سلام عليكم ورحمة الله وبركاته
انا مدمن على ذنب معين ومش عارف أبطله ايه حل كل ما اتوب ارجع حاسس ان مفيش فايده حل بتوبه ماشي انا بتوب وأحياناً بقعد فترات كبيره جدا من غير ذنب بس برجعله بردوا موضوع بقا مأثر عليا قوي وكرهت نفسي وحياتي وكل يوم بيضرني نفسياً وجسدياً
اهم حاجه مهما حصل متبعدش عن ربنا
تم النشر الاثنين، ١٧ نوفمبر ٢٠٢٥
هو الانسان ايه إلا يغلط ويتوب ويفضل يغلط ويفضل يتوب ربنا يمن عليك بالتوبة منه ، بس اوعى تيأس من روح الله كل مرة زود المدة اللي حافظت فيها على نفسك ،يعني غلطت بعد شهر المرة الجاية بعد 40 يوم وهكذا
تم النشر الاثنين، ١٧ نوفمبر ٢٠٢٥
ولو مرتبط بالموبايل امسح كل حاجة مرتبطة بالذنب دا او ترجعك ليه
تم النشر الاثنين، ١٧ نوفمبر ٢٠٢٥
معنى انك بتبعد عن الذنب فترة كبيرة وفي الاخر بترجع ممكن يكون الذنب دا مرتبط بمكان او حاجة فلما بتشوفها او بتروح المكان دا بترجع تاني لورا -حاول تشغل نفسك دايما وتشغل تفكيرك وحاول تكون في مكان في ناس سواء مع اهلك أو صحابك علشان حتى لو فكرت متنفذش الذنب ونام بالليل بلاش سهر علشان متبقاش لوحدك والشيطان يلعب في دماغك.
تم النشر الاثنين، ١٧ نوفمبر ٢٠٢٥
لعرض السؤال في فدني اضغط هنا