سلام عليكم سعيد جدا بفكره البرنامج ويارب الاقى اللى ينصحنى . انا عمرى 32 سنه ومتزوج وحاسس ان دايما نفسى اتعلم حاجه جديده والموضوع دا تعبنى جدا كل ما اقف فى بدايه طريق اى حاجه اتعلمها سواء لغه او برمجه بلاقى نفسى مش عندى شغف انى اكمل والموضوع دا مدمرنى ودايما بجلد ذاتى خصوصا انى مش حاسس بالأمان الوظيفى وعايز اتعلم حاجه جديده عشان لو مكملتش فى وظيفتى تكون سند ليا
وعليكم السلام ورحمة الله وبركاته.. سعداء باطراء حضرتك بخصوص التطبيق .. بالنسبة لتعلم شئ جديد .. ده بيحصل لينا كلنا، بنقف في نص الطريق بحس اننا مش قادرين نكمل، بس اللي بيخلينا نكمل هو التزامنا واحساسنا بالمسؤولية اتجاه الشئ ده. في الحقيقة .. موضوع الشغف ده او الكلمة نفسها بتتقال لما احنا بنبقى مرفهين شوية .. يعني مثلا عمرنا ما هنشوف حد بيقول الكلمة ديه وهو مضغوط، يعني ولا وراه ولا قدامه حاجه، ف مفيش عنده حاجه او حل غير انه يعمل اللي ناوي عليه، لان ده الحل الوحيد اللي قدامه. اما كلمة فقدت الشغف ممكن تتقال من شخص يكون مسنود شوية، يعني بيعمل ده وف نفس الوقت هو عنده مصدر تاني، مش زي التاني اللي حاسس بضغط شديد جدا. فيه فرق كبيير اوي ما بين الاتنين. علشان كده مش بنسمع من حد مثلا وراه بطولة مهمه ولازم يكسبها مش بنسمع منه كلمة لا انا فقدت الشغف النهارده مش قادر اقوم اتمرن! انت ذات نفسك تقدر تقول الكلمة ديه على الشغل بتاعك الحالي، يعني وتقول لنفسك لا مليش مزاج اروح الاسبوع ده، خصوصا ان ملزم عليك تدخل فلوس لانك مش لوحدك برضه، انت مسؤول عن بيت واسرة واذا كان معاك اطفال .. يعني الموضوع مش سهل، ان ببساطة تقول الكلمة ديه. وطبعا فيه اسباب تانيه غير اللي ذكرتها .. ممكن تكون موجودة وممكن لا .. بس هقولها علشان حضرتك برضه تبقى في الصورة. زي مثلا التشتت، لما الواحد يكون مشتت ما بين كذا حاجه قدامه بيمل ومش بيعمل ولا حاجه. زي مثلا اتعلم لغة ولا برمجة ولا اروح اتعلم جرافيك ولا تسويق، ولا اعمل ايه...؟ وكل شوية بكلام وكل شوية بقرار. ديه اكتر حاجه تخليك مش راسي على بر، وتخليك تزهق بسرعة، وتنفر من اللي انت ناوي تعمله. زي مثلا انك تبدا بحماس اوي في بداية التعلم. ديه كمان حاجه تخليك تيجي في النص كده وتلاقي نفسك لا مش قادر اكمل .. الموضوع عامل زي السباق بالظبط، داخل سباق وداخل بكل سرعتك، هتيجي قبل ما تيجي ع خط النهائي هتلاقي نفسك مش قادر تجيب نص الطريق كمان، اما لو داخل السباق واحدة واحده، كل شوية تزود سرعتك، الموضوع هيفرق جدا معاك، وتجيب خط النهاية وانت مرتاح. بالتوفيق ليك ان شاء الله
تم النشر الأحد، ٣ ديسمبر ٢٠٢٣
ابحث على اليوتيوب فيه ناس كتير بتتكلم عن الموضوع ده منهم قناة دروس اونلاين فيديو ليه مبنكملشي في اللي بنبداه استمر طول ما عندك فضول وهتوصل انشاء الله
تم النشر الثلاثاء، ٥ ديسمبر ٢٠٢٣
السلام عليكم ورحمة الله وبركاته وبعد فالسغف مؤقت مثل العداد التنازلي فلا تعتمد عليه أخي في الله وإنما أعتمد على الله وتوكل عليه وخُذ بحديث الرسول صلوات ربي وسلامه عليه ﴿أحب الأعمال إلى الله أدومها وإن قلّ}
تم النشر الأحد، ٣ ديسمبر ٢٠٢٣
خلي شغفك مستمر حتي نهايه الشي بمعني اقعد ديما حفذ نفسك وخاليك ديما فاكر اللي وصل لشئ موصلش في يوم وليله بالعكس حول كثير علي سبيل المثال تومس اديسون مخترع المصباح الكربائي حاول صناعه المصباح999مره وفشل ولكن في المره الالف نجح شو مجدي يعقوب أو احمد زويل وغيرهم كتير ومحمد صلاح حط لنفسك هدف واحد اعملو بعد كده هدف الثاني واوعاك تحط كذا هدف في نفس الوقت علي شان لو عاملت كده عمرك مهتنجز اي حاجه في حياتك
تم النشر الأحد، ٣ ديسمبر ٢٠٢٣
كنت كدا لحد ما عرفت ان بمجرد اكسر الحاجز اللي بيني و بين الحاجه ايا كان كسل او قلة شغف او قلة وقت المهم اعرف الحاجز و اواجه ده فورا طبعا مش بالسهوله دي بي اصعب خطوه هي اول خطوه و هوب فجأه الايام تعدي و تلاقي نفسك جوه الحاجه و بتطور و تتقدم و فكرتك عن الموضوع و الصعوبه و كل ده بيروح و تسأل نفسك انا اي مشكلتي ليـّۓ متعلمتش ده م̷ـــِْن بدري ...
تم النشر الأحد، ٣ ديسمبر ٢٠٢٣
لعرض السؤال في فدني اضغط هنا