسة واسمعي أبوزيد الراجل ده عسل... اه و صح اهم حاجة اول ساعة في اليوم وآخر ساعة متفتحيش التليفون خاااالص لان السر كله في تظبيط الدوبامين... ولو بتذاكري من التليفون او بتشتغلي منه استعملي لابتوب احسن او تابلت و أمسحي تيك و كل حاجة فيها ريلز و أمسحي يوتيوب و لما تحتاجيه افتحيه من كروم و لو من لابتوب في حاجة جميلة هي ان في extensions في كروم تخفي الشورت و كل حاجة غير الفيديو اللي عايزة تسمعيه سواء تعليمي او غيره كان في شاب مغربي ربنا يجازيه خير بيشرح ازاي بنستعملها بس للأمانة مش فاكرة اسمه ... المهم واقفلي كل الاشعارات كلها والله ما في حاجة مهمة هتفوتك ولا حاجة هتستاهل تضيع عمرك لو في حاجة مهمة هتلاقي نفسك دخلتي تشوفيها ولو حد محتاج منك حاجة هتلاقيه بيتصل لكن اقفىلي الاشعارات و متخافيش ع زعل حد غير نفسك مع الوقت هيتعودو ... التليفون بعيييييد في الزهرة وانتي في المريخ ده بصراحة فعال جدا هيساعدك ... ولما هتلاقي مزاجك اتحسن بعدين هتتشجعي أكتر.. واشغلي نفسك بقي بحاجة تحسسك بنفسك وانك مهمة و جميلة و مثقفة مع الوقت بتحبي نفسك و تستوعبي قد اي كنتي بتاذيها ... سكين كير بقي شغل و فلوس صلاتك يا عسل واذكارك ووردك من القرآن...دراستك حاولي تحبيها ... وربنا يعيني انا كمان اعمل كده

صعب بنفسك تحددي مكان النزيف من قدام او من ورا لان المنطقة دي اصلا متلعبكة و كل حاجة مرتبطة بكل حاجة فلو حصل نزيف هنا هيسمع هنا ... بس متقلقيش غالبا ده شرخ مش حاجة في المهبل او الرحم ما دام امساك او ممكن حرج في المستقيم ... يعني غالبا من ورا و بتحصل عادي .. لكن اللي مش عادي انك يبقي عندك امساك و تسكتي ده هيعملك بواسير الإمساك المزمن ده مش عادي خالص ولا حاجة طبيعية .. اشربي ماية كتير كلي الياف و خضار و لو عندك امساك بقالك كام يوم متدخليش الحمام خير لما تحطي زيت زيتون او أي حاجة تلطف عشان ميحصلش شرخ .. ولما تبقي في الحمام متحزقيش اوعي اوعي... الحل الصح اتنفسي...شهيق .. زفير .... هتلاقي الموضوع مع كل ده مشي ببساطة بالشفا ي عسل لو خايفة و مكسوفة روحي اكشفي عند دكتورة لكن متفضليش متوترة كده لان غالبا الموضوع مش حاجة وحشة و حافظي ع صحتك .

1520 بصي او ده بس اللي دفعتيه او نفترض دفعتي 3000 مثلا ... المبلغ الحمد لله سهل يتجمع ممكن تستلفي المبلغ من حد .. و تسدديه ع مراحل من مصروفك او كلمي والدتك اكيد هتفهم و هتساعدك و قولي لوالدك انك مطلبتيش حاجة لسه عشان ميحصلش مشاكل و اديه الفلوس و قوليلو هو يشتريلك عشان ميحصلش مشاكل تاني ... لو في فرصة تاخدي الرقم و تعملي محضر من غير ما يحصلك مشاكل اعملي ... بس احسن حل تكلمي امك او خالتك أكتر ناس ممكن تفهمك و تقف معاكي دلوقتي .. او لو اخت او اخ كبير

قولي لمامتك كده في قاعدة صفا .. اقعدي معاها و قوليلها كده يا ماما انا عايزة اقولك حاجة و اتمني تسمعيني و تاخدي بالك و متزعليش مني ... و هاتي انتي و هي شاي و قوليلها براحة يا ماما عمي فلان ده انا مش مرتاحاله بيعمل كذا كذا و بيسأل عليكي و شكله ناوي الشر و دي كلها علامات مش كويسة و هو شايف انك ست طيبة و علي نياتك اوي و هو بيحاول يستغل ده ف لو جه تاني هنقفل الباب و هنقول مفيش رجالة في البيت مينفعش تدخل و متتكسفوش و قوليلها ان الكلام ده كبير و مينفعش لازم ناخد حذرنا .. و قوليلها ما بينك و بينها علي موقف الاعتداء ده وانك مش مرتاحالهم لكن متقوليش لوالدك او اخواتك لأنك ممكن تتاذي و لو مش حابة تقوليلها ع الموقف ده مفيش مشاكل ... لكن دي مشكلة كبيرة و الصراحة مع مامتك هي الحل .... نفترض بقي ان مامتك مسمعتش كلامك او كانت ست مش بتتقبل الرأي الاخر .. لما عمك يجي هتقفي جمب مامتك مش هتتحركي و مش هتسيبيها لانه باين عليه راجل ملوش امان ... خليك زي ال bodyguard كده ولو حاول يعمل اي حاجة صوتي صوتي والله مبهزر و لمي الجيران ... و يا حبذا بقي لو قدرتي تسجليله صوت في الخفاء كده و هو بيسأل علي مامتك او تصوريه فيديو اي دليل معاكي في الجيب توريه لمامتك و يبقي ضامن ان محدش هيقدر يكذبك ... صوري اي فعل مريب منه ... بردو ممكن تقولي لباباكي لو معاكي دليل ... بس اوعي اوعي تقولي لاخوالك لأنهم هيخافو علي اختهم وادي دقني لو شفتي امك تاني بعد ما تقوليلهم ... يا هياخدوها عندهم .. ي انتي عارفة هيعملو اي .. مش عايزة اخوفك بس خدي القرار الصح

