انتى لازم تتعرفى على صحاب تانيه طالما صحابك او زمايلك دول مش حاسين بيكى انتى لازم تعملى لنفسك كرامه وكيان ومتحسسيش حد انك محتاجاه عشان لو حد عرف انك محتاجاه هيسيبك ويمشى هيفكر نفسوا مهم وان هو الهوا بالنسبالم فهمانى يعنى لازم تتعرفى على ناس وتقعدى وتتكلمى وتشوفى عقلانية كل شخص فيهم وكة ده مبنى على راحتك النفسيه معهم لازم تحسى بأمان وهما معاكى يكونوا ف ضلك لو هما بيحبوكى اللى بيحب حد بيضحى وانتى حبتيهم وضحيتى وكفايه تضحيه مش هتاخدى غير ان عمرك بيفوت وانتى مش حاسه بالصداقه ولا نفسيتك مرتاحه
بصي الناس الحساسه ديما ليهم شروط مهمه اوي عشان تقدري تعيشي حياه موزونه مع نفسك ومع الناس ... اول حاجه انك تحترمي مشاعرك وتحاولي تلقطيها قبل ماتطنشيها ...لو لقيتي حاجه زعلتك فاعرفي ان مشاعرك هنا حقيقيه محدش يقدر ينكرها عليكي طالما زعلتي واثرت فيكي يبقا احساسك صح وحقيقي ولازم يحترم منك اولا قبل اي حد ...فالما بنحترم شعورنا ونسمعوا كلمي نفسك ليه زعلت لما حصل كده ... حسيت بأيه بظبط خذلان ..التقليل ... الاستهزاء... ظلم... طيب فرضا لو حسيت بالاستهزاء ...هو انا فعلا حاسه اني شخص غريب وان ده شئ عادي ان حد يستهزء بيه ؟! والا ده كان هزار بس لما هزروه معايا مقدرتش استحمله مع انهم ميقصدوش حاجه ...؟ والا انا متأكده تماما انهم بيعملوا ده عشان يضايقوني ؟! .... طيب هل انا عارفه احط الناس في حدودها الصح اصلا بالنسبالي ؟!... ياترى الاشخاص اللي مبحتاجش احطلهم حدود كتير وبرتاح جدا قي التعامل معاهم دول يستحقوا احطهم في اقرب دايره ليا ؟؟ والا دول مش مريحين خالص مع اني بحبهم بس مش مناسبين ليا ...يبقا انا محتاجه احطهم في دايره ابعد شويه عشان الدايره دي انا لا هنتظر منهم حاجه ولا اصلا هتأثر ب كلامهم لانهم مش قريبين مني ..لكن ممكن نشترك مع بعض في هزار خروجه شغل ...بس .. طيب امتى اقول ان الشخص ده يستحق يبقا في دوايري القريبه ؟؟ ..هل كفايه انه يكون بيحبني او انا بحبه بس؟! والا لازم يكون فيه احترام ...تقبل .... جدعنه .... اخلاص ... ياترى ايه اهم حاجات بالنسبالي لازم تكون في الشخص المقرب ده ؟! طيب انا محتاجه قد ايه عشان اقدر اعرف الشخص ده بحقيقته ؟؟! على حسب مدة العشره والصداقه ومرورنا بظروف مختلفه بشده صعوبتها ...وقتها بس اقدر احكم الصديقه دي تنفع والا لا ... مهم اوي بما اني شخص حساس اعرف كويس ان طبيعي جدا الناس متكونش شبهي لاني نمط مختلف شويه عن انماط الناس التانيه ...انا مشاعري هي اساس كل حاجه وديما ادق الحاجات ممكن اشوفها بشكل مختلف خالص عن غيري ..وده لاهو عيب فيا ولا عيب في الاخرين ...لكن مهم اوي اني اقدر اتعامل مع نمطي صح ...انا ممكن اشوف الامور اكبر من حجمها اه ...يبقا انا محتاجه اقدر اخد لنفسي مساحه اكبر اسيب فيها مشاعري تهدا خالص واقدر احكم عالموقف بشكل اعقل وافضل فمتستعجليش في الحكم عالامور ... طبعا للناس العمليه مبتكنش كده خالص مشاعرهم مبتكونش مشوشره خالص ..وبيقدروا يتحكموا وياخدو قرارات بشكل اسهل شويه ...فتقبلي نفسك وراعيها بالحب والقبول لنفسك لن فعلا مميزة وناس كتير تحب اللي زيك لانهم بيضيفوا في قلوب الناس مشاعر كتبر نفسهم يحسو بيها ...
تم النشر السبت، ١١ مايو ٢٠٢٤
لعرض الإجابة في فدني اضغط هنا