ببقى عايزه انتحر ع اي سبب وبعيط كتير و بتخنق بسرعه ومش عندي طاقه اذاكر وانا تالته ثانوي وكدا مش عارفه اعمل ايه بجد و جت عليا فتره كنت عايزه اكشف نفسيا وكده بس ماما بتقولي انتي لسه صغيره
بصي انا كنت زيك كده بس انا أصغر منك يعني وكانت الدروس متراكمة علي وكان كل اما ييجي الليل أو افتح الكتاب كنت بتخنق وخايفة اني مجبش مجموع معين وخايفة من راي الناس ولكن الحمد لله ربنا سترها احنا بنكون فاكرين ان الناس مركزين معانا ولكن الحقيقة محدش مهتم اصلا ولا حد شاغل باله بيكي واللي انت فيه ده طبيعي جدا ومتحسسيس نفسك ان ده مشكلة لانك في ٣ ثانوي وسنة مهمة يعني فطبيعي تكوني قلقانة وخايفة لمتلحقيش تلمي اللي وراكي او ان الناس هيبصولك نظرة مش كويسة فمتحطوش في بالك انك تعبانة نفسيا وبقولك تاني كل اللي انت فيه ده طبيعي وخدي الموضوع على انه عادي ومتفكريش فيه كتير وجربي قبل ما تذاكري تمارسي التأمل وتكتبي في ورقة كل اللي في دماغك كل مشاعرك هترتاحي وذاكري على طول من غير تفكير كتير
تم النشر الأحد، ٢٩ مارس ٢٠٢٦
بصي يا حبيبتي انا مش مختصه نفسيه او عندي خبرة كافيه بس حابه اقولك ان ده بلاء واختبار من ربنا ، ربنا عايز يشوف قوة تحملك وقوة إيمانك ، اهم حاجه حاولي تقربي من ربنا واستغفري وادعي كتير اوي ممكن تجيبي كراسه مثلا او اي حاجه تكتبي فيها كل الافكار اللي بتجيلك وطلعي كل الطاقه السلبيه فيها ولو مش عايزة حد يقرأها احرقيها بعد ما تخلصي كتابه وبالنسبه ان مامتك مش راضيه تخليكي تروحي لحد تكشفي عنده ، حاولي اقنعيها مثلا وقوليلها ده مرض عادي زي اي مرض وحاولي احكيلها اللي جواكي يمكن تقتنع توديكي لحد اختصاصي ، ولو مقتنعتش ممكن تكلمي حد هنا او اي حد اونلاين يكون اختصاص نفسي وتحكيله كل اللي جواكي انتي محتاجه تتكلمي مع حد وطبعا اكيد تتكلمي مع ربنا تقفي مثلا في الشباك وتبصي للسماء وتفضفضي لربنا وتشكيله وتدعيله صدقيني هترتاحي اوي حاولي برضوا اشغلي وقتك بحاجات بتحبيها مش لازم تضغطي نفسك في المذاكرة بس ، انا عارفه ان الثانويه العامه صعبه وممكن ده كله بس ضغط منها وهيروح ربنا يسعدك ويفك عنك يارب ويعفو عنك ❤️
تم النشر الأحد، ٢٩ مارس ٢٠٢٦
يا حبيبتي، أول حاجة أقولك إنك مش لوحدك في اللي بتحسي بيه، وده شعور كتير بنات في سنك بيمرن بيه بسبب ضغط الثانوية العامة اللي زي الجبل عليكي، بالإضافة لتغيرات الهرمونات والقلق اللي بيجي معاها، ممكن يكون اكتئاب خفيف أو توتر متراكم. الرغبة في الانتحار دي إشارة إن جسمك وعقلك محتاجين مساعدة فورية، بس الحمد لله إنك هنا بتتكلمي، وده خطوة كبيرة! خطوات عملية دلوقتي عشان تتحسني: ابدئي بالصلاة والقرآن : صلي الفرائض بانتظام، واقري سورة الشرح يومياً، هتريح قلبك وتديكي طاقة إيمانية. روتين يومي بسيط : نامي 7-8 ساعات، كلي وجبات منتظمة زي فاكهة وبروتين (بيض أو لبن)، واشربي مية