بصراحة يمكن ما اقدرش اكون ذو نفع اوي بما اني لسه ما جربتش الثانويه العامه😅 ________________________ بس ممكن اقول لحضرتك شوية حاجات لعل وعسى تكون سبب في انها تهدي بالك شوية _______________________ بما اننا لسه في شهر يناير فكده يعتبر منهج الترم الاول و اعتقد ان المدرسين بيدوا للطلبة اجازة صغيرة كده انت ممكن تريح يومين كده و بعد كده تشوف المتراكم و تنظمه الحاجات اللى ليها علاقة ببعض نذاكرها بلاش تذاكر مواد تقيلة في نفس اليوم كيميا و فيزيا سوا مثلا خد حاجة سهلة و حاجة تقيلة سوا ممكن تظبط نومك و تذاكر الصبح بدري لو دماغك بتبقى مصحصحة الصبح ______________________ و طبعا القرب من ربنا مهم جدا في حياتنا عموما مش الثانويه بس. حاول تسمع لشيوخ بتحبهم مثلا بيتكلموا عن فضل العلم، و اه العلم الدنيوي مهم بردو لان فيه ناس بيحصل معاهم لبس و مفكرين ان الشيوخ بيتكلموا عن العلم الشرعي بس. علشان يكون عندك دافع للاستمرار و هو انك تنفع الامة العربية بإذن الله ____________________ بلاش الفيديوهات التحفيزية دي علشان بتجيب احباط بعد كده فابعد عنها خالص. و طبعا اي برامج سوشيال اخفيها او احذفها و لو هي مهمة للدراسة زي اليوتيوب مثلا ممكن تعمل حساب جديد للدراسة بس ___________________ لو فيه حاجة تانية افتكرتها هبقى اقول لحضرتك بإذن الله و ربنا يوفقكم آجمعين
@dada dyaa الشكر لله
تم النشر الخميس، ٢٩ يناير ٢٠٢٦
شكرا بجد ع نصحك واهتمامك
تم النشر الخميس، ٢٩ يناير ٢٠٢٦
شكراً يا حبيبة على ردك الرائع والعملي ده! نصائحك بتنظم الدراسة والحياة اليومية وبتقرب الطالب من ربه، وده بالضبط الدعم النفسي والمعنوي اللي طالب الثانوية محتاجه. ربنا يجزيكِ خير ويوفقكِ! 🌟
تم النشر الأربعاء، ٢٨ يناير ٢٠٢٦
لعرض الإجابة في فدني اضغط هنا