بصي انا طالبة مش معيدة بس هحاول اقولك حاجات لاحظتها في المعيدين اللي بيدوني و بتمنى تتصلح او نقاط قوة يعني بتخلي الشخص ده شرحه كويس اول حاجة اتعلمي communication skills و خدي بالك وانتي بتشرحي متقوليش آآآآآآه بين كل جملة و جملة لان ده بيخلي الطلبة تسرح و متركزش و يملو لما تحسي انك هتعملي كده اسكتي .. اسكتي بين كل جملة و جملة ثانيتين عشان يبقي كلامك له وقعه و تركيزه ... اسمعي conor Neil's و شوفي طريقة كلامه عاملة ازاي و قناته تحفة اسمعيها ... لو حسيتي ان الطلبة بدات تتكلم مع بعضها اسكتي ... هتلاقيهم سكتوا لأنهم شافو انك خدتي بالك .. اسكتي كده و بصي عليهم نظرة صارمة بس ... ابدأي شرحك بسؤال او معلومة مدهشة او مشكلة من حياة الطلبة تخليهم يكملوا سماع الشرح للآخر يخليهم يحسو ان الكلام ده interesting و مهم و هيساعدهم بشكلٍ ما ... وانتي بتشرحي اذكري مواقف من الحياة او قصص تشبيهية او مواقف كوميدية تذكرهم بالحاجة دي طول عمرهم ... خليكي مرحة و متكسريش حدودك عشان في طلبة قليلة ادب ... خلي شرحك باسهل و اسرع طريقة ممكنة بحيث تجيبي الزتونة في أسرع وقت ممكن و شيلي الحشو الزيادة اللي ملوش لازمة ... اشركي الطلبة معاكي في الحوار اساليهم وانتي بتشرحي اسألي كل واحد فيهم عن رأيه في الحاجة دي (في الشرح) و بعديها كملي شرح و قولي و زي ما قال فلان ... و تذكري كلامه او اجابته الصحيحة للسؤال .. ده هيخليه يحس إن كلامه مهم و هيخليه يركز معاكي طول الوقت هو و باقي زمايله لأنهم هيحسو ان كلامهم مهم و اي واحد فيهم هيبقي جزء من الحوار في اي وقت فبالتالي هما هيبقو active معاكي. وخلي وقت كبير اخر الشرح للأسئلة و الحاجات اللي مش فاهمينها لو لقيتيهم فصلو معاكي في نص الشرح أدي بريك خمس دقايق و كملي... اسمعي مشاكلهم و متتكبريش عليهم حسسيهم انك قريبة منهم و فاهمة معاناتهم ال show Empathy ده بياثر جدا ف النفسية و يخليهم يحسو ان كلامك مهم .. صوتك عالي وانت بتشرحي وواضح عشان ميناموش بس مش زعيق ... و تغيري بين الضمائر وانتي بتتكلمي دي من أساليب التنبيه في البلاغة 😅 اللي تخلي الشخص يرجع للكلام .. زي مثلا بتغيري الضمير من الغائب للمتكلم زي قوله تعالي {أَلَمْ أَعْهَدْ إِلَيْكُمْ يَا بَنِي آدَمَ أَنْ لَا تَعْبُدُوا الشَّيْطَانَ ۖ إِنَّهُ لَكُمْ عَدُوٌّ مُّبِينٌ ۝ وَأَنِ اعْبُدُونِي ۚ هَٰذَا صِرَاطٌ مُّسْتَقِيمٌ} (يس: 60–61) قبلها كان الكلام بصيغة الغَيبة عن المجرمين وأحوالهم يوم القيامة. فجأة يحصل التحوّل المرعب إلى الخطاب المباشر: "ألم أعهد إليكم يا بني آدم… أن لا تعبدوا الشيطان" فده بيخليهم ينتبهو لكلامك لو عرفتي تطبقيه يبقى حلو لو معرفتيش عادي خالص ... و غيري بين طبقات الصوت مرة هادي و مرة عالي عشان ده بيحسسهم ان في تغيير حصل ف ينتبهو ... الف مبروك ليكي و بالتوفيق يا رب... صحيح و نسيت كب شوية اتاكدي انهم فاهمين الجزئية دي قبل ما تروحي على اللي بعدها عشان ساعات الطلبة بتتكسف تسأل و بيكملو و هما مش فاهمين و ده بيبوظ كل اللي عملتيه ... اساليهم بعد كل فقرة .. فاهمين؟ حد عنده سؤال لو في جزئية حسيتيها مش واضحة قوليها تاني في السريع قبل ما تدخلي في الخطوة الجاية عشان الناس ال introvert اللي بتتكسف تسأل 😅.. و بس ياري اكون غطيت كل حاجة

حاولي تعملي أو تاخدي كورسات في ال soft skills دي مهارات بتساعدك في الحياة العملية و حتى الاجتماعية .. اهم من انك تاخدي الكورسات انك تطبقيها في حياتك خدي خطوة شجاعة و طبقيها في حياتك و مش لازم تتعلمي من كورس مدفوع لا دي مهارات ممكن تلاقيها عند أي إنسان مهما كان مستواه التعليمي لأنها باختصار بتيجي من مدرسة الحياة يعني ممكن تلاقي فلاح عنده المهارات دي و مدرس معندوش ... هتلاقي كورسات كتير باليوتيوب مجانية انصحك تسمعي conor Neill قناته جميلة و شوفي شركة sciask برنامج uri فيها بيدي دورات مجانية في الحاجات دي و بييدو محاضرات مع مختصين في المجال ده و كله مجاني

مين ضحك عليك و قالك كده 😂...بص هي مش فكرة البنت مش بتحب الراجل المحترم لا الاحترام صفة مرغوبة لكن لكن لكن خلي بالك من النقطة دي عشان بيحصل فيها لبس البنت بتحب الراجل المحترم الأخلاق بيخاف ربنا و مش بيجري ورا بنات لكن مش قطة مغمضة .. يعني اي؟ يعني مش بيبقي بيتكسف او بيبقي بيستحي زيادة عن اللزوم و مش قصدي هنا انك تبقي بجح لا قصدي ان يبقي عندك حياء لكن مش بالشكل المبالغ فيه اللي يخليك تبان انك تتكسف زي البنات .. يعني لما تتجوز مراتك ان شاء الله انت مينفعش ساعتها تبقي مستحي و محترم لازم انت ساعتها اللي تبادر لان الكسوف الحياء دي صفاتها هي في الوقت ده مش صفاتك انت .. أتمنى تكون فهمت قصدي .. يعني خلي عندك حياء و خليك محترم لكن متبانش انك خجول او حياءك زائد و بتتكسف تبادر لمراتك لدرجة انك تبان زي البنات و بس .. لكن الراجل المحترم هو اللي بيخاف ربنا و كاريزما و مش بيجري ورا بنات دي صفاته .. و غالبا هتلاقي كل البنات بتجري وراه

حطي تليفونك في ركن مستخبي في الاوضة و شغلي الكاميرا لما تحسي انه هيدخل و صوري و انتي بتحاولي تصديه و بعدين وريه لأمك لان زي م قلتي متعرفيش والدك و مقدامكيش حل غير مامتك تصدقك ف لازم دليل ... ولو تعرفي حد منصف من اهل باباكي يقف في صفك بس متورهومش الفيديو لان الرجالة غبية و ممكن تعمل حاجة غلط و يخلوكي انتي الغلطانة😑😑😑 و ريه لمامتك بس

