بصي يا بنت الحلال اللي انتي فيه ده مش ضعف ولا دلع خالص ده شويه ضغط نفسي فوق طاقتك ولازم تعرفي إن صحتك النفسية أهم من أي مجموع ومفيش حاجة في الدنيا تستاهل إنك توصلي للمرحلة دي من الخنقة والتعب انتي بس عايزه وقفة صريحة مع نفسك ومع أهلك حاولي تتكلمي مع مامتك تاني بهدوء وفهميها إن التعب ده مأثر على مذاكرتك وحياتك وإنك محتاجة مساعدة فعلاً عشان ترجعي أحسن من الأول ولو هي لسه مش مقتنعة حاولي تشوفي حد كبير في العيلة بتثقي فيه يوصل وجهة نظرك ليهم بلاش تضغطي على نفسك أكتر من كده في المذاكرة وأنتي في الحالة دي وخدي استراحه طويلة تهدي فيه أعصابك وصدقيني والله كل حاجة بتتحل بس ابدئي خدي خطوة إنك تطلبي المساعدة ومتقعديش لوحدك مع الأفكار دي وجد والله ربنا يحفظك ويسعدك
تمام شكراً جدا
تم النشر الأحد، ٢٩ مارس ٢٠٢٦
اه يوتيوب
تم النشر الأحد، ٢٩ مارس ٢٠٢٦
يوتيوب ؟
تم النشر الأحد، ٢٩ مارس ٢٠٢٦
الدكتور عبدالرحمن ذاكر الهاشمي وليه سلسلة جميله اسمها #ونفس 16 حلقه ولي سلاسل تاني كتير هتستفيدي جدا موفقه باذن الله
تم النشر الأحد، ٢٩ مارس ٢٠٢٦
طب ياريت لو تعرف حد كويس تبقي خدمتني بجد علشان نفسيتي تعبانه جدا الفتره دي
تم النشر الأحد، ٢٩ مارس ٢٠٢٦
بصي الصلاة والتقرب من ربنا دة اكيد بيطمن قلبك بس دة ميمنعش انك تروحي لدكتور مخ واعصاب لأن التعب النفسي زي اي تعب عضوي والمهم متكتميش في نفسك ولا تضغطي أعصابك بزيادة في المذاكرة وأنتي في الحالة دي وعايزك تعرفي إنك مش لوحدك وكلنا مرينا بفترات صعبة زيك كده وعدت بسلام والله وممكن تشوفي حد اونلاين وانا ممكن ارشحلك حد على يوتيوب هيساعدك جدا 😊
تم النشر الأحد، ٢٩ مارس ٢٠٢٦
المشكله محدش هنا بيفهمني انا فكرت اروح اكشف نفسيه بسبب اني تعبانه جدا م الموضوع دا بس ماما مش موافقه خالص بس بحاول انتظم ع الصلاه وخير إن شاء الله وشكرا جدا ع كلامك
تم النشر الأحد، ٢٩ مارس ٢٠٢٦
لعرض الإجابة في فدني اضغط هنا