سلام عليكم،
حاليا أنا مخطوبة وخطيبي ممتاز على جميع الأصعدة حقيقي و بحبه جدا ولكنه قليل الخبرة ومهزوز الثقة و بيستند لصاحبه أنه يوجهه يتصرف معايا ازاي وصاحبه ده بجد لا يؤتمن على اي شئ وانسان لعبي وعكس طبيعة خطيبي نهائي واصلا مش بيساعده والله م بيساعده هو مجرد بيحشر نفسه بينا وعايز يعرف كل حاجة بالعافية.
وبلاقيه عارف كل حاجة عني بشكل بشع، أسراري وحياتي الخاصة وأشياء استأمنت خطيبي فقط عليها و يعرف بحب ايه وبكره ايه و أفكاري إلخ كل حاجة بجد عارفها وساعات لما بنخرج بيجي معانا بالعافية حتى رقمي معاه وحساباتي وساعات يكلمني واكتشف أن خطيبي معندهوش علم بالمحادثة دي الا لما أنا أبلغه،
حتى لو اتصورت أنا وخطيبي أو وريت خطيبي صور ليا وانا صغيرة مثلا او صور عامة الاقي صاحبه شايفها برضو، نبهت على خطيبي كتير جدا أن ده شئ لا احتمله ومش موافقة عليه بتاتاً وقولتله أنه مش محتاج صاحبه ده وهو مش بيفيده في أي شئ معايا وان ميصحش ابدا ولا من الرجولة أن خطيبته تبقي كتاب مفتوح بالشكل ده لراجل غريب!
حتى صاحبه نفسه أنا عنفته بالكلام بشكل مباشر و بلغته اني متضايقة من الوضع ده وانه يسيبنا في حالنا و يبطل يتدخل في حياتي بالشكل البشع ده ولكنه مبيبطلش تدخلات و خطيبي مش قادر يبعده عنه نهائي و بيقول أنه صديقه من الطفولة وبيوهمني أنه عادي وتمام وأنه مسيطر على الأمور واني بس مكبرة الدنيا؟
هل أنا فعلا مكبرة الدنيا لمجرد اني بطلب خصوصيتي؟؟؟؟
صاحبه ده مرتبط بواحدة ووالله خطيبي لا يعرف عنها أي شئ غير اسمها طبعا صاحبه لا قايل ولا فاضح أموره زيه. ولما بعاتب خطيبي بالكلام ده وبقوله لو اللي انت بتعمله صح كان زمان صاحبك هو كمان عرفك على صاحبته وقعدك معاها تعرفك أسرارها إلخ يقولي هو حر وأنا مبخافش منه احنا متربين سوا وهو عمره ما هيفكر في حاجة سيئة ناحيتك.
أنا بجد متضايقة جدا ومش عارفة اعمل ايه، بحبه اوي بس مش قادرة اثق فيه و بقيت بخاف اقع بلساني بحاجة الاقي صاحبه عارفها ف ثانيتها وبيجيلي هاجس اني لما اتجوز الأمور هتسوء اكتر وهيبقي بيتي كله بين ايدين صاحبه.
هل أنا مكبرة الأمور فعلا؟ أنا فكرت اخيره بيني وبين صاحبه كحل أخير احاول بيه الجم الأمور ولكني مش عايزاه حزين أو مجبور على شئ بس اعمل ايه؟
السلام عليكم ورحمة الله وبركاته، أشك في أمر خطيبك لم أر رجل في حياتي فعل هذا ، لكن على كل حال ابحثي في أمر خطيبك هذا يبدو ان هناك شيء يخفى عليكِ وان استمر في هذا لا انصح ابدا بهذا الشخص لا يغار على خطيبته ويخبر صديقه بأسرارك الشخصيه هذا كيف يؤتمن على عرض امرأه ، لا يوجد رجل في هذا العالم يفعل هذا ابدا ابدا ، ارجو النظر في هذا الأمر ولا تتقدمي في هذه الخطبه حتي الانتهاء من هذا الأمر ، إلا ان يرجع ويتوب عن هذا ويهتدي للصواب او اتركيه وحافظي على عرضك لأنه لا يفعل هذا إلا ديوث شديد الدياثه وانصحك بالهروب من هذه العلاقه لانني لا اعتقد ان له شفاء.
تم النشر الجمعة، ١٩ ديسمبر ٢٠٢٥
لا انتي مش مكبرة الموضوع خالص بجد ده مش اخلاق راجل بيغير على أهل بيته ده معندوش نخوة و لا شخصية، والنوعية دي لو كملتي معاها هتتعبي جدا وهيطلع عقده عليكي في الاخر. بعيدا عن كل ده ازاي اصلا واحد يقبل ان راجل غريب يدخل بينه وبين خطبيته ويحكيله على أسرارها ده غير مؤتمن يعني عيوب الدنيا فيه ولسه بتسألي على العموم صلى استخاره وتوكلي على الله وقوليله ان الوضع ده مش ينفع بكمل ابدأ ولو انت عايز صاحبك في حياتنا فانا مش موجوده وبس
تم النشر السبت، ٢٠ ديسمبر ٢٠٢٥
خطيبك على خطأ كبير جدا لا مقدر موقفك ولا مقدر ان دي مش مرجله انا آسف اني بقول كدا لكن انتي الي مكمله معاه مش صحبو دا غير ان من الضروري ان يقرأ شخصيتك بنفسو و يحلل و يعرف يتعامل ازاي مع المواقف بطريقة استراتيجية حاولي توضحي ان دا من حقك و لو تقدري تتعاملي ببرود لفتره قصيرة دا يوضح انك فعلا واخده موقف
تم النشر السبت، ٢٠ ديسمبر ٢٠٢٥
لعرض السؤال في فدني اضغط هنا