غرفة فاضية ليه مفيهاش اي حاجة تاذيه فيها مساحة كويسة يلعب فيها و آمنة تماما اكليه و شربيه في مواعيد الاكل و الشرب لعبيه شوية في أول اليوم و بعد كده سيبيه يزن مع نفسه طول اليوم هيتعود يهدى و لما هتيجي تشيليه بعد كده هتلاقي مزاجه رايق ... بس لازم قبل ده تتأكدي ان العياط ده مش من وجع او مرض او جوع طب ازاي؟ رضعيه سكت يبقي كان جعان مسكتش؟ ضمي دراعاته الاتنين ع بعض و شيليه بحيث تكون بطنه و ذراعاته قصاد كف ايدك و ظهره قصاد وشك و بايديك التانية اسنديه بيها من مكان الحفاضة و هزي بيه بالراحة بالراحة دي اسمها وضعية الرحم بعدها هيسكت و يهدي خالص لو مسكتش يبقي مريض و روحي بيه ع دكتور شوفي المشكلة غير كده سيبيه في مكان آمن هادي مريح لوحده و شوفي رأي الأمهات التانين بردوا

استخيري و شوفي وافقي ولو الموضوع فيه خير هيمشي ولو مفيهوش مش هيمشي و بس بالتوفيق يا قمر رينا يكتبلك الخير و يسعدك يا رب هي الفكرة انه ممكن يكون متمسك بيكي ف قرر يرجع يتقدم او يمكن كان بيجهز نفسه في السنة دي عشان ميترفضش و كده ف ما دام انه جه من الباب نديه فرصة و نشوف الدنيا اي .. و ممكن تعملي حاجة ارفضيه مرة لكرامتك و هيجي تاني ساعتها وافقي😂

مفيش قبول متتجوزهوش انتي مش غلطانة و ده كامل حقك و مينفعش حد يجبرك و قوليله بصراحة كده " حضرتك انسان كويس و خلوق و صفاتك كويسة بس انا معنديش قبول ليك و شايفة ان عشرتي معاك مستحيلة و هتضرني نفسيا و لو ينفع تنهي الموضوع ده من جهتك انت لان اهلي هيجبروني " ولو هو إنسان عنده دم هيخرج بالمعروف زي ما وصي نبينا لكن غير كده تلزيق و ظلم منه و من اهلك و حسبي الله ونعم الوكيل في كل شخص يعمل كده او يتدخل في قرارات حياة شخص تاني وبس .. و على فكرة قبولك ليه ملهوش علاقة بالتدين او لا ... ممكن عادي جدا يجيكي انسان كامل المواصفات من تدين و مال و جمال و ميبقاش عندك قبول ليه او تبقي مش قبلاه .. ف ساعتها مش هينفع تتجوزيه لأنك مش هتعرفي توفيه حقه الشرعي كامل و كده انتي بتظلميه ف الموضوع اللي بقوله ده مش هزار .. طب فرضا اهلك ناس غلسة و خطيبك انسان غلس هتعملي اي؟ هتعملي ما يسمي بالقعدة يعني اي يعني تجمعي ناس من كبار العيلة و تقوليلهم يا جماعة حصل كذا كذا كذا و ده حقي و انا مش غلطانة.. والله وقفوا في صفك و اتحلت المشكلة تمام ظلموكي انتي ما شاء الله ست عاملة تاخدي نفسك زي الشاطرة و تروحي علي قسم الشرطة او المحكمة لان اللي ميجيش بالذوق بيجي بالعافيه وانتي اتعاملتي بكامل احترامك لكن لحد هنا و بس ! لحد ما يجي حد و يقرر مصير حياتك وانتي هتعيشي مع مين طول عمرك .. لا مينفعش لان ده اختيار عمر مرة واحدة ولما تلبسي في الحيط مش هتلاقي اهلك في صفك بالعكس هيقولولك استحملي انتي اللي اخترتيه .. ايوا هيقولولك كده بالحرف ف يفوتك القطر يا حلوة احسن ما يدوسك و استعيني بالله كده اساليه يرزقك الزوج الصالح القمور زيك العسل اللي يحبك و تحبيه و يهنيكي في الدنيا و الآخرة انتي و بنات المسلمين يا رب🤍

متخافيش كنت زيك ... ده شئ طبيعي اسمه متلازمة المراهقة الالحادية بتحصل لناس كتير بس للاسف محدش بيتكلم عنها 💔 وانا كنت من الناس اللي عانت منها و الحمد لله تعافيت و هقولك العلاج🤍: و متخافيش الأفكار دي مش بتحاسبي عليها لأنها وسواس وانتي مش مؤمنة بيها انا كنت لما بتجيلي شبهة في دماغي واقعد افكر فيها واشكك في قدرة ربنا والعياذ بالله كنت بروح بفتح الكتب اللي عندي و بدور في مصادر موثوقة و بلاقي الإجابة على سؤالي و بقتنع جدا بالإجابة و بلاقيها واقعية و صحيحة تماما غير قابلة للشك وأنصحك في ده تدوري علي إجابة سؤالك في كتب او علماء موثوقين او تسمعي الاتنين دول في رد الشبهات تحفة والله والله والله هيرجعوكي الطريق الصحيح و هما فاضل سليمان ده متخصص بيواجه الإلحاد اصلا و بيرد على شبهات و متخصص في كده واسمعي بردو مناظرات ذاكر نايك و مناظرات الشيخ الأمريكي عثمان بن فاروق تحفة تحفة تحفة هيرجعوكي تحلي الدين تاني و تبطلي الأفكار دي ... و بصي بقي و هنا مربط الفرس وأهم خطوة في العلاج عرفني إجابة الشبهة او السؤال اللي بتدوري عليه واقتنعتي؟ خلاص اقفلي الموضوع واوعي ثم اوعي تفكري فيه تاني مهما حصل ولو لقيتي دماغك بترجع لنفس الموضوع استعيذي بالله و قولي آمنت بالله و رسوله و تفي) تفة خفيفة ( على شمالك ٣ مرات و شفتي نفسك بأي حاجة لحد ما تنسي خالص و متحاولش بقي تتعمقي في التفكير او ترهقي نفسك كتير متديش لنفسك مجال تسرح و تتفرغ و تديكي وقت تسرحي و تفكري فيه دايما اتعلمي معارة جديدة خدي كورس اعملي اي نشاط مفيهوش سرحان و اشغلي عقاك بحاجة مفيدة و طبعا طبعا الصلاة الصلاة الصلاة و الدعاء لان محدش هيعرف معناتك و يساعدك ف الوقت ده غير ربنا لان الناس عمرها ما هتفهمك و هيتهموكي بالكفر و اليعاذ بالله ونتي معملتيش حاجة ف اوعي تقولي لحد لان غالبا مش هتلاقي مساعدة هتلاقي العكس و الموضوع ملوش علاقة انتي بتعملي ذنوب ولا لا حضرتك اذكر اني كنت عادية الفترة دي و قريبة من ربنا لكن هو وسواس بيجي فجاة و طبيعي ... القصة قصة روتين هتستمري عليه و هتشوفه الفرق و لما تحسي نفسك اتحسنتي اوعي تبطلي الروتين ده استمري فيه .. ف عرفتي هنعمل اي يا قمر؟ هنشوف اي السؤال اللي محيرنا هندور علي اجابته و نسمع الناس اللي قلتلك عليهم و بعد ما نعرف هنقفل علي الموضوع خالص و مش هنفتحه و هنشتغل نفسنا باي حاجة فيها مجهود ذهني عشان منفكرش كتير .. هنقرب من ربنا اوي و تدعيه لانه الوحيد اللي فاهمنا .. و متخافيش انتي مش وحشة ولا حاجة 😂🫶🏻 دول الناس البس مش فاهمين و مش هيقدرك غير اللي حس نفس التجربة ف تفائلي بالشفاء واستعيني بالله ... اختك🤍 بجد اتمني مشايخ كتير يتكلمو عن الموضوع ده المشكلة انه محدش كان بيتكلم عنها خالص لانه لو حد فكر في حاجة زي دي ممنوع يقول 💔 الله المستعان

