موضوع انك ثانوي أزهري دا في حد ذاته موضوع صعب ومحتاج مجهود كبير جدا
انا يومي بيبدأ من بدري جدا وبنزل دروس من الساعة 7 الصبح وبخلص حوالي 4 العصر غير وقت المواصلات والرجوع والوقت اللي بيضيع في الطريق وبكون راجع مرهق جدا
وفوق الدروس دي انا صاحي من الفجر عشان احاول اخلص المحاضرات الأونلاين اللي ورايا لأن عندي مواد كتير جدا ومش عايز اسيب حاجة تتراكم
غير كمان الامتحانات والمراجعات والواجبات وكل مادة ليها كمية مذاكرة كبيرة
واللي مزود الموضوع ان الازهر عنده مواد زيادة عن التعليم العام فانت مش بتذاكر بس المواد العلمية والعربي والإنجليزي لكن عندك كمان مواد شرعية وعربية والرياضه زيادة وده بيخلي تنظيم اليوم صعب جدا
انا بحاول اعمل جدول وانظم يومي على قد ما اقدر لكن المشكلة اني مهما نظمت بحس ان في حاجة بتتراكم عليا ومش عارف هل المشكلة في طريقة تنظيم الوقت ولا ان الحمل نفسه كبير ومحتاج طريقة مختلفة في التعامل معاه
فلو في شخص مر بنفس الظروف دي ياريت يقولي عمل ايه عشان يقدر يوازن بين الدروس والمواد الأونلاين والمذاكرة والمراجعة من غير ما يفضل طول الوقت حاسس انه متأخر ومراكم
انا مش بدور على كلام تحفيزي قد ما انا محتاج طريقة عملية اقدر امشي عليها فعلا وسط ضغط الثانوية الأزهرية
أخي، الضغط اللي بتواجهه في الثانوية الأزهرية طبيعي جداً بسبب كم المواد الشرعية والعربية الإضافية، وده بيخلي اليوم يحتاج تنظيم دقيق أكثر من مجرد جدول عادي. المشكلة مش فيك، لكن في طريقة التعامل مع الحمل اليومي الثقيل، فالحل العملي يبدأ بتقسيم اليوم إلى كتل زمنية ثابتة بدل ما تحاول تغطي كل شيء مرة واحدة. ابدأ بإعداد قائمة أسبوعية كل يوم جمعة مساءً، اكتب فيها كل المحاضرات الأونلاين والواجبات والمراجعات المطلوبة للأسبوع كله، ثم قسمها حسب الأولوية: المواد الشرعية والعربية أولاً لأنها تحتاج تركيزاً عالياً، وبعدها العلمية. خصص الفترة من بعد الفجر مباشرة للمحاضرات الأونلاين فقط، وحدد لكل محاضرة وقتاً محدداً لا يتجاوز ساعة ونصف حتى لا تتراكم، ثم خذ استراحة قصيرة قبل الخروج للدروس. بعد الرجوع من الدروس حوالي الساعة الرابعة، خصص أول ساعتين لمراجعة ما أخذته في الدروس اليومية فقط، بدون إضافة مواد جديدة، ثم انتقل إلى المذاكرة المنتظمة للمواد المتراكمة بطريقة "الدورة اليومية": اختر مادتين فقط كل يوم، واحدة شرعية وواحدة علمية، وخصص لكل منهما 90 دقيقة مقسمة إلى جلسات قصيرة. في نهاية كل يوم، اكتب ما أنجزته وما تبقى، وعدل الجدول لليوم التالي بناءً على ذلك بدل ما تبدأ من الصفر. هذه الطريقة تساعدك على تقليل الشعور بالتراكم لأنها تعتمد على الإنجاز اليومي المحدود بدلاً من محاولة إنهاء كل شيء. جرب تطبيقها لأسبوعين ولاحظ الفرق، ويمكنك البحث عن أسئلة مشابهة على فدني لتستفيد من تجارب طلاب آخرين في نفس الظروف.
تم النشر الأربعاء، ٢٦ أغسطس ٢٠٢٦
بص يا صاحبي مشكلتك مش في المذاكرة مشكلتك إنك حاطط نفسك في مطحنة الدروس والمواصلات وطبيعي جسمك وعقلك يقعوا منك، أول حاجة لازم تراجع جدواك وتسيب أي درس تقدر تستبدله بأونلاين أو تذاكره لوحدك عشان توفر وقت الطريق والمجهود تاني حاجة استغل وقت المواصلات والمشاوير دي في حاجات خفيفة زي سماع أو مراجعة المواد الشرعية والعربية السهلة، تالث حاجة بلاش فكرة إنك تلم كل حاجة في يوم واحد قسم المواد وحط أولويات وركز على المهم والمواد التقيلة الأول،رابع حاجه يومك عربي شرعي علمي يعني ادي كل حاجه حقها لأن درجه في التوحيد زي درجه في الكيمياء يعني اهتم بالمواد الشرعيه والعربيه زي اي مادة ,وأهم حاجة خد وقت كافي من النوم لأن السهر والتعب هيخلوك تقعد قدام الكتاب ساعات على الفاضي من غير ما تستوعب حاجة.. وبالتوفيق
تم النشر الخميس، ٢٧ أغسطس ٢٠٢٦
لي متاخدش كله اونلاين وتوفر وقت إضافي، منكم علي الأقل سعتها تقدر تتحكم في الأمور شوية + إن هتزل محاضرة وحده كل أسبوع بس
تم النشر الخميس، ٢٧ أغسطس ٢٠٢٦
لعرض السؤال في فدني اضغط هنا