جماعه انا جديد بس فعلا انا ضايع سوا نفسيا او معنويا او كليا حتى
طالب تالته ثانوي مراكم وعاوز نصايح وعاوز دعم نفسي و عاوز افكار تخليني احس بتغير شخصيه وعاوز ابعد عن كل حاجه
السلام عليكم و رحمة اللّٰه و بركاته هقولك من تجربتي الشخصية لإن أنا كمان تالته ثانوي علمي رياضة من أحد الحاجات اللي خلتني أعرف أفكر و أوصل لحلول هي إن أبطل ابص للي حواليا ، "مش مجبرة أجري مع اللي بيجري" مش هقولك إن انا خلصت المتراكم بس انا لسه بحاول و نجحت ف إن اخلصه ف بعض المواد و أمشي مع المدرسين الحمد لله ،، محتاج تحدد إيه مشكلتك بشكل أعمق ، تحدد المتراكم من حيث المحاضرات و الأجزاء اللي واقع فيها و كل محاضرة هتاخد وقت قد ايه ، لو أنتَ ملاحظ كل المدرسين عملو معسكرات فيديوهاتها طويلة بس أقل من المحاضرات الأساسية بيشرحوا فيها كل اللي في المنهج دي ممكن تبدأ منها و لو حابب ارشحلك معسكرات معينه لمدرسين لو أنتَ علمي ،، ابدأ قسم محاضراتك على الشهور المتبقية و أعمل جدول، غالب المدرسين مظبطين على أساس إن المنهج يخلص في شهر ٣ ، ف متحسسش نفسك إنك مش هتلحق إحنا لسه هنمتحن ف ٦ ، يعني لو أخدتلك من دلوقتي شهر تقعد على مادة واحده أو مادتين ،واحدة حفظ و واحده فهم هتخلص و بتركيز و هتبقا مُلم ب كل حاجه كمان حدد نظامك اللي بتقدر تمشي عليه .. عن نفسي بحب أركز على مادة واحده و لما بخلص المتراكم منها باخدلها يوم تتذاكر مع المادة اللي بعدها عشان مراكمش تاني فيها ، بشوف إن لما تركز على حاجه واحده مش هيخليك تحس بتشتت و لما تخلص المتراكم في مادة هتحس ب راحه لإن حِمل اتشال من عليك و ساعتها هتديلك طاقة إيجابية إنك تخلص المادة اللي بعدها.. و مش شرط ينجح النظام معاك جرب انظمة مذاكرة اكتر و ابحث اكتر و حدد اللي بترتاحله. بالنسبه للتعب النفسي ف ده بسبب إنك بتحسس نفسك ب إنك مش هتلحق و ضعت ، لو فضلت تفكر بالشكل ده يبقا مش هتكمل أصلا... ده مدخل من مداخل الشيطان عشان يخليك تيأس و تبطل تحاول برغم إن النتيجة مش عليك.. أنتَ ممكن روحك تُقبض قبل الإمتحان اصلا ف التوتر الزائد من مستقبل متعرفهوش ده هيخليك مش عارف تُنجز في يومك اللي أنتَ عايشه حالياً ، ركز في اللحظه اللي أنتَ فيها دلوقتي و أضبط بوصلتك "أنت في الدُنيا بتسعى عشان ربنا أمرك ب ده" أتقن في مذاكرتك مش عشان بس حلم أنتَ مش عارف هتعيشله ولا لاء بل عشان النبي ﷺ قال "إنَّ اللهَ تعالى يُحِبُّ إذا عمِلَ أحدُكمْ عملًا أنْ يُتقِنَهُ" الله تعالى بيحب ده ف خليك بتتقن عشان الهدف ده خلي ليك نية حسنه تؤجر عليها،، و أعمل و توكل و أحسن الظن إن ربنا هيراضيك و يعينك [وَمَن يَتَوَكَّلْ عَلَى اللَّهِ فَهُوَ حَسْبُهُ] الجزء اللي شايفه نفسي