كتير. مشي 10 دقايق يومياً في البيت أو الشارع. الدراسة : متعمليش جلسات طويلة، ابدئي بـ25 دقيقة دراسة + 5 دقايق راحة (تقنية بومودورو). ركزي على مادة واحدة يومياً، وكافئي نفسك بحاجة صغيرة زي شاي بالنعناع. اكتبي اللي مضايقك : كل يوم اكتبي 3 حاجات شاكرة عليها في دفتر، هتغيري نظرتك تدريجياً. ماما بتقولي صغيرة، بس الاهتمام النفسي مش عمر، روحي شوفي الخبراء في فدني https://www.fedni.net/experts – فيه دكاترة نفسية هيساعدوكي أونلاين بسرعة وبخصوصية. ابحثي كمان في فدني عن أسئلة مشابهة زي "ضغط ثانوية عامة" هتلاقي إجابات كتير. إنتي قوية يا بنتي، والله هيعدي الفترة دي وهتنجحي إن شاء الله. لو عايزة تتكلمي أكتر، أنا هنا دايماً. خليكي بخير ❤️
تم النشر السبت، ٢٨ مارس ٢٠٢٦
بصي اهم حاجه دلوقتي ان الي تاخديه في الدرس تروحي تذاكريه على طول تمام ما تبدايش بالمتراكم لان ده يحسسك بضغط وانك مش لاحقة، ذاكري اللي انت اخذتيه النهارده وبعد ما تخلصي راجعي حاجه من المتراكم زودي الحل حل كتير حتى لو هتغلطي وقبل المذاكره اكتبي في ورقه كل اللي في دماغك وبعد كده ابداي مذاكره على طول من غير تفكير وبعد ما تخلصي مذاكره اليوم امسكي التليفون براحتك.
تم النشر الأحد، ٢٩ مارس ٢٠٢٦
هو ايه اللي لسه صغيرة ، هي الأمراض النفسية بقى ليها سن معين ، ربنا يهدي مجتمعنا ، المهم ركزي بس ع نفسك لإن ده بسبب ضغط الثانوية العامة و فكرتك عنها كونها السنة المصيرية و ده طبعاً كلام غلط ، فأنتي محملة نفسك فوق طاقتها و كوبايتك مليانة بضغط الثانوية العامة فمجرد أي نقطة زيادة من اي. موقف بتنفجري ، و ده طبيعي علشان مافيش عندك مساحة نفسية تستوعب اي قشة زيادة ، ما تديش الثانويه العامه حجم اكبر من حجمها ، و ما تحمليش مستقبلك الدائم و حياتك على شئ مؤقت ، و بالتوفيق 😊
تم النشر الأحد، ٢٩ مارس ٢٠٢٦
بصي يا بنت الحلال اللي انتي فيه ده مش ضعف ولا دلع خالص ده شويه ضغط نفسي فوق طاقتك ولازم تعرفي إن صحتك النفسية أهم من أي مجموع ومفيش حاجة في الدنيا تستاهل إنك توصلي للمرحلة دي من الخنقة والتعب انتي بس عايزه وقفة صريحة مع نفسك ومع أهلك حاولي تتكلمي مع مامتك تاني بهدوء وفهميها إن التعب ده مأثر على مذاكرتك وحياتك وإنك محتاجة مساعدة فعلاً عشان ترجعي أحسن من الأول ولو هي لسه مش مقتنعة حاولي تشوفي حد كبير في العيلة بتثقي فيه يوصل وجهة نظرك ليهم بلاش تضغطي على نفسك أكتر من كده في المذاكرة وأنتي في الحالة دي وخدي استراحه طويلة تهدي فيه أعصابك وصدقيني والله كل حاجة بتتحل بس ابدئي خدي خطوة إنك تطلبي المساعدة ومتقعديش لوحدك مع الأفكار دي وجد والله ربنا يحفظك ويسعدك
تم النشر الأحد، ٢٩ مارس ٢٠٢٦
حاضر ♥️
تم النشر الأحد، ٢٩ مارس ٢٠٢٦
ارجعى لربنا وصلى وادعى وتوكلى عليه هو بأيدة كل شى
تم النشر الأحد، ٢٩ مارس ٢٠٢٦
لعرض السؤال في فدني اضغط هنا