شوفي هل انتو متكافئين؟ يعني انتي مثلا معاك كلية و هو معه دبلوم؟ م بيظبط لازم تكافئ عشان زواجكم يستمر و فكري القرار اللي رح تتخذيه الان ايش شعورك نحوه بعد يوم و بعد شهر و بعد سنة ... لازم تفكري مشان ما تندمي واذا و شوفي اذا في قبول وانتي مرتاحة له ورح تقبلي العشرة الزوجية معه و تتقبليها طل يوم ... ايش شعورك لما يصير عندكم اولاد .. و ايش أخلاقه و سماته و هل بيصلي ؟ وايش رح يكون وضعكم المادي بعد الزواج هل متكافئ فكري هل ممكن شخصيته تاذيكي بعد الزواج اذا ظاهر من طبعه عصبي و هيك و بس فكري كويس و لا تتعجلي رزقك ما بياخده غيرك و هذا شخص رح تعيشي معه كل عمرك ف اختاري منيح و اتذكري يفوتك القطر احسن ما يدوسك و ادعي ربك يقدرلك الخير حيث كان ثم يرضيكي و ادعي اذا في خير في اخرتك و دنياكي و عاقبة امرك يجمعكم بالحلال واذا ما فيه يصرفه عنك و يقدرلك الخير حيث كان و بس لا تخافي ريك ما بيترك عبده لوحده بس ادعيه وتوكلي عليه واستخيريه و هو سبحانه و تعالي رح يرزقك الزوج الصالح مين ما كان و بس لا تنسي تدعيلي يا سكر

ابعدي عنه رح يدمرك ... انتي ماشاء الله عليك لازلتي في زهرة شبابك وامامك حياة و نجاحات هتحققيها و في المستقبل هتلاقي الشخص اللي يحبك و يقدرك بصدق و يطلبك من اهلك بالحلال من غير ما يتسلي يومين و يروح .. و بالنسبة لموضوع الصداقة ف الصداقات هذه الأيام مصدر للمشاكل و الخيانات ووجع رأس ف لا تشغلي بالك و خليكي لوحدك ركزي علي نفسك و تطوير ذاتك في حياتك و دراستك و كل شي و اهتمي بجمالك حبي نفسك و حسي انك جميلة و تستحقي التقدير و تستحقي انك تعاملي كجوهرة مش متاحة لأي ذكر و خلاص.. قدري نفسك و حبيها و اعملي روتين في يومك تهتمي فيه بعبادك و جمالك و دراستك و تطوير نفسك دراسيا واجتماعيات و كل شي .. رح تحسي بفرق كبير و الله سبحانه وتعالى رح يفتح عليكي من وسع و رح يوفقك في كل نواحي حياتك دوما صلي قيام ليل وادعي ربك و اشكيله و فضفضيله ... ما رح تندمي ابدا لو اخذتي هذي الخطوة الندم الحقيقي هو انك تستمري في هذا الحضيض و تربطين حياتك بالآخرين... انتي تستحقي شخص افضل وان شاء الله رينا رح يرزقك بيه بس ادعيه و توكلي عليه و و بالنسبة لهذا الشخص ابعدي عنه هذا يتسلي بيكي يومين و رح يستنزف مشاعرك و قلبك و كل شي فيك و يسبك و يمشي حتي لما يجيك الحب الحقيقي في المستقبل ما رح تقدري تحبيه ابدا ... لانه مشاعرك مستنزفة... ابعدي عنه قبل لا يدمرك لو كان فعلا يحبك كان طلبك من أهلك.. لكن الظاهر انه مش بالشجاعة الكافية ... تذكري انه هناك فرق بين الذكر و الرجل

استخدمي قاعدة الدقيقتين ... يعني اي؟ يعني لما تحسي انك بتهربي من المذاكرة قولي انا هقعد اذاكر دقيقتين بس ... بس دقيقتين .. هتلاقي نفسك لا اراديا اندمجتي في المذاكرة و هتحبي تكملي للآخر تاني حاجة قسمي مهمات دراستك لمهام صغيرة خالص سهلة تتعمل عشان لما عقلك يشوفها ميحسش انها صعبة و حطي كمية دراسة لكل يوم مش كتيرة و مش قليلة لكن تقدري تعمليها ) قابلة للتحقق يعني ( و تخلصيها في اليوم ده متحطيش مهمات كتير مش هتعمليها عشان ده هيحسسك بالاحباط و مش هتكملي باقي الايام تاني حاجة قسمي فترات دراستك ٥٠ دقيقة و ١٠ دقايق راحة و هكذا و بعد كل ٣ جلسات جدي فترة راحة نص ساعة ولو و زي ما ثالثا و ده الأهم في فترة راحتك متمسكيش تليفون ابدا ابدا لان ده بيبوظ الدوبامين في مخك و يخلي رجوعك للمذاكرة أصعب و هيخليكي تنفري منها أكتر في فترة راحتك اتمشي في الشقة اقفي في البلكونة شمي هوا شوفي الحياة اتكلمي مع اخواتك او مامتك او أي حد قدامك اعملي مشروب بتحبيه اي حاجة غير التيليفون و بردو اوعي تصحي من النوم تمسكي التليفون او تاكلي اي حاجة فيها سكر و بردو متعمليش كده قبل النوم ... لو مضطرة جدا التليفون و السكر خليهم في أول اليوم عشان ما ياثروش على مذاكرتك او مزاجك بشكل عام واخيرا متنسيش المهام اللي تعمليها في اليوم تعملي عليها صح و تكافئي نفسك بعد ما تخلصي ... ده هيحفز دماغك انها تكمل و يديها دوبامين من الغالي مش من الرخيص و بالتالي هتقدرى تكملي باقي الايام .. ولو حاسة انك بتهربي و مش طايقة المذاكرة حرفيا قومي اعملي حاجة من اتنين خدي شاور بارد او اتمشي بسرعة نص ساعة وابعدي عن أي حاجة تديكي متعة لحظية و تابعي نصائح عن الإنتاجية و بس الموضوع علمي أكتر ما هو اجتماعي بالتوفيق نسيت ... اعملي يوم اجازة تفصلي فيه كل ٣ اسابيع

