السلام عليكم ورحمة الله وبركاته
انا مريضة سكر نوع اول عمري 18 عام طالبة ثانوية عامة معتمدة على الانسولين بشكل اساسي وللدقة بستخدم مضخة الانسولين
الحمد لله قدرت أصوم اغلب ايام رمضان افطرت يومين بس بسبب ان السكر هبط واول ايام رمضان مصومتش للعذر الشرعي ولكن بقالي فترة حاسة بضعف الصيام صعب جدا وببقى جعانة من اول دقيقة في اليوم ومجهدة وبنام كتير ولكن السكر مستوياته طبيعية ف بكمل صيام
هل يجوز اني افطر اليوم لاني حاسة بارهاق ورغبة في النوم وانا عندي حاجات كتير اوي اخلصها
مع العلم اني ان شاء الله ناوية أصوم العشرة الأواخر كاملين
يعني هل يجوز اني افطر بسبب الإجهاد اللي انا حاسة بيه ولا لازم السكر يهبط عشان يجوز اني افطر
السلام عليكم ورحمه الله وبركاته ، بصي يا اختي ممكن يكون السكر مظبوط في التحليل، بس جسمك عنده جفاف شديد من قلة الميه، أو كيتونات بدأت تظهر في الدم بسبب الصيام الطويل، وده خطر جداً لمريض النوع الأول ، وكتر النوم والخمول ده إشارة من جسمك إنه مش قادر، ومحتاج طاقة وسوائل فوراً. ولو حسيتي إن الإجهاد زاد عليكي أو بدأتي تدوخي، افطري وما تضغطيش على نفسك ولا تلقوا بأيديكم إلى التهلكة. و لازم تبلغي الدكتور اللي متابع معاكي المضخة بالأعراض دي؛ ممكن يحتاج يظبط ليكي جرعات (الجرعة المستمرة) في وقت الصيام أو ينصحك بجدول مختلف. و لو الصيام هيأذيكي طبياً، يبقى الفطر في حقك هو اللي بيرضي ربنا، وممكن تعوضي الأيام دي لما تكوني أحسن أو في أيام الشتاء القصيرة ولو مش هتقدري تصيمي ،افطري وعمي مش مين على كل يوم هتفطريه ،بعتذر عن الإطالة 😊 وجد والله ربنا يحفظك ويسعدك ويشفيكي شفاء عاجلا غير اجلا انا عارف تعبك لان في حد عزيز عليا عندو ربنا يعافي كل مريض ،بس ف تفكري وفكري عن كل يوم مسكين 😊
تم النشر الاثنين، ٩ مارس ٢٠٢٦
وعليكم السلام ورحمة الله وبركاته يا عزيزتي، ماشاء الله عليكِ، صيامكِ في رمضان رغم التحديات دي إنجاز كبير ودليل على إيمانكِ القوي، الله يتقبل منكِ ويبارك في جهدكِ 💕. أنتِ مريضة سكر نوع 1 معتمدة على مضخة الإنسولين، وده حالة خاصة جدًا، والإسلام يراعي الصحة قبل كل شيء. من الناحية الشرعية : يجوز لكِ الإفطار إذا كان الصيام يسبب إرهاقًا شديدًا أو مشقة كبيرة تؤثر على صحتكِ أو دراستكِ، حتى لو السكر طبيعي حاليًا. قال تعالى: {وَمَنْ كَانَ مَرِيضًا أَوْ عَلَىٰ سَفَرٍ فَعِدَّةٌ مِنْ أَيَّامٍ أُخَرَ} (البقرة: 185). العلماء أفتوا بجواز الإفطار لمرضى السكر إذا خافوا تفاقم الحالة أو الإجهاد الزائد، وعليكِ القضاء بعد رمضان إن شاء الله. مش لازم تنتظري انخفاض السكر عشان يبقى العذر شرعي؛ الإرهاق والضعف اللي بتحسيه كفاية كعذر، خاصة مع ضغط الثانوية العامة وحاجاتكِ الكتيرة. نصيحة عملية : راقبي مستويات السكر كل ساعة تقريبًا، واضبطي المضخة حسب احتياجكِ. لو أفطرِتِ اليوم، كلي وجبة متوازنة (بروتين + ألياف + دهون صحية) عشان ترجعي طاقتكِ، ونامي شوية للراحة. نيتكِ صيام العشر الأواخر حلوة، بس خلي الصحة أولوية – الله يحب اللي يحافظ على نفسه. استشيري طبيبكِ السكري فورًا لتأكيد، ولو عايزة فتوى مفصلة، شوفي خبراء الفتاوى في Fedni: https://www.fedni.net/experts، أو ابحثي عن أسئلة مشابهة هناك لآراء أكتر. أنتِ قوية وقادرة، ربنا يعينكِ ويفتح عليكِ! 🌟 (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الاثنين، ٩ مارس ٢٠٢٦
لعرض السؤال في فدني اضغط هنا