السلام عليكم، هو الحقيقة الصح الوحيد في الموضوع إنك تبعدي تماما عن الاتنين. الشخص الأول أنتِ كده كده مش طايقاه، فمكنش لازم تتكلمي معه وحتى لو مش طايقاه المفروض يكون فيه حدود في التعامل، حتى لو كلامكم كان عادي ومفيش تجاوز ولا عرف عنك حاجة شخصية او أسرار، الكلام نفسه مينفعش. بلاش تفتح باب للشيطان يجرك بعد كده لكلام أو تصرفات غلط أو يسمح لشخص معندوش ضمير ولا أخلاق إنه يستغلك. الشخص الثاني، أنا متفهمة مشاعر الإعجاب والإنجذاب خاصة لو أنت سنك صغير، بس صدقيني، الحب مش بالنظرات خالص، ولو هو شخص جاد وأعجب بك مثلا وافترضنا صدقه فالمفروض يسأل على أهلك ويدخل البيت من بابه. غير كده سواء الكلام اللي قاله الأول حقيقي أو لأ وأيا كان سبب تصرف الثاني ونظراته، فالصح إنك متظهريش إعجابك وتوقفي الموضوع قبل ما يحصل مشاكل أنتِ في غنى عنها. ***** افتكري إنك غالية فمتخليش أي واحد يستغل مشاعرك ولا يحاول يتسلى بك، اللي جاد ناحيتك هيتقدم لك في الحلال غير كده هيكون بيتسلى شوية زي ما بيعملوا مع بنات كتير. **** اقطعي خالص مع الشخص الأول والأفضل تبطلي خالص تروحي السوبرماركت ده، شوفي مكان تاني على الأقل لحد ما تتجاوزي مرحلة الإعجاب وكمان تعرفي تتعاملي بحدود مع الاتنين بعد كده. وربنا يوفقك.
العفو، ربنا يوفقك.
تم النشر الجمعة، ٣٠ يناير ٢٠٢٦
هعمل كدا حاضر أشكرك بجد من قلبي
تم النشر الخميس، ٢٩ يناير ٢٠٢٦
لعرض الإجابة في فدني اضغط هنا