كلم أبو صاحبك مش صاحبك عشان هتتخانقو و يظن فيك ظن السوء ... مش هيزعل لو دخلت البيت من بابه ... بس لو حاسس انك ممكن تترفض بنسبة كبيرة بلاش عشان علاقتكم متتاثرش

المعادلة في ناس كتير بتاخدها و هي بتدرس البكالوريوس لو قدامك الفرصة خدها عادي دلوقتي عادي او في امتيازك مش لازم تضيع وقت و تستني لما تخلص الطب محتاج شخص يكون زيك مستعجل لأنك لو صبرت لحيتك هتشيب و مش هتحصل حاجة ... ثانيا مفيش مانع انك تدي كورسات و تشتغل اكاديمي بجانب كونك دكتور ... اعرف ناس في الامتياز و ناس عندها نبطشيات و نيابات و ناس بتحضر ماحستير و بيدو كورسات عادي جدا ده كله هيسندك مش مجرد درجاتك ... واه لازم يكون ليك حاجة جمب دراستك مهارة تشتغل بيها في ال freelance تشتغل part time و متاخدش من وقتك كتير و انت المتحكم في الوقت و تريح ايام الامتحانات براحتك ... عشان المذاكرة ... المعادلة فضي نفسك ليها شهر واحد مش هتعمل فيه حاجة غير المعادلة ولا شغل و لا كورس ولا دراسة جامعة وان شاء الله هتعديها اسمع فيدو دكتور نزار اللي بيدي كورس ال research ع اليوت و هو بيحكي عنها ... هتستفاد .... عموما عدي سنة علي السؤال اسأل الله ان يوفقك...

صح اكيد اهم حاجة مستقبلك ربنا معاكي لما هيحصلك مشكلة متضمنيش حد يقف معاكي غير نفسك ... خلي مستقبلك أولوية

طيب حلو الموقف في صالحك دلوقتي اعملي نفسك اتقمصتي وارزعيه واحدة "انت مبقتش مهتم " واقفله و اعملي بلوك و دي فرصتك انك تهربي .... طبيعي تحسي انك مضايقة دلوقتي بس هترتاحي بعدين ... دي فرصتك الأخيرة... و الحمد لله الدنيا باين عليها سالكة و هو باينله زهق سيبيه و شوفي حياتك بقي ... عارفة يمكن كلامي يبان قاسي شوية و الموضوع صعب بين يوم و ليلة بس خدي الخطوة دلوقتي حالا ... هتتعبي و هتضايقي... بس الجرح مع الوقت بيداوي ... لكن طول ما انتي كل ما الجرح بخف ترجعي تعوريه مش هتخفي ابدا ... هتزعلي في الاول و تحسي انك وحشة بس مع الوقت هتعرفي قد اي قرارك كان صح وقتها و مش هتحسي بذنب و لا حاجة هو ملهوش حاجة عندك عشان تحسي انك غلطانة حرام تفضلي في السجن ده علي طول اهربي .... القرار في ايدك

من بدري ازاي يعني ؟ من زمان مثلا ولا من فترة قصيرة؟ .... طب انتي من ضمن كل الحلول اللي اقترحناها عليكي اي اللي في دماغك ؟ ناوية ع اي؟

معرفش والله ينفع ولا لا لانه ممكن لو سالتيه يشك فيكي و ده يبقي خطر ... ف اسألي حد عنده خبرة في ده ... انتي بعتي صور كتير؟ و مختلفة؟ ... بصي متخافيش كلمي أرقام المساعدة و هيساعدوكي و كل ده في سرية تامة ابحثي عن الموضوع ده

ممكن تشتغل وانت في كلية علمية عادي بتحصل والله بالعكس ده هيديك خبرة و قوة عن غيرك لما تتخرج ... شوف شغلانة par time و مش كل ايام الاسبوع واشتغلها بس خد اجازة ايام الامتحانات... و ياسلام لو عندك مهارة معينة و تشتغل بيها فريلانس ... قاعد في بيتكم و الشغل اونلاين فلوس أكتر في وقت أقل ... و الحلو في الفريلانس ان انت المتحكم في وقتك مش حد تاني متحكم فيك زي مدير او غيره ... شوف اي مهارة كويسة عندك واشتغل بيها علي مستقل او خمسات او أي موقع من دول ... متخفش مش هتسقط وظف بس وقتك صح و فرغ نفسك ايام الامتحانات ... و متخافش ع اهلك شدة و تزول زي غيرها و ربنا يعينك و تساعدهم... اشتغل ساعد حوش .... دير اموالك بذكاء ... مش هتنضر والله

لو معاكي فلوس تحويش صوري بيها مفيش اهم من تعليمك

اوعي تكوني بتصرفي و لا بتحطي جنيه في البيت يا فوزية 🙈

طبيب نفسي لو ممكن ...

حددي موعد مهم الصبح بدري شغل دراسة كورس تدريب ... ولازم و مضطرة تصحيله بدري حتي لو اضطريتي تسهري طول الليل هتصحي بدري و اشغلي نفسك طول اليوم ده حاولي تكوني برا البيت عشان متناميش ولما ترجعي نامي بالليل هتلاقي نفسك نمتي بدري شبعتي نوم و تصحي علي المنبه ( السر ان حاجة تجبرك علي الاستيقاظ)

اكتبي الكتاب واتجوزي بسرررررررعة

اعتزل ما يؤذيك ... احتسب الأجر عند الله ... الدنيا ما عليها دايم ... اخرتها هيموت و تورثه ... و محدش بيموت ناقص رزق .. هتقتصو منه في الدنيا ... هو ظالم و خسران في الحالتين

بصي متقوليش مش هيبتزني بيهم ... انتي ثقتك فيه بقت عمياء بشكل مؤذي يا بنتي ... ارحمي نفسك قبل ما يؤذيكي.... لو واثقة في اهلك مش هيعملولك حاجة كلميهم و قوليلهم يساعدوكي ابدأي بماما او خالتك و هما هيساعدوكي ... لو لا يبقي الجهات المعتمدة ابعدي عن السكة دي اقفليها قبل ما تندميييييييي (خذي خطوة حالا واشغلي نفسك مشاكللك هتروح )

