أنا طالبه في خدمة اجتماعية وللاسف مجال زي ده محتاج حد عنده قدرة على التواصل مع الناس عايز شخص اجتماعي يعني بس للاسف أنا مش عارفه حتى اكون صداقات في الجامعة ولا ليا اصلا صحاب خالص لدرجة اني بكون عايزه اشارك في المحاضرة واطلع اتكلم قصاد الطلبة مش بقدر ولا بقدر أواجه اي مواقف اجتماعية ممكن اتعرض ليها بحاول أتجنب وانسحب من اي مشكلة بتعرض ليها لدرجة أني يكون عايزه اعمل حاجه جديده في حياته اروح مثلا جيم ابدا افكر في شغل اون لاين أو حتى أنزل تدريب في مراكز التخاطب مش بقدر اخد خطوة زي دي دائما بيجي في بالي اتكلم ازاي مع اللي قدامي اساله ازاي ايه الجمل اللي مناسبة في موقف زي ده عشان أنا دائما شغله بالي اللي قدامي شايفني ازاي راي الناس فيها وفي طريقة كلامي يعني مش عارفه ده رهاب اجتماعي والا عدم ثقة في النفس
حاولي متشغليش دماغك ب كلام الناس ولا رايهم اهم حاجه انتي خليكي دايما واثقه ف نفسك. خديها خطوه خطوه يعني مثلا انتي روحتي الكليه انهارده اتكلمي مع صاحبتك اللي جمبك حتي لو كلمتين مره ع مره هتلاقي نفسك بقيتي عادي خالص بس اهم حاجه متشغليش دماغك ب كلام حد اللي يقول يقول اعملي الحاجه اللي تحبيها واللي تيجي ف دماغك طالما متاكده ان الحاجه دي صح ربنا يوفقك ياارب 🤲🏻
تم النشر الثلاثاء، ٢٦ مايو ٢٠٢٦
هذا يبدو مزيجًا من الرهاب الاجتماعي وضعف الثقة بالنفس، وهما مترابطان غالبًا. كطالبة في الخدمة الاجتماعية، هذا التحدي طبيعي في البداية، لكنه قابل للتغلب عليه بخطوات عملية. ابدئي بخطوات صغيرة يومية: في الجامعة، جربي التحية أو تعليقًا قصيرًا على زميلة بجانبك، ثم زيدي تدريجيًا. ركزي على إعداد جمل بسيطة مسبقًا للمحاضرات أو المواقف الجديدة، وتذكري أن آراء الآخرين ليست الأولوية—ركزي على هدفك في المجال. للثقة، مارسي مهارات التواصل عبر تمارين ذاتية مثل تسجيل نفسك وأنت تتحدثين عن موضوع بسيط، ثم راجعيها. في الإسلام، التوكل على الله مع السعي يعزز القوة الداخلية، فادعي بالتيسير وابدئي بخطوة واحدة. ابحثي عن أسئلة مشابهة في فدني لمزيد من الإجابات، وإذا احتجتِ دعمًا متخصصًا، زوري صفحة الخبراء: https://www.fedni.net/experts . أنتِ قادرة على التقدم، خطوة بخطوة!
تم النشر الاثنين، ٢٥ مايو ٢٠٢٦
طيب فكرة الإنسحاب، أفتكري حاجة واحدة بس الأيام هتعدي والسنين وأنتِ ساجنة نفسك في حاجة محدش شايفها غيرك كملي أي حاجة بتبدأي فيها عشان هتلاقي نتيجة مبهرة وبعدين هتشكري نفسك إنك كملتي وكنتِ قوية، صدقيني الناس مش مركزة معاكِ ولا في قوة شخصيتك الناس بتنسى بس أنتِ بتكوني فاكرة ودا محبط عدي عادي اتعلمي من المواقف وبعدين عديها، أتكلمي وكوني صحبة واكسري الحاجز مش لأزم كلامك يكون مرتب المهم في تفاعل مرة على مرة بجد هتحسي إنك كنتِ موهومة والموضوع سهل جدًا
تم النشر الاثنين، ٢٥ مايو ٢٠٢٦
السلام عليكم، أول داليل إنك متحدثة كتابة السؤال، أنتِ أهو بتتكلمي وعرفتي تحكي مشكلتك بطريقة جميلة ليه الخوف بقى؟ أولًا الناس مش هتأخد بالها من السؤال ومن طريقة السؤال والشخصية دي قوية ولا لا، رأي الناس وكلامهم مش مهم عارفة ليه أنتِ ممكن مثلًا تحسي إنك ضعيفة أو لو أتكلمتي كان كلامك مش مرتب، في حين إن الناس أصلًا نسيت الموقف بس أنتِ فاكرة ومتأثرة أي حاجة بتحصل في حياتك من مواقف أتعملي منها وأنسيها عشان محدش فاكرها غيرك ودي الحاجة الـ فعلًا هتخليكِ تكملي وشخصيتك تكون أقوى متركزيش في جزئية قوة الشخصية
تم النشر الاثنين، ٢٥ مايو ٢٠٢٦
انا نفس الكليه ونفس المشكله الله المستعان
تم النشر الاثنين، ٢٥ مايو ٢٠٢٦
دايما ماشي بمبدأ ورط نفسك. مش مهم النتيجه بقا فانا كنت عرضه لانعدام ثقتي في نفسي من وانا صغير وخصوصا ان الوالد توفى فاني اكون مع شخص ياخدني معاه في مجالس الرجال واخد خبره اجتماعيه مكنتش موجوده فده ادى الي قله ثقه في النفس وعدم القدره على التواصل مع الناس فا لجأت لمبدأ ورط نفسك في نقاشات (حتي لو سخيفه) او اجاوب وسط عدد كبير من الطلبه (حتي لو مش متأكد ١٠٠%) مع العلم كمت في البدايه من جوا مرعوب بس بحاول اظهر اني عادي ولاكن مع الوقت كل ده مش بقول "قل" بل "اتمحى".... وخليكي فاكره دايما ان محدش هيفكر انتي كنتي عامله ازاي وحتي الناس الي هتفكرررر الي عددم اقل مليون مره مما تتخيلي فهيفتكرك لكام ثانيه مثلا؟🤔 بالكتير ٣٠ث اذا كملو فمش محتاجه تاخدي الموضوع انو مصيبه بل خذيها انك مع كل موقف وغلطه بتتعلمي
تم النشر الاثنين، ٢٥ مايو ٢٠٢٦
لعرض السؤال في فدني اضغط هنا