اتحسنت فيه السنة دي الحمد لله هي "تكوين الشخصية و تغييرها" اللي ساعدني بجد هو إن أحسِّن حاجات في يومي غلط، من حيث الناس اللي بسمعها ، صحابي اللي اعرفهم ، علاقاتي مع الناس بشكل عام ، بقضي وقت فراغي على ايه طبعاً و أهم حاجة هي "علاقتي بربنا" متستناش تنضبط في مذاكرة و أنتَ مش منضبط في صلاة ، نفسياً مش هتتحسن غير بالقرآن و الذِكر [ أَلَا بِذِكْرِ اللَّهِ تَطْمَئِنُّ الْقُلُوبُ ] خد خطوات بسيطة و واظب عليها و مع الوقت زِد قال النبي ﷺ [ أَحَبُّ الأعمالِ إلى اللهِ أدْومُها و إن قَلَّ] هتلاقي أنتَ نفسك بتهرب من هموم الدُنيا و تشحن طاقتك بالعبادة.. لو عايز نصيحة تبدأ بالإستغفار يومياً حتى لو ١٠ مرات هتحس ب فرق كبير اوي قال النبي ﷺ: «مَنْ لَزِمَ الِاسْتِغْفَارَ جَعَلَ اللَّهُ لَهُ مِنْ كُلِّ هَمٍّ فَرَجًا، وَمِنْ كُلِّ ضِيقٍ مَخْرَجًا، وَرَزَقَهُ مِنْ حَيْثُ لَا يَحْتَسِبُ » صفحتين وِرد ، كل ده مش هياخد من يومك ٥ دقايق من حيث الإنضباط و تحسين الشخصية و إنك تاخد خطوة جد ف أنصحك تسمع الحلقة دي من بودكاست إيه المشكلة https://youtu.be/Mhfp-_KDRbU?si=gr63IBEAQ95PtBLj من أحد أهم و أحسن خطوة تقدر تاخدها هو سماع بودكاست في وقت الفراغ سواء تسمع لأمجد سمير أو بودكاست إيه المشكلة أو وعي و غيرهم كتير ، هيساعدوك تحسن من نفسك و تشوف كل حاجه على حقيقتها.. أوعى تيأس لسه في فرصة طول م أنتَ عايش ! كلنا مراكمين زيك بس لسه بنحاول ، لسه في فرصة حاول تستغلها بدلاً من تضييع الوقت و اليأس قال النبي ﷺ: [ احْرِصْ علَى ما يَنْفَعُكَ، وَاسْتَعِنْ باللَّهِ وَلَا تَعْجِزْ] بالتوفيق في رحلتك!
تم النشر الأربعاء، ٢٨ يناير ٢٠٢٦
السلام عليكم - اللي انت فيه دا طبيعي لانك في ثانوية عامة هي اه سنه مهمة لكن مش نهاية العالم مش هيتحكم عليك بالاعدام لو لاقدر الله مجبتش المجموع اللي انت عايزه - النجاح الحقيقي في الكلية علشان هي اللي هتشتغل من بعدها - بس مش معنى كدا تتكاسل لاء تعمل اللي عليك وتبذل كل ما عندك من جهد والنتيجة والمجموع دول بتوع ربنا انت ورزقك بس تعمل اللي عليك للنهاية علشان تبقي مقصرتش قدام ربنا وقدام نفسك . اجازة نص السنة خلاص هتخلص كمان يومين وهيبدأ شرح الترم التاني ابدأ مع المدرسين الشرح الجديد وبلاش تراكم الجديد وابقى خد كل يوم ولو نص محاضرة من القديم + في معسكرات حاليا على المنصات ادخل شوف الدنيا + لو حابب أرشحلك مدرسين
تم النشر الأربعاء، ٢٨ يناير ٢٠٢٦