الحل ( قومي اتخذي خطوة فورا + اقفلي الطريق + اشغلي نفسك + تابعي أبوزيد ) ممكن لأنك ملانة و بتدوري علي حاجة جديدة تكسر الملل ده ف ساعتها بتكلمي الشخص ده لانه كل شوية بيديكي shot adrenaline ... ف بترجعي تكلميه و الموضوع بقي ادماني ... هو شعور حلو اه لكن نهايته وحشة اوي و هتزعلي ... في المستقبل هتشكري نفسك انك قطعتي الطريق ده و ما مكملتيش فيه ... اقفلي السكة لو مش بيهددك و افقلي كل المداخل للطريق ده ... يمكن خطوة صعبة .. لكن صدقيني هتحمدي ربنا عليها اووووى... روحي دلوقتي اعملي ده ... لازم تصومي عن الشعور ده ... لانه شعور حلو بس آخرته مش حلوة خاااالص والله لتزعلي ... اشغلي نفسك عنه باي وسيلة اشغلي نفسك بجد .. الملل و الفراغ هيرجعوكي للطريق تاني تلاقي نفسك زهقانة بتروحي تكلميه ...متخليلهوش ثانية في يوم ... الحل ( قومي اتخذي خطوة فورا + اقفلي الطريق + اشغلي نفسك + تابعي أبوزيد ) أبوزيد هيعلمك ازاي تنظمي مستويات الادرينالين في جسمك = لا ملل = لا فراغ = لا علاقات مؤذية

لو مبعتيلوش اي صور او فيديوهات انسحبي فورا قبل ما توصلي لمرحلة لا رجعة فيها الباقي كله سهل لو مبعتيش حاجات يمسكها عليكي ... بلوك علي طول ... لكن لو باعته حاجة الجئي للجهات المختصة لو خايفة من اهلك يعملولك حاجة .. او كلمي امك او خالتك لو بتثقي فيهم مش هيقولو لحد و مش هيأذوكي ...

تدي لنفسك الشعور ده ازاي ... لازم يبقي في مصدر حلال يديكي الاحساس ده يقولك كلام حلو يقولك قد اي انتي جميلة ... الكلام الحلو ده .. زوجك لو متزوجة بابا اخوكي ... هما مش بيقولو يبقي بقي حسبي الله ونعم الوكيل هنضطر نكتفي بنفسنا هتقولي اني لنفسك الكلام ده هتعمللي كل يوم السكن كير بتاعك و تبصي لنفسك قدام المراية و تبتسمي تقولي لنفسك قد اي انتي جميلة و تشوفي ده فب المراية .. اضحكي لنفسك و صدقي ده مع الوقت هتلاقي حبك لنفسك زاد و ثقتك في نفسك اعلي و متقارنيش نفسك بغيرك عشان انتي في رحلة لوحدك مش في سباق مع حد تاني .. اي بردو؟ البسي لبس حلو في بيتكم لبس تحسي بيه انك بنت بجد و تحسي قد اي انك جميلة لبس اول ما تلبسيه تفرحي و مودك يتغير ايا كان ذوقك اي بقي ... حطي الميكب بتاعك في البيت و دلعي نفسك .. دي الخلاصة ازاي أدي نفسي الشعور ده = دلعيها بكل الأشكال واديها الاهتمام كانك حد تاني خالص و نفسك ده طفل انتي بتهتمي بيه شوفيها محتاجة اي من كل النواحي واديهولها ... تفوقي دراسيا او في شغلك خدي كورسات تطور مهاراتك كل يوم هتشوفه نفسك بتكبري في الجانب ده = اهتمام = دلع = الشعور اللي بتدوري عليه ... اشتغلي اكسبي فلوس = اشتري حاجات نفسك فيها = اهتمام = دلع = الشعور اللي بتدوري عليه ... صلاتك قرءانك قربك من ربنا طول ما انتي ربنا معاكي انتي اقوي من الكل = ثقة بالله و بالنفس = قوة = اهتمام = دلع = الشعور اللي بتدوري عليه ... دلع + دلع + دلع = حب ... هتحبي نفسك و تديها الشعور ده ... لحد ما ربنا يرزقك ابن الحلال ويارب ما يكونش برطة زي الحجر لا بيهتم ولا بيتنيل .. إن شاء الله ساعتها هو هيدلعك ... لكن!!!!!! احنا بردو مش هنوقف دلع مش هنبطل نطلع نفسنا ليه؟ عشان منبنيش شعور الاعتمادية ... متبقاش حياتي واقفة علي شخص بيديني شعور معين = لو اختفي = حياتي باظت ... لا لازم انا ابقي مصدر الشعور ده عشان محدش يجي في وقت و يحرمني منه ف ابقي متوازنه نفسيا و ما اتدمرش لو الشخص ده اختفي من حياتي او حصل بيننا مشاكل و عجز في الشعور ده في فترة لان المشاكل بين الزوجين واردة جدا و طبيعية والله ف متستنيش منه انه يبقي طول الوقت فرفوش و بيدلعك لا هيبقي ايام عليكي و ايام عليه و لازم تستحملو بعض عشان المركب تمشي ... بس في نفس الوقت صحتي النفسية أولوية و لازم ما ابقاش محتاجة لحد في مشاعري عشان ما اتذلش و متكسرش و ما انتكسش لو حصلت اي مشاكل ابقي متوازنه علي طول و سعيدة طول عمري مهما الاشخاص اللي حواليا اتغيرو

اشتري رضا ربنا و ثقة اهلك فيكي و رضاكي عن نفسك ... و صدقيني حياتك هتتحسن ده كل اللي هيبقالك في الدنيا لكن لو كملتي مش هيبقالك غير جلد الذات و تأنيب الضمير و كرهك لنفسك هيزيد مع الوقت .... خدي الشعور ده من نفسك متاخديهوش من مصدر غلط ... اهتمي بنفسك و حبيها و طوريها شوفيها بتكبر يوم بعد يوم والله لتفرحي ... لكن اللي انتي في ده لا تحمد عقباه....الأشكال السوشيال بتشتريك بالكلام و يستغلوكي و ممكن يهددوكي كمان و ملهمش امان والله صدقيني هيجي يوم و هيزهق و يشوف فريسة غيرك ... والله ما بكذب هتشوفي بنفسك ده مش بعيد بيكون بتفرج صحابه علي محدثاتكم... او لو باعته صور او أي حاجة و هتلاقي كلامهم عليكي باقذر الكلام والله .. و صورتك في عينيه مش هتبقي لطيفة خالص صدقيني ... هيبقي شايفك ... مش عايزة اقولها بس انتي فاهماني هيبقي شايفك وسيلة تسلية رخصية .... ابعدي عنه واقفلي الباب ده احسنلك ... لما تشتري رضا ربنا بتفرحي دنيا وآخرة... وافتكري الحديث " ويحك لا تفتحه انك ان تفتحه تلجه" ابعدي اي حاجة تربطك بالشخص ده ... اشتري نفسك اشتري سعادتك و فرحتك في الدنيا و الآخرة غذي انتي نفسك بالشعور الحلو ده كلام حلو ليكي سكين كير صلاتك دراستك شغلك مهاراتك كل يوم بتتطوري و بتتعلمي حاجة جديدة بتكبري قدام نفسك الشعور ده لا يوصف صدقيني .. اشغلي نفسك بعيد عن البني ءادم ده

اه كان في حاجاة اسمها التماس في الازهر اسالو عليها يمكن لسه موجودة

زي ما قال الأستاذ جاد بالضبط + ده غير انها ممكن تستخدم ضدك قانونيا سواء صور او محادثات حتي

سؤال بس!!! انتي من فين اخترعتي "تعليق سبها علي شئ معين"!!!!! ده مش مشروع في الدين اصلا ده اختراع من عندك ... ده مش حلف يا ماما ... مفيهوش حلال و حرام .. دي مجرد لعبة عيال ... الموضوع يبقي كبير لو نذر او حلف إنما ده هو ما يشبه الرهان او .... والله ما لاقياله اسم غير انه لعب عيال 😂😂 لا هو حلال ولا حرام اتكلي علي الله و روحي اشتري الحاجة يا بنتي الموضوع بيبقي كبير بس لو هو حلف او نذر متعقديش الامور

freelance & personal brand ابني نفسك وأنت بتشتغل مع شركة متحاولش تعتمد علي الوظيفة لوحدها لان مرتبها هيفضل بنفس الشكل طول العمر .. ابني مشروعك الخاص

اول حاجة حابة افكرك ان دي بنتك يعمي متفكر في مرة انك تأذيها ابدا اولا لان ملهاش ذنب ثانيا لان ده حرام اصلا و مش عايزة اكمل الباقي .... ثانيا متتخذش قرار وانت متعصب اقعد واهدي ... و هو مراهق وارد منه جدا تحصل الحاجات دي يمكن الحاجات دي كانت بتحصل ايام آبائنا وأمهاتنا واجدادنا بس مكناش بنسمع عنها لان البنت لو حكت حاجة وقتها بتت.قت.ل بس احمد ربنا ان بنتك واثقة فيك و شايفة فيك الأمان و رضيت تقولك ... ف ده اكيد كان بيحصل زمان بس مش بنسمع عنه يعني مش حاجة جديدة ف ما تتفاجأش وارجوك ارجوك لا تتتبع اللي بتقوله العادات و التقاليد في الموضوع ده ارجوك لا لان ده مبدأ ابولهب وابوجهل شوف الدين بيقول اي في كده وافصل بينهم ... متاذيش حد متق.تلش حد لان ده كله حرام و مش صح الصح انك تهدى و بعد ما تهدى تفكر في الحل السليم من الدين ... حاول متخليش حياة البنت تتاثر بالموضوع ده خلي حياتها تمشي طبيعي كان ده محصلش ... اخوك يمكن دي ذلة منه خصوصا في السن ده يمكن بيشوف حاجات مش كويسة ... هيجيله وقت و يندم و ندمه أسوأ عقاب ساعتها ... متحاولش تنشر الموضوع فب العيلة عشان متحصلش مشاكل كبيرة و صدمات نفسية ... اتصرف مع اخوك لوحدكم .. محدش تاني له ذنب في الموضوع ده

خلاص خليهم كلهم عندك لحد ما الصغيرة تكبر واطلقيهم دفعة واحدة ... وامنعي عن امهم الدخول في اي موسم تزاوج الفترة دي 😂... مش عايزين نرجع لنفس الحلقة

السلام عليكم... استأذني الأستاذ اللي بتاخدي عنده في ده ... ولو معاكي ال pdf و دافعة ثمن الكتاب طبعا مفيش مشكلة تطبعيه خالص طالما هتحافظي عليها و مش هتسربيه و حتي بعد ما تخلصي مش هتديه لحد لان ده تسريب ... و رينا يعين

بصي انا مش خبرة بصراحة اوي ... بس جربي تكشفي عند دكتور أورام واوصفيله حالتك .. متخافيش انا مش بشخص و بقول انتي عندك كذا لكن اتطمني ... و هو بصراحة أقرب ما يكون لمرض نفسي عشان الاعراض دي ... بس أمانة متاخديش مسكنات كتير اوعي عشان كليتك بالله عليكي بدل المشكلة هتبقي اتنين ... اخرك في المسكناك ديكلاك و عند الضرورة بسسسس

شوف دكتور يا استاذ علي نص البلد محتاجة دكاترة بس يخافو يتقال عليهم مجانين ...

نفسك تساعديه؟😂😂😂 ساعدي نفسك واهربي يا عسل اهربييييييي انا بقولك ولا هتفضلي في سجن النرجسية طول حياتك ٤٠ او ٥٠ سنة مش بتكلم في رقم قليل ... ع رأي المثل لما حد يبقي عنده مشاكل بندعيله مش بنرتبط بيه!! اكسبي ثواب في حد يستاهل ... و نفسك اولا طبعا دايما شوفي مصلحتك فين واجري وراها ... والا لن تنجي في هذه الحياة

دكتور نفسي ... كلنا مؤخرا بقينا بنعاني من الحالة دي ... محدش عارف حل ربنا يسهل

اضطراب ثنائي القطب يناديكي 😂...مش عايزة اشخص وانا قاعدة بس حالة عامة اصلا في البنات ده غالبا هرموناتك طافحة و ده العادي بتاعنا يعني متقلتقيش لو حاسة ان الموضوع اكبر من كده يبقي روحي لدكتور نفسي عشان يشوف عندك اي ... و جربي تخسي و تاكلي اكل صحي ولو حالتك المزاجية بقت احسن يبقي ده هرمونات وش .. لو لا يبقي تروحي لدكتور .. و صلي يا عسل و اذكري ربك كتير ساعات شيطان

كان المفروض تكمل لحد باب بيتها لان ساعتها كان ممكن تديك فرصة لكن موقف زي ده مربك لأي انسانة دي حتي هتحاول تصرفك عشان حتي كلام الناس عليها في الشارع ... و ساعتها لو الموضوع خير ربنا هيسهل بس تستخير و تصلي و تتقي الله فيها ولو هي مناسبة ليك الموضوع هيمشي ان شاء الله

بدل يا عم دي مفيهاش كلام حياتكم سهلة والله بس اختار لون يليق ع بشرتك

لا ده عادي مش بدري ع الحاجة دي لو مستعد ماديا اتجوز ولو مش مستعد اشغل نفسك بأنك تبقي مستعد عشان توفي البني ءادمة اللي هتتجوزها حقها