بصراحة يمكن ما اقدرش اكون ذو نفع اوي بما اني لسه ما جربتش الثانويه العامه😅 ________________________ بس ممكن اقول لحضرتك شوية حاجات لعل وعسى تكون سبب في انها تهدي بالك شوية _______________________ بما اننا لسه في شهر يناير فكده يعتبر منهج الترم الاول و اعتقد ان المدرسين بيدوا للطلبة اجازة صغيرة كده انت ممكن تريح يومين كده و بعد كده تشوف المتراكم و تنظمه الحاجات اللى ليها علاقة ببعض نذاكرها بلاش تذاكر مواد تقيلة في نفس اليوم كيميا و فيزيا سوا مثلا خد حاجة سهلة و حاجة تقيلة سوا ممكن تظبط نومك و تذاكر الصبح بدري لو دماغك بتبقى مصحصحة الصبح ______________________ و طبعا القرب من ربنا مهم جدا في حياتنا عموما مش الثانويه بس. حاول تسمع لشيوخ بتحبهم مثلا بيتكلموا عن فضل العلم، و اه العلم الدنيوي مهم بردو لان فيه ناس بيحصل معاهم لبس و مفكرين ان الشيوخ بيتكلموا عن العلم الشرعي بس. علشان يكون عندك دافع للاستمرار و هو انك تنفع الامة العربية بإذن الله ____________________ بلاش الفيديوهات التحفيزية دي علشان بتجيب احباط بعد كده فابعد عنها خالص. و طبعا اي برامج سوشيال اخفيها او احذفها و لو هي مهمة للدراسة زي اليوتيوب مثلا ممكن تعمل حساب جديد للدراسة بس ___________________ لو فيه حاجة تانية افتكرتها هبقى اقول لحضرتك بإذن الله و ربنا يوفقكم آجمعين
تم النشر الأربعاء، ٢٨ يناير ٢٠٢٦
مرحبا يا بطل! أنا ذكية، وأشعر بك تماماً… ثالثة ثانوي مرحلة صعبة، خاصة مع الضغط والحياة اليومية، ومش عيب إنك تحس بالضياع النفسي والمعنوي. ده طبيعي، وأنت مش لوحدك. المهم إنك خطوت الخطوة الأولى بطلب المساعدة – ده دليل قوة! دعم نفسي سريع: أنت قوي وممكن تتغير : تخيل نفسك بعد شهر، منظم ومرتاح. الضياع ده مؤقت، زي عاصفة تمر. نصائح عملية خطوة بخطوة عشان تحس بتغيير شخصيتك وتبعد عن "كل حاجة" السلبية: رتب يومك زي جدول عسكري (ابدأ النهارده): | الوقت | النشاط | | 5:30 ص | صلاة الفجر + قراءة صفحة قرآن (هدي النفس فوراً) | | 6-8 ص | دراسة مركزة (مواد البكالوريا أولوية) | | 8-9 ص | إفطار صحي + مشي 20 دقيقة في الحي (بدل السهر) | | بعد الظهر | صلاة + مراجعة دروس + وقت للهواية (كتاب أو رياضة) | | 10 مساء | نوم مبكر – قفل الجوال تماماً! ابتعد عن المشتتات : احذف تطبيقات التواصل لأسبوع (أو حدد 30 دقيقة يومياً فقط). قول "لا" للأصدقاء اللي يسحبوك للكسل أو السهر – ركز على اللي يدفعوك للأمام. مكافأة نفسك: بعد يوم ناجح، اشتري حاجة بسيطة تحبها. أفكار تخليك تحس بتغيير شخصية فوري : يوميات التحدي : كل ليلة اكتب 3 إنجازات صغيرة (مثل "درست ساعة كاملة") + هدف غداً. بعد أسبوع، هتلاحظ الفرق! تحدي 7 أيام : يوم 1: نظف غرفتك تماماً. يوم 2: صلي 5 صلوات في وقتها. يوم 3: اقرأ كتاب تطوير ذاتي قصير (زي "لا تيأس" لعائض القرني، متوفر أونلاين). دعاء يومي : "اللهم أصلح لي شأني كله" – ردده 10 مرات بعد كل صلاة. هيديك تغيير حقيقي في أسبوع إن شاء الله، خطوة صغيرة كل يوم. لو عايز دعم أكتر، ابحث في فدني عن "ضغط الثالثة ثانوي" أو روح لصفحة الخبراء https://www.fedni.net/experts – فيه مدربين نفسيين مغاربة زيك. أنت قادر، ابدأ دلوقتي وقلي بعد أسبوع إيه اللي تغير! 💪❤️