استشير محامي في الموضوع ده هيساعدك

بصراحة هو سوء تفاهم واضح جدا ... حطي نفسك مكانها هتعملي نفس الحاجة غالبا و هي متعرفش افتكرتها وقاحة وانك عملتيلها بلوك بدون سبب ... ف سامحيها... ولو حابة اطلبي منها تنزل ستوري تاني تعتذر فيها و قوليلها انك عرفتي .. عشان صورتك قدام الدفعة .. و كبري دماغك هي ٥٠ ٦٠ سنة و كلنا هنموت

بصي حابة اقول حاجة لاحظتها في مجتمعنا وحشة اوي و هي ان احنا بنربط العادات و التقاليد و الاعراف بالحلال و الحرام و ع اساس ذالك بنحرم حاجات حلال كتيييير اوي و العكس صحيح .. ف ياريت نفصل ديننا عن عاداتنا و أعراف أهلنا و الأمثال الشعبية .. و طبعا ينفع يا باشا اسمك وانتي حرة فيه .. بس عندي فضول بصراحة انا حتي لو مش عاجبني اسمي مش هقدر اغيره حاسة هيجيني انفصام في الشخصية 😂

مش عارفة اقولك اي بصراحة بس حياة الحيوانات مختلفة عن حياتنا احنا البشر .. لما بيوصلو لسن معين بيعتمدو ع نفسهم و بيسيبو امهم وامهم بتسيبهم و بتبدأ موسم تزاوج جديد ... ف هما غالبا كبرو و رايحين يبدؤو حياتهم و دي فطرتهم اللي ربنا خلقهم بيها ... بالنسبة بقي للنونو دي لازم من وجود الام عشان تقدر تعيش ممكن تسيبي التانين يطلعو و تخلي الام معاكي في الشقة لحد ما النونو تكبر .... عشان ما تتاذيش.. بس هي غالبا لة الام خرجت وراهم مسيرها هترجع مستحيل تسيب النونو و تروح حتي لو سابته شوية هترجع تاني صدقيني

متطلعيهمش

السلام عليكم...الموضوع ده ديني اكثر من ما هو أخلاقي مينفعش نحله و نحدد الصح و الغلط بأن احنا شايفين اي الأحسن...ف اقترح انك تروح تستشير ناس في مشيخة الازهر ده أفضل بكثير ... لكن بصراحة مش شايفة حرمانية في ده لأنك مقلتش بعد وفاتي فلان هياخد كذا و فلان هياخد كذا و فلان هياخد كذا ... لا انت اهديت مبلغ في حياتك و ده كامل حلالك و ليك حرية التصرف فيه و دول أولادك وانت بتصرف عليهم ... الحرام لو انت وزعت الإرث قبل ما تموت ووصيت بأكثر من الثلث لحد بعد وفاتك ...لكن ده عادي .. ده زي هدية انت اهديتها لابنك و من كامل العدل كمان انك زي ما اديت الباقي تديه بس اسأل ناس متخصصة في الميراث و والله اعلم ... متاخدش بكلامي اوي

معرفش صراحة بس صورها لشات جي بي تي واسأله هيساعدك

مترديش عليهم لما يحاولو يدخلوكي في مشاكلهم خليكي باردة خليكي صنم ... و لو ع المشاكل و الدوشة مع الوقت هتتعودي بس اهم حاجة متدخليش و ده ابتلاء و له عاقبة حسنة ان شاء الله تفائلي بالتوفيق.. و متخليش مشاكلهم تأثر علي نفسيتك اعملي حاجات في يومك تسعدك و تبسطك عشان صحتك النفسية لان محدش هيتحمل نتائج سوء الأداء غيرك حتي لو ملكيش ذنب

اتعلم soft skills اشتغل نفسك بالتعلم و بكورسات و لا تكتفي بالجامعة ... واشغل نفسك بجاحة تنفعك و تسعدك و تشوف نفسك معاها احسن افضل من انك تشغل نفسك لحاجة تضرك و تزعلك و تقلل من قيمتك قدام نفسك .. السن ده عموما سن التعلم و البناء و ياحبذا لو في وظيفة part time جمب الشغل أو freelance صلاتك صلاتك صلاتك متنساناش من دعواتك أنوي الخير في كل حاجة بتعملها

اول ما تجيلك النوبة اضحكي ...

اتخطي يا بطل كل حاجة بتعدي ... برهم و ملكش دعوة انت ملكش ذنب .. اهم حاجة المشاكل دي متاثرش علي صفاتك او تخليك انسان مش كويس او تأثر علي علاقتك بزوجتك المستقبلية .. ابعد نفسك عن مشاكلهم عشان هتتعب نفسيا .. وادعيلهم بظهر الغيب

اتعلم communication skills مستقبلها قوي و بتديك فرص اكبر ... اسرع طريق وانت طالب هو ال freelance عارف منصة خمسات؟ منصة بتبيع خدمات ارخص خدمة ب 5 دولار .. اشتغل عليها باي مهارة عندك

مش بعيد بتلاقيها شغالة في الأعمال 😂 اقراي اذكارك و خلي جوزك و بنتك يقراوها

الكلام اللي بتالفه عليكم غالبا بيجي من كلامكم معاها .. بتسمعك قولتيلها اي و بتروح تطلع بيه كلام و شائعات ابعدووووو عنها قاطعوها

اعزلي لو عايشة في بيت عيلة و عيشي في بيت لوحدك مهما كان مستوي البيت ده اي ... ولو هي بتيجي لبيتكم متقعديش معاها و متكلميهاش و متديهاش وش ولا تعبريها مع الوقت هتلاقيها سابتك و مشيت ... متختلطيش فيها بأي شكل عشان باين عليها ست بتاعت مشاكل ابنها عايز يشوفها يروح يشوفها او يقعد معاها بنفسه لكن انتي ولا تزوريها ولا تشوفيها عشان الست دي خرابة بيوت و ممكن تلبسك بلوة او تطلع عليكي كلام من غير سبب متستبعديش حاجة و صلي يابنتي قيام ليل و اقرأي اذكارك وادعي ربك يكفيكي شرها

شوفي انتي عايزة ده ولا لا؟؟؟ فكري عشان متقصريش في حقه مش كل حاجة تسرع و خلاص لو مش هتستحملي العيشة انسحبي ده حقك و محدش يقدر يقولك انك غلطانة بالعكس ده احترام منك ليه بأنك مش عايزة تقصري في حقه ... وانتي ادري بحياتك بس في النهاية ده قرارك ربنا يسهلك الحال و يكتبلك اللي فيه الخير

اسألي اهلك الحاليين اي الملجأ اللي جيتي منه و هناك بيبقي في أوراق مكتوب فيها لقوكي ازاي و فين و مين اللي سلمك ليهم .. يعني هتعرفي كل حاجة من الملجأ...ف ممكن تلاقي معلومات تخص اهلك و ممكن لك .. ربنا يهديلك الحال يا جميلة