تم النشر الأربعاء، ٢٨ يناير ٢٠٢٦
اعمل جدول ، تذاكر جزء من القديم اللي انت مراكمه ، وجزء من الجديد ، عشان تلحق تلم ، بلاش سوشيال ، حاول تقفل أو تمسح الابلكيشنات اللي مش مهمه ، أو الجروبات ، شوف اللي بتضيع وقت عموماً وابعد عنه
تم النشر الأربعاء، ٢٨ يناير ٢٠٢٦
تسلمي يارب .إن شاء الله يوفقنا جميعا ..اللهم امين
تم النشر الخميس، ٢٩ يناير ٢٠٢٦
اول حاجه لازم تقول لنفسك أن ده طبيعي و أنك مش لوحدك اللي عندك المشكله ده (انك تحس انك مش لوحدك اللي عندك مشكلة معينه ده بيخليك نفسيًا متطمن) طيب تاني حاجه ابدأ اعمل جدول و نظم انيا مش هقولك جدول محدد علشان كل واحد بيذاكر بطريقته اللي تنفع معاه تالت حاجه متخفش و توكل علي ربنا و ربنا مش هيضيعك طول ما شايفك بتحاوب رابع حاجه اعمل مكافأة لنفسك يعني قول مثلا لما اخلص الحاجه ده هخرج خروجه كان نفسي فيها المكافأة بجد مهمه اوي اوي خامس حاجه و اهم حاجه قرب من ربنا جامد اوي مش بس علشان المذاكرة بس علشان هو أقرب حد ليك و بيحبك اكتر ما انت بتحب نفسك و قرب من باباك و مامتك و قولهم يدعولك . ربنا يوفقك كده كده بفضل الله ربنا هيجبر بخاطرك و مش هيسيبك ابدا و هيرزقك بالكلية الخير ليك ❤️
تم النشر الأربعاء، ٢٨ يناير ٢٠٢٦
شكرا جدا لحضرتك ... بإذن الله ..جزاكي الله خيرا
تم النشر الثلاثاء، ٣ فبراير ٢٠٢٦
بص تالته ثانوي سنة مهمة لكن مش نهاية الكون مش معنى كده متزاكرش لا ذاكر واجتهد بس مش على حساب صحتك النفسية. هيفيدك بايه المجموع العالي وانت طالع منها منهك نفسيا. متقولش انا مراكم مش هلحق مخنا بيصدق اي حلجة تتقاله لا قول انا مراكم اه بس بتوفيق ربنا هلحق و ان شاء الله ربنا هيعيني. في جملة حلوة بتقول ليس العبرة بمن سبق ولكن العبرة بمن صدق. فأنت فأنت خلي نيتك في المذاكرة لله وانك نفسك تفرح نفسك وتفرح اهلك وده من بر الوالدين علفكرة مجموعك. واجتهد وهات اخرك في المذاكرة خلاص باقي اقل من ٦ شهور والسنة هتخلص. حط جدول. اصحى بدري. رتب أولوياتك. سيب التليفون. خلي عندك ورد قرآن قبل المذاكرة. قول الأذكار عشان فيها بركة للوقت. وذاكر وانت عندك يقين بالله انه مش هيضيعك ولا هيضيع تعبك. وربنا يوفقك هانت اهي بلاش تضيع نفسك في الاخر كلها كام شهر وتكون فخور لنفسك. معلش لو طولت وربنا يوفقك
تم النشر الاثنين، ٢ فبراير ٢٠٢٦
لعرض السؤال في فدني